ישעיהו

בַּיֹּ֣ום הַה֔וּא יוּשַׁ֥רa הַשִּׁיר־הַזֶּ֖ה בְּאֶ֣רֶץ יְהוּדָ֑ה עִ֣יר עָז־לָ֔נוּ יְשׁוּעָ֥ה יָשִׁ֖יתb חֹומֹ֥ות וָחֵֽלc ׃

2 פִּתְח֖וּa שְׁעָרִ֑ים וְיָבֹ֥אb גֹוי־צַדִּ֖יק שֹׁמֵ֥רc אֱמֻנִֽיםd ׃

3 יֵ֣צֶרa סָמ֔וּךְb תִּצֹּ֖רc שָׁלֹ֣ום׀ שָׁלֹ֑ום כִּ֥י בְךָ֖ בָּטֽוּחַd ׃

4 בִּטְח֥וּa בַֽיהוָ֖ה עֲדֵי־עַ֑דb כִּ֚י בְּיָ֣הּ יְהוָ֔ה צ֖וּר עֹולָמִֽים׃

5 כִּ֤י הֵשַׁח֙a יֹשְׁבֵ֣י מָרֹ֔ום קִרְיָ֖הb נִשְׂגָּבָ֑הc יַשְׁפִּילֶ֤נָּהd יַשְׁפִּילָהּ֙e עַד־אֶ֔רֶץ יַגִּיעֶ֖נָּהf עַד־עָפָֽר׃

6 תִּרְמְסֶ֖נָּהa רָ֑גֶל רַגְלֵ֥י עָנִ֖י פַּעֲמֵ֥י דַלִּֽיםb ׃

7 אֹ֥רַח לַצַּדִּ֖יק מֵֽישָׁרִ֑יםa יָשָׁ֕ר מַעְגַּ֥לb צַדִּ֖יק תְּפַלֵּֽסc ׃

8 אַ֣ף אֹ֧רַח מִשְׁפָּטֶ֛יךָ יְהוָ֖ה קִוִּינ֑וּךָa לְשִׁמְךָ֥ וּֽלְזִכְרְךָ֖b תַּאֲוַתc ־נָֽפֶשׁ׃

9 נַפְשִׁ֤י אִוִּיתִ֨יךָ֙a בַּלַּ֔יְלָה אַף־רוּחִ֥י בְקִרְבִּ֖י אֲשַֽׁחֲרֶ֑ךָּb כִּ֞י כַּאֲשֶׁ֤ר מִשְׁפָּטֶ֨יךָ֙ לָאָ֔רֶץ צֶ֥דֶק לָמְד֖וּc יֹשְׁבֵ֥י תֵבֵֽלd ׃

10 יֻחַ֤ןa רָשָׁע֙ בַּל־לָמַ֣דb צֶ֔דֶק בְּאֶ֥רֶץ נְכֹחֹ֖ותc יְעַוֵּ֑לd וּבַל־יִרְאֶ֖הe גֵּא֥וּתf יְהוָֽה׃ ס

11 יְהוָ֛ה רָ֥מָהa יָדְךָ֖ בַּל־יֶחֱזָי֑וּןb יֶחֱז֤וּc וְיֵבֹ֨שׁוּ֙d קִנְאַתe ־עָ֔ם אַף־אֵ֖שׁ צָרֶ֥יךָ תֹאכְלֵֽםf ׃ ס

12 יְהוָ֕ה תִּשְׁפֹּ֥תa שָׁלֹ֖ום לָ֑נוּ כִּ֛י גַּ֥ם כָּֽל־מַעֲשֵׂ֖ינוּ פָּעַ֥לְתָּb לָּֽנוּ׃

13 יְהוָ֣ה אֱלֹהֵ֔ינוּ בְּעָל֥וּנוּa אֲדֹנִ֖ים זֽוּלָתֶ֑ךָb לְבַד־בְּךָ֖ נַזְכִּ֥ירc שְׁמֶֽךָ׃

14 מֵתִים֙ בַּל־יִחְי֔וּa רְפָאִ֖יםb בַּל־יָקֻ֑מוּc לָכֵ֤ן פָּקַ֨דְתָּ֙d וַתַּשְׁמִידֵ֔םe וַתְּאַבֵּ֥דf כָּל־זֵ֖כֶרg לָֽמֹו׃

15 יָסַ֤פְתָּa לַגֹּוי֙ יְהוָ֔ה יָסַ֥פְתָּb לַגֹּ֖וי נִכְבָּ֑דְתָּc רִחַ֖קְתָּd כָּל־קַצְוֵיe ־אָֽרֶץ׃

16 יְהוָ֖ה בַּצַּ֣רa פְּקָד֑וּךָb צָק֣וּןc לַ֔חַשׁd מוּסָרְךָ֖ לָֽמֹו׃

17 כְּמֹ֤ו הָרָה֙a תַּקְרִ֣יבb לָלֶ֔דֶתc תָּחִ֥ילd תִּזְעַ֖קe בַּחֲבָלֶ֑יהָf כֵּ֛ן הָיִ֥ינוּg מִפָּנֶ֖יךָ יְהוָֽה׃

18 הָרִ֣ינוּa חַ֔לְנוּb כְּמֹ֖ו יָלַ֣דְנוּc ר֑וּחַ יְשׁוּעֹת֙ בַּל־נַ֣עֲשֶׂהd אֶ֔רֶץ וּבַֽל־יִפְּל֖וּe יֹשְׁבֵ֥י תֵבֵֽלf ׃

19 יִֽחְי֣וּa מֵתֶ֔יךָ נְבֵלָתִ֖יb יְקוּמ֑וּןc הָקִ֨יצוּd וְרַנְּנ֜וּe שֹׁכְנֵ֣י עָפָ֗ר כִּ֣י טַ֤לf אֹורֹת֙g טַלֶּ֔ךָh וָאָ֖רֶץ רְפָאִ֥יםi תַּפִּֽילj ׃ ס

20 לֵ֤ךְa עַמִּי֙ בֹּ֣אb בַחֲדָרֶ֔יךָc וּֽסְגֹ֥רd דלתיךe בַּעֲדֶ֑ךָ חֲבִ֥יf כִמְעַט־רֶ֖גַעg עַד־יעבורh ־זָֽעַםi ׃

21 כִּֽי־הִנֵּ֤ה יְהוָה֙ יֹצֵ֣אa מִמְּקֹומֹ֔ו לִפְקֹ֛דb עֲוֹ֥ן יֹֽשֵׁב־הָאָ֖רֶץ עָלָ֑יו וְגִלְּתָ֤הc הָאָ֨רֶץ֙ אֶת־דָּמֶ֔יהָ וְלֹֽא־תְכַסֶּ֥הd עֹ֖וד עַל־הֲרוּגֶֽיהָ׃ ס