חבקוק

תְּפִלָּ֖ה לַחֲבַקּ֣וּקa הַנָּבִ֑יא עַ֖ל שִׁגְיֹנֹֽותb ׃

2 יְהוָ֗ה שָׁמַ֣עְתִּיa שִׁמְעֲךָ֮b יָרֵאתִי֒c יְהוָ֗ה פָּֽעָלְךָ֙d בְּקֶ֤רֶב שָׁנִים֙ חַיֵּ֔יהוּe בְּקֶ֥רֶב שָׁנִ֖ים תֹּודִ֑יעַf בְּרֹ֖גֶזg רַחֵ֥םh תִּזְכֹּֽורi ׃

3 אֱלֹ֨והַ֙ מִתֵּימָ֣ןa יָבֹ֔ואb וְקָדֹ֥ושׁ מֵֽהַר־פָּארָ֖ןc סֶ֑לָה כִּסָּ֤הd שָׁמַ֨יִם֙ הֹודֹ֔וe וּתְהִלָּתֹ֖ו מָלְאָ֥הf הָאָֽרֶץ׃

4 וְנֹ֨גַהּ֙a כָּאֹ֣ור תִּֽהְיֶ֔הb קַרְנַ֥יִם מִיָּדֹ֖ו לֹ֑ו וְשָׁ֖ם חֶבְיֹ֥וןc עזהd ׃

5 לְפָנָ֖יו יֵ֣לֶךְa דָּ֑בֶרb וְיֵצֵ֥אc רֶ֖שֶׁףd לְרַגְלָֽיו׃

6 עָמַ֣דa ׀ וַיְמֹ֣דֶדb אֶ֗רֶץ רָאָה֙c וַיַּתֵּ֣רd גֹּויִ֔ם וַיִּתְפֹּֽצְצוּ֙e הַרְרֵי־עַ֔דf שַׁח֖וּg גִּבְעֹ֣ות עֹולָ֑ם הֲלִיכֹ֥ותh עֹולָ֖ם לֹֽו׃

7 תַּ֣חַת אָ֔וֶן רָאִ֖יתִיa אָהֳלֵ֣י כוּשָׁ֑ןb יִרְגְּז֕וּןc יְרִיעֹ֖ות אֶ֥רֶץ מִדְיָֽן׃ ס

8 הֲבִנְהָרִים֙ חָרָ֣הa יְהוָ֔ה אִ֤ם בַּנְּהָרִים֙ אַפֶּ֔ךָ אִם־בַּיָּ֖ם עֶבְרָתֶ֑ךָb כִּ֤י תִרְכַּב֙c עַל־סוּסֶ֔יךָ מַרְכְּבֹתֶ֖יךָd יְשׁוּעָֽה׃

9 עֶרְיָ֤הa תֵעֹור֙b קַשְׁתֶּ֔ךָ שְׁבֻעֹ֥ותc מַטֹּ֖ות אֹ֣מֶרd סֶ֑לָה נְהָרֹ֖ות תְּבַקַּעe ־אָֽרֶץ׃

10 רָא֤וּךָa יָחִ֨ילוּ֙b הָרִ֔ים זֶ֥רֶםc מַ֖יִם עָבָ֑רd נָתַ֤ןe תְּהֹום֙f קֹולֹ֔ו רֹ֖וםg יָדֵ֥יהוּ נָשָֽׂאh ׃

11 שֶׁ֥מֶשׁ יָרֵ֖חַa עָ֣מַדb זְבֻ֑לָהc לְאֹ֤ור חִצֶּ֨יךָ֙ יְהַלֵּ֔כוּd לְנֹ֖גַהּe בְּרַ֥קf חֲנִיתֶֽךָg ׃

12 בְּזַ֖עַםa תִּצְעַדb ־אָ֑רֶץ בְּאַ֖ף תָּד֥וּשׁc גֹּויִֽם׃

13 יָצָ֨אתָ֙a לְיֵ֣שַׁעb עַמֶּ֔ךָ לְיֵ֖שַׁעc אֶת־מְשִׁיחֶ֑ךָd מָחַ֤צְתָּe רֹּאשׁ֙ מִבֵּ֣ית רָשָׁ֔ע עָרֹ֛ותf יְסֹ֥ודg עַד־צַוָּ֖ארh סֶֽלָה׃ פ

14 נָקַ֤בְתָּa בְמַטָּיו֙ רֹ֣אשׁ פרזוb יִסְעֲר֖וּc לַהֲפִיצֵ֑נִיd עֲלִ֣יצֻתָ֔םe כְּמֹו־לֶאֱכֹ֥לf עָנִ֖י בַּמִּסְתָּֽרg ׃

15 דָּרַ֥כְתָּa בַיָּ֖ם סוּסֶ֑יךָ חֹ֖מֶרb מַ֥יִם רַבִּֽים׃

16 שָׁמַ֣עְתִּיa ׀ וַתִּרְגַּ֣זb בִּטְנִ֗י לְקֹול֙ צָלֲל֣וּc שְׂפָתַ֔י יָבֹ֥ואd רָקָ֛בe בַּעֲצָמַ֖י וְתַחְתַּ֣י אֶרְגָּ֑זf אֲשֶׁ֤ר אָנ֨וּחַ֙g לְיֹ֣ום צָרָ֔ה לַעֲלֹ֖ותh לְעַ֥ם יְגוּדֶֽנּוּi ׃

17 כִּֽי־תְאֵנָ֣הa לֹֽא־תִפְרָ֗חb וְאֵ֤ין יְבוּל֙c בַּגְּפָנִ֔ים כִּחֵשׁ֙d מַעֲשֵׂה־זַ֔יִתe וּשְׁדֵמֹ֖ותf לֹא־עָ֣שָׂהg אֹ֑כֶלh גָּזַ֤רi מִמִּכְלָה֙j צֹ֔אן וְאֵ֥ין בָּקָ֖ר בָּרְפָתִֽיםk ׃

18 וַאֲנִ֖י בַּיהוָ֣ה אֶעְלֹ֑וזָהa אָגִ֖ילָהb בֵּאלֹהֵ֥י יִשְׁעִֽיc ׃

19 יְהוִ֤ה אֲדֹנָי֙ חֵילִ֔י וַיָּ֤שֶׂםa רַגְלַי֙ כָּֽאַיָּלֹ֔ותb וְעַ֥ל בָּמֹותַ֖י יַדְרִכֵ֑נִיc לַמְנַצֵּ֖חַ בִּנְגִינֹותָֽיd ׃