ישעיהו

מַשָּׂ֖אa מִצְרָ֑יִם הִנֵּ֨ה יְהוָ֜ה רֹכֵ֨בb עַל־עָ֥בc קַל֙d וּבָ֣אe מִצְרַ֔יִם וְנָע֞וּf אֱלִילֵ֤יg מִצְרַ֨יִם֙ מִפָּנָ֔יו וּלְבַ֥ב מִצְרַ֖יִם יִמַּ֥סh בְּקִרְבֹּֽו׃

2 וְסִכְסַכְתִּ֤יa מִצְרַ֨יִם֙ בְּמִצְרַ֔יִם וְנִלְחֲמ֥וּb אִישׁ־בְּאָחִ֖יו וְאִ֣ישׁ בְּרֵעֵ֑הוּ עִ֣יר בְּעִ֔יר מַמְלָכָ֖ה בְּמַמְלָכָֽה׃

3 וְנָבְקָ֤הa רֽוּחַ־מִצְרַ֨יִם֙ בְּקִרְבֹּ֔ו וַעֲצָתֹ֖ו אֲבַלֵּ֑עַb וְדָרְשׁ֤וּc אֶל־הָֽאֱלִילִים֙d וְאֶל־הָ֣אִטִּ֔יםe וְאֶל־הָאֹבֹ֖ותf וְאֶל־הַיִּדְּעֹנִֽיםg ׃

4 וְסִכַּרְתִּי֙a אֶת־מִצְרַ֔יִם בְּיַ֖ד אֲדֹנִ֣ים קָשֶׁ֑הb וּמֶ֤לֶךְ עַז֙c יִמְשָׁלd ־בָּ֔ם נְאֻ֥ם הָאָדֹ֖ון יְהוָ֥ה צְבָאֹֽות׃

5 וְנִשְּׁתוּa ־מַ֖יִם מֵֽהַיָּ֑ם וְנָהָ֖ר יֶחֱרַ֥בb וְיָבֵֽשׁc ׃

6 וְהֶאֶזְנִ֣יחוּa נְהָרֹ֔ות דָּלֲל֥וּb וְחָרְב֖וּc יְאֹרֵ֣יd מָצֹ֑ורe קָנֶ֥ה וָס֖וּףf קָמֵֽלוּg ׃

7 עָרֹ֥ותa עַל־יְאֹ֖ורb עַל־פִּ֣י יְאֹ֑ורc וְכֹל֙ מִזְרַ֣עd יְאֹ֔ורe יִיבַ֥שׁf נִדַּ֖ףg וְאֵינֶֽנּוּ׃

8 וְאָנוּ֙a הַדַּיָּגִ֔יםb וְאָ֣בְל֔וּc כָּל־מַשְׁלִיכֵ֥יd בַיְאֹ֖ורe חַכָּ֑הf וּפֹרְשֵׂ֥יg מִכְמֹ֛רֶתh עַל־פְּנֵי־מַ֖יִם אֻמְלָֽלוּi ׃

9 וּבֹ֛שׁוּa עֹבְדֵ֥יb פִשְׁתִּ֖יםc שְׂרִיקֹ֑ותd וְאֹרְגִ֖יםe חֹורָֽיf ׃

10 וְהָי֥וּa שָׁתֹתֶ֖יהָb מְדֻכָּאִ֑יםc כָּל־עֹ֥שֵׂי שֶׂ֖כֶרd אַגְמֵיe ־נָֽפֶשׁ׃

11 אַךְ־אֱוִלִים֙a שָׂ֣רֵי צֹ֔עַןb חַכְמֵי֙ יֹעֲצֵ֣י פַרְעֹ֔ה עֵצָ֖ה נִבְעָרָ֑הc אֵ֚יךְ תֹּאמְר֣וּd אֶל־פַּרְעֹ֔ה בֶּן־חֲכָמִ֥ים אֲנִ֖י בֶּן־מַלְכֵי־קֶֽדֶם׃

12 אַיָּם֙a אֵפֹ֣ואb חֲכָמֶ֔יךָ וְיַגִּ֥ידוּc נָ֖א לָ֑ךְ וְיֵ֣דְע֔וּd מַה־יָּעַ֛ץe יְהוָ֥ה צְבָאֹ֖ות עַל־מִצְרָֽיִם׃

13 נֹֽואֲלוּ֙a שָׂ֣רֵי צֹ֔עַןb נִשְּׁא֖וּc שָׂ֣רֵי נֹ֑ףd הִתְע֥וּe אֶת־מִצְרַ֖יִם פִּנַּ֥תf שְׁבָטֶֽיהָ׃

14 יְהוָ֛ה מָסַ֥ךְa בְּקִרְבָּ֖הּ ר֣וּחַ עִוְעִ֑יםb וְהִתְע֤וּc אֶת־מִצְרַ֨יִם֙ בְּכָֽל־מַעֲשֵׂ֔הוּ כְּהִתָּעֹ֥ותd שִׁכֹּ֖ורe בְּקִיאֹֽוf ׃

15 וְלֹֽא־יִהְיֶ֥הa לְמִצְרַ֖יִם מַֽעֲשֶׂ֑ה אֲשֶׁ֧ר יַעֲשֶׂ֛הb רֹ֥אשׁ וְזָנָ֖בc כִּפָּ֥הd וְאַגְמֹֽוןe ׃ ס

16 בַּיֹּ֣ום הַה֔וּא יִֽהְיֶ֥הa מִצְרַ֖יִם כַּנָּשִׁ֑ים וְחָרַ֣דb ׀ וּפָחַ֗דc מִפְּנֵי֙ תְּנוּפַת֙d יַד־יְהוָ֣ה צְבָאֹ֔ות אֲשֶׁר־ה֖וּא מֵנִ֥יףe עָלָֽיו׃

17 וְ֠הָיְתָהa אַדְמַ֨ת יְהוּדָ֤ה לְמִצְרַ֨יִם֙ לְחָגָּ֔אb כֹּל֩ אֲשֶׁ֨ר יַזְכִּ֥ירc אֹתָ֛הּ אֵלָ֖יו יִפְחָ֑דd מִפְּנֵ֗י עֲצַת֙ יְהוָ֣ה צְבָאֹ֔ות אֲשֶׁר־ה֖וּא יֹועֵ֥ץe עָלָֽיו׃ ס

18 בַּיֹּ֣ום הַה֡וּא יִהְיוּ֩a חָמֵ֨שׁ עָרִ֜ים בְּאֶ֣רֶץ מִצְרַ֗יִם מְדַבְּרֹות֙b שְׂפַ֣ת כְּנַ֔עַן וְנִשְׁבָּעֹ֖ותc לַיהוָ֣ה צְבָאֹ֑ות עִ֣יר הַהֶ֔רֶסd יֵאָמֵ֖רe לְאֶחָֽת׃ ס

19 בַּיֹּ֣ום הַה֗וּא יִֽהְיֶ֤הa מִזְבֵּ֨חַ֙ לַֽיהוָ֔ה בְּתֹ֖וךְ אֶ֣רֶץ מִצְרָ֑יִם וּמַצֵּבָ֥הb אֵֽצֶל־גְּבוּלָ֖הּ לַֽיהוָֽה׃

20 וְהָיָ֨הa לְאֹ֥ות וּלְעֵ֛ד לַֽיהוָ֥ה צְבָאֹ֖ות בְּאֶ֣רֶץ מִצְרָ֑יִם כִּֽי־יִצְעֲק֤וּb אֶל־יְהוָה֙ מִפְּנֵ֣י לֹֽחֲצִ֔יםc וְיִשְׁלַ֥חd לָהֶ֛ם מֹושִׁ֥יעַ וָרָ֖ב וְהִצִּילָֽםe ׃

21 וְנֹודַ֤עa יְהוָה֙ לְמִצְרַ֔יִם וְיָדְע֥וּb מִצְרַ֛יִם אֶת־יְהוָ֖ה בַּיֹּ֣ום הַה֑וּא וְעָֽבְדוּ֙c זֶ֣בַח וּמִנְחָ֔ה וְנָדְרוּd ־נֵ֥דֶר לַֽיהוָ֖ה וְשִׁלֵּֽמוּe ׃

22 וְנָגַ֧ףa יְהוָ֛ה אֶת־מִצְרַ֖יִם נָגֹ֣ףb וְרָפֹ֑וא וְשָׁ֨בוּ֙c עַד־יְהוָ֔ה וְנֶעְתַּ֥רd לָהֶ֖ם וּרְפָאָֽםe ׃

23 בַּיֹּ֣ום הַה֗וּא תִּהְיֶ֨הa מְסִלָּ֤הb מִמִּצְרַ֨יִם֙ אַשּׁ֔וּרָה וּבָֽאc ־אַשּׁ֥וּר בְּמִצְרַ֖יִם וּמִצְרַ֣יִם בְּאַשּׁ֑וּר וְעָבְד֥וּd מִצְרַ֖יִם אֶת־אַשּֽׁוּר׃ ס

24 בַּיֹּ֣ום הַה֗וּא יִהְיֶ֤הa יִשְׂרָאֵל֙ שְׁלִ֣ישִׁיָּ֔ה לְמִצְרַ֖יִם וּלְאַשּׁ֑וּר בְּרָכָ֖ה בְּקֶ֥רֶב הָאָֽרֶץ׃

25 אֲשֶׁ֧ר בֵּרֲכֹ֛וa יְהוָ֥ה צְבָאֹ֖ות לֵאמֹ֑רb בָּר֨וּךְc עַמִּ֜י מִצְרַ֗יִם וּמַעֲשֵׂ֤ה יָדַי֙ אַשּׁ֔וּר וְנַחֲלָתִ֖י יִשְׂרָאֵֽל׃ ס