ישעיהו

וַיְהִ֡יa בְּאַרְבַּע֩ עֶשְׂרֵ֨ה שָׁנָ֜ה לַמֶּ֣לֶךְ חִזְקִיָּ֗הוּ עָלָ֞הb סַנְחֵרִ֤יבc מֶֽלֶךְ־אַשּׁוּר֙ עַ֣ל כָּל־עָרֵ֧י יְהוּדָ֛ה הַבְּצֻרֹ֖ותd וַֽיִּתְפְּשֵֽׂםe ׃

2 וַיִּשְׁלַ֣חa מֶֽלֶךְ־אַשּׁ֣וּר׀ אֶת־רַב־שָׁקֵ֨הb מִלָּכִ֧ישׁc יְרוּשָׁלְַ֛מָה אֶל־הַמֶּ֥לֶךְ חִזְקִיָּ֖הוּ בְּחֵ֣יל כָּבֵ֑דd וַֽיַּעֲמֹ֗דe בִּתְעָלַת֙f הַבְּרֵכָ֣הg הָעֶלְיֹונָ֔ה בִּמְסִלַּ֖תh שְׂדֵ֥ה כֹובֵֽס׃

3 וַיֵּצֵ֥אa אֵלָ֛יו אֶלְיָקִ֥יםb בֶּן־חִלְקִיָּ֖הוּc אֲשֶׁ֣ר עַל־הַבָּ֑יִת וְשֶׁבְנָא֙d הַסֹּפֵ֔ר וְיֹואָ֥חe בֶּן־אָסָ֖ףf הַמַּזְכִּֽיר׃

4 וַיֹּ֤אמֶרa אֲלֵיהֶם֙ רַב־שָׁקֵ֔הb אִמְרוּc ־נָ֖א אֶל־חִזְקִיָּ֑הוּ כֹּֽה־אָמַ֞רd הַמֶּ֤לֶךְ הַגָּדֹול֙ מֶ֣לֶךְ אַשּׁ֔וּר מָ֧ה הַבִּטָּחֹ֛וןe הַזֶּ֖ה אֲשֶׁ֥ר בָּטָֽחְתָּf ׃

5 אָמַ֨רְתִּי֙a אַךְ־דְּבַר־שְׂפָתַ֔יִם עֵצָ֥ה וּגְבוּרָ֖ה לַמִּלְחָמָ֑ה עַתָּה֙ עַל־מִ֣י בָטַ֔חְתָּb כִּ֥י מָרַ֖דְתָּc בִּֽי׃

6 הִנֵּ֣ה בָטַ֡חְתָּa עַל־מִשְׁעֶנֶת֩b הַקָּנֶ֨ה הָרָצ֤וּץc הַזֶּה֙ עַל־מִצְרַ֔יִם אֲשֶׁ֨ר יִסָּמֵ֥ךְd אִישׁ֙ עָלָ֔יו וּבָ֥אe בְכַפֹּ֖ו וּנְקָבָ֑הּf כֵּ֚ן פַּרְעֹ֣ה מֶֽלֶךְ־מִצְרַ֔יִם לְכָֽל־הַבֹּטְחִ֖יםg עָלָֽיו׃

7 וְכִי־תֹאמַ֣רa אֵלַ֔י אֶל־יְהוָ֥ה אֱלֹהֵ֖ינוּ בָּטָ֑חְנוּb הֲלֹוא־ה֗וּא אֲשֶׁ֨ר הֵסִ֤ירc חִזְקִיָּ֨הוּ֙ אֶת־בָּמֹתָ֣יו וְאֶת־מִזְבְּחֹתָ֔יו וַיֹּ֤אמֶרd לִֽיהוּדָה֙ וְלִיר֣וּשָׁלִַ֔ם לִפְנֵ֛י הַמִּזְבֵּ֥חַ הַזֶּ֖ה תִּֽשְׁתַּחֲוֽוּe ׃

8 וְעַתָּה֙ הִתְעָ֣רֶבa נָ֔א אֶת־אֲדֹנִ֖י הַמֶּ֣לֶךְ אַשּׁ֑וּר וְאֶתְּנָ֤הb לְךָ֙ אַלְפַּ֣יִם סוּסִ֔ים אִם־תּוּכַ֕לc לָ֥תֶתd לְךָ֖ רֹכְבִ֥ים עֲלֵיהֶֽם׃

9 וְאֵ֣יךְ תָּשִׁ֗יבa אֵ֠ת פְּנֵ֨י פַחַ֥תb אַחַ֛ד עַבְדֵ֥י אֲדֹנִ֖י הַקְטַנִּ֑יםc וַתִּבְטַ֤חd לְךָ֙ עַל־מִצְרַ֔יִם לְרֶ֖כֶב וּלְפָרָשִֽׁים׃

10 וְעַתָּה֙ הֲמִבַּלְעֲדֵ֣יa יְהוָ֔ה עָלִ֛יתִיb עַל־הָאָ֥רֶץ הַזֹּ֖את לְהַשְׁחִיתָ֑הּc יְהוָה֙ אָמַ֣רd אֵלַ֔י עֲלֵ֛הe אֶל־הָאָ֥רֶץ הַזֹּ֖את וְהַשְׁחִיתָֽהּf ׃

11 וַיֹּ֣אמֶרa אֶלְיָקִים֩b וְשֶׁבְנָ֨אc וְיֹואָ֜חd אֶל־רַב־שָׁקֵ֗הe דַּבֶּרf ־נָ֤א אֶל־עֲבָדֶ֨יךָ֙ אֲרָמִ֔יתg כִּ֥י שֹׁמְעִ֖יםh אֲנָ֑חְנוּ וְאַל־תְּדַבֵּ֤רi אֵלֵ֨ינוּ֙ יְהוּדִ֔ית בְּאָזְנֵ֣י הָעָ֔ם אֲשֶׁ֖ר עַל־הַחֹומָֽה׃

12 וַיֹּ֣אמֶרa רַב־שָׁקֵ֗הb הַאֶ֨ל אֲדֹנֶ֤יךָ וְאֵלֶ֨יךָ֙ שְׁלָחַ֣נִיc אֲדֹנִ֔י לְדַבֵּ֖רd אֶת־הַדְּבָרִ֣ים הָאֵ֑לֶּה הֲלֹ֣א עַל־הָאֲנָשִׁ֗ים הַיֹּֽשְׁבִים֙e עַל־הַ֣חֹומָ֔ה לֶאֱכֹ֣לf אֶת־חראיהםg וְלִשְׁתֹּ֛ותh אֶת־שׁיניהםi עִמָּכֶֽם׃

13 וַֽיַּעֲמֹד֙a רַב־שָׁקֵ֔הb וַיִּקְרָ֥אc בְקֹול־גָּדֹ֖ול יְהוּדִ֑ית וַיֹּ֕אמֶרd שִׁמְע֗וּe אֶת־דִּבְרֵ֛י הַמֶּ֥לֶךְ הַגָּדֹ֖ול מֶ֥לֶךְ אַשּֽׁוּר׃

14 כֹּ֚ה אָמַ֣רa הַמֶּ֔לֶךְ אַל־יַשִּׁ֥אb לָכֶ֖ם חִזְקִיָּ֑הוּ כִּ֥י לֹֽא־יוּכַ֖לc לְהַצִּ֥ילd אֶתְכֶֽם׃

15 וְאַל־יַבְטַ֨חa אֶתְכֶ֤ם חִזְקִיָּ֨הוּ֙ אֶל־יְהוָ֣ה לֵאמֹ֔רb הַצֵּ֥ל יַצִּילֵ֖נוּc יְהוָ֑ה לֹ֤א תִנָּתֵן֙d הָעִ֣יר הַזֹּ֔את בְּיַ֖ד מֶ֥לֶךְ אַשּֽׁוּר׃

16 אַֽל־תִּשְׁמְע֖וּa אֶל־חִזְקִיָּ֑הוּ ס כִּי֩ כֹ֨ה אָמַ֜רb הַמֶּ֣לֶךְ אַשּׁ֗וּר עֲשֽׂוּc ־אִתִּ֤י בְרָכָה֙ וּצְא֣וּd אֵלַ֔י וְאִכְל֤וּe אִישׁ־גַּפְנֹו֙ וְאִ֣ישׁ תְּאֵנָתֹ֔וf וּשְׁת֖וּg אִ֥ישׁ מֵי־בֹורֹֽו׃

17 עַד־בֹּאִ֕יa וְלָקַחְתִּ֥יb אֶתְכֶ֖ם אֶל־אֶ֣רֶץ כְּאַרְצְכֶ֑ם אֶ֤רֶץ דָּגָן֙c וְתִירֹ֔ושׁd אֶ֥רֶץ לֶ֖חֶם וּכְרָמִֽים׃

18 פֶּן־יַסִּ֨יתa אֶתְכֶ֤ם חִזְקִיָּ֨הוּ֙ לֵאמֹ֔רb יְהוָ֖ה יַצִּילֵ֑נוּc הַהִצִּ֜ילוּd אֱלֹהֵ֤י הַגֹּויִם֙ אִ֣ישׁ אֶת־אַרְצֹ֔ו מִיַּ֖ד מֶ֥לֶךְ אַשּֽׁוּר׃

19 אַיֵּ֞הa אֱלֹהֵ֤י חֲמָת֙b וְאַרְפָּ֔דc אַיֵּ֖הd אֱלֹהֵ֣י סְפַרְוָ֑יִםe וְכִֽי־הִצִּ֥ילוּf אֶת־שֹׁמְרֹ֖ון מִיָּדִֽי׃

20 מִ֗י בְּכָל־אֱלֹהֵ֤י הָֽאֲרָצֹות֙ הָאֵ֔לֶּה אֲשֶׁר־הִצִּ֥ילוּa אֶת־אַרְצָ֖ם מִיָּדִ֑י כִּֽי־יַצִּ֧ילb יְהוָ֛ה אֶת־יְרוּשָׁלִַ֖ם מִיָּדִֽי׃

21 וַֽיַּחֲרִ֔ישׁוּa וְלֹֽא־עָנ֥וּb אֹתֹ֖ו דָּבָ֑ר כִּֽי־מִצְוַ֨ת הַמֶּ֥לֶךְ הִ֛יא לֵאמֹ֖רc לֹ֥א תַעֲנֻֽהוּd ׃

22 וַיָּבֹ֣אa אֶלְיָקִ֣יםb בֶּן־חִלְקִיָּ֣הוּc אֲשֶׁר־עַל־הַ֠בַּיִת וְשֶׁבְנָ֨אd הַסֹּופֵ֜ר וְיֹואָ֨חe בֶּן־אָסָ֧ףf הַמַּזְכִּ֛יר אֶל־חִזְקִיָּ֖הוּ קְרוּעֵ֣י בְגָדִ֑ים וַיַּגִּ֣ידוּg לֹ֔ו אֵ֖ת דִּבְרֵ֥י רַב־שָׁקֵֽהh ׃ ס