ישעיהו

קִרְב֤וּa גֹויִם֙ לִשְׁמֹ֔עַb וּלְאֻמִּ֖יםc הַקְשִׁ֑יבוּd תִּשְׁמַ֤עe הָאָ֨רֶץ֙ וּמְלֹאָ֔הּf תֵּבֵ֖לg וְכָל־צֶאֱצָאֶֽיהָh ׃

2 כִּ֣י קֶ֤צֶףa לַֽיהוָה֙ עַל־כָּל־הַגֹּויִ֔ם וְחֵמָ֖ה עַל־כָּל־צְבָאָ֑ם הֶחֱרִימָ֖םb נְתָנָ֥םc לַטָּֽבַחd ׃

3 וְחַלְלֵיהֶ֣ם יֻשְׁלָ֔כוּa וּפִגְרֵיהֶ֖םb יַעֲלֶ֣הc בָאְשָׁ֑םd וְנָמַ֥סּוּe הָרִ֖ים מִדָּמָֽם׃

4 וְנָמַ֨קּוּ֙a כָּל־צְבָ֣א הַשָּׁמַ֔יִם וְנָגֹ֥לּוּb כַסֵּ֖פֶר הַשָּׁמָ֑יִם וְכָל־צְבָאָ֣ם יִבֹּ֔ולc כִּנְבֹ֤לd עָלֶה֙e מִגֶּ֔פֶן וּכְנֹבֶ֖לֶתf מִתְּאֵנָֽהg ׃

5 כִּֽי־רִוְּתָ֥הa בַשָּׁמַ֖יִם חַרְבִּ֑י הִנֵּה֙ עַל־אֱדֹ֣ום תֵּרֵ֔דb וְעַל־עַ֥ם חֶרְמִ֖יc לְמִשְׁפָּֽט׃

6 חֶ֣רֶב לַיהוָ֞ה מָלְאָ֥הa דָם֙ הֻדַּ֣שְׁנָהb מֵחֵ֔לֶב מִדַּ֤ם כָּרִים֙c וְעַתּוּדִ֔יםd מֵחֵ֖לֶב כִּלְיֹ֣ותe אֵילִ֑ים כִּ֣י זֶ֤בַח לַֽיהוָה֙ בְּבָצְרָ֔הf וְטֶ֥בַחg גָּדֹ֖ול בְּאֶ֥רֶץ אֱדֹֽום׃

7 וְיָרְד֤וּa רְאֵמִים֙b עִמָּ֔ם וּפָרִ֖ים עִם־אַבִּירִ֑יםc וְרִוְּתָ֤הd אַרְצָם֙ מִדָּ֔ם וַעֲפָרָ֖ם מֵחֵ֥לֶב יְדֻשָּֽׁןe ׃

8 כִּ֛י יֹ֥ום נָקָ֖םa לַֽיהוָ֑ה שְׁנַ֥ת שִׁלּוּמִ֖יםb לְרִ֥יב צִיֹּֽון׃

9 וְנֶהֶפְכ֤וּa נְחָלֶ֨יהָ֙ לְזֶ֔פֶתb וַעֲפָרָ֖הּ לְגָפְרִ֑יתc וְהָיְתָ֣הd אַרְצָ֔הּ לְזֶ֖פֶתe בֹּעֵרָֽה׃

10 לַ֤יְלָה וְיֹומָם֙ לֹ֣א תִכְבֶּ֔הa לְעֹולָ֖ם יַעֲלֶ֣הb עֲשָׁנָ֑הּc מִדֹּ֤ור לָדֹור֙ תֶּחֱרָ֔בd לְנֵ֣צַחe נְצָחִ֔יםf אֵ֥ין עֹבֵ֖רg בָּֽהּ׃

11 וִירֵשׁ֨וּהָ֙a קָאַ֣תb וְקִפֹּ֔ודc וְיַנְשֹׁ֥וףd וְעֹרֵ֖בe יִשְׁכְּנוּf ־בָ֑הּ וְנָטָ֥הg עָלֶ֛יהָ קַֽוh ־תֹ֖הוּi וְאַבְנֵי־בֹֽהוּj ׃

12 חֹרֶ֥יהָa וְאֵֽין־שָׁ֖ם מְלוּכָ֣הb יִקְרָ֑אוּc וְכָל־שָׂרֶ֖יהָ יִ֥הְיוּd אָֽפֶסe ׃

13 וְעָלְתָ֤הa אַרְמְנֹתֶ֨יהָ֙b סִירִ֔יםc קִמֹּ֥ושׂd וָחֹ֖וחַe בְּמִבְצָרֶ֑יהָf וְהָיְתָה֙g נְוֵ֣הh תַנִּ֔יםi חָצִ֖ירj לִבְנֹ֥ות יַעֲנָֽהk ׃

14 וּפָגְשׁ֤וּa צִיִּים֙b אֶת־אִיִּ֔יםc וְשָׂעִ֖ירd עַל־רֵעֵ֣הוּ יִקְרָ֑אe אַךְ־שָׁם֙ הִרְגִּ֣יעָהf לִּילִ֔יתg וּמָצְאָ֥הh לָ֖הּ מָנֹֽוחַi ׃

15 שָׁ֣מָּה קִנְּנָ֤הa קִפֹּוז֙b וַתְּמַלֵּ֔טc וּבָקְעָ֖הd וְדָגְרָ֣הe בְצִלָּ֑הּ אַךְ־שָׁ֛ם נִקְבְּצ֥וּf דַיֹּ֖ותg אִשָּׁ֥ה רְעוּתָֽהּh ׃

16 דִּרְשׁ֨וּa מֵֽעַל־סֵ֤פֶר יְהוָה֙ וּֽקְרָ֔אוּb אַחַ֤ת מֵהֵ֨נָּה֙c לֹ֣א נֶעְדָּ֔רָהd אִשָּׁ֥ה רְעוּתָ֖הּe לֹ֣א פָקָ֑דוּf כִּֽי־פִי֙ ה֣וּא צִוָּ֔הg וְרוּחֹ֖ו ה֥וּא קִבְּצָֽןh ׃

17 וְהֽוּא־הִפִּ֤ילa לָהֶן֙ גֹּורָ֔ל וְיָדֹ֛ו חִלְּקַ֥תָּהb לָהֶ֖ם בַּקָּ֑וc עַד־עֹולָם֙ יִֽירָשׁ֔וּהָd לְדֹ֥ור וָדֹ֖ור יִשְׁכְּנוּe ־בָֽהּ׃ ס