ישעיהו

הֹ֣וי הַיֹּרְדִ֤יםa מִצְרַ֨יִם֙ לְעֶזְרָ֔הb עַל־סוּסִ֖ים יִשָּׁעֵ֑נוּc וַיִּבְטְח֨וּd עַל־רֶ֜כֶב כִּ֣י רָ֗ב וְעַ֤ל פָּֽרָשִׁים֙ כִּֽי־עָצְמ֣וּe מְאֹ֔ד וְלֹ֤א שָׁעוּ֙f עַל־קְדֹ֣ושׁ יִשְׂרָאֵ֔ל וְאֶת־יְהוָ֖ה לֹ֥א דָרָֽשׁוּg ׃

2 וְגַם־ה֤וּא חָכָם֙ וַיָּ֣בֵאa רָ֔ע וְאֶת־דְּבָרָ֖יו לֹ֣א הֵסִ֑ירb וְקָם֙c עַל־בֵּ֣ית מְרֵעִ֔ים וְעַל־עֶזְרַ֖תd פֹּ֥עֲלֵי אָֽוֶן׃

3 וּמִצְרַ֤יִם אָדָם֙ וְֽלֹא־אֵ֔ל וְסוּסֵיהֶ֥ם בָּשָׂ֖ר וְלֹא־ר֑וּחַ וַֽיהוָ֞ה יַטֶּ֣הa יָדֹ֗ו וְכָשַׁ֤לb עֹוזֵר֙ וְנָפַ֣לc עָזֻ֔ר וְיַחְדָּ֖ו כֻּלָּ֥ם יִכְלָיֽוּןd ׃ ס

4 כִּ֣י כֹ֣ה אָֽמַרa ־יְהוָ֣ה׀ אֵלַ֡י כַּאֲשֶׁ֣ר יֶהְגֶּה֩b הָאַרְיֵ֨הc וְהַכְּפִ֜ירd עַל־טַרְפֹּ֗וe אֲשֶׁ֨ר יִקָּרֵ֤אf עָלָיו֙ מְלֹ֣אg רֹעִ֔ים מִקֹּולָם֙ לֹ֣א יֵחָ֔תh וּמֵֽהֲמֹונָ֖ם לֹ֣א יַֽעֲנֶ֑הi כֵּ֗ן יֵרֵד֙j יְהוָ֣ה צְבָאֹ֔ות לִצְבֹּ֥אk עַל־הַר־צִיֹּ֖ון וְעַל־גִּבְעָתָֽהּ׃

5 כְּצִפֳּרִ֣יםa עָפֹ֔ותb כֵּ֗ן יָגֵ֛ןc יְהוָ֥ה צְבָאֹ֖ות עַל־יְרֽוּשָׁלִָ֑ם גָּנֹ֥וןd וְהִצִּ֖ילe פָּסֹ֥חַf וְהִמְלִֽיטg ׃

6 שׁ֗וּבוּa לַאֲשֶׁ֛ר הֶעְמִ֥יקוּb סָרָ֖הc בְּנֵ֥י יִשְׂרָאֵֽל׃

7 כִּ֚י בַּיֹּ֣ום הַה֔וּא יִמְאָס֗וּןa אִ֚ישׁ אֱלִילֵ֣יb כַסְפֹּ֔ו וֶאֱלִילֵ֖יc זְהָבֹ֑ו אֲשֶׁ֨ר עָשׂ֥וּd לָכֶ֛ם יְדֵיכֶ֖ם חֵֽטְאe ׃

8 וְנָפַ֤לa אַשּׁוּר֙ בְּחֶ֣רֶב לֹא־אִ֔ישׁ וְחֶ֥רֶב לֹֽא־אָדָ֖ם תֹּֽאכֲלֶ֑נּוּb וְנָ֥סc לֹו֙ מִפְּנֵי־חֶ֔רֶב וּבַחוּרָ֖יוd לָמַ֥סe יִהְיֽוּf ׃

9 וְסַלְעֹו֙ מִמָּגֹ֣ורa יַֽעֲבֹ֔ורb וְחַתּ֥וּc מִנֵּ֖סd שָׂרָ֑יו נְאֻם־יְהוָ֗ה אֲשֶׁר־א֥וּרe לֹו֙ בְּצִיֹּ֔ון וְתַנּ֥וּרf לֹ֖ו בִּירוּשָׁלִָֽם׃ ס