ישעיהו

הֹ֣וי בָּנִ֤ים סֹֽורְרִים֙a נְאֻם־יְהוָ֔ה לַעֲשֹׂ֤ותb עֵצָה֙ וְלֹ֣א מִנִּ֔י וְלִנְסֹ֥ךְc מַסֵּכָ֖הd וְלֹ֣א רוּחִ֑י לְמַ֛עַן סְפֹ֥ותe חַטָּ֖את עַל־חַטָּֽאת׃

2 הַהֹלְכִים֙a לָרֶ֣דֶתb מִצְרַ֔יִם וּפִ֖י לֹ֣א שָׁאָ֑לוּc לָעֹוז֙d בְּמָעֹ֣וזe פַּרְעֹ֔ה וְלַחְסֹ֖ותf בְּצֵ֥ל מִצְרָֽיִם׃

3 וְהָיָ֥הa לָכֶ֛ם מָעֹ֥וזb פַּרְעֹ֖ה לְבֹ֑שֶׁתc וְהֶחָס֥וּתd בְּצֵל־מִצְרַ֖יִם לִכְלִמָּֽהe ׃

4 כִּֽי־הָי֥וּa בְצֹ֖עַןb שָׂרָ֑יו וּמַלְאָכָ֖יו חָנֵ֥סc יַגִּֽיעוּd ׃

5 כֹּ֣ל הֹבִ֔אישׁa עַל־עַ֖ם לֹא־יֹועִ֣ילוּb לָ֑מֹו לֹ֤א לְעֵ֨זֶר֙c וְלֹ֣א לְהֹועִ֔ילd כִּ֥י לְבֹ֖שֶׁתe וְגַם־לְחֶרְפָּֽה׃ ס

6 מַשָּׂ֖אa בַּהֲמֹ֣ות נֶ֑גֶב בְּאֶרֶץ֩ צָרָ֨ה וְצוּקָ֜הb לָבִ֧יאc וָלַ֣יִשׁd מֵהֶ֗ם אֶפְעֶה֙e וְשָׂרָ֣ףf מְעֹופֵ֔ףg יִשְׂאוּ֩h עַל־כֶּ֨תֶף עֲיָרִ֜יםi חֵֽילֵהֶ֗ם וְעַל־דַּבֶּ֤שֶׁתj גְּמַלִּים֙ אֹֽוצְרֹתָ֔ם עַל־עַ֖ם לֹ֥א יֹועִֽילוּk ׃

7 וּמִצְרַ֕יִם הֶ֥בֶל וָרִ֖יקa יַעְזֹ֑רוּb לָכֵן֙ קָרָ֣אתִיc לָזֹ֔את רַ֥הַבd הֵ֖ם שָֽׁבֶתe ׃

8 עַתָּ֗ה בֹּ֣ואa כָתְבָ֥הּb עַל־ל֛וּחַc אִתָּ֖ם וְעַל־סֵ֣פֶר חֻקָּ֑הּd וּתְהִי֙e לְיֹ֣ום אַחֲרֹ֔ון לָעַ֖דf עַד־עֹולָֽם׃

9 כִּ֣י עַ֤ם מְרִי֙a ה֔וּא בָּנִ֖ים כֶּחָשִׁ֑יםb בָּנִ֕ים לֹֽא־אָב֥וּc שְׁמֹ֖ועַd תֹּורַ֥ת יְהוָֽה׃

10 אֲשֶׁ֨ר אָמְר֤וּa לָֽרֹאִים֙b לֹ֣א תִרְא֔וּc וְלַ֣חֹזִ֔יםd לֹ֥א תֶחֱזוּe ־לָ֖נוּ נְכֹחֹ֑ותf דַּבְּרוּg ־לָ֣נוּ חֲלָקֹ֔ותh חֲז֖וּi מַהֲתַלֹּֽותj ׃

11 ס֚וּרוּa מִנֵּי־דֶ֔רֶךְ הַטּ֖וּb מִנֵּי־אֹ֑רַח הַשְׁבִּ֥יתוּc מִפָּנֵ֖ינוּ אֶת־קְדֹ֥ושׁ יִשְׂרָאֵֽל׃ ס

12 לָכֵ֗ן כֹּ֤ה אָמַר֙a קְדֹ֣ושׁ יִשְׂרָאֵ֔ל יַ֥עַן מָֽאָסְכֶ֖םb בַּדָּבָ֣ר הַזֶּ֑ה וַֽתִּבְטְחוּ֙c בְּעֹ֣שֶׁקd וְנָלֹ֔וזe וַתִּֽשָּׁעֲנ֖וּf עָלָֽיו׃

13 לָכֵ֗ן יִֽהְיֶ֤הa לָכֶם֙ הֶעָוֹ֣ן הַזֶּ֔ה כְּפֶ֣רֶץb נֹפֵ֔ל נִבְעֶ֖הc בְּחֹומָ֣ה נִשְׂגָּבָ֑הd אֲשֶׁר־פִּתְאֹ֥םe לְפֶ֖תַעf יָבֹ֥ואg שִׁבְרָֽהּh ׃

14 וּ֠שְׁבָרָהּa כְּשֵׁ֨בֶרb נֵ֧בֶלc יֹוצְרִ֛יםd כָּת֖וּתe לֹ֣א יַחְמֹ֑לf וְלֹֽא־יִמָּצֵ֤אg בִמְכִתָּתֹו֙h חֶ֔רֶשׂi לַחְתֹּ֥ותj אֵשׁ֙ מִיָּק֔וּדk וְלַחְשֹׂ֥ףl מַ֖יִם מִגֶּֽבֶאm ׃ פ

15 כִּ֣י כֹֽה־אָמַר֩a אֲדֹנָ֨י יְהוִ֜ה קְדֹ֣ושׁ יִשְׂרָאֵ֗ל בְּשׁוּבָ֤הb וָנַ֨חַת֙c תִּוָּ֣שֵׁע֔וּןd בְּהַשְׁקֵט֙e וּבְבִטְחָ֔הf תִּהְיֶ֖הg גְּבֽוּרַתְכֶ֑ם וְלֹ֖א אֲבִיתֶֽםh ׃

16 וַתֹּ֨אמְר֥וּa לֹא־כִ֛י עַל־ס֥וּס נָנ֖וּסb עַל־כֵּ֣ן תְּנוּס֑וּןc וְעַל־קַ֣לd נִרְכָּ֔בe עַל־כֵּ֖ן יִקַּ֥לּוּf רֹדְפֵיכֶֽם׃

17 אֶ֣לֶף אֶחָ֗ד מִפְּנֵי֙ גַּעֲרַ֣תa אֶחָ֔ד מִפְּנֵ֛י גַּעֲרַ֥תb חֲמִשָּׁ֖ה תָּנֻ֑סוּc עַ֣ד אִם־נֹותַרְתֶּ֗םd כַּתֹּ֨רֶן֙e עַל־רֹ֣אשׁ הָהָ֔ר וְכַנֵּ֖סf עַל־הַגִּבְעָֽה׃

18 וְלָכֵ֞ן יְחַכֶּ֤הa יְהוָה֙ לַֽחֲנַנְכֶ֔םb וְלָכֵ֥ן יָר֖וּםc לְרַֽחֶמְכֶ֑םd כִּֽי־אֱלֹהֵ֤י מִשְׁפָּט֙ יְהוָ֔ה אַשְׁרֵ֖יe כָּל־חֹ֥וכֵיf לֹֽו׃ ס

19 כִּי־עַ֛ם בְּצִיֹּ֥ון יֵשֵׁ֖בa בִּירֽוּשָׁלִָ֑ם בָּכֹ֣ו לֹֽא־תִבְכֶּ֗הb חָנֹ֤ון יָחְנְךָ֙c לְקֹ֣ול זַעֲקֶ֔ךָd כְּשָׁמְעָתֹ֖וe עָנָֽךְf ׃

20 וְנָתַ֨ןa לָכֶ֧ם אֲדֹנָ֛י לֶ֥חֶם צָ֖רb וּמַ֣יִם לָ֑חַץc וְלֹֽא־יִכָּנֵ֥ףd עֹוד֙ מֹורֶ֔יךָe וְהָי֥וּf עֵינֶ֖יךָ רֹאֹ֥ותg אֶת־מֹורֶֽיךָh ׃

21 וְאָזְנֶ֨יךָ֙ תִּשְׁמַ֣עְנָהa דָבָ֔ר מֵֽאַחֲרֶ֖יךָ לֵאמֹ֑רb זֶ֤ה הַדֶּ֨רֶךְ֙ לְכ֣וּc בֹ֔ו כִּ֥י תַאֲמִ֖ינוּd וְכִ֥י תַשְׂמְאִֽילוּe ׃

22 וְטִמֵּאתֶ֗םa אֶת־צִפּוּי֙b פְּסִילֵ֣יc כַסְפֶּ֔ךָ וְאֶת־אֲפֻדַּ֖תd מַסֵּכַ֣תe זְהָבֶ֑ךָ תִּזְרֵם֙f כְּמֹ֣ו דָוָ֔הg צֵ֖אh תֹּ֥אמַרi לֹֽו׃

23 וְנָתַן֩a מְטַ֨רb זַרְעֲךָ֜ אֲשֶׁר־תִּזְרַ֣עc אֶת־הָאֲדָמָ֗ה וְלֶ֨חֶם֙ תְּבוּאַ֣תd הָֽאֲדָמָ֔ה וְהָיָ֥הe דָשֵׁ֖ןf וְשָׁמֵ֑ןg יִרְעֶ֥הh מִקְנֶ֛יךָ בַּיֹּ֥ום הַה֖וּא כַּ֥רi נִרְחָֽבj ׃

24 וְהָאֲלָפִ֣יםa וְהָעֲיָרִ֗יםb עֹֽבְדֵי֙c הָֽאֲדָמָ֔ה בְּלִ֥ילd חָמִ֖יץe יֹאכֵ֑לוּf אֲשֶׁר־זֹרֶ֥הg בָרַ֖חַתh וּבַמִּזְרֶֽהi ׃

25 וְהָיָ֣הa ׀ עַל־כָּל־הַ֣ר גָּבֹ֗הַb וְעַל֙ כָּל־גִּבְעָ֣ה נִשָּׂאָ֔ה פְּלָגִ֖יםc יִבְלֵיd ־מָ֑יִם בְּיֹום֙ הֶ֣רֶגe רָ֔ב בִּנְפֹ֖לf מִגְדָּלִֽיםg ׃

26 וְהָיָ֤הa אֹֽור־הַלְּבָנָה֙b כְּאֹ֣ור הַֽחַמָּ֔הc וְאֹ֤ור הַֽחַמָּה֙d יִהְיֶ֣הe שִׁבְעָתַ֔יִם כְּאֹ֖ור שִׁבְעַ֣ת הַיָּמִ֑ים בְּיֹ֗ום חֲבֹ֤שׁf יְהוָה֙ אֶת־שֶׁ֣בֶרg עַמֹּ֔ו וּמַ֥חַץh מַכָּתֹ֖וi יִרְפָּֽאj ׃ ס

27 הִנֵּ֤ה שֵׁם־יְהוָה֙ בָּ֣אa מִמֶּרְחָ֔קb בֹּעֵ֣רc אַפֹּ֔ו וְכֹ֖בֶדd מַשָּׂאָ֑הe שְׂפָתָיו֙ מָ֣לְאוּf זַ֔עַםg וּלְשֹׁונֹ֖ו כְּאֵ֥שׁ אֹכָֽלֶת׃

28 וְרוּחֹ֞ו כְּנַ֤חַל שֹׁוטֵף֙a עַד־צַוָּ֣ארb יֶֽחֱצֶ֔הc לַהֲנָפָ֥הd גֹויִ֖ם בְּנָ֣פַתe שָׁ֑וְא וְרֶ֣סֶןf מַתְעֶ֔ה עַ֖ל לְחָיֵ֥יg עַמִּֽים׃

29 הַשִּׁיר֙ יִֽהְיֶ֣הa לָכֶ֔ם כְּלֵ֖ילb הִתְקַדֶּשׁc ־חָ֑ג וְשִׂמְחַ֣ת לֵבָ֗ב כַּֽהֹולֵךְ֙d בֶּֽחָלִ֔ילe לָבֹ֥ואf בְהַר־יְהוָ֖ה אֶל־צ֥וּר יִשְׂרָאֵֽל׃

30 וְהִשְׁמִ֨יעַa יְהוָ֜ה אֶת־הֹ֣ודb קֹולֹ֗ו וְנַ֤חַתc זְרֹועֹו֙ יַרְאֶ֔הd בְּזַ֣עַףe אַ֔ף וְלַ֖הַבf אֵ֣שׁ אֹוכֵלָ֑ה נֶ֥פֶץg וָזֶ֖רֶםh וְאֶ֥בֶן בָּרָֽדi ׃

31 כִּֽי־מִקֹּ֥ול יְהוָ֖ה יֵחַ֣תa אַשּׁ֑וּר בַּשֵּׁ֖בֶט יַכֶּֽהb ׃

32 וְהָיָ֗הa כֹּ֤ל מַֽעֲבַר֙b מַטֵּ֣ה מֽוּסָדָ֔הc אֲשֶׁ֨ר יָנִ֤יחַd יְהוָה֙ עָלָ֔יו בְּתֻפִּ֖יםe וּבְכִנֹּרֹ֑ותf וּבְמִלְחֲמֹ֥ות תְּנוּפָ֖הg נִלְחַםh ־בהi ׃

33 כִּֽי־עָר֤וּךְa מֵֽאֶתְמוּל֙b תָּפְתֶּ֔הc גַּם־הואd לַמֶּ֥לֶךְ הוּכָ֖ןe הֶעְמִ֣יקf הִרְחִ֑בg מְדֻרָתָ֗הּh אֵ֤שׁ וְעֵצִים֙ הַרְבֵּ֔ה נִשְׁמַ֤תi יְהוָה֙ כְּנַ֣חַל גָּפְרִ֔יתj בֹּעֲרָ֖הk בָּֽהּ׃ ס