חבקוק

עַל־מִשְׁמַרְתִּ֣י אֶעֱמֹ֔דָהa וְאֶֽתְיַצְּבָ֖הb עַל־מָצֹ֑ורc וַאֲצַפֶּ֗הd לִרְאֹות֙e מַה־יְדַבֶּרf ־בִּ֔י וּמָ֥ה אָשִׁ֖יבg עַל־תֹּוכַחְתִּֽיh ׃

2 וַיַּעֲנֵ֤נִיa יְהוָה֙ וַיֹּ֔אמֶרb כְּתֹ֣ובc חָזֹ֔וןd וּבָאֵ֖רe עַל־הַלֻּחֹ֑ותf לְמַ֥עַן יָר֖וּץg קֹ֥ורֵאh בֹֽו׃

3 כִּ֣י עֹ֤וד חָזֹון֙a לַמֹּועֵ֔ד וְיָפֵ֥חַb לַקֵּ֖ץ וְלֹ֣א יְכַזֵּ֑בc אִם־יִתְמַהְמָהּ֙d חַכֵּהe ־לֹ֔ו כִּֽי־בֹ֥א יָבֹ֖אf לֹ֥א יְאַחֵֽרg ׃

4 הִנֵּ֣ה עֻפְּלָ֔הa לֹא־יָשְׁרָ֥הb נַפְשֹׁ֖ו בֹּ֑ו וְצַדִּ֖יק בֶּאֱמוּנָתֹ֥וc יִחְיֶֽהd ׃

5 וְאַף֙ כִּֽי־הַיַּ֣יִן בֹּוגֵ֔דa גֶּ֥בֶר יָהִ֖ירb וְלֹ֣א יִנְוֶ֑הc אֲשֶׁר֩ הִרְחִ֨יבd כִּשְׁאֹ֜ול נַפְשֹׁ֗ו וְה֤וּא כַמָּ֨וֶת֙ וְלֹ֣א יִשְׂבָּ֔עe וַיֶּאֱסֹ֤ףf אֵלָיו֙ כָּל־הַגֹּויִ֔ם וַיִּקְבֹּ֥ץg אֵלָ֖יו כָּל־הָעַמִּֽים׃

6 הֲלֹוא־אֵ֣לֶּה כֻלָּ֗ם עָלָיו֙ מָשָׁ֣לa יִשָּׂ֔אוּb וּמְלִיצָ֖הc חִידֹ֣ותd לֹ֑ו וְיֹאמַ֗רe הֹ֚וי הַמַּרְבֶּ֣הf לֹּא־לֹ֔ו עַד־מָתַ֕יg וּמַכְבִּ֥ידh עָלָ֖יו עַבְטִֽיטi ׃

7 הֲלֹ֣וא פֶ֗תַעa יָק֨וּמוּ֙b נֹשְׁכֶ֔יךָc וְיִקְצ֖וּd מְזַעְזְעֶ֑יךָe וְהָיִ֥יתָf לִמְשִׁסֹּ֖ותg לָֽמֹו׃

8 כִּֽי אַתָּ֤ה שַׁלֹּ֨ותָ֙a גֹּויִ֣ם רַבִּ֔ים יְשָׁלּ֖וּךָb כָּל־יֶ֣תֶר עַמִּ֑ים מִדְּמֵ֤י אָדָם֙ וַחֲמַס־אֶ֔רֶץ קִרְיָ֖הc וְכָל־יֹ֥שְׁבֵיd בָֽהּ׃ פ

9 הֹ֗וי בֹּצֵ֛עַa בֶּ֥צַעb רָ֖ע לְבֵיתֹ֑ו לָשׂ֤וּםc בַּמָּרֹום֙ קִנֹּ֔וd לְהִנָּצֵ֖לe מִכַּף־רָֽע׃

10 יָעַ֥צְתָּa בֹּ֖שֶׁתb לְבֵיתֶ֑ךָ קְצֹותc ־עַמִּ֥ים רַבִּ֖ים וְחֹוטֵ֥אd נַפְשֶֽׁךָ׃

11 כִּי־אֶ֖בֶן מִקִּ֣יר תִּזְעָ֑קa וְכָפִ֖יסb מֵעֵ֥ץ יַעֲנֶֽנָּהc ׃ פ

12 הֹ֛וי בֹּנֶ֥הa עִ֖יר בְּדָמִ֑ים וְכֹונֵ֥ןb קִרְיָ֖הc בְּעַוְלָֽהd ׃

13 הֲלֹ֣וא הִנֵּ֔ה מֵאֵ֖ת יְהוָ֣ה צְבָאֹ֑ות וְיִֽיגְע֤וּa עַמִּים֙ בְּדֵיb ־אֵ֔שׁ וּלְאֻמִּ֖יםc בְּדֵיd ־רִ֥יקe יִעָֽפוּf ׃

14 כִּ֚י תִּמָּלֵ֣אa הָאָ֔רֶץ לָדַ֖עַתb אֶת־כְּבֹ֣וד יְהוָ֑ה כַּמַּ֖יִם יְכַסּ֥וּc עַל־יָֽם׃ ס

15 הֹ֚וי מַשְׁקֵ֣הa רֵעֵ֔הוּ מְסַפֵּ֥חַb חֲמָתְךָ֖ וְאַ֣ף שַׁכֵּ֑רc לְמַ֥עַן הַבִּ֖יטd עַל־מְעֹורֵיהֶֽםe ׃

16 שָׂבַ֤עְתָּa קָלֹון֙b מִכָּבֹ֔וד שְׁתֵ֥הc גַם־אַ֖תָּה וְהֵֽעָרֵ֑לd תִּסֹּ֣ובe עָלֶ֗יךָ כֹּ֚וסf יְמִ֣ין יְהוָ֔ה וְקִיקָלֹ֖וןg עַל־כְּבֹודֶֽךָ׃

17 כִּ֣י חֲמַ֤ס לְבָנֹון֙ יְכַסֶּ֔ךָּa וְשֹׁ֥דb בְּהֵמֹ֖ות יְחִיתַ֑ןc מִדְּמֵ֤י אָדָם֙ וַחֲמַס־אֶ֔רֶץ קִרְיָ֖הd וְכָל־יֹ֥שְׁבֵיe בָֽהּ׃ ס

18 מָֽה־הֹועִ֣ילa פֶּ֗סֶלb כִּ֤י פְסָלֹו֙c יֹֽצְרֹ֔וd מַסֵּכָ֖הe וּמֹ֣ורֶהf שָּׁ֑קֶר כִּ֣י בָטַ֞חg יֹצֵ֤רh יִצְרֹו֙i עָלָ֔יו לַעֲשֹׂ֖ותj אֱלִילִ֥יםk אִלְּמִֽיםl ׃ ס

19 הֹ֣וי אֹמֵ֤רa לָעֵץ֙ הָקִ֔יצָהb ע֖וּרִיc לְאֶ֣בֶן דּוּמָ֑םd ה֣וּא יֹורֶ֔הe הִנֵּה־ה֗וּא תָּפוּשׂ֙f זָהָ֣ב וָכֶ֔סֶף וְכָל־ר֖וּחַ אֵ֥ין בְּקִרְבֹּֽו׃

20 וַֽיהוָ֖ה בְּהֵיכַ֣ל קָדְשֹׁ֑ו הַ֥סa מִפָּנָ֖יו כָּל־הָאָֽרֶץ׃ פ