1
בִּשְׁנַ֤ת שְׁתַּ֨יִם֙ לְדָרְיָ֣וֶשׁa
הַמֶּ֔לֶךְ בַּחֹ֨דֶשׁ֙ הַשִּׁשִּׁ֔יb
בְּיֹ֥ום אֶחָ֖ד לַחֹ֑דֶשׁ הָיָ֨הc
דְבַר־יְהוָ֜ה בְּיַד־חַגַּ֣יd
הַנָּבִ֗יא אֶל־זְרֻבָּבֶ֤לe
בֶּן־שְׁאַלְתִּיאֵל֙f
פַּחַ֣תg
יְהוּדָ֔ה וְאֶל־יְהֹושֻׁ֧עַ בֶּן־יְהֹוצָדָ֛קh
הַכֹּהֵ֥ן הַגָּדֹ֖ול לֵאמֹֽרi
׃
2
כֹּ֥ה אָמַ֛רa
יְהוָ֥ה צְבָאֹ֖ות לֵאמֹ֑רb
הָעָ֤ם הַזֶּה֙ אָֽמְר֔וּc
לֹ֥א עֶת־בֹּ֛א עֶת־בֵּ֥ית יְהוָ֖ה לְהִבָּנֹֽותd
׃ פ
3
וַֽיְהִי֙a
דְּבַר־יְהוָ֔ה בְּיַד־חַגַּ֥יb
הַנָּבִ֖יא לֵאמֹֽרc
׃
4
הַעֵ֤ת לָכֶם֙ אַתֶּ֔ם לָשֶׁ֖בֶתa
בְּבָתֵּיכֶ֣ם סְפוּנִ֑יםb
וְהַבַּ֥יִת הַזֶּ֖ה חָרֵֽבc
׃
5
וְעַתָּ֕ה כֹּ֥ה אָמַ֖רa
יְהוָ֣ה צְבָאֹ֑ות שִׂ֥ימוּb
לְבַבְכֶ֖ם עַל־דַּרְכֵיכֶֽם׃
6
זְרַעְתֶּ֨םa
הַרְבֵּ֜ה וְהָבֵ֣אb
מְעָ֗ט אָכֹ֤ולc
וְאֵין־לְשָׂבְעָה֙d
שָׁתֹ֣וe
וְאֵין־לְשָׁכְרָ֔הf
לָבֹ֖ושׁg
וְאֵין־לְחֹ֣םh
לֹ֑ו וְהַ֨מִּשְׂתַּכֵּ֔רi
מִשְׂתַּכֵּ֖רj
אֶל־צְרֹ֥ורk
נָקֽוּבl
׃ פ
7
כֹּ֥ה אָמַ֖רa
יְהוָ֣ה צְבָאֹ֑ות שִׂ֥ימוּb
לְבַבְכֶ֖ם עַל־דַּרְכֵיכֶֽם׃
8
עֲל֥וּa
הָהָ֛ר וַהֲבֵאתֶ֥םb
עֵ֖ץ וּבְנ֣וּc
הַבָּ֑יִת וְאֶרְצֶהd
־בֹּ֥ו ואכבדe
אָמַ֥רf
יְהוָֽה׃
9
פָּנֹ֤הa
אֶל־הַרְבֵּה֙b
וְהִנֵּ֣ה לִמְעָ֔ט וַהֲבֵאתֶ֥םc
הַבַּ֖יִת וְנָפַ֣חְתִּיd
בֹ֑ו יַ֣עַן מֶ֗ה נְאֻם֙ יְהוָ֣ה צְבָאֹ֔ות יַ֗עַן בֵּיתִי֙ אֲשֶׁר־ה֣וּא חָרֵ֔בe
וְאַתֶּ֥ם רָצִ֖יםf
אִ֥ישׁ לְבֵיתֹֽו׃
10
עַל־כֵּ֣ן עֲלֵיכֶ֔ם כָּלְא֥וּa
שָׁמַ֖יִם מִטָּ֑לb
וְהָאָ֖רֶץ כָּלְאָ֥הc
יְבוּלָֽהּd
׃
11
וָאֶקְרָ֨אa
חֹ֜רֶבb
עַל־הָאָ֣רֶץ וְעַל־הֶהָרִ֗ים וְעַל־הַדָּגָן֙c
וְעַל־הַתִּירֹ֣ושׁd
וְעַל־הַיִּצְהָ֔רe
וְעַ֛ל אֲשֶׁ֥ר תֹּוצִ֖יאf
הָאֲדָמָ֑ה וְעַל־הָֽאָדָם֙ וְעַל־הַבְּהֵמָ֔ה וְעַ֖ל כָּל־יְגִ֥יעַg
כַּפָּֽיִם׃ ס
12
וַיִּשְׁמַ֣עa
זְרֻבָּבֶ֣לb
׀ בֶּֽן־שַׁלְתִּיאֵ֡לc
וִיהֹושֻׁ֣עַ בֶּן־יְהֹוצָדָק֩d
הַכֹּהֵ֨ן הַגָּדֹ֜ול וְכֹ֣ל׀ שְׁאֵרִ֣ית הָעָ֗ם בְּקֹול֙ יְהוָ֣ה אֱלֹֽהֵיהֶ֔ם וְעַל־דִּבְרֵי֙ חַגַּ֣יe
הַנָּבִ֔יא כַּאֲשֶׁ֥ר שְׁלָחֹ֖וf
יְהוָ֣ה אֱלֹהֵיהֶ֑ם וַיִּֽירְא֥וּg
הָעָ֖ם מִפְּנֵ֥י יְהוָֽה׃
13
וַ֠יֹּאמֶרa
חַגַּ֞יb
מַלְאַ֧ךְ יְהוָ֛ה בְּמַלְאֲכ֥וּתc
יְהוָ֖ה לָעָ֣ם לֵאמֹ֑רd
אֲנִ֥י אִתְּכֶ֖ם נְאֻם־יְהוָֽה׃
14
וַיָּ֣עַרa
יְהוָ֡ה אֶת־רוּחַ֩ זְרֻבָּבֶ֨לb
בֶּן־שַׁלְתִּיאֵ֜לc
פַּחַ֣תd
יְהוּדָ֗ה וְאֶת־ר֨וּחַ֙ יְהֹושֻׁ֤עַ בֶּן־יְהֹוצָדָק֙e
הַכֹּהֵ֣ן הַגָּדֹ֔ול וְֽאֶת־ר֔וּחַ כֹּ֖ל שְׁאֵרִ֣ית הָעָ֑ם וַיָּבֹ֨אוּ֙f
וַיַּעֲשׂ֣וּg
מְלָאכָ֔ה בְּבֵית־יְהוָ֥ה צְבָאֹ֖ות אֱלֹהֵיהֶֽם׃ פ
15
בְּיֹ֨ום עֶשְׂרִ֧ים וְאַרְבָּעָ֛ה לַחֹ֖דֶשׁ בַּשִּׁשִּׁ֑יa
בִּשְׁנַ֥ת שְׁתַּ֖יִם לְדָרְיָ֥וֶשׁb
הַמֶּֽלֶךְ׃
2
בַּשְּׁבִיעִ֕י בְּעֶשְׂרִ֥ים וְאֶחָ֖ד לַחֹ֑דֶשׁ הָיָה֙a
דְּבַר־יְהוָ֔ה בְּיַד־חַגַּ֥יb
הַנָּבִ֖יא לֵאמֹֽרc
׃
2
אֱמָרa
־נָ֗א אֶל־זְרֻבָּבֶ֤לb
בֶּן־שַׁלְתִּיאֵל֙c
פַּחַ֣תd
יְהוּדָ֔ה וְאֶל־יְהֹושֻׁ֥עַ בֶּן־יְהֹוצָדָ֖קe
הַכֹּהֵ֣ן הַגָּדֹ֑ול וְאֶל־שְׁאֵרִ֥ית הָעָ֖ם לֵאמֹֽרf
׃
3
מִ֤י בָכֶם֙ הַנִּשְׁאָ֔ר אֲשֶׁ֤ר רָאָה֙a
אֶת־הַבַּ֣יִת הַזֶּ֔ה בִּכְבֹודֹ֖ו הָרִאשֹׁ֑ון וּמָ֨ה אַתֶּ֜ם רֹאִ֤יםb
אֹתֹו֙ עַ֔תָּה הֲלֹ֥וא כָמֹ֛הוּ כְּאַ֖יִן בְּעֵינֵיכֶֽם׃
4
וְעַתָּ֣ה חֲזַ֣קa
זְרֻבָּבֶ֣לb
׀ נְאֻם־יְהוָ֡ה וַחֲזַ֣קc
יְהֹושֻׁ֣עַ בֶּן־יְהֹוצָדָק֩d
הַכֹּהֵ֨ן הַגָּדֹ֜ול וַחֲזַ֨קe
כָּל־עַ֥ם הָאָ֛רֶץ נְאֻם־יְהוָ֖ה וַֽעֲשׂ֑וּf
כִּֽי־אֲנִ֣י אִתְּכֶ֔ם נְאֻ֖ם יְהוָ֥ה צְבָאֹֽות׃
5
אֶֽת־הַדָּבָ֞ר אֲשֶׁר־כָּרַ֤תִּיa
אִתְּכֶם֙ בְּצֵאתְכֶ֣םb
מִמִּצְרַ֔יִם וְרוּחִ֖י עֹמֶ֣דֶתc
בְּתֹוכְכֶ֑ם אַל־תִּירָֽאוּd
׃ ס
6
כִּ֣י כֹ֤ה אָמַר֙a
יְהוָ֣ה צְבָאֹ֔ות עֹ֥וד אַחַ֖ת מְעַ֣ט הִ֑יא וַאֲנִ֗י מַרְעִישׁ֙b
אֶת־הַשָּׁמַ֣יִם וְאֶת־הָאָ֔רֶץ וְאֶת־הַיָּ֖ם וְאֶת־הֶחָרָבָֽהc
׃
7
וְהִרְעַשְׁתִּי֙a
אֶת־כָּל־הַגֹּויִ֔ם וּבָ֖אוּb
חֶמְדַּ֣תc
כָּל־הַגֹּויִ֑ם וּמִלֵּאתִ֞יd
אֶת־הַבַּ֤יִת הַזֶּה֙ כָּבֹ֔וד אָמַ֖רe
יְהוָ֥ה צְבָאֹֽות׃
8
לִ֥י הַכֶּ֖סֶף וְלִ֣י הַזָּהָ֑ב נְאֻ֖ם יְהוָ֥ה צְבָאֹֽות׃
9
גָּדֹ֣ול יִֽהְיֶ֡הa
כְּבֹוד֩ הַבַּ֨יִת הַזֶּ֤ה הָאַֽחֲרֹון֙ מִן־הָ֣רִאשֹׁ֔ון אָמַ֖רb
יְהוָ֣ה צְבָאֹ֑ות וּבַמָּקֹ֤ום הַזֶּה֙ אֶתֵּ֣ןc
שָׁלֹ֔ום נְאֻ֖ם יְהוָ֥ה צְבָאֹֽות׃ פ
10
בְּעֶשְׂרִ֤ים וְאַרְבָּעָה֙ לַתְּשִׁיעִ֔יa
בִּשְׁנַ֥ת שְׁתַּ֖יִם לְדָרְיָ֑וֶשׁb
הָיָה֙c
דְּבַר־יְהוָ֔ה אֶל־חַגַּ֥יd
הַנָּבִ֖יא לֵאמֹֽרe
׃
11
כֹּ֥ה אָמַ֖רa
יְהוָ֣ה צְבָאֹ֑ות שְׁאַלb
־נָ֧א אֶת־הַכֹּהֲנִ֛ים תֹּורָ֖ה לֵאמֹֽרc
׃
12
הֵ֣ן׀ יִשָּׂאa
־אִ֨ישׁ בְּשַׂר־קֹ֜דֶשׁ בִּכְנַ֣ף בִּגְדֹ֗ו וְנָגַ֣עb
בִּ֠כְנָפֹו אֶל־הַלֶּ֨חֶם וְאֶל־הַנָּזִ֜ידc
וְאֶל־הַיַּ֧יִן וְאֶל־שֶׁ֛מֶן וְאֶל־כָּל־מַאֲכָ֖לd
הֲיִקְדָּ֑שׁe
וַיַּעֲנ֧וּf
הַכֹּהֲנִ֛ים וַיֹּאמְר֖וּg
לֹֽא׃
13
וַיֹּ֣אמֶרa
חַגַּ֔יb
אִם־יִגַּ֧עc
טְמֵא־נֶ֛פֶשׁ בְּכָל־אֵ֖לֶּה הֲיִטְמָ֑אd
וַיַּעֲנ֧וּe
הַכֹּהֲנִ֛ים וַיֹּאמְר֖וּf
יִטְמָֽאg
׃
14
וַיַּ֨עַןa
חַגַּ֜יb
וַיֹּ֗אמֶרc
כֵּ֣ן הָֽעָם־הַ֠זֶּה וְכֵן־הַגֹּ֨וי הַזֶּ֤ה לְפָנַי֙ נְאֻם־יְהוָ֔ה וְכֵ֖ן כָּל־מַעֲשֵׂ֣ה יְדֵיהֶ֑ם וַאֲשֶׁ֥ר יַקְרִ֛יבוּd
שָׁ֖ם טָמֵ֥א הֽוּא׃
15
וְעַתָּה֙ שִֽׂימוּa
־נָ֣א לְבַבְכֶ֔ם מִן־הַיֹּ֥ום הַזֶּ֖ה וָמָ֑עְלָה מִטֶּ֧רֶם שֽׂוּםb
־אֶ֛בֶן אֶל־אֶ֖בֶן בְּהֵיכַ֥ל יְהוָֽה׃
16
מִֽהְיֹותָ֥םa
בָּא֙b
אֶל־עֲרֵמַ֣תc
עֶשְׂרִ֔ים וְהָיְתָ֖הd
עֲשָׂרָ֑ה בָּ֣אe
אֶל־הַיֶּ֗קֶבf
לַחְשֹׂף֙g
חֲמִשִּׁ֣ים פּוּרָ֔הh
וְהָיְתָ֖הi
עֶשְׂרִֽים׃
17
הִכֵּ֨יתִיa
אֶתְכֶ֜ם בַּשִּׁדָּפֹ֤וןb
וּבַיֵּֽרָקֹון֙c
וּבַבָּרָ֔דd
אֵ֖ת כָּל־מַעֲשֵׂ֣ה יְדֵיכֶ֑ם וְאֵין־אֶתְכֶ֥ם אֵלַ֖י נְאֻם־יְהוָֽה׃
18
שִׂימוּa
־נָ֣א לְבַבְכֶ֔ם מִן־הַיֹּ֥ום הַזֶּ֖ה וָמָ֑עְלָה מִיֹּום֩ עֶשְׂרִ֨ים וְאַרְבָּעָ֜ה לַתְּשִׁיעִ֗יb
לְמִן־הַיֹּ֛ום אֲשֶׁר־יֻסַּ֥דc
הֵֽיכַל־יְהוָ֖ה שִׂ֥ימוּd
לְבַבְכֶֽם׃
19
הַעֹ֤וד הַזֶּ֨רַע֙ בַּמְּגוּרָ֔הa
וְעַד־הַגֶּ֨פֶן וְהַתְּאֵנָ֧הb
וְהָרִמֹּ֛וןc
וְעֵ֥ץ הַזַּ֖יִתd
לֹ֣א נָשָׂ֑אe
מִן־הַיֹּ֥ום הַזֶּ֖ה אֲבָרֵֽךְf
׃ ס
20
וַיְהִ֨יa
דְבַר־יְהוָ֤ה׀ שֵׁנִית֙ אֶל־חַגַּ֔יb
בְּעֶשְׂרִ֧ים וְאַרְבָּעָ֛ה לַחֹ֖דֶשׁ לֵאמֹֽרc
׃
21
אֱמֹ֕רa
אֶל־זְרֻבָּבֶ֥לb
פַּֽחַתc
־יְהוּדָ֖ה לֵאמֹ֑רd
אֲנִ֣י מַרְעִ֔ישׁe
אֶת־הַשָּׁמַ֖יִם וְאֶת־הָאָֽרֶץ׃
22
וְהָֽפַכְתִּי֙a
כִּסֵּ֣א מַמְלָכֹ֔ות וְהִ֨שְׁמַדְתִּ֔יb
חֹ֖זֶקc
מַמְלְכֹ֣ות הַגֹּויִ֑ם וְהָפַכְתִּ֤יd
מֶרְכָּבָה֙e
וְרֹ֣כְבֶ֔יהָ וְיָרְד֤וּf
סוּסִים֙ וְרֹ֣כְבֵיהֶ֔ם אִ֖ישׁ בְּחֶ֥רֶב אָחִֽיו׃
23
בַּיֹּ֣ום הַה֣וּא נְאֻם־יְהוָ֣ה צְבָאֹ֡ות אֶ֠קָּחֲךָa
זְרֻבָּבֶ֨לb
בֶּן־שְׁאַלְתִּיאֵ֤לc
עַבְדִּי֙ נְאֻם־יְהוָ֔ה וְשַׂמְתִּ֖יךָd
כַּֽחֹותָ֑םe
כִּֽי־בְךָ֣ בָחַ֔רְתִּיf
נְאֻ֖ם יְהוָ֥ה צְבָאֹֽות׃