ישעיהו

מַשָּׂ֖אa בָּבֶ֑ל אֲשֶׁ֣ר חָזָ֔הb יְשַׁעְיָ֖הוּc בֶּן־אָמֹֽוץd ׃

2 עַ֤ל הַר־נִשְׁפֶּה֙a שְֽׂאוּb ־נֵ֔סc הָרִ֥ימוּd קֹ֖ול לָהֶ֑ם הָנִ֣יפוּe יָ֔ד וְיָבֹ֖אוּf פִּתְחֵ֥י נְדִיבִֽיםg ׃

3 אֲנִ֥י צִוֵּ֖יתִיa לִמְקֻדָּשָׁ֑י גַּ֣ם קָרָ֤אתִיb גִבֹּורַי֙ לְאַפִּ֔י עַלִּיזֵ֖יc גַּאֲוָתִֽיd ׃

4 קֹ֥ול הָמֹ֛ון בֶּֽהָרִ֖ים דְּמ֣וּתa עַם־רָ֑ב קֹ֠ול שְׁאֹ֞וןb מַמְלְכֹ֤ות גֹּויִם֙ נֶֽאֱסָפִ֔ים יְהוָ֣ה צְבָאֹ֔ות מְפַקֵּ֖דc צְבָ֥א מִלְחָמָֽה׃

5 בָּאִ֛יםa מֵאֶ֥רֶץ מֶרְחָ֖קb מִקְצֵ֣ה הַשָּׁמָ֑יִם יְהוָה֙ וּכְלֵ֣י זַעְמֹ֔וc לְחַבֵּ֖לd כָּל־הָאָֽרֶץ׃

6 הֵילִ֕ילוּa כִּ֥י קָרֹ֖וב יֹ֣ום יְהוָ֑ה כְּשֹׁ֖דb מִשַּׁדַּ֥יc יָבֹֽואd ׃

7 עַל־כֵּ֖ן כָּל־יָדַ֣יִם תִּרְפֶּ֑ינָהa וְכָל־לְבַ֥ב אֱנֹ֖ושׁb יִמָּסc ׃

8 וְֽנִבְהָ֓לוּa ׀ צִירִ֤יםb וַֽחֲבָלִים֙c יֹֽאחֵז֔וּןd כַּיֹּולֵדָ֖ה יְחִיל֑וּןe אִ֤ישׁ אֶל־רֵעֵ֨הוּ֙ יִתְמָ֔הוּf פְּנֵ֥י לְהָבִ֖יםg פְּנֵיהֶֽם׃

9 הִנֵּ֤ה יֹום־יְהוָה֙ בָּ֔אa אַכְזָרִ֥יb וְעֶבְרָ֖הc וַחֲרֹ֣וןd אָ֑ף לָשׂ֤וּםe הָאָ֨רֶץ֙ לְשַׁמָּ֔הf וְחַטָּאֶ֖יהָg יַשְׁמִ֥ידh מִמֶּֽנָּה׃

10 כִּֽי־כֹוכְבֵ֤יa הַשָּׁמַ֨יִם֙ וּכְסִ֣ילֵיהֶ֔םb לֹ֥א יָהֵ֖לּוּc אֹורָ֑ם חָשַׁ֤ךְd הַשֶּׁ֨מֶשׁ֙ בְּצֵאתֹ֔וe וְיָרֵ֖חַf לֹֽא־יַגִּ֥יהַg אֹורֹֽו׃

11 וּפָקַדְתִּ֤יa עַל־תֵּבֵל֙b רָעָ֔ה וְעַל־רְשָׁעִ֖ים עֲוֹנָ֑ם וְהִשְׁבַּתִּי֙c גְּאֹ֣וןd זֵדִ֔יםe וְגַאֲוַ֥תf עָרִיצִ֖יםg אַשְׁפִּֽילh ׃

12 אֹוקִ֥ירa אֱנֹ֖ושׁb מִפָּ֑זc וְאָדָ֖ם מִכֶּ֥תֶםd אֹופִֽירe ׃

13 עַל־כֵּן֙ שָׁמַ֣יִם אַרְגִּ֔יזa וְתִרְעַ֥שׁb הָאָ֖רֶץ מִמְּקֹומָ֑הּ בְּעֶבְרַת֙c יְהוָ֣ה צְבָאֹ֔ות וּבְיֹ֖ום חֲרֹ֥וןd אַפֹּֽו׃

14 וְהָיָה֙a כִּצְבִ֣יb מֻדָּ֔ח וּכְצֹ֖אן וְאֵ֣ין מְקַבֵּ֑ץc אִ֤ישׁ אֶל־עַמֹּו֙ יִפְנ֔וּd וְאִ֥ישׁ אֶל־אַרְצֹ֖ו יָנֽוּסוּe ׃

15 כָּל־הַנִּמְצָ֖א יִדָּקֵ֑רa וְכָל־הַנִּסְפֶּ֖הb יִפֹּ֥ולc בֶּחָֽרֶב׃

16 וְעֹלְלֵיהֶ֥םa יְרֻטְּשׁ֖וּb לְעֵֽינֵיהֶ֑ם יִשַּׁ֨סּוּ֙c בָּֽתֵּיהֶ֔ם וּנְשֵׁיהֶ֖ם תשׁגלנהd ׃

17 הִנְנִ֛י מֵעִ֥ירa עֲלֵיהֶ֖ם אֶת־מָדָ֑יb אֲשֶׁר־כֶּ֨סֶף֙ לֹ֣א יַחְשֹׁ֔בוּc וְזָהָ֖ב לֹ֥א יַחְפְּצוּd ־בֹֽו׃

18 וּקְשָׁתֹ֖ות נְעָרִ֣ים תְּרַטַּ֑שְׁנָהa וּפְרִי־בֶ֨טֶן֙ לֹ֣א יְרַחֵ֔מוּb עַל־בָּנִ֖ים לֹֽא־תָח֥וּסc עֵינָֽם׃

19 וְהָיְתָ֤הa בָבֶל֙ צְבִ֣יb מַמְלָכֹ֔ות תִּפְאֶ֖רֶתc גְּאֹ֣וןd כַּשְׂדִּ֑יםe כְּמַהְפֵּכַ֣תf אֱלֹהִ֔ים אֶת־סְדֹ֖םg וְאֶת־עֲמֹרָֽהh ׃

20 לֹֽא־תֵשֵׁ֣בa לָנֶ֔צַחb וְלֹ֥א תִשְׁכֹּ֖ןc עַד־דֹּ֣ור וָדֹ֑ור וְלֹֽא־יַהֵ֥לd שָׁם֙ עֲרָבִ֔יe וְרֹעִ֖ים לֹא־יַרְבִּ֥צוּf שָֽׁם׃

21 וְרָבְצוּa ־שָׁ֣ם צִיִּ֔יםb וּמָלְא֥וּc בָתֵּיהֶ֖ם אֹחִ֑יםd וְשָׁ֤כְנוּe שָׁם֙ בְּנֹ֣ות יַֽעֲנָ֔הf וּשְׂעִירִ֖יםg יְרַקְּדוּh ־שָֽׁם׃

22 וְעָנָ֤הa אִיִּים֙b בְּאַלְמנֹותָ֔יו וְתַנִּ֖יםc בְּהֵ֣יכְלֵי עֹ֑נֶגd וְקָרֹ֤וב לָבֹוא֙e עִתָּ֔הּ וְיָמֶ֖יהָ לֹ֥א יִמָּשֵֽׁכוּf ׃