הושע

גֶּ֤פֶן בֹּוקֵק֙a יִשְׂרָאֵ֔ל פְּרִ֖י יְשַׁוֶּהb ־לֹּ֑ו כְּרֹ֣ב לְפִרְיֹ֗ו הִרְבָּה֙c לַֽמִּזְבְּחֹ֔ות כְּטֹ֣ובd לְאַרְצֹ֔ו הֵיטִ֖יבוּe מַצֵּבֹֽותf ׃

2 חָלַ֥קa לִבָּ֖ם עַתָּ֣ה יֶאְשָׁ֑מוּb ה֚וּא יַעֲרֹ֣ףc מִזְבְּחֹותָ֔ם יְשֹׁדֵ֖דd מַצֵּבֹותָֽםe ׃

3 כִּ֤י עַתָּה֙ יֹֽאמְר֔וּa אֵ֥ין מֶ֖לֶךְ לָ֑נוּ כִּ֣י לֹ֤א יָרֵ֨אנוּ֙b אֶת־יְהוָ֔ה וְהַמֶּ֖לֶךְ מַה־יַּֽעֲשֶׂהc ־לָּֽנוּ׃

4 דִּבְּר֣וּa דְבָרִ֔ים אָלֹ֥ותb שָׁ֖וְא כָּרֹ֣תc בְּרִ֑ית וּפָרַ֤חd כָּרֹאשׁ֙e מִשְׁפָּ֔ט עַ֖ל תַּלְמֵ֥יf שָׂדָֽיg ׃

5 לְעֶגְלֹות֙a בֵּ֣ית אָ֔וֶןb יָג֖וּרוּc שְׁכַ֣ןd שֹֽׁמְרֹ֑ון כִּי־אָבַ֨לe עָלָ֜יו עַמֹּ֗ו וּכְמָרָיו֙f עָלָ֣יו יָגִ֔ילוּg עַל־כְּבֹודֹ֖ו כִּֽי־גָלָ֥הh מִמֶּֽנּוּ׃

6 גַּם־אֹותֹו֙ לְאַשּׁ֣וּר יוּבָ֔לa מִנְחָ֖ה לְמֶ֣לֶךְ יָרֵ֑בb בָּשְׁנָה֙c אֶפְרַ֣יִם יִקָּ֔חd וְיֵבֹ֥ושׁe יִשְׂרָאֵ֖ל מֵעֲצָתֹֽו׃

7 נִדְמֶ֥הa שֹׁמְרֹ֖ון מַלְכָּ֑הּ כְּקֶ֖צֶףb עַל־פְּנֵי־מָֽיִם׃

8 וְנִשְׁמְד֞וּa בָּמֹ֣ות אָ֗וֶן חַטַּאת֙ יִשְׂרָאֵ֔ל קֹ֣וץb וְדַרְדַּ֔רc יַעֲלֶ֖הd עַל־מִזְבְּחֹותָ֑ם וְאָמְר֤וּe לֶֽהָרִים֙ כַּסּ֔וּנוּf וְלַגְּבָעֹ֖ות נִפְל֥וּg עָלֵֽינוּ׃ ס

9 מִימֵי֙ הַגִּבְעָ֔הa חָטָ֖אתָb יִשְׂרָאֵ֑ל שָׁ֣ם עָמָ֔דוּc לֹֽא־תַשִּׂיגֵ֧םd בַּגִּבְעָ֛הe מִלְחָמָ֖ה עַל־בְּנֵ֥י עַֽלְוָֽהf ׃

10 בְּאַוָּתִ֖יa וְאֶסֳּרֵ֑םb וְאֻסְּפ֤וּc עֲלֵיהֶם֙ עַמִּ֔ים בְּאָסְרָ֖םd לִשְׁתֵּ֥י עינתםe ׃

11 וְאֶפְרַ֜יִם עֶגְלָ֤הa מְלֻמָּדָה֙ אֹהַ֣בְתִּיb לָד֔וּשׁc וַאֲנִ֣י עָבַ֔רְתִּיd עַל־ט֖וּבe צַוָּארָ֑הּf אַרְכִּ֤יבg אֶפְרַ֨יִם֙ יַחֲרֹ֣ושׁh יְהוּדָ֔ה יְשַׂדֶּדi ־לֹ֖ו יַעֲקֹֽב׃

12 זִרְע֨וּa לָכֶ֤ם לִצְדָקָה֙ קִצְר֣וּb לְפִי־חֶ֔סֶד נִ֥ירוּc לָכֶ֖ם נִ֑ירd וְעֵת֙ לִדְרֹ֣ושׁe אֶת־יְהוָ֔ה עַד־יָבֹ֕ואf וְיֹרֶ֥הg צֶ֖דֶק לָכֶֽם׃

13 חֲרַשְׁתֶּםa ־רֶ֛שַׁעb עַוְלָ֥תָהc קְצַרְתֶּ֖םd אֲכַלְתֶּ֣םe פְּרִי־כָ֑חַשׁf כִּֽי־בָטַ֥חְתָּg בְדַרְכְּךָ֖ בְּרֹ֥ב גִּבֹּורֶֽיךָ׃

14 וְקָ֣אםa שָׁאֹון֮b בְּעַמֶּךָ֒ וְכָל־מִבְצָרֶ֣יךָc יוּשַּׁ֔דd כְּשֹׁ֧דe שַֽׁלְמַ֛ןf בֵּ֥ית אַֽרְבֵ֖אלg בְּיֹ֣ום מִלְחָמָ֑ה אֵ֥ם עַל־בָּנִ֖ים רֻטָּֽשָׁהh ׃

15 כָּ֗כָהa עָשָׂ֤הb לָכֶם֙ בֵּֽית־אֵ֔ל מִפְּנֵ֖י רָעַ֣ת רָֽעַתְכֶ֑ם בַּשַּׁ֕חַרc נִדְמֹ֥הd נִדְמָ֖הe מֶ֥לֶךְ יִשְׂרָאֵֽל׃