הושע

סְבָבֻ֤נִיa בְכַ֨חַשׁ֙b אֶפְרַ֔יִם וּבְמִרְמָ֖הc בֵּ֣ית יִשְׂרָאֵ֑ל וִֽיהוּדָ֗ה עֹ֥ד רָד֙d עִם־אֵ֔ל וְעִם־קְדֹושִׁ֖ים נֶאֱמָֽןe ׃

2 אֶפְרַ֜יִם רֹעֶ֥הa ר֨וּחַ֙ וְרֹדֵ֣ףb קָדִ֔ים כָּל־הַיֹּ֕ום כָּזָ֥בc וָשֹׁ֖דd יַרְבֶּ֑הe וּבְרִית֙ עִם־אַשּׁ֣וּר יִכְרֹ֔תוּf וְשֶׁ֖מֶן לְמִצְרַ֥יִם יוּבָֽלg ׃

3 וְרִ֥יב לַֽיהוָ֖ה עִם־יְהוּדָ֑ה וְלִפְקֹ֤דa עַֽל־יַעֲקֹב֙ כִּדְרָכָ֔יו כְּמַעֲלָלָ֖יוb יָשִׁ֥יבc לֹֽו׃

4 בַּבֶּ֖טֶן עָקַ֣בa אֶת־אָחִ֑יו וּבְאֹונֹ֖וb שָׂרָ֥הc אֶת־אֱלֹהִֽים׃

5 וָיָּ֤שַׂרa אֶל־מַלְאָךְ֙ וַיֻּכָ֔לb בָּכָ֖הc וַיִּתְחַנֶּןd ־לֹ֑ו בֵּֽית־אֵל֙ יִמְצָאֶ֔נּוּe וְשָׁ֖ם יְדַבֵּ֥רf עִמָּֽנוּ׃

6 וַֽיהוָ֖ה אֱלֹהֵ֣י הַצְּבָאֹ֑ות יְהוָ֖ה זִכְרֹֽוa ׃

7 וְאַתָּ֖ה בֵּאלֹהֶ֣יךָ תָשׁ֑וּבa חֶ֤סֶד וּמִשְׁפָּט֙ שְׁמֹ֔רb וְקַוֵּ֥הc אֶל־אֱלֹהֶ֖יךָ תָּמִֽיד׃

8 כְּנַ֗עַן בְּיָדֹ֛ו מֹאזְנֵ֥יa מִרְמָ֖הb לַעֲשֹׁ֥קc אָהֵֽבd ׃

9 וַיֹּ֣אמֶרa אֶפְרַ֔יִם אַ֣ךְ עָשַׁ֔רְתִּיb מָצָ֥אתִיc אֹ֖וןd לִ֑י כָּל־יְגִיעַ֕יe לֹ֥א יִמְצְאוּf ־לִ֖י עָוֹ֥ן אֲשֶׁר־חֵֽטְאg ׃

10 וְאָנֹכִ֛י יְהוָ֥ה אֱלֹהֶ֖יךָ מֵאֶ֣רֶץ מִצְרָ֑יִם עֹ֛ד אֹושִֽׁיבְךָ֥a בָאֳהָלִ֖ים כִּימֵ֥י מֹועֵֽד׃

11 וְדִבַּ֨רְתִּי֙a עַל־הַנְּבִיאִ֔ים וְאָנֹכִ֖י חָזֹ֣וןb הִרְבֵּ֑יתִיc וּבְיַ֥ד הַנְּבִיאִ֖ים אֲדַמֶּֽהd ׃

12 אִם־גִּלְעָ֥ד אָ֨וֶן֙ אַךְ־שָׁ֣וְא הָי֔וּa בַּגִּלְגָּ֖לb שְׁוָרִ֣ים זִבֵּ֑חוּc גַּ֤ם מִזְבְּחֹותָם֙ כְּגַלִּ֔יםd עַ֖ל תַּלְמֵ֥יe שָׂדָֽיf ׃

13 וַיִּבְרַ֥חa יַעֲקֹ֖ב שְׂדֵ֣ה אֲרָ֑ם וַיַּעֲבֹ֤דb יִשְׂרָאֵל֙ בְּאִשָּׁ֔ה וּבְאִשָּׁ֖ה שָׁמָֽרc ׃

14 וּבְנָבִ֕יא הֶעֱלָ֧הa יְהוָ֛ה אֶת־יִשְׂרָאֵ֖ל מִמִּצְרָ֑יִם וּבְנָבִ֖יא נִשְׁמָֽרb ׃

15 הִכְעִ֥יסa אֶפְרַ֖יִם תַּמְרוּרִ֑יםb וְדָמָיו֙ עָלָ֣יו יִטֹּ֔ושׁc וְחֶ֨רְפָּתֹ֔ו יָשִׁ֥יבd לֹ֖ו אֲדֹנָֽיו׃