ישעיהו

אָשִׁ֤ירָהa נָּא֙ לִֽידִידִ֔יb שִׁירַ֥תc דֹּודִ֖י לְכַרְמֹ֑ו כֶּ֛רֶם הָיָ֥הd לִֽידִידִ֖יe בְּקֶ֥רֶן בֶּן־שָֽׁמֶן׃

2 וַֽיְעַזְּקֵ֣הוּa וַֽיְסַקְּלֵ֗הוּb וַיִּטָּעֵ֨הוּ֙c שֹׂרֵ֔קd וַיִּ֤בֶןe מִגְדָּל֙f בְּתֹוכֹ֔ו וְגַם־יֶ֖קֶבg חָצֵ֣בh בֹּ֑ו וַיְקַ֛וi לַעֲשֹׂ֥ותj עֲנָבִ֖יםk וַיַּ֥עַשׂl בְּאֻשִֽׁיםm ׃

3 וְעַתָּ֛ה יֹושֵׁ֥ב יְרוּשָׁלִַ֖ם וְאִ֣ישׁ יְהוּדָ֑ה שִׁפְטוּa ־נָ֕א בֵּינִ֖י וּבֵ֥ין כַּרְמִֽי׃

4 מַה־לַּעֲשֹׂ֥ותa עֹוד֙ לְכַרְמִ֔י וְלֹ֥א עָשִׂ֖יתִיb בֹּ֑ו מַדּ֧וּעַ קִוֵּ֛יתִיc לַעֲשֹׂ֥ותd עֲנָבִ֖יםe וַיַּ֥עַשׂf בְּאֻשִֽׁיםg ׃

5 וְעַתָּה֙ אֹודִֽיעָהa ־נָּ֣א אֶתְכֶ֔ם אֵ֛ת אֲשֶׁר־אֲנִ֥י עֹשֶׂ֖הb לְכַרְמִ֑י הָסֵ֤רc מְשׂוּכָּתֹו֙d וְהָיָ֣הe לְבָעֵ֔רf פָּרֹ֥ץg גְּדֵרֹ֖וh וְהָיָ֥הi לְמִרְמָֽסj ׃

6 וַאֲשִׁיתֵ֣הוּa בָתָ֗הb לֹ֤א יִזָּמֵר֙c וְלֹ֣א יֵעָדֵ֔רd וְעָלָ֥הe שָׁמִ֖ירf וָשָׁ֑יִתg וְעַ֤ל הֶעָבִים֙h אֲצַוֶּ֔הi מֵהַמְטִ֥ירj עָלָ֖יו מָטָֽרk ׃

7 כִּ֣י כֶ֜רֶם יְהוָ֤ה צְבָאֹות֙ בֵּ֣ית יִשְׂרָאֵ֔ל וְאִ֣ישׁ יְהוּדָ֔ה נְטַ֖עa שַׁעֲשׁוּעָ֑יוb וַיְקַ֤וc לְמִשְׁפָּט֙ וְהִנֵּ֣ה מִשְׂפָּ֔חd לִצְדָקָ֖ה וְהִנֵּ֥ה צְעָקָֽהe ׃ ס

8 הֹ֗וי מַגִּיעֵ֥יa בַ֨יִת֙ בְּבַ֔יִת שָׂדֶ֥ה בְשָׂדֶ֖ה יַקְרִ֑יבוּb עַ֚ד אֶ֣פֶסc מָקֹ֔ום וְהֽוּשַׁבְתֶּ֥םd לְבַדְּכֶ֖ם בְּקֶ֥רֶב הָאָֽרֶץ׃

9 בְּאָזְנָ֖י יְהוָ֣ה צְבָאֹ֑ות אִם־לֹ֞א בָּתִּ֤ים רַבִּים֙ לְשַׁמָּ֣הa יִֽהְי֔וּb גְּדֹלִ֥ים וְטֹובִ֖ים מֵאֵ֥ין יֹושֵֽׁב׃

10 כִּ֗י עֲשֶׂ֨רֶת֙ צִמְדֵּיa ־כֶ֔רֶם יַעֲשׂ֖וּb בַּ֣תc אֶחָ֑ת וְזֶ֥רַע חֹ֖מֶרd יַעֲשֶׂ֥הe אֵיפָֽהf ׃ פ

11 הֹ֛וי מַשְׁכִּימֵ֥יa בַבֹּ֖קֶר שֵׁכָ֣רb יִרְדֹּ֑פוּc מְאַחֲרֵ֣יd בַנֶּ֔שֶׁףe יַ֖יִן יַדְלִיקֵֽםf ׃

12 וְהָיָ֨הa כִנֹּ֜ורb וָנֶ֗בֶלc תֹּ֧ףd וְחָלִ֛ילe וָיַ֖יִן מִשְׁתֵּיהֶ֑םf וְאֵ֨ת פֹּ֤עַלg יְהוָה֙ לֹ֣א יַבִּ֔יטוּh וּמַעֲשֵׂ֥ה יָדָ֖יו לֹ֥א רָאֽוּi ׃

13 לָכֵ֛ן גָּלָ֥הa עַמִּ֖י מִבְּלִי־דָ֑עַת וּכְבֹודֹו֙ מְתֵ֣יb רָעָ֔ב וַהֲמֹונֹ֖ו צִחֵ֥הc צָמָֽאd ׃

14 לָכֵ֗ן הִרְחִ֤יבָהa שְּׁאֹול֙ נַפְשָׁ֔הּ וּפָעֲרָ֥הb פִ֖יהָ לִבְלִי־חֹ֑ק וְיָרַ֨דc הֲדָרָ֧הּd וַהֲמֹונָ֛הּ וּשְׁאֹונָ֖הּe וְעָלֵ֥זf בָּֽהּ׃

15 וַיִּשַּׁ֥חa אָדָ֖ם וַיִּשְׁפַּלb ־אִ֑ישׁ וְעֵינֵ֥י גְבֹהִ֖יםc תִּשְׁפַּֽלְנָהd ׃

16 וַיִּגְבַּ֛הa יְהוָ֥ה צְבָאֹ֖ות בַּמִּשְׁפָּ֑ט וְהָאֵל֙ הַקָּדֹ֔ושׁ נִקְדָּ֖שׁb בִּצְדָקָֽה׃

17 וְרָע֥וּa כְבָשִׂ֖ים כְּדָבְרָ֑םb וְחָרְבֹ֥ותc מֵחִ֖יםd גָּרִ֥ים יֹאכֵֽלוּe ׃

18 הֹ֛וי מֹשְׁכֵ֥יa הֶֽעָוֹ֖ן בְּחַבְלֵ֣י הַשָּׁ֑וְא וְכַעֲבֹ֥ותb הָעֲגָלָ֖הc חַטָּאָֽהd ׃

19 הָאֹמְרִ֗יםa יְמַהֵ֧רb ׀ יָחִ֛ישָׁהc מַעֲשֵׂ֖הוּ לְמַ֣עַן נִרְאֶ֑הd וְתִקְרַ֣בe וְתָבֹ֗ואָהf עֲצַ֛ת קְדֹ֥ושׁ יִשְׂרָאֵ֖ל וְנֵדָֽעָהg ׃ ס

20 הֹ֣וי הָאֹמְרִ֥יםa לָרַ֛ע טֹ֖וב וְלַטֹּ֣וב רָ֑ע שָׂמִ֨יםb חֹ֤שֶׁךְ לְאֹור֙ וְאֹ֣ור לְחֹ֔שֶׁךְ שָׂמִ֥יםc מַ֛רd לְמָתֹ֖וקe וּמָתֹ֥וקf לְמָֽרg ׃ ס

21 הֹ֖וי חֲכָמִ֣ים בְּעֵֽינֵיהֶ֑ם וְנֶ֥גֶד פְּנֵיהֶ֖ם נְבֹנִֽיםa ׃

22 הֹ֕וי גִּבֹּורִ֖ים לִשְׁתֹּ֣ותa יָ֑יִן וְאַנְשֵׁי־חַ֖יִל לִמְסֹ֥ךְb שֵׁכָֽרc ׃

23 מַצְדִּיקֵ֥יa רָשָׁ֖ע עֵ֣קֶבb שֹׁ֑חַדc וְצִדְקַ֥ת צַדִּיקִ֖ים יָסִ֥ירוּd מִמֶּֽנּוּ׃ ס

24 לָכֵן֩ כֶּאֱכֹ֨לa קַ֜שׁb לְשֹׁ֣ון אֵ֗שׁ וַחֲשַׁ֤שׁc לֶֽהָבָה֙d יִרְפֶּ֔הe שָׁרְשָׁם֙f כַּמָּ֣קg יִֽהְיֶ֔הh וּפִרְחָ֖םi כָּאָבָ֣קj יַעֲלֶ֑הk כִּ֣י מָאֲס֗וּl אֵ֚ת תֹּורַת֙ יְהוָ֣ה צְבָאֹ֔ות וְאֵ֛ת אִמְרַ֥תm קְדֹֽושׁ־יִשְׂרָאֵ֖ל נִאֵֽצוּn ׃

25 עַל־כֵּ֡ן חָרָה֩a אַף־יְהוָ֨ה בְּעַמֹּ֜ו וַיֵּ֣טb יָדֹ֧ו עָלָ֣יו וַיַּכֵּ֗הוּc וַֽיִּרְגְּזוּ֙d הֶֽהָרִ֔ים וַתְּהִ֧יe נִבְלָתָ֛םf כַּסּוּחָ֖הg בְּקֶ֣רֶב חוּצֹ֑ות בְּכָל־זֹאת֙ לֹא־שָׁ֣בh אַפֹּ֔ו וְעֹ֖וד יָדֹ֥ו נְטוּיָֽהi ׃

26 וְנָֽשָׂאa ־נֵ֤סb לַגֹּויִם֙ מֵרָחֹ֔וק וְשָׁ֥רַקc לֹ֖ו מִקְצֵ֣ה הָאָ֑רֶץ וְהִנֵּ֥ה מְהֵרָ֖הd קַ֥לe יָבֹֽואf ׃

27 אֵין־עָיֵ֤ףa וְאֵין־כֹּושֵׁל֙ בֹּ֔ו לֹ֥א יָנ֖וּםb וְלֹ֣א יִישָׁ֑ןc וְלֹ֤א נִפְתַּח֙d אֵזֹ֣ורe חֲלָצָ֔יוf וְלֹ֥א נִתַּ֖קg שְׂרֹ֥וךְh נְעָלָֽיוi ׃

28 אֲשֶׁ֤ר חִצָּיו֙ שְׁנוּנִ֔יםa וְכָל־קַשְּׁתֹתָ֖יו דְּרֻכֹ֑ות פַּרְסֹ֤ותb סוּסָיו֙ כַּצַּ֣רc נֶחְשָׁ֔בוּd וְגַלְגִּלָּ֖יוe כַּסּוּפָֽהf ׃

29 שְׁאָגָ֥הa לֹ֖ו כַּלָּבִ֑יאb ושׁאגc כַּכְּפִירִ֤יםd וְיִנְהֹם֙e וְיֹאחֵ֣זf טֶ֔רֶףg וְיַפְלִ֖יטh וְאֵ֥ין מַצִּֽילi ׃

30 וְיִנְהֹ֥םa עָלָ֛יו בַּיֹּ֥ום הַה֖וּא כְּנַהֲמַתb ־יָ֑ם וְנִבַּ֤טc לָאָ֨רֶץ֙ וְהִנֵּה־חֹ֔שֶׁךְ צַ֣רd וָאֹ֔ור חָשַׁ֖ךְe בַּעֲרִיפֶֽיהָf ׃ פ