ישעיהו

וְאָֽמַרְתָּ֙a בַּיֹּ֣ום הַה֔וּא אֹודְךָ֣b יְהוָ֔ה כִּ֥י אָנַ֖פְתָּc בִּ֑י יָשֹׁ֥בd אַפְּךָ֖ וּֽתְנַחֲמֵֽנִיe ׃

2 הִנֵּ֨ה אֵ֧ל יְשׁוּעָתִ֛י אֶבְטַ֖חa וְלֹ֣א אֶפְחָ֑דb כִּֽי־עָזִּ֤יc וְזִמְרָת֙d יָ֣הּ יְהוָ֔ה וַֽיְהִיe ־לִ֖י לִֽישׁוּעָֽה׃

3 וּשְׁאַבְתֶּםa ־מַ֖יִם בְּשָׂשֹׂ֑וןb מִמַּעַיְנֵ֖יc הַיְשׁוּעָֽה׃

4 וַאֲמַרְתֶּ֞םa בַּיֹּ֣ום הַה֗וּא הֹוד֤וּb לַֽיהוָה֙ קִרְא֣וּc בִשְׁמֹ֔ו הֹודִ֥יעוּd בָֽעַמִּ֖ים עֲלִֽילֹתָ֑יוe הַזְכִּ֕ירוּf כִּ֥י נִשְׂגָּ֖בg שְׁמֹֽו׃

5 זַמְּר֣וּa יְהוָ֔ה כִּ֥י גֵא֖וּתb עָשָׂ֑הc מידעתd זֹ֖את בְּכָל־הָאָֽרֶץ׃

6 צַהֲלִ֥יa וָרֹ֖נִּיb יֹושֶׁ֣בֶת צִיֹּ֑ון כִּֽי־גָדֹ֥ול בְּקִרְבֵּ֖ךְ קְדֹ֥ושׁ יִשְׂרָאֵֽל׃ פ