הושע

לְכוּ֙a וְנָשׁ֣וּבָהb אֶל־יְהוָ֔ה כִּ֛י ה֥וּא טָרָ֖ףc וְיִרְפָּאֵ֑נוּd יַ֖ךְe וְיַחְבְּשֵֽׁנוּf ׃

2 יְחַיֵּ֖נוּa מִיֹּמָ֑יִם בַּיֹּום֙ הַשְּׁלִישִׁ֔י יְקִמֵ֖נוּb וְנִחְיֶ֥הc לְפָנָֽיו׃

3 וְנֵדְעָ֣הa נִרְדְּפָ֗הb לָדַ֨עַת֙c אֶת־יְהוָ֔ה כְּשַׁ֖חַרd נָכֹ֣וןe מֹֽוצָאֹ֑וf וְיָבֹ֤ואg כַגֶּ֨שֶׁם֙h לָ֔נוּ כְּמַלְקֹ֖ושׁi יֹ֥ורֶהj אָֽרֶץ׃

4 מָ֤ה אֶֽעֱשֶׂהa ־לְּךָ֙ אֶפְרַ֔יִם מָ֥ה אֶעֱשֶׂהb ־לְּךָ֖ יְהוּדָ֑ה וְחַסְדְּכֶם֙ כַּֽעֲנַן־בֹּ֔קֶר וְכַטַּ֖לc מַשְׁכִּ֥יםd הֹלֵֽךְe ׃

5 עַל־כֵּ֗ן חָצַ֨בְתִּי֙a בַּנְּבִיאִ֔ים הֲרַגְתִּ֖יםb בְּאִמְרֵיc ־פִ֑י וּמִשְׁפָּטֶ֖יךָ אֹ֥ור יֵצֵֽאd ׃

6 כִּ֛י חֶ֥סֶד חָפַ֖צְתִּיa וְלֹא־זָ֑בַח וְדַ֥עַת אֱלֹהִ֖ים מֵעֹלֹֽות׃

7 וְהֵ֕מָּה כְּאָדָ֖םa עָבְר֣וּb בְרִ֑ית שָׁ֖ם בָּ֥גְדוּc בִֽי׃

8 גִּלְעָ֕ד קִרְיַ֖תa פֹּ֣עֲלֵי אָ֑וֶן עֲקֻבָּ֖הb מִדָּֽם׃

9 וּכְחַכֵּ֨יa אִ֜ישׁ גְּדוּדִ֗יםb חֶ֚בֶרc כֹּֽהֲנִ֔ים דֶּ֖רֶךְ יְרַצְּחוּd ־שֶׁ֑כְמָה כִּ֥י זִמָּ֖הe עָשֽׂוּf ׃

10 בְּבֵית֙ יִשְׂרָאֵ֔ל רָאִ֖יתִיa שׁעריריהb שָׁ֚ם זְנ֣וּתc לְאֶפְרַ֔יִם נִטְמָ֖אd יִשְׂרָאֵֽל׃

11 גַּם־יְהוּדָ֕ה שָׁ֥תa קָצִ֖ירb לָ֑ךְ בְּשׁוּבִ֖יc שְׁב֥וּתd עַמִּֽי׃ פ