ישעיהו

מַשָּׂ֖אa דַּמָּ֑שֶׂקb הִנֵּ֤ה דַמֶּ֨שֶׂק֙c מוּסָ֣רd מֵעִ֔יר וְהָיְתָ֖הe מְעִ֥יf מַפָּלָֽהg ׃

2 עֲזֻבֹ֖ותa עָרֵ֣י עֲרֹעֵ֑רb לַעֲדָרִ֣יםc תִּֽהְיֶ֔ינָהd וְרָבְצ֖וּe וְאֵ֥ין מַחֲרִֽידf ׃

3 וְנִשְׁבַּ֤תa מִבְצָר֙b מֵֽאֶפְרַ֔יִם וּמַמְלָכָ֥ה מִדַּמֶּ֖שֶׂקc וּשְׁאָ֣רd אֲרָ֑ם כִּכְבֹ֤וד בְּנֵֽי־יִשְׂרָאֵל֙ יִֽהְי֔וּe נְאֻ֖ם יְהוָ֥ה צְבָאֹֽות׃ ס

4 וְהָיָה֙a בַּיֹּ֣ום הַה֔וּא יִדַּ֖לb כְּבֹ֣וד יַעֲקֹ֑ב וּמִשְׁמַ֥ןc בְּשָׂרֹ֖ו יֵרָזֶֽהd ׃

5 וְהָיָ֗הa כֶּֽאֱסֹף֙b קָצִ֣ירc קָמָ֔הd וּזְרֹעֹ֖ו שִׁבֳּלִ֣יםe יִקְצֹ֑ורf וְהָיָ֛הg כִּמְלַקֵּ֥טh שִׁבֳּלִ֖יםi בְּעֵ֥מֶק רְפָאִֽיםj ׃

6 וְנִשְׁאַרa ־בֹּ֤ו עֹֽולֵלֹת֙b כְּנֹ֣קֶףc זַ֔יִתd שְׁנַ֧יִם שְׁלֹשָׁ֛ה גַּרְגְּרִ֖יםe בְּרֹ֣אשׁ אָמִ֑ירf אַרְבָּעָ֣ה חֲמִשָּׁ֗ה בִּסְעִפֶ֨יהָ֙g פֹּֽרִיָּ֔הh נְאֻם־יְהוָ֖ה אֱלֹהֵ֥י יִשְׂרָאֵֽל׃ ס

7 בַּיֹּ֣ום הַה֔וּא יִשְׁעֶ֥הa הָאָדָ֖ם עַל־עֹשֵׂ֑הוּ וְעֵינָ֕יו אֶל־קְדֹ֥ושׁ יִשְׂרָאֵ֖ל תִּרְאֶֽינָהb ׃

8 וְלֹ֣א יִשְׁעֶ֔הa אֶל־הַֽמִּזְבְּחֹ֖ות מַעֲשֵׂ֣ה יָדָ֑יו וַאֲשֶׁ֨ר עָשׂ֤וּb אֶצְבְּעֹתָיו֙c לֹ֣א יִרְאֶ֔הd וְהָאֲשֵׁרִ֖יםe וְהָחַמָּנִֽיםf ׃

9 בַּיֹּ֨ום הַה֜וּא יִהְי֣וּa ׀ עָרֵ֣י מָעֻזֹּ֗וb כַּעֲזוּבַ֤ת הַחֹ֨רֶשׁ֙c וְהָ֣אָמִ֔ירd אֲשֶׁ֣ר עָזְב֔וּe מִפְּנֵ֖י בְּנֵ֣י יִשְׂרָאֵ֑ל וְהָיְתָ֖הf שְׁמָמָֽה׃

10 כִּ֤י שָׁכַ֨חַתְּ֙a אֱלֹהֵ֣י יִשְׁעֵ֔ךְb וְצ֥וּר מָעֻזֵּ֖ךְc לֹ֣א זָכָ֑רְתְּd עַל־כֵּ֗ן תִּטְּעִי֙e נִטְעֵ֣יf נַעֲמָנִ֔יםg וּזְמֹ֥רַתh זָ֖ר תִּזְרָעֶֽנּוּi ׃

11 בְּיֹ֤ום נִטְעֵךְ֙a תְּשַׂגְשֵׂ֔גִיb וּבַבֹּ֖קֶר זַרְעֵ֣ךְ תַּפְרִ֑יחִיc נֵ֥דd קָצִ֛ירe בְּיֹ֥ום נַחֲלָ֖ה וּכְאֵ֥בf אָנֽוּשׁg ׃ ס

12 הֹ֗וי הֲמֹון֙ עַמִּ֣ים רַבִּ֔ים כַּהֲמֹ֥ותa יַמִּ֖ים יֶהֱמָי֑וּןb וּשְׁאֹ֣וןc לְאֻמִּ֔יםd כִּשְׁאֹ֛וןe מַ֥יִם כַּבִּירִ֖יםf יִשָּׁאֽוּןg ׃

13 לְאֻמִּ֗יםa כִּשְׁאֹ֞וןb מַ֤יִם רַבִּים֙ יִשָּׁא֔וּןc וְגָ֥עַרd בֹּ֖ו וְנָ֣סe מִמֶּרְחָ֑קf וְרֻדַּ֗ףg כְּמֹ֤ץh הָרִים֙ לִפְנֵי־ר֔וּחַ וּכְגַלְגַּ֖לi לִפְנֵ֥י סוּפָֽהj ׃

14 לְעֵ֥ת עֶ֨רֶב֙ וְהִנֵּ֣ה בַלָּהָ֔הa בְּטֶ֥רֶם בֹּ֖קֶר אֵינֶ֑נּוּ זֶ֚ה חֵ֣לֶק שֹׁוסֵ֔ינוּb וְגֹורָ֖ל לְבֹזְזֵֽינוּc ׃ ס