ישעיהו

בַּיָּמִ֣ים הָהֵ֔ם חָלָ֥הa חִזְקִיָּ֖הוּ לָמ֑וּתb וַיָּבֹ֣ואc אֵ֠לָיו יְשַׁעְיָ֨הוּd בֶן־אָמֹ֜וץe הַנָּבִ֗יא וַיֹּ֨אמֶרf אֵלָ֜יו כֹּֽה־אָמַ֤רg יְהוָה֙ צַ֣וh לְבֵיתֶ֔ךָ כִּ֛י מֵ֥תi אַתָּ֖ה וְלֹ֥א תִֽחְיֶֽהj ׃

2 וַיַּסֵּ֧בa חִזְקִיָּ֛הוּ פָּנָ֖יו אֶל־הַקִּ֑יר וַיִּתְפַּלֵּ֖לb אֶל־יְהוָֽה׃

3 וַיֹּאמַ֗רa אָנָּ֤הb יְהוָה֙ זְכָרc ־נָ֞א אֵ֣ת אֲשֶׁ֧ר הִתְהַלַּ֣כְתִּיd לְפָנֶ֗יךָ בֶּֽאֱמֶת֙ וּבְלֵ֣ב שָׁלֵ֔םe וְהַטֹּ֥וב בְּעֵינֶ֖יךָ עָשִׂ֑יתִיf וַיֵּ֥בְךְּg חִזְקִיָּ֖הוּ בְּכִ֥יh גָדֹֽול׃ ס

4 וַֽיְהִי֙a דְּבַר־יְהוָ֔ה אֶֽל־יְשַׁעְיָ֖הוּb לֵאמֹֽרc ׃

5 הָלֹ֞וךְa וְאָמַרְתָּ֣b אֶל־חִזְקִיָּ֗הוּ כֹּֽה־אָמַ֤רc יְהוָה֙ אֱלֹהֵי֙ דָּוִ֣ד אָבִ֔יךָ שָׁמַ֨עְתִּי֙d אֶת־תְּפִלָּתֶ֔ךָ רָאִ֖יתִיe אֶת־דִּמְעָתֶ֑ךָf הִנְנִי֙ יֹוסִ֣ףg עַל־יָמֶ֔יךָ חֲמֵ֥שׁ עֶשְׂרֵ֖ה שָׁנָֽה׃

6 וּמִכַּ֤ף מֶֽלֶךְ־אַשּׁוּר֙ אַצִּ֣ילְךָ֔a וְאֵ֖ת הָעִ֣יר הַזֹּ֑את וְגַנֹּותִ֖יb עַל־הָעִ֥יר הַזֹּֽאת׃

7 וְזֶה־לְּךָ֥ הָאֹ֖ות מֵאֵ֣ת יְהוָ֑ה אֲשֶׁר֙ יַעֲשֶׂ֣הa יְהוָ֔ה אֶת־הַדָּבָ֥ר הַזֶּ֖ה אֲשֶׁ֥ר דִּבֵּֽרb ׃

8 הִנְנִ֣י מֵשִׁ֣יבa אֶת־צֵ֣ל הַֽמַּעֲלֹ֡ותb אֲשֶׁ֣ר יָרְדָה֩c בְמַעֲלֹ֨ותd אָחָ֥זe בַּשֶּׁ֛מֶשׁ אֲחֹרַנִּ֖יתf עֶ֣שֶׂר מַעֲלֹ֑ותg וַתָּ֤שָׁבh הַשֶּׁ֨מֶשׁ֙ עֶ֣שֶׂר מַעֲלֹ֔ותi בַּֽמַּעֲלֹ֖ותj אֲשֶׁ֥ר יָרָֽדָהk ׃ ס

9 מִכְתָּ֖בa לְחִזְקִיָּ֣הוּ מֶֽלֶךְ־יְהוּדָ֑ה בַּחֲלֹתֹ֕וb וַיְחִ֖יc מֵחָלְיֹֽוd ׃

10 אֲנִ֣י אָמַ֗רְתִּיa בִּדְמִ֥יb יָמַ֛י אֵלֵ֖כָהc בְּשַׁעֲרֵ֣י שְׁאֹ֑ול פֻּקַּ֖דְתִּיd יֶ֥תֶר שְׁנֹותָֽי׃

11 אָמַ֨רְתִּי֙a לֹא־אֶרְאֶ֣הb יָ֔הּ יָ֖הּ בְּאֶ֣רֶץ הַחַיִּ֑ים לֹא־אַבִּ֥יטc אָדָ֛ם עֹ֖וד עִם־יֹ֥ושְׁבֵי חָֽדֶלd ׃

12 דֹּורִ֗יa נִסַּ֧עb וְנִגְלָ֛הc מִנִּ֖י כְּאֹ֣הֶל רֹעִ֑י קִפַּ֨דְתִּיd כָאֹרֵ֤גe חַיַּי֙ מִדַּלָּ֣הf יְבַצְּעֵ֔נִיg מִיֹּ֥ום עַד־לַ֖יְלָה תַּשְׁלִימֵֽנִיh ׃

13 שִׁוִּ֤יתִיa עַד־בֹּ֨קֶר֙ כָּֽאֲרִ֔יb כֵּ֥ן יְשַׁבֵּ֖רc כָּל־עַצְמֹותָ֑י מִיֹּ֥ום עַד־לַ֖יְלָה תַּשְׁלִימֵֽנִיd ׃

14 כְּס֤וּס עָגוּר֙a כֵּ֣ן אֲצַפְצֵ֔ףb אֶהְגֶּ֖הc כַּיֹּונָ֑הd דַּלּ֤וּe עֵינַי֙ לַמָּרֹ֔ום אֲדֹנָ֖י עָֽשְׁקָהf ־לִּ֥י עָרְבֵֽנִיg ׃

15 מָֽה־אֲדַבֵּ֥רa וְאָֽמַרb ־לִ֖י וְה֣וּא עָשָׂ֑הc אֶדַּדֶּ֥הd כָל־שְׁנֹותַ֖י עַל־מַ֥רe נַפְשִֽׁי׃

16 אֲדֹנָ֖י עֲלֵיהֶ֣ם יִֽחְי֑וּa וּלְכָל־בָּהֶן֙ חַיֵּ֣י רוּחִ֔י וְתַחֲלִימֵ֖נִיb וְהַחֲיֵֽנִיc ׃

17 הִנֵּ֥ה לְשָׁלֹ֖ום מַרa ־לִ֣י מָ֑רb וְאַתָּ֞ה חָשַׁ֤קְתָּc נַפְשִׁי֙ מִשַּׁ֣חַתd בְּלִ֔י כִּ֥י הִשְׁלַ֛כְתָּe אַחֲרֵ֥י גֵוְךָ֖f כָּל־חֲטָאָֽיg ׃

18 כִּ֣י לֹ֥א שְׁאֹ֛ול תֹּודֶ֖ךָּa מָ֣וֶת יְהַלְלֶ֑ךָּb לֹֽא־יְשַׂבְּר֥וּc יֹֽורְדֵי־בֹ֖ור אֶל־אֲמִתֶּֽךָ׃

19 חַ֥י חַ֛י ה֥וּא יֹודֶ֖ךָa כָּמֹ֣ונִי הַיֹּ֑ום אָ֣ב לְבָנִ֔ים יֹודִ֖יעַb אֶל־אֲמִתֶּֽךָ׃

20 יְהוָ֖ה לְהֹושִׁיעֵ֑נִיa וּנְגִנֹותַ֧יb נְנַגֵּ֛ןc כָּל־יְמֵ֥י חַיֵּ֖ינוּ עַל־בֵּ֥ית יְהוָֽה׃

21 וַיֹּ֣אמֶרa יְשַׁעְיָ֔הוּb יִשְׂא֖וּc דְּבֶ֣לֶתd תְּאֵנִ֑יםe וְיִמְרְח֥וּf עַֽל־הַשְּׁחִ֖יןg וְיֶֽחִיh ׃

22 וַיֹּ֥אמֶרa חִזְקִיָּ֖הוּ מָ֣ה אֹ֑ות כִּ֥י אֶעֱלֶ֖הb בֵּ֥ית יְהוָֽה׃ ס