ישעיהו

רְדִ֣יa ׀ וּשְׁבִ֣יb עַל־עָפָ֗ר בְּתוּלַת֙ בַּת־בָּבֶ֔ל שְׁבִיc ־לָאָ֥רֶץ אֵין־כִּסֵּ֖א בַּת־כַּשְׂדִּ֑ים כִּ֣י לֹ֤א תֹוסִ֨יפִי֙d יִקְרְאוּe ־לָ֔ךְ רַכָּ֖הf וַעֲנֻגָּֽהg ׃

2 קְחִ֥יa רֵחַ֖יִםb וְטַ֣חֲנִיc קָ֑מַחd גַּלִּ֨יe צַמָּתֵ֧ךְf חֶשְׂפִּיg ־שֹׁ֛בֶלh גַּלִּיi ־שֹׁ֖וקj עִבְרִ֥יk נְהָרֹֽות׃

3 תִּגָּל֙a עֶרְוָתֵ֔ךְ גַּ֥ם תֵּרָאֶ֖הb חֶרְפָּתֵ֑ךְ נָקָ֣םc אֶקָּ֔חd וְלֹ֥א אֶפְגַּ֖עe אָדָֽם׃ ס

4 גֹּאֲלֵ֕נוּ יְהוָ֥ה צְבָאֹ֖ות שְׁמֹ֑ו קְדֹ֖ושׁ יִשְׂרָאֵֽל׃

5 שְׁבִ֥יa דוּמָ֛םb וּבֹ֥אִיc בַחֹ֖שֶׁךְ בַּת־כַּשְׂדִּ֑ים כִּ֣י לֹ֤א תֹוסִ֨יפִי֙d יִקְרְאוּe ־לָ֔ךְ גְּבֶ֖רֶתf מַמְלָכֹֽות׃

6 קָצַ֣פְתִּיa עַל־עַמִּ֗י חִלַּ֨לְתִּי֙b נַחֲלָתִ֔י וָאֶתְּנֵ֖םc בְּיָדֵ֑ךְ לֹא־שַׂ֤מְתְּd לָהֶם֙ רַחֲמִ֔יםe עַל־זָקֵ֕ן הִכְבַּ֥דְתְּf עֻלֵּ֖ךְg מְאֹֽד׃

7 וַתֹּ֣אמְרִ֔יa לְעֹולָ֖ם אֶהְיֶ֣הb גְבָ֑רֶתc עַ֣ד לֹא־שַׂ֥מְתְּd אֵ֨לֶּה֙ עַל־לִבֵּ֔ךְ לֹ֥א זָכַ֖רְתְּe אַחֲרִיתָֽהּ׃ ס

8 וְעַתָּ֞ה שִׁמְעִיa ־זֹ֤את עֲדִינָה֙b הַיֹּושֶׁ֣בֶתc לָבֶ֔טַחd הָאֹֽמְרָה֙e בִּלְבָ֔בָהּ אֲנִ֖י וְאַפְסִ֣יf עֹ֑וד לֹ֤א אֵשֵׁב֙g אַלְמָנָ֔ה וְלֹ֥א אֵדַ֖עh שְׁכֹֽולi ׃

9 וְתָבֹאנָה֩a לָּ֨ךְ שְׁתֵּי־אֵ֥לֶּה רֶ֛גַעb בְּיֹ֥ום אֶחָ֖ד שְׁכֹ֣ולc וְאַלְמֹ֑ןd כְּתֻמָּם֙e בָּ֣אוּf עָלַ֔יִךְ בְּרֹ֣ב כְּשָׁפַ֔יִךְg בְּעָצְמַ֥תh חֲבָרַ֖יִךְi מְאֹֽד׃

10 וַתִּבְטְחִ֣יa בְרָעָתֵ֗ךְ אָמַרְתְּ֙b אֵ֣ין רֹאָ֔נִיc חָכְמָתֵ֥ךְ וְדַעְתֵּ֖ךְ הִ֣יא שֹׁובְבָ֑תֶךְd וַתֹּאמְרִ֣יe בְלִבֵּ֔ךְ אֲנִ֖י וְאַפְסִ֥יf עֹֽוד׃

11 וּבָ֧אa עָלַ֣יִךְ רָעָ֗ה לֹ֤א תֵדְעִי֙b שַׁחְרָ֔הּc וְתִפֹּ֤לd עָלַ֨יִךְ֙ הֹוָ֔הe לֹ֥א תוּכְלִ֖יf כַּפְּרָ֑הּg וְתָבֹ֨אh עָלַ֧יִךְ פִּתְאֹ֛םi שֹׁואָ֖הj לֹ֥א תֵדָֽעִיk ׃

12 עִמְדִיa ־נָ֤א בַחֲבָרַ֨יִךְ֙b וּבְרֹ֣ב כְּשָׁפַ֔יִךְc בַּאֲשֶׁ֥ר יָגַ֖עַתְּd מִנְּעוּרָ֑יִךְe אוּלַ֛יf תּוּכְלִ֥יg הֹועִ֖ילh אוּלַ֥יi תַּעֲרֹֽוצִיj ׃

13 נִלְאֵ֖יתa בְּרֹ֣ב עֲצָתָ֑יִךְ יַעַמְדוּb ־נָ֨א וְיֹושִׁיעֻ֜ךְc הברוd שָׁמַ֗יִם הַֽחֹזִים֙e בַּכֹּ֣וכָבִ֔יםf מֹֽודִיעִם֙g לֶחֳדָשִׁ֔ים מֵאֲשֶׁ֥ר יָבֹ֖אוּh עָלָֽיִךְ׃

14 הִנֵּ֨ה הָי֤וּa כְקַשׁ֙b אֵ֣שׁ שְׂרָפָ֔תַםc לֹֽא־יַצִּ֥ילוּd אֶת־נַפְשָׁ֖ם מִיַּ֣ד לֶֽהָבָ֑הe אֵין־גַּחֶ֣לֶתf לַחְמָ֔םg א֖וּרh לָשֶׁ֥בֶתi נֶגְדֹּֽו׃

15 כֵּ֥ן הָיוּa ־לָ֖ךְ אֲשֶׁ֣ר יָגָ֑עַתְּb סֹחֲרַ֣יִךְc מִנְּעוּרַ֗יִךְd אִ֤ישׁ לְעֶבְרֹו֙ תָּע֔וּe אֵ֖ין מֹושִׁיעֵֽךְf ׃ ס