הושע

כְּדַבֵּ֤רa אֶפְרַ֨יִם֙ רְתֵ֔תb נָשָׂ֥אc ה֖וּא בְּיִשְׂרָאֵ֑ל וַיֶּאְשַׁ֥םd בַּבַּ֖עַל וַיָּמֹֽתe ׃

2 וְעַתָּ֣ה׀ יֹוסִ֣פוּa לַחֲטֹ֗אb וַיַּעְשׂ֣וּc לָהֶם֩ מַסֵּכָ֨הd מִכַּסְפָּ֤ם כִּתְבוּנָם֙e עֲצַבִּ֔יםf מַעֲשֵׂ֥ה חָרָשִׁ֖יםg כֻּלֹּ֑ה לָהֶם֙ הֵ֣ם אֹמְרִ֔יםh זֹבְחֵ֣י אָדָ֔ם עֲגָלִ֖יםi יִשָּׁקֽוּןj ׃

3 לָכֵ֗ן יִֽהְיוּ֙a כַּעֲנַן־בֹּ֔קֶר וְכַטַּ֖לb מַשְׁכִּ֣יםc הֹלֵ֑ךְd כְּמֹץ֙e יְסֹעֵ֣רf מִגֹּ֔רֶןg וּכְעָשָׁ֖ןh מֵאֲרֻבָּֽהi ׃

4 וְאָנֹכִ֛י יְהוָ֥ה אֱלֹהֶ֖יךָ מֵאֶ֣רֶץ מִצְרָ֑יִם וֵאלֹהִ֤ים זֽוּלָתִי֙a לֹ֣א תֵדָ֔עb וּמֹושִׁ֥יעַ אַ֖יִן בִּלְתִּֽי׃

5 אֲנִ֥י יְדַעְתִּ֖יךָa בַּמִּדְבָּ֑ר בְּאֶ֖רֶץ תַּלְאֻבֹֽותb ׃

6 כְּמַרְעִיתָם֙a וַיִּשְׂבָּ֔עוּb שָׂבְע֖וּc וַיָּ֣רָםd לִבָּ֑ם עַל־כֵּ֖ן שְׁכֵחֽוּנִיe ׃

7 וָאֱהִ֥יa לָהֶ֖ם כְּמֹו־שָׁ֑חַלb כְּנָמֵ֖רc עַל־דֶּ֥רֶךְ אָשֽׁוּרd ׃

8 אֶפְגְּשֵׁם֙a כְּדֹ֣בb שַׁכּ֔וּלc וְאֶקְרַ֖עd סְגֹ֣ורe לִבָּ֑ם וְאֹכְלֵ֥םf שָׁם֙ כְּלָבִ֔יאg חַיַּ֥ת הַשָּׂדֶ֖ה תְּבַקְּעֵֽםh ׃

9 שִֽׁחֶתְךָ֥a יִשְׂרָאֵ֖ל כִּֽי־בִ֥י בְעֶזְרֶֽךָb ׃

10 אֱהִ֤יa מַלְכְּךָ֙ אֵפֹ֔ואb וְיֹושִֽׁיעֲךָ֖c בְּכָל־עָרֶ֑יךָ וְשֹׁ֣פְטֶ֔יךָ אֲשֶׁ֣ר אָמַ֔רְתָּd תְּנָהe ־לִּ֖י מֶ֥לֶךְ וְשָׂרִֽים׃

11 אֶֽתֶּןa ־לְךָ֥ מֶ֨לֶךְ֙ בְּאַפִּ֔י וְאֶקַּ֖חb בְּעֶבְרָתִֽיc ׃ ס

12 צָרוּר֙a עֲוֹ֣ן אֶפְרָ֔יִם צְפוּנָ֖הb חַטָּאתֹֽו׃

13 חֶבְלֵ֥יa יֹֽולֵדָ֖ה יָבֹ֣אוּb לֹ֑ו הוּא־בֵן֙ לֹ֣א חָכָ֔ם כִּֽי־עֵ֥ת לֹֽא־יַעֲמֹ֖דc בְּמִשְׁבַּ֥רd בָּנִֽים׃

14 מִיַּ֤ד שְׁאֹול֙ אֶפְדֵּ֔םa מִמָּ֖וֶת אֶגְאָלֵ֑םb אֱהִ֨יc דְבָרֶיךָ֜d מָ֗וֶת אֱהִ֤יe קָֽטָבְךָ֙f שְׁאֹ֔ול נֹ֖חַםg יִסָּתֵ֥רh מֵעֵינָֽי׃

15 כִּ֣י ה֔וּא בֵּ֥ן אַחִ֖ים יַפְרִ֑יאa יָבֹ֣ואb קָדִים֩ ר֨וּחַ יְהוָ֜ה מִמִּדְבָּ֣ר עֹלֶ֗הc וְיֵבֹ֤ושׁd מְקֹורֹו֙e וְיֶחֱרַ֣בf מַעְיָנֹ֔וg ה֣וּא יִשְׁסֶ֔הh אֹוצַ֖ר כָּל־כְּלִ֥י חֶמְדָּֽהi ׃