ישעיהו

2
הַדָּבָר֙ אֲשֶׁ֣ר חָזָ֔הa יְשַֽׁעְיָ֖הוּb בֶּן־אָמֹ֑וץc עַל־יְהוּדָ֖ה וִירוּשָׁלִָֽם׃
2  וְהָיָ֣הa ׀ בְּאַחֲרִ֣ית הַיָּמִ֗ים נָכֹ֨וןb יִֽהְיֶ֜הc הַ֤ר בֵּית־יְהוָה֙ בְּרֹ֣אשׁ הֶהָרִ֔ים וְנִשָּׂ֖אd מִגְּבָעֹ֑ות וְנָהֲר֥וּe אֵלָ֖יו כָּל־הַגֹּויִֽם׃
3  וְֽהָלְכ֞וּa עַמִּ֣ים רַבִּ֗ים וְאָמְרוּ֙b לְכ֣וּc ׀ וְנַעֲלֶ֣הd אֶל־הַר־יְהוָ֗ה אֶל־בֵּית֙ אֱלֹהֵ֣י יַעֲקֹ֔ב וְיֹרֵ֨נוּ֙e מִדְּרָכָ֔יו וְנֵלְכָ֖הf בְּאֹרְחֹתָ֑יו כִּ֤י מִצִּיֹּון֙ תֵּצֵ֣אg תֹורָ֔ה וּדְבַר־יְהוָ֖ה מִירוּשָׁלִָֽם׃
4  וְשָׁפַט֙a בֵּ֣ין הַגֹּויִ֔ם וְהֹוכִ֖יחַb לְעַמִּ֣ים רַבִּ֑ים וְכִתְּת֨וּc חַרְבֹותָ֜ם לְאִתִּ֗יםd וַחֲנִיתֹֽותֵיהֶם֙e לְמַזְמֵרֹ֔ותf לֹא־יִשָּׂ֨אg גֹ֤וי אֶל־גֹּוי֙ חֶ֔רֶב וְלֹא־יִלְמְד֥וּh עֹ֖וד מִלְחָמָֽה׃ פ
5  בֵּ֖ית יַעֲקֹ֑ב לְכ֥וּa וְנֵלְכָ֖הb בְּאֹ֥ור יְהוָֽה׃
6  כִּ֣י נָטַ֗שְׁתָּהa עַמְּךָ֙ בֵּ֣ית יַעֲקֹ֔ב כִּ֤י מָלְאוּ֙b מִקֶּ֔דֶם וְעֹֽנְנִ֖יםc כַּפְּלִשְׁתִּ֑ים וּבְיַלְדֵ֥י נָכְרִ֖יםd יַשְׂפִּֽיקוּe ׃
7  וַתִּמָּלֵ֤אa אַרְצֹו֙ כֶּ֣סֶף וְזָהָ֔ב וְאֵ֥ין קֵ֖צֶהb לְאֹצְרֹתָ֑יו וַתִּמָּלֵ֤אc אַרְצֹו֙ סוּסִ֔ים וְאֵ֥ין קֵ֖צֶהd לְמַרְכְּבֹתָֽיוe ׃
8  וַתִּמָּלֵ֥אa אַרְצֹ֖ו אֱלִילִ֑יםb לְמַעֲשֵׂ֤ה יָדָיו֙ יִֽשְׁתַּחֲו֔וּc לַאֲשֶׁ֥ר עָשׂ֖וּd אֶצְבְּעֹתָֽיוe ׃
9  וַיִּשַּׁ֥חa אָדָ֖ם וַיִּשְׁפַּלb ־אִ֑ישׁ וְאַל־תִּשָּׂ֖אc לָהֶֽם׃
10  בֹּ֣ואa בַצּ֔וּר וְהִטָּמֵ֖ןb בֶּֽעָפָ֑ר מִפְּנֵי֙ פַּ֣חַדc יְהוָ֔ה וּמֵהֲדַ֖רd גְּאֹנֹֽוe ׃
11  עֵינֵ֞י גַּבְה֤וּתa אָדָם֙ שָׁפֵ֔לb וְשַׁ֖חc ר֣וּםd אֲנָשִׁ֑ים וְנִשְׂגַּ֧בe יְהוָ֛ה לְבַדֹּ֖ו בַּיֹּ֥ום הַהֽוּא׃ ס
12  כִּ֣י יֹ֞ום לַיהוָ֧ה צְבָאֹ֛ות עַ֥ל כָּל־גֵּאֶ֖הa וָרָ֑ם וְעַ֖ל כָּל־נִשָּׂ֥א וְשָׁפֵֽלb ׃
13  וְעַל֙ כָּל־אַרְזֵ֣י הַלְּבָנֹ֔ון הָרָמִ֖ים וְהַנִּשָּׂאִ֑ים וְעַ֖ל כָּל־אַלֹּונֵ֥יa הַבָּשָֽׁן׃
14  וְעַ֖ל כָּל־הֶהָרִ֣ים הָרָמִ֑ים וְעַ֖ל כָּל־הַגְּבָעֹ֥ות הַנִּשָּׂאֹֽות׃
15  וְעַ֖ל כָּל־מִגְדָּ֣לa גָּבֹ֑הַb וְעַ֖ל כָּל־חֹומָ֥ה בְצוּרָֽהc ׃
16  וְעַ֖ל כָּל־אֳנִיֹּ֣ותa תַּרְשִׁ֑ישׁb וְעַ֖ל כָּל־שְׂכִיֹּ֥ותc הַחֶמְדָּֽהd ׃
17  וְשַׁח֙a גַּבְה֣וּתb הָאָדָ֔ם וְשָׁפֵ֖לc ר֣וּםd אֲנָשִׁ֑ים וְנִשְׂגַּ֧בe יְהוָ֛ה לְבַדֹּ֖ו בַּיֹּ֥ום הַהֽוּא׃
18  וְהָאֱלִילִ֖יםa כָּלִ֥ילb יַחֲלֹֽףc ׃
19  וּבָ֨אוּ֙a בִּמְעָרֹ֣ותb צֻרִ֔ים וּבִמְחִלֹּ֖ותc עָפָ֑ר מִפְּנֵ֞י פַּ֤חַדd יְהוָה֙ וּמֵהֲדַ֣רe גְּאֹונֹ֔וf בְּקוּמֹ֖וg לַעֲרֹ֥ץh הָאָֽרֶץ׃
20  בַּיֹּ֤ום הַהוּא֙ יַשְׁלִ֣יךְa הָאָדָ֔ם אֵ֚ת אֱלִילֵ֣יb כַסְפֹּ֔ו וְאֵ֖ת אֱלִילֵ֣יc זְהָבֹ֑ו אֲשֶׁ֤ר עָֽשׂוּd ־לֹו֙ לְהִֽשְׁתַּחֲוֹ֔תe לַחְפֹּ֥רf פֵּרֹ֖ותg וְלָעֲטַלֵּפִֽיםh ׃
21  לָבֹוא֙a בְּנִקְרֹ֣ותb הַצֻּרִ֔ים וּבִסְעִפֵ֖יc הַסְּלָעִ֑ים מִפְּנֵ֞י פַּ֤חַדd יְהוָה֙ וּמֵהֲדַ֣רe גְּאֹונֹ֔וf בְּקוּמֹ֖וg לַעֲרֹ֥ץh הָאָֽרֶץ׃
22  חִדְל֤וּa לָכֶם֙ מִן־הָ֣אָדָ֔ם אֲשֶׁ֥ר נְשָׁמָ֖הb בְּאַפֹּ֑ו כִּֽי־בַמֶּ֥ה נֶחְשָׁ֖בc הֽוּא׃ פ