ישעיהו

הַחֲרִ֤ישׁוּa אֵלַי֙ אִיִּ֔יםb וּלְאֻמִּ֖יםc יַחֲלִ֣יפוּd כֹ֑חַ יִגְּשׁוּ֙e אָ֣ז יְדַבֵּ֔רוּf יַחְדָּ֖ו לַמִּשְׁפָּ֥ט נִקְרָֽבָהg ׃

2 מִ֤י הֵעִיר֙a מִמִּזְרָ֔ח צֶ֖דֶק יִקְרָאֵ֣הוּb לְרַגְלֹ֑ו יִתֵּ֨ןc לְפָנָ֤יו גֹּויִם֙ וּמְלָכִ֣ים יַ֔רְדְּd יִתֵּ֤ןe כֶּֽעָפָר֙ חַרְבֹּ֔ו כְּקַ֥שׁf נִדָּ֖ףg קַשְׁתֹּֽו׃

3 יִרְדְּפֵ֖םa יַעֲבֹ֣ורb שָׁלֹ֑ום אֹ֥רַח בְּרַגְלָ֖יו לֹ֥א יָבֹֽואc ׃

4 מִֽי־פָעַ֣לa וְעָשָׂ֔הb קֹרֵ֥אc הַדֹּרֹ֖ות מֵרֹ֑אשׁ אֲנִ֤י יְהוָה֙ רִאשֹׁ֔ון וְאֶת־אַחֲרֹנִ֖ים אֲנִי־הֽוּא׃

5 רָא֤וּa אִיִּים֙b וְיִירָ֔אוּc קְצֹ֥ותd הָאָ֖רֶץ יֶחֱרָ֑דוּe קָרְב֖וּf וַיֶּאֱתָיֽוּןg ׃

6 אִ֥ישׁ אֶת־רֵעֵ֖הוּ יַעְזֹ֑רוּa וּלְאָחִ֖יו יֹאמַ֥רb חֲזָֽקc ׃

7 וַיְחַזֵּ֤קa חָרָשׁ֙b אֶת־צֹרֵ֔ףc מַחֲלִ֥יקd פַּטִּ֖ישׁe אֶת־הֹ֣ולֶםf פָּ֑עַם אֹמֵ֤רg לַדֶּ֨בֶק֙h טֹ֣וב ה֔וּא וַיְחַזְּקֵ֥הוּi בְמַסְמְרִ֖יםj לֹ֥א יִמֹּֽוטk ׃ ס

8 וְאַתָּה֙ יִשְׂרָאֵ֣ל עַבְדִּ֔י יַעֲקֹ֖ב אֲשֶׁ֣ר בְּחַרְתִּ֑יךָa זֶ֖רַע אַבְרָהָ֥ם אֹהֲבִֽי׃

9 אֲשֶׁ֤ר הֶחֱזַקְתִּ֨יךָ֙a מִקְצֹ֣ותb הָאָ֔רֶץ וּמֵאֲצִילֶ֖יהָc קְרָאתִ֑יךָd וָאֹ֤מַרe לְךָ֙ עַבְדִּי־אַ֔תָּה בְּחַרְתִּ֖יךָf וְלֹ֥א מְאַסְתִּֽיךָg ׃

10 אַל־תִּירָא֙a כִּ֣י עִמְּךָ־אָ֔נִי אַל־תִּשְׁתָּ֖עb כִּֽי־אֲנִ֣י אֱלֹהֶ֑יךָ אִמַּצְתִּ֨יךָ֙c אַף־עֲזַרְתִּ֔יךָd אַף־תְּמַכְתִּ֖יךָe בִּימִ֥ין צִדְקִֽי׃

11 הֵ֤ן יֵבֹ֨שׁוּ֙a וְיִכָּ֣לְמ֔וּb כֹּ֖ל הַנֶּחֱרִ֣יםc בָּ֑ךְ יִֽהְי֥וּd כְאַ֛יִן וְיֹאבְד֖וּe אַנְשֵׁ֥י רִיבֶֽךָ׃

12 תְּבַקְשֵׁם֙a וְלֹ֣א תִמְצָאֵ֔םb אַנְשֵׁ֖י מַצֻּתֶ֑ךָc יִהְי֥וּd כְאַ֛יִן וּכְאֶ֖פֶסe אַנְשֵׁ֥י מִלְחַמְתֶּֽךָf ׃

13 כִּ֗י אֲנִ֛י יְהוָ֥ה אֱלֹהֶ֖יךָ מַחֲזִ֣יקa יְמִינֶ֑ךָ הָאֹמֵ֥רb לְךָ֛ אַל־תִּירָ֖אc אֲנִ֥י עֲזַרְתִּֽיךָd ׃ ס

14 אַל־תִּֽירְאִי֙a תֹּולַ֣עַתb יַֽעֲקֹ֔ב מְתֵ֖יc יִשְׂרָאֵ֑ל אֲנִ֤י עֲזַרְתִּיךְ֙d נְאֻם־יְהוָ֔ה וְגֹאֲלֵ֖ךְe קְדֹ֥ושׁ יִשְׂרָאֵֽל׃

15 הִנֵּ֣ה שַׂמְתִּ֗יךְa לְמֹורַג֙b חָר֣וּץc חָדָ֔שׁ בַּ֖עַל פִּֽיפִיֹּ֑ותd תָּד֤וּשׁe הָרִים֙ וְתָדֹ֔קf וּגְבָעֹ֖ות כַּמֹּ֥ץg תָּשִֽׂיםh ׃

16 תִּזְרֵם֙a וְר֣וּחַ תִּשָּׂאֵ֔םb וּסְעָרָ֖הc תָּפִ֣יץd אֹותָ֑ם וְאַתָּה֙ תָּגִ֣ילe בַּֽיהוָ֔ה בִּקְדֹ֥ושׁ יִשְׂרָאֵ֖ל תִּתְהַלָּֽלf ׃ פ

17 הָעֲנִיִּ֨ים וְהָאֶבְיֹונִ֜ים מְבַקְשִׁ֥יםa מַ֨יִם֙ וָאַ֔יִן לְשֹׁונָ֖ם בַּצָּמָ֣אb נָשָׁ֑תָּהc אֲנִ֤י יְהוָה֙ אֶעֱנֵ֔םd אֱלֹהֵ֥י יִשְׂרָאֵ֖ל לֹ֥א אֶעֶזְבֵֽםe ׃

18 אֶפְתַּ֤חa עַל־שְׁפָיִים֙b נְהָרֹ֔ות וּבְתֹ֥וךְ בְּקָעֹ֖ותc מַעְיָנֹ֑ותd אָשִׂ֤יםe מִדְבָּר֙ לַאֲגַםf ־מַ֔יִם וְאֶ֥רֶץ צִיָּ֖הg לְמֹוצָ֥אֵיh מָֽיִם׃

19 אֶתֵּ֤ןa בַּמִּדְבָּר֙ אֶ֣רֶז שִׁטָּ֔הb וַהֲדַ֖סc וְעֵ֣ץ שָׁ֑מֶן אָשִׂ֣יםd בָּעֲרָבָ֗ה בְּרֹ֛ושׁe תִּדְהָ֥רf וּתְאַשּׁ֖וּרg יַחְדָּֽו׃

20 לְמַ֧עַן יִרְא֣וּa וְיֵדְע֗וּb וְיָשִׂ֤ימוּc וְיַשְׂכִּ֨ילוּ֙d יַחְדָּ֔ו כִּ֥י יַד־יְהוָ֖ה עָ֣שְׂתָהe זֹּ֑את וּקְדֹ֥ושׁ יִשְׂרָאֵ֖ל בְּרָאָֽהּf ׃ פ

21 קָרְב֥וּa רִֽיבְכֶ֖ם יֹאמַ֣רb יְהוָ֑ה הַגִּ֨ישׁוּ֙c עֲצֻמֹ֣ותֵיכֶ֔םd יֹאמַ֖רe מֶ֥לֶךְ יַעֲקֹֽב׃

22 יַגִּ֨ישׁוּ֙a וְיַגִּ֣ידוּb לָ֔נוּ אֵ֖ת אֲשֶׁ֣ר תִּקְרֶ֑ינָהc הָרִאשֹׁנֹ֣ות׀ מָ֣ה הֵ֗נָּהd הַגִּ֜ידוּe וְנָשִׂ֤ימָהf לִבֵּ֨נוּ֙ וְנֵדְעָ֣הg אַחֲרִיתָ֔ן אֹ֥ו הַבָּאֹ֖ות הַשְׁמִיעֻֽנוּh ׃

23 הַגִּ֨ידוּ֙a הָאֹתִיֹּ֣ותb לְאָחֹ֔ורc וְנֵ֣דְעָ֔הd כִּ֥י אֱלֹהִ֖ים אַתֶּ֑ם אַף־תֵּיטִ֣יבוּe וְתָרֵ֔עוּf וְנִשְׁתָּ֖עָהg ונראh יַחְדָּֽו׃

24 הֵן־אַתֶּ֣ם מֵאַ֔יִן וּפָעָלְכֶ֖םa מֵאָ֑פַעb תֹּועֵבָ֖ה יִבְחַ֥רc בָּכֶֽם׃

25 הַעִירֹ֤ותִיa מִצָּפֹון֙ וַיַּ֔אתb מִמִּזְרַח־שֶׁ֖מֶשׁ יִקְרָ֣אc בִשְׁמִ֑י וְיָבֹ֤אd סְגָנִים֙e כְּמֹו־חֹ֔מֶרf וּכְמֹ֥ו יֹוצֵ֖רg יִרְמָסh ־טִֽיטi ׃

26 מִֽי־הִגִּ֤ידa מֵרֹאשׁ֙ וְנֵדָ֔עָהb וּמִלְּפָנִ֖ים וְנֹאמַ֣רc צַדִּ֑יק אַ֣ף אֵין־מַגִּ֗ידd אַ֚ף אֵ֣ין מַשְׁמִ֔יעַe אַ֥ף אֵין־שֹׁמֵ֖עַf אִמְרֵיכֶֽםg ׃

27 רִאשֹׁ֥ון לְצִיֹּ֖ון הִנֵּ֣ה הִנָּ֑ם וְלִירוּשָׁלִַ֖ם מְבַשֵּׂ֥רa אֶתֵּֽןb ׃

28 וְאֵ֨רֶא֙a וְאֵ֣ין אִ֔ישׁ וּמֵאֵ֖לֶּה וְאֵ֣ין יֹועֵ֑ץ וְאֶשְׁאָלֵ֖םb וְיָשִׁ֥יבוּc דָבָֽר׃

29 הֵ֣ן כֻּלָּ֔ם אָ֥וֶן אֶ֖פֶסa מַעֲשֵׂיהֶ֑ם ר֥וּחַ וָתֹ֖הוּb נִסְכֵּיהֶֽםc ׃ פ