ישעיהו

הֵ֥ן לְצֶ֖דֶק יִמְלָךְa ־מֶ֑לֶךְ וּלְשָׂרִ֖ים לְמִשְׁפָּ֥ט יָשֹֽׂרוּb ׃

2 וְהָיָהa ־אִ֥ישׁ כְּמַֽחֲבֵאb ־ר֖וּחַ וְסֵ֣תֶרc זָ֑רֶםd כְּפַלְגֵיe ־מַ֣יִם בְּצָיֹ֔וןf כְּצֵ֥ל סֶֽלַע־כָּבֵ֖דg בְּאֶ֥רֶץ עֲיֵפָֽהh ׃

3 וְלֹ֥א תִשְׁעֶ֖ינָהa עֵינֵ֣י רֹאִ֑ים וְאָזְנֵ֥י שֹׁמְעִ֖ים תִּקְשַֽׁבְנָהb ׃

4 וּלְבַ֥ב נִמְהָרִ֖ים יָבִ֣יןa לָדָ֑עַת וּלְשֹׁ֣ון עִלְּגִ֔יםb תְּמַהֵ֖רc לְדַבֵּ֥רd צָחֹֽותe ׃

5 לֹֽא־יִקָּרֵ֥אa עֹ֛וד לְנָבָ֖לb נָדִ֑יבc וּלְכִילַ֕יd לֹ֥א יֵֽאָמֵ֖רe שֹֽׁועַf ׃

6 כִּ֤י נָבָל֙a נְבָלָ֣הb יְדַבֵּ֔רc וְלִבֹּ֖ו יַעֲשֶׂהd ־אָ֑וֶן לַעֲשֹׂ֣ותe חֹ֗נֶףf וּלְדַבֵּ֤רg אֶל־יְהוָה֙ תֹּועָ֔הh לְהָרִיק֙i נֶ֣פֶשׁ רָעֵ֔בj וּמַשְׁקֶ֥הk צָמֵ֖אl יַחְסִֽירm ׃

7 וְכֵלַ֖יa כֵּלָ֣יו רָעִ֑ים ה֚וּא זִמֹּ֣ותb יָעָ֔ץc לְחַבֵּ֤לd ענויםe בְּאִמְרֵיf ־שֶׁ֔קֶר וּבְדַבֵּ֥רg אֶבְיֹ֖ון מִשְׁפָּֽט׃

8 וְנָדִ֖יבa נְדִיבֹ֣ותb יָעָ֑ץc וְה֖וּא עַל־נְדִיבֹ֥ותd יָקֽוּםe ׃ פ

9 נָשִׁים֙ שַֽׁאֲנַנֹּ֔ותa קֹ֖מְנָהb שְׁמַ֣עְנָהc קֹולִ֑י בָּנֹות֙ בֹּֽטחֹ֔ות הַאְזֵ֖נָּהd אִמְרָתִֽיe ׃

10 יָמִים֙ עַל־שָׁנָ֔ה תִּרְגַּ֖זְנָהa בֹּֽטְחֹ֑ות כִּ֚י כָּלָ֣הb בָצִ֔ירc אֹ֖סֶףd בְּלִ֥י יָבֹֽואe ׃

11 חִרְדוּ֙a שַֽׁאֲנַנֹּ֔ותb רְגָ֖זָהc בֹּֽטְחֹ֑ות פְּשֹׁ֣טָֽהd וְעֹ֔רָהe וַחֲגֹ֖ורָהf עַל־חֲלָצָֽיִםg ׃

12 עַל־שָׁדַ֖יִםa סֹֽפְדִ֑יםb עַל־שְׂדֵי־חֶ֕מֶדc עַל־גֶּ֖פֶן פֹּרִיָּֽהd ׃

13 עַ֚ל אַדְמַ֣ת עַמִּ֔י קֹ֥וץa שָׁמִ֖ירb תַּֽעֲלֶ֑הc כִּ֚י עַל־כָּל־בָּתֵּ֣י מָשֹׂ֔ושׂd קִרְיָ֖הe עַלִּיזָֽהf ׃

14 כִּֽי־אַרְמֹ֣וןa נֻטָּ֔שׁb הֲמֹ֥ון עִ֖יר עֻזָּ֑בc עֹ֣פֶלd וָבַ֜חַןe הָיָ֨הf בְעַ֤ד מְעָרֹות֙g עַד־עֹולָ֔ם מְשֹׂ֥ושׂh פְּרָאִ֖יםi מִרְעֵ֥הj עֲדָרִֽיםk ׃

15 עַד־יֵ֨עָרֶ֥הa עָלֵ֛ינוּ ר֖וּחַ מִמָּרֹ֑ום וְהָיָ֤הb מִדְבָּר֙ לַכַּרְמֶ֔לc וכרמלd לַיַּ֥עַר יֵחָשֵֽׁבe ׃

16 וְשָׁכַ֥ןa בַּמִּדְבָּ֖ר מִשְׁפָּ֑ט וּצְדָקָ֖ה בַּכַּרְמֶ֥לb תֵּשֵֽׁבc ׃

17 וְהָיָ֛הa מַעֲשֵׂ֥ה הַצְּדָקָ֖ה שָׁלֹ֑ום וַֽעֲבֹדַת֙ הַצְּדָקָ֔ה הַשְׁקֵ֥טb וָבֶ֖טַחc עַד־עֹולָֽם׃

18 וְיָשַׁ֥בa עַמִּ֖י בִּנְוֵ֣הb שָׁלֹ֑ום וּֽבְמִשְׁכְּנֹות֙ מִבְטַחִ֔יםc וּבִמְנוּחֹ֖תd שַׁאֲנַנֹּֽותe ׃

19 וּבָרַ֖דa בְּרֶ֣דֶתb הַיָּ֑עַר וּבַשִּׁפְלָ֖הc תִּשְׁפַּ֥לd הָעִֽיר׃

20 אַשְׁרֵיכֶ֕םa זֹרְעֵ֖יb עַל־כָּל־מָ֑יִם מְשַׁלְּחֵ֥יc רֶֽגֶל־הַשֹּׁ֖ור וְהַחֲמֹֽור׃ ס