ישעיהו

שִׁמְע֤וּa אִיִּים֙b אֵלַ֔י וְהַקְשִׁ֥יבוּc לְאֻמִּ֖יםd מֵרָחֹ֑וק יְהוָה֙ מִבֶּ֣טֶן קְרָאָ֔נִיe מִמְּעֵ֥יf אִמִּ֖י הִזְכִּ֥ירg שְׁמִֽי׃

2 וַיָּ֤שֶׂםa פִּי֙ כְּחֶ֣רֶב חַדָּ֔הb בְּצֵ֥ל יָדֹ֖ו הֶחְבִּיאָ֑נִיc וַיְשִׂימֵ֨נִי֙d לְחֵ֣ץ בָּר֔וּרe בְּאַשְׁפָּתֹ֖וf הִסְתִּירָֽנִיg ׃

3 וַיֹּ֥אמֶרa לִ֖י עַבְדִּי־אָ֑תָּה יִשְׂרָאֵ֕ל אֲשֶׁר־בְּךָ֖ אֶתְפָּאָֽרb ׃

4 וַאֲנִ֤י אָמַ֨רְתִּי֙a לְרִ֣יקb יָגַ֔עְתִּיc לְתֹ֥הוּd וְהֶ֖בֶל כֹּחִ֣י כִלֵּ֑יתִיe אָכֵן֙f מִשְׁפָּטִ֣י אֶת־יְהוָ֔ה וּפְעֻלָּתִ֖יg אֶת־אֱלֹהָֽי׃

5 וְעַתָּ֣ה׀ אָמַ֣רa יְהוָ֗ה יֹצְרִ֤יb מִבֶּ֨טֶן֙ לְעֶ֣בֶד לֹ֔ו לְשֹׁובֵ֤בc יַֽעֲקֹב֙ אֵלָ֔יו וְיִשְׂרָאֵ֖ל לאd יֵאָסֵ֑ףe וְאֶכָּבֵד֙f בְּעֵינֵ֣י יְהוָ֔ה וֵאלֹהַ֖י הָיָ֥הg עֻזִּֽיh ׃

6 וַיֹּ֗אמֶרa נָקֵ֨לb מִֽהְיֹותְךָ֥c לִי֙ עֶ֔בֶד לְהָקִים֙d אֶת־שִׁבְטֵ֣י יַעֲקֹ֔ב ונציריe יִשְׂרָאֵ֖ל לְהָשִׁ֑יבf וּנְתַתִּ֨יךָ֙g לְאֹ֣ור גֹּויִ֔ם לִֽהְיֹ֥ותh יְשׁוּעָתִ֖י עַד־קְצֵ֥ה הָאָֽרֶץ׃ ס

7 כֹּ֣ה אָֽמַרa ־יְהוָה֩ גֹּאֵ֨לb יִשְׂרָאֵ֜ל קְדֹושֹׁ֗ו לִבְזֹהc ־נֶ֜פֶשׁ לִמְתָ֤עֵֽבd גֹּוי֙ לְעֶ֣בֶד מֹשְׁלִ֔ים מְלָכִים֙ יִרְא֣וּe וָקָ֔מוּf שָׂרִ֖ים וְיִֽשְׁתַּחֲוּ֑וּg לְמַ֤עַן יְהוָה֙ אֲשֶׁ֣ר נֶאֱמָ֔ןh קְדֹ֥שׁ יִשְׂרָאֵ֖ל וַיִּבְחָרֶֽךָּi ׃

8 כֹּ֣ה׀ אָמַ֣רa יְהוָ֗ה בְּעֵ֤ת רָצֹון֙ עֲנִיתִ֔יךָb וּבְיֹ֥ום יְשׁוּעָ֖ה עֲזַרְתִּ֑יךָc וְאֶצָּרְךָ֗d וְאֶתֶּנְךָ֙e לִבְרִ֣ית עָ֔ם לְהָקִ֣יםf אֶ֔רֶץ לְהַנְחִ֖ילg נְחָלֹ֥ות שֹׁמֵמֹֽות׃

9 לֵאמֹ֤רa לַֽאֲסוּרִים֙ צֵ֔אוּb לַאֲשֶׁ֥ר בַּחֹ֖שֶׁךְ הִגָּל֑וּc עַל־דְּרָכִ֣ים יִרְע֔וּd וּבְכָל־שְׁפָיִ֖יםe מַרְעִיתָֽםf ׃

10 לֹ֤א יִרְעָ֨בוּ֙a וְלֹ֣א יִצְמָ֔אוּb וְלֹא־יַכֵּ֥םc שָׁרָ֖בd וָשָׁ֑מֶשׁ כִּי־מְרַחֲמָ֣םe יְנַהֲגֵ֔םf וְעַל־מַבּ֥וּעֵיg מַ֖יִם יְנַהֲלֵֽםh ׃

11 וְשַׂמְתִּ֥יa כָל־הָרַ֖י לַדָּ֑רֶךְ וּמְסִלֹּתַ֖יb יְרֻמֽוּןc ׃

12 הִנֵּה־אֵ֕לֶּה מֵרָחֹ֖וק יָבֹ֑אוּa וְהִֽנֵּה־אֵ֨לֶּה֙ מִצָּפֹ֣ון וּמִיָּ֔ם וְאֵ֖לֶּה מֵאֶ֥רֶץ סִינִֽיםb ׃

13 רָנּ֤וּa שָׁמַ֨יִם֙ וְגִ֣ילִיb אָ֔רֶץ יפצחוc הָרִ֖ים רִנָּ֑הd כִּֽי־נִחַ֤םe יְהוָה֙ עַמֹּ֔ו וַעֲנִיָּ֖ו יְרַחֵֽםf ׃ ס

14 וַתֹּ֥אמֶרa צִיֹּ֖ון עֲזָבַ֣נִיb יְהוָ֑ה וַאדֹנָ֖י שְׁכֵחָֽנִיc ׃

15 הֲתִשְׁכַּ֤חa אִשָּׁה֙ עוּלָ֔הּb מֵרַחֵ֖םc בֶּן־בִּטְנָ֑הּ גַּם־אֵ֣לֶּה תִשְׁכַּ֔חְנָהd וְאָנֹכִ֖י לֹ֥א אֶשְׁכָּחֵֽךְe ׃

16 הֵ֥ן עַל־כַּפַּ֖יִם חַקֹּתִ֑יךְa חֹומֹתַ֥יִךְ נֶגְדִּ֖י תָּמִֽיד׃

17 מִֽהֲר֖וּa בָּנָ֑יִךְ מְהָֽרְסַ֥יִךְb וּמַחֲרִבַ֖יִךְc מִמֵּ֥ךְ יֵצֵֽאוּd ׃

18 שְׂאִֽיa ־סָבִ֤יב עֵינַ֨יִךְ֙ וּרְאִ֔יb כֻּלָּ֖ם נִקְבְּצ֣וּc בָֽאוּd ־לָ֑ךְ חַי־אָ֣נִי נְאֻם־יְהוָ֗ה כִּ֤י כֻלָּם֙ כָּעֲדִ֣יe תִלְבָּ֔שִׁיf וּֽתְקַשְּׁרִ֖יםg כַּכַּלָּֽהh ׃

19 כִּ֤י חָרְבֹתַ֨יִךְ֙a וְשֹׁ֣מְמֹתַ֔יִךְ וְאֶ֖רֶץ הֲרִֽסֻתֵ֑יךְb כִּ֤י עַתָּה֙ תֵּצְרִ֣יc מִיֹּושֵׁ֔ב וְרָחֲק֖וּd מְבַלְּעָֽיִךְe ׃

20 עֹ֚וד יֹאמְר֣וּa בְאָזְנַ֔יִךְ בְּנֵ֖י שִׁכֻּלָ֑יִךְb צַרc ־לִ֥י הַמָּקֹ֖ום גְּשָׁהd ־לִּ֥י וְאֵשֵֽׁבָהe ׃

21 וְאָמַ֣רְתְּa בִּלְבָבֵ֗ךְ מִ֤י יָֽלַדb ־לִי֙ אֶת־אֵ֔לֶּה וַאֲנִ֥י שְׁכוּלָ֖הc וְגַלְמוּדָ֑הd גֹּלָ֣הe ׀ וְסוּרָ֗הf וְאֵ֨לֶּה֙ מִ֣י גִדֵּ֔לg הֵ֤ן אֲנִי֙ נִשְׁאַ֣רְתִּיh לְבַדִּ֔י אֵ֖לֶּה אֵיפֹ֥הi הֵֽם׃ פ

22 כֹּֽה־אָמַ֞רa אֲדֹנָ֣י יְהוִ֗ה הִנֵּ֨ה אֶשָּׂ֤אb אֶל־גֹּויִם֙ יָדִ֔י וְאֶל־עַמִּ֖ים אָרִ֣יםc נִסִּ֑יd וְהֵבִ֤יאוּe בָנַ֨יִךְ֙ בְּחֹ֔צֶןf וּבְנֹתַ֖יִךְ עַל־כָּתֵ֥ף תִּנָּשֶֽׂאנָהg ׃

23 וְהָי֨וּa מְלָכִ֜ים אֹֽמְנַ֗יִךְ וְשָׂרֹֽותֵיהֶם֙b מֵינִ֣יקֹתַ֔יִךְc אַפַּ֗יִם אֶ֚רֶץ יִשְׁתַּ֣חֲווּd לָ֔ךְ וַעֲפַ֥ר רַגְלַ֖יִךְ יְלַחֵ֑כוּe וְיָדַ֨עַתְּ֙f כִּֽי־אֲנִ֣י יְהוָ֔ה אֲשֶׁ֥ר לֹֽא־יֵבֹ֖שׁוּg קֹוָֽיh ׃ ס

24 הֲיֻקַּ֥חa מִגִּבֹּ֖ור מַלְקֹ֑וחַb וְאִם־שְׁבִ֥יc צַדִּ֖יק יִמָּלֵֽטd ׃

25 כִּי־כֹ֣ה׀ אָמַ֣רa יְהוָ֗ה גַּם־שְׁבִ֤יb גִבֹּור֙ יֻקָּ֔חc וּמַלְקֹ֥וחַd עָרִ֖יץe יִמָּלֵ֑טf וְאֶת־יְרִיבֵךְ֙g אָנֹכִ֣י אָרִ֔יבh וְאֶת־בָּנַ֖יִךְ אָנֹכִ֥י אֹושִֽׁיעַi ׃

26 וְהַאֲכַלְתִּ֤יa אֶת־מֹונַ֨יִךְ֙b אֶת־בְּשָׂרָ֔ם וְכֶעָסִ֖יסc דָּמָ֣ם יִשְׁכָּר֑וּןd וְיָדְע֣וּe כָל־בָּשָׂ֗ר כִּ֣י אֲנִ֤י יְהוָה֙ מֹֽושִׁיעֵ֔ךְ וְגֹאֲלֵ֖ךְ אֲבִ֥ירf יַעֲקֹֽב׃ ס