ישעיהו

כֹּה־אָמַ֣רa יְהוָה֮ לִמְשִׁיחֹו֮b לְכֹ֣ורֶשׁc אֲשֶׁר־הֶחֱזַ֣קְתִּיd בִֽימִינֹ֗ו לְרַדe ־לְפָנָיו֙ גֹּויִ֔ם וּמָתְנֵ֥יf מְלָכִ֖ים אֲפַתֵּ֑חַg לִפְתֹּ֤חַh לְפָנָיו֙ דְּלָתַ֔יִם וּשְׁעָרִ֖ים לֹ֥א יִסָּגֵֽרוּi ׃

2 אֲנִי֙ לְפָנֶ֣יךָ אֵלֵ֔ךְa וַהֲדוּרִ֖יםb אושׁרc דַּלְתֹ֤ות נְחוּשָׁה֙d אֲשַׁבֵּ֔רe וּבְרִיחֵ֥יf בַרְזֶ֖ל אֲגַדֵּֽעַg ׃

3 וְנָתַתִּ֤יa לְךָ֙ אֹוצְרֹ֣ות חֹ֔שֶׁךְ וּמַטְמֻנֵ֖יb מִסְתָּרִ֑יםc לְמַ֣עַן תֵּדַ֗עd כִּֽי־אֲנִ֧י יְהוָ֛ה הַקֹּורֵ֥אe בְשִׁמְךָ֖ אֱלֹהֵ֥י יִשְׂרָאֵֽל׃

4 לְמַ֨עַן֙ עַבְדִּ֣י יַעֲקֹ֔ב וְיִשְׂרָאֵ֖ל בְּחִירִ֑יa וָאֶקְרָ֤אb לְךָ֙ בִּשְׁמֶ֔ךָ אֲכַנְּךָ֖c וְלֹ֥א יְדַעְתָּֽנִיd ׃

5 אֲנִ֤י יְהוָה֙ וְאֵ֣ין עֹ֔וד זוּלָתִ֖יa אֵ֣ין אֱלֹהִ֑ים אֲאַזֶּרְךָ֖b וְלֹ֥א יְדַעְתָּֽנִיc ׃

6 לְמַ֣עַן יֵדְע֗וּa מִמִּזְרַח־שֶׁ֨מֶשׁ֙ וּמִמַּ֣עֲרָבָ֔הb כִּי־אֶ֖פֶסc בִּלְעָדָ֑יd אֲנִ֥י יְהוָ֖ה וְאֵ֥ין עֹֽוד׃

7 יֹוצֵ֥רa אֹור֙ וּבֹורֵ֣אb חֹ֔שֶׁךְ עֹשֶׂ֥הc שָׁלֹ֖ום וּבֹ֣ורֵאd רָ֑ע אֲנִ֥י יְהוָ֖ה עֹשֶׂ֥הe כָל־אֵֽלֶּה׃ ס

8 הַרְעִ֤יפוּa שָׁמַ֨יִם֙ מִמַּ֔עַל וּשְׁחָקִ֖יםb יִזְּלוּc ־צֶ֑דֶק תִּפְתַּחd ־אֶ֣רֶץ וְיִפְרוּe ־יֶ֗שַׁעf וּצְדָקָ֤ה תַצְמִ֨יחַ֙g יַ֔חַדh אֲנִ֥י יְהוָ֖ה בְּרָאתִֽיוi ׃ ס

9 הֹ֗וי רָ֚בa אֶת־יֹ֣צְרֹ֔וb חֶ֖רֶשׂc אֶת־חַרְשֵׂ֣יd אֲדָמָ֑ה הֲיֹאמַ֙רe חֹ֤מֶרf לְיֹֽצְרֹו֙g מַֽה־תַּעֲשֶׂ֔הh וּפָעָלְךָ֖i אֵין־יָדַ֥יִם לֹֽו׃ ס

10 הֹ֛וי אֹמֵ֥רa לְאָ֖ב מַה־תֹּולִ֑ידb וּלְאִשָּׁ֖ה מַה־תְּחִילִֽיןc ׃ ס

11 כֹּֽה־אָמַ֧רa יְהוָ֛ה קְדֹ֥ושׁ יִשְׂרָאֵ֖ל וְיֹצְרֹ֑וb הָאֹתִיֹּ֣ותc שְׁאָל֔וּנִיd עַל־בָּנַ֛י וְעַל־פֹּ֥עַלe יָדַ֖י תְּצַוֻּֽנִיf ׃

12 אָֽנֹכִי֙ עָשִׂ֣יתִיa אֶ֔רֶץ וְאָדָ֖ם עָלֶ֣יהָ בָרָ֑אתִיb אֲנִ֗י יָדַי֙ נָט֣וּc שָׁמַ֔יִם וְכָל־צְבָאָ֖ם צִוֵּֽיתִיd ׃

13 אָנֹכִי֙ הַעִירֹתִ֣הֽוּa בְצֶ֔דֶק וְכָל־דְּרָכָ֖יו אֲיַשֵּׁ֑רb הֽוּא־יִבְנֶ֤הc עִירִי֙ וְגָלוּתִ֣יd יְשַׁלֵּ֔חַe לֹ֤א בִמְחִיר֙f וְלֹ֣א בְשֹׁ֔חַדg אָמַ֖רh יְהוָ֥ה צְבָאֹֽות׃ פ

14 כֹּ֣ה׀ אָמַ֣רa יְהוָ֗ה יְגִ֨יעַb מִצְרַ֥יִם וּֽסְחַרc ־כּוּשׁ֮d וּסְבָאִים֮e אַנְשֵׁ֣י מִדָּה֒ עָלַ֤יִךְ יַעֲבֹ֨רוּ֙f וְלָ֣ךְ יִֽהְי֔וּg אַחֲרַ֣יִךְ יֵלֵ֔כוּh בַּזִּקִּ֖יםi יַעֲבֹ֑רוּj וְאֵלַ֤יִךְ יִֽשְׁתַּחֲוּוּ֙k אֵלַ֣יִךְ יִתְפַּלָּ֔לוּl אַ֣ךְ בָּ֥ךְ אֵ֛ל וְאֵ֥ין עֹ֖וד אֶ֥פֶסm אֱלֹהִֽים׃

15 אָכֵ֕ןa אַתָּ֖ה אֵ֣ל מִסְתַּתֵּ֑רb אֱלֹהֵ֥י יִשְׂרָאֵ֖ל מֹושִֽׁיעַc ׃

16 בֹּ֥ושׁוּa וְגַֽם־נִכְלְמ֖וּb כֻּלָּ֑ם יַחְדָּו֙ הָלְכ֣וּc בַכְּלִמָּ֔הd חָרָשֵׁ֖יe צִירִֽיםf ׃

17 יִשְׂרָאֵל֙ נֹושַׁ֣עa בַּיהוָ֔ה תְּשׁוּעַ֖תb עֹולָמִ֑ים לֹא־תֵבֹ֥שׁוּc וְלֹא־תִכָּלְמ֖וּd עַד־עֹ֥ולְמֵי עַֽדe ׃ פ

18 כִּ֣י כֹ֣ה אָֽמַרa ־יְ֠הוָה בֹּורֵ֨אb הַשָּׁמַ֜יִם ה֣וּא הָאֱלֹהִ֗ים יֹצֵ֨רc הָאָ֤רֶץ וְעֹשָׂהּ֙d ה֣וּא כֹֽונְנָ֔הּe לֹא־תֹ֥הוּf בְרָאָ֖הּg לָשֶׁ֣בֶתh יְצָרָ֑הּi אֲנִ֥י יְהוָ֖ה וְאֵ֥ין עֹֽוד׃

19 לֹ֧א בַסֵּ֣תֶרa דִּבַּ֗רְתִּיb בִּמְקֹום֙ אֶ֣רֶץ חֹ֔שֶׁךְ לֹ֥א אָמַ֛רְתִּיc לְזֶ֥רַע יַעֲקֹ֖ב תֹּ֣הוּd בַקְּשׁ֑וּנִיe אֲנִ֤י יְהוָה֙ דֹּבֵ֣רf צֶ֔דֶק מַגִּ֖ידg מֵישָׁרִֽיםh ׃

20 הִקָּבְצ֥וּa וָבֹ֛אוּb הִֽתְנַגְּשׁ֥וּc יַחְדָּ֖ו פְּלִיטֵ֣יd הַגֹּויִ֑ם לֹ֣א יָדְע֗וּe הַנֹּֽשְׂאִים֙f אֶת־עֵ֣ץ פִּסְלָ֔םg וּמִתְפַּלְלִ֔יםh אֶל־אֵ֖ל לֹ֥א יֹושִֽׁיעַi ׃

21 הַגִּ֣ידוּa וְהַגִּ֔ישׁוּb אַ֥ף יִֽוָּעֲצ֖וּc יַחְדָּ֑ו מִ֣י הִשְׁמִיעַ֩d זֹ֨את מִקֶּ֜דֶם מֵאָ֣ז הִגִּידָ֗הּe הֲלֹ֨וא אֲנִ֤י יְהוָה֙ וְאֵֽין־עֹ֤וד אֱלֹהִים֙ מִבַּלְעָדַ֔יf אֵֽל־צַדִּ֣יק וּמֹושִׁ֔יעַ אַ֖יִן זוּלָתִֽיg ׃

22 פְּנוּa ־אֵלַ֥י וְהִוָּשְׁע֖וּb כָּל־אַפְסֵיc ־אָ֑רֶץ כִּ֥י אֲנִי־אֵ֖ל וְאֵ֥ין עֹֽוד׃

23 בִּ֣י נִשְׁבַּ֔עְתִּיa יָצָ֨אb מִפִּ֧י צְדָקָ֛ה דָּבָ֖ר וְלֹ֣א יָשׁ֑וּבc כִּי־לִי֙ תִּכְרַ֣עd כָּל־בֶּ֔רֶךְe תִּשָּׁבַ֖עf כָּל־לָשֹֽׁון׃

24 אַ֧ךְ בַּיהוָ֛ה לִ֥י אָמַ֖רa צְדָקֹ֣ות וָעֹ֑ז עָדָיו֙ יָבֹ֣ואb וְיֵבֹ֔שׁוּc כֹּ֖ל הַנֶּחֱרִ֥יםd בֹּֽו׃

25 בַּיהוָ֛ה יִצְדְּק֥וּa וְיִֽתְהַלְל֖וּb כָּל־זֶ֥רַע יִשְׂרָאֵֽל׃