הושע

דְּבַר־יְהוָ֣ה׀ אֲשֶׁ֣ר הָיָ֗הa אֶל־הֹושֵׁ֨עַ֙b בֶּן־בְּאֵרִ֔יc בִּימֵ֨י עֻזִּיָּ֥הd יֹותָ֛םe אָחָ֥זf יְחִזְקִיָּ֖הg מַלְכֵ֣י יְהוּדָ֑ה וּבִימֵ֛י יָרָבְעָ֥ם בֶּן־יֹואָ֖שׁh מֶ֥לֶךְ יִשְׂרָאֵֽל׃

2 תְּחִלַּ֥תa דִּבֶּרb ־יְהוָ֖ה בְּהֹושֵׁ֑עַc פ וַיֹּ֨אמֶרd יְהוָ֜ה אֶל־הֹושֵׁ֗עַe לֵ֣ךְf קַחg ־לְךָ֞ אֵ֤שֶׁת זְנוּנִים֙h וְיַלְדֵ֣י זְנוּנִ֔יםi כִּֽי־זָנֹ֤ה תִזְנֶה֙j הָאָ֔רֶץ מֵֽאַחֲרֵ֖י יְהוָֽה׃

3 וַיֵּ֨לֶךְ֙a וַיִּקַּ֔חb אֶת־גֹּ֖מֶרc בַּת־דִּבְלָ֑יִםd וַתַּ֥הַרe וַתֵּֽלֶדf ־לֹ֖ו בֵּֽן׃

4 וַיֹּ֤אמֶרa יְהוָה֙ אֵלָ֔יו קְרָ֥אb שְׁמֹ֖ו יִזְרְעֶ֑אלc כִּי־עֹ֣וד מְעַ֗ט וּפָ֨קַדְתִּ֜יd אֶת־דְּמֵ֤י יִזְרְעֶאל֙e עַל־בֵּ֣ית יֵה֔וּא וְהִ֨שְׁבַּתִּ֔יf מַמְלְכ֖וּתg בֵּ֥ית יִשְׂרָאֵֽל׃

5 וְהָיָ֖הa בַּיֹּ֣ום הַה֑וּא וְשָֽׁבַרְתִּי֙b אֶת־קֶ֣שֶׁת יִשְׂרָאֵ֔ל בְּעֵ֖מֶק יִזְרְעֶֽאלc ׃

6 וַתַּ֤הַרa עֹוד֙ וַתֵּ֣לֶדb בַּ֔ת וַיֹּ֣אמֶרc לֹ֔ו קְרָ֥אd שְׁמָ֖הּ לֹ֣א רֻחָ֑מָהe כִּי֩ לֹ֨א אֹוסִ֜יףf עֹ֗וד אֲרַחֵם֙g אֶת־בֵּ֣ית יִשְׂרָאֵ֔ל כִּֽי־נָשֹׂ֥א אֶשָּׂ֖אh לָהֶֽם׃

7 וְאֶת־בֵּ֤ית יְהוּדָה֙ אֲרַחֵ֔םa וְהֹֽושַׁעְתִּ֖יםb בַּיהוָ֣ה אֱלֹֽהֵיהֶ֑ם וְלֹ֣א אֹֽושִׁיעֵ֗םc בְּקֶ֤שֶׁת וּבְחֶ֨רֶב֙ וּבְמִלְחָמָ֔ה בְּסוּסִ֖ים וּבְפָרָשִֽׁים׃

8 וַתִּגְמֹ֖לa אֶת־לֹ֣א רֻחָ֑מָהb וַתַּ֖הַרc וַתֵּ֥לֶדd בֵּֽן׃

9 וַיֹּ֕אמֶרa קְרָ֥אb שְׁמֹ֖ו לֹ֣א עַמִּ֑יc כִּ֤י אַתֶּם֙ לֹ֣א עַמִּ֔י וְאָנֹכִ֖י לֹֽא־אֶהְיֶ֥הd לָכֶֽם׃ ס