הושע

שִׁמְע֥וּa דְבַר־יְהוָ֖ה בְּנֵ֣י יִשְׂרָאֵ֑ל כִּ֣י רִ֤יב לַֽיהוָה֙ עִם־יֹושְׁבֵ֣י הָאָ֔רֶץ כִּ֠י אֵין־אֱמֶ֧ת וְֽאֵין־חֶ֛סֶד וְאֵֽין־דַּ֥עַת אֱלֹהִ֖ים בָּאָֽרֶץ׃

2 אָלֹ֣הa וְכַחֵ֔שׁb וְרָצֹ֥חַc וְגָנֹ֖בd וְנָאֹ֑ףe פָּרָ֕צוּf וְדָמִ֥ים בְּדָמִ֖ים נָגָֽעוּg ׃

3 עַל־כֵּ֣ן׀ תֶּאֱבַ֣לa הָאָ֗רֶץ וְאֻמְלַל֙b כָּל־יֹושֵׁ֣בc בָּ֔הּ בְּחַיַּ֥ת הַשָּׂדֶ֖ה וּבְעֹ֣וף הַשָּׁמָ֑יִם וְגַם־דְּגֵ֥יd הַיָּ֖ם יֵאָסֵֽפוּe ׃

4 אַ֥ךְ אִ֛ישׁ אַל־יָרֵ֖בa וְאַל־יֹוכַ֣חb אִ֑ישׁ וְעַמְּךָ֖ כִּמְרִיבֵ֥י כֹהֵֽן׃

5 וְכָשַׁלְתָּ֣a הַיֹּ֔ום וְכָשַׁ֧לb גַּם־נָבִ֛יא עִמְּךָ֖ לָ֑יְלָה וְדָמִ֖יתִיc אִמֶּֽךָ׃

6 נִדְמ֥וּa עַמִּ֖י מִבְּלִ֣י הַדָּ֑עַת כִּֽי־אַתָּ֞ה הַדַּ֣עַת מָאַ֗סְתָּb וְאֶמְאָֽסְאךָ֙c מִכַּהֵ֣ןd לִ֔י וַתִּשְׁכַּח֙e תֹּורַ֣ת אֱלֹהֶ֔יךָ אֶשְׁכַּ֥חf בָּנֶ֖יךָ גַּם־אָֽנִי׃

7 כְּרֻבָּ֖םa כֵּ֣ן חָֽטְאוּb ־לִ֑י כְּבֹודָ֖ם בְּקָלֹ֥וןc אָמִֽירd ׃

8 חַטַּ֥את עַמִּ֖י יֹאכֵ֑לוּa וְאֶל־עֲוֹנָ֖ם יִשְׂא֥וּb נַפְשֹֽׁו׃

9 וְהָיָ֥הa כָעָ֖ם כַּכֹּהֵ֑ן וּפָקַדְתִּ֤יb עָלָיו֙ דְּרָכָ֔יו וּמַעֲלָלָ֖יוc אָשִׁ֥יבd לֹֽו׃

10 וְאָֽכְלוּ֙a וְלֹ֣א יִשְׂבָּ֔עוּb הִזְנ֖וּc וְלֹ֣א יִפְרֹ֑צוּd כִּֽי־אֶת־יְהוָ֥ה עָזְב֖וּe לִשְׁמֹֽרf ׃

11 זְנ֛וּתa וְיַ֥יִן וְתִירֹ֖ושׁb יִֽקַּֽחc ־לֵֽב׃

12 עַמִּי֙ בְּעֵצֹ֣ו יִשְׁאָ֔לa וּמַקְלֹ֖וb יַגִּ֣ידc לֹ֑ו כִּ֣י ר֤וּחַ זְנוּנִים֙d הִתְעָ֔הe וַיִּזְנ֖וּf מִתַּ֥חַת אֱלֹהֵיהֶֽם׃

13 עַל־רָאשֵׁ֨י הֶהָרִ֜ים יְזַבֵּ֗חוּa וְעַל־הַגְּבָעֹות֙ יְקַטֵּ֔רוּb תַּ֣חַת אַלֹּ֧וןc וְלִבְנֶ֛הd וְאֵלָ֖הe כִּ֣י טֹ֣וב צִלָּ֑הּ עַל־כֵּ֗ן תִּזְנֶ֨ינָה֙f בְּנֹ֣ותֵיכֶ֔ם וְכַלֹּותֵיכֶ֖םg תְּנָאַֽפְנָהh ׃

14 לֹֽא־אֶפְקֹ֨ודa עַל־בְּנֹותֵיכֶ֜ם כִּ֣י תִזְנֶ֗ינָהb וְעַל־כַּלֹּֽותֵיכֶם֙c כִּ֣י תְנָאַ֔פְנָהd כִּי־הֵם֙ עִם־הַזֹּנֹ֣ות יְפָרֵ֔דוּe וְעִם־הַקְּדֵשֹׁ֖ותf יְזַבֵּ֑חוּg וְעָ֥ם לֹֽא־יָבִ֖יןh יִלָּבֵֽטi ׃

15 אִם־זֹנֶ֤הa אַתָּה֙ יִשְׂרָאֵ֔ל אַל־יֶאְשַׁ֖םb יְהוּדָ֑ה וְאַל־תָּבֹ֣אוּc הַגִּלְגָּ֗לd וְאַֽל־תַּעֲלוּ֙e בֵּ֣ית אָ֔וֶןf וְאַל־תִּשָּׁבְע֖וּg חַי־יְהוָֽה׃

16 כִּ֚י כְּפָרָ֣הa סֹֽרֵרָ֔הb סָרַ֖רc יִשְׂרָאֵ֑ל עַתָּה֙ יִרְעֵ֣םd יְהוָ֔ה כְּכֶ֖בֶשׂ בַּמֶּרְחָֽבe ׃

17 חֲב֧וּרa עֲצַבִּ֛יםb אֶפְרָ֖יִם הַֽנַּֽחc ־לֹֽו׃

18 סָ֖רa סָבְאָ֑םb הַזְנֵ֣ה הִזְנ֔וּc אָהֲב֥וּd הֵב֛וּe קָלֹ֖וןf מָגִנֶּֽיהָg ׃

19 צָרַ֥רa ר֛וּחַ אֹותָ֖הּ בִּכְנָפֶ֑יהָ וְיֵבֹ֖שׁוּb מִזִּבְחֹותָֽם׃ ס