ישעיהו

וְהֶחֱזִיקוּ֩a שֶׁ֨בַע נָשִׁ֜ים בְּאִ֣ישׁ אֶחָ֗ד בַּיֹּ֤ום הַהוּא֙ לֵאמֹ֔רb לַחְמֵ֣נוּ נֹאכֵ֔לc וְשִׂמְלָתֵ֖נוּd נִלְבָּ֑שׁe רַ֗ק יִקָּרֵ֤אf שִׁמְךָ֙ עָלֵ֔ינוּ אֱסֹ֖ףg חֶרְפָּתֵֽנוּ׃ ס

2 בַּיֹּ֣ום הַה֗וּא יִֽהְיֶה֙a צֶ֣מַחb יְהוָ֔ה לִצְבִ֖יc וּלְכָבֹ֑וד וּפְרִ֤י הָאָ֨רֶץ֙ לְגָאֹ֣וןd וּלְתִפְאֶ֔רֶתe לִפְלֵיטַ֖תf יִשְׂרָאֵֽל׃

3 וְהָיָ֣הa ׀ הַנִּשְׁאָ֣רb בְּצִיֹּ֗ון וְהַנֹּותָר֙c בִּיר֣וּשָׁלִַ֔ם קָדֹ֖ושׁ יֵאָ֣מֶרd לֹ֑ו כָּל־הַכָּת֥וּבe לַחַיִּ֖ים בִּירוּשָׁלִָֽם׃

4 אִ֣ם׀ רָחַ֣ץa אֲדֹנָ֗י אֵ֚ת צֹאַ֣תb בְּנֹות־צִיֹּ֔ון וְאֶת־דְּמֵ֥י יְרוּשָׁלִַ֖ם יָדִ֣יחַc מִקִּרְבָּ֑הּ בְּר֥וּחַ מִשְׁפָּ֖ט וּבְר֥וּחַ בָּעֵֽרd ׃

5 וּבָרָ֣אa יְהוָ֡ה עַל֩ כָּל־מְכֹ֨וןb הַר־צִיֹּ֜ון וְעַל־מִקְרָאֶ֗הָc עָנָ֤ן׀ יֹומָם֙ וְעָשָׁ֔ןd וְנֹ֛גַהּe אֵ֥שׁ לֶהָבָ֖הf לָ֑יְלָה כִּ֥י עַל־כָּל־כָּבֹ֖וד חֻפָּֽהg ׃

6 וְסֻכָּ֛הa תִּהְיֶ֥הb לְצֵל־יֹומָ֖ם מֵחֹ֑רֶבc וּלְמַחְסֶה֙d וּלְמִסְתֹּ֔ורe מִזֶּ֖רֶםf וּמִמָּטָֽרg ׃ פ