בראשית

וַיְבָ֣רֶךְa אֱלֹהִ֔ים אֶת־נֹ֖חַb וְאֶת־בָּנָ֑יו וַיֹּ֧אמֶרc לָהֶ֛ם פְּר֥וּd וּרְב֖וּe וּמִלְא֥וּf אֶת־הָאָֽרֶץ׃

2 וּמֹורַאֲכֶ֤םa וְחִתְּכֶם֙b יִֽהְיֶ֔הc עַ֚ל כָּל־חַיַּ֣ת הָאָ֔רֶץ וְעַ֖ל כָּל־עֹ֣וף הַשָּׁמָ֑יִם בְּכֹל֩ אֲשֶׁ֨ר תִּרְמֹ֧שׂd הָֽאֲדָמָ֛ה וּֽבְכָל־דְּגֵ֥יe הַיָּ֖ם בְּיֶדְכֶ֥ם נִתָּֽנוּf ׃

3 כָּל־רֶ֨מֶשׂ֙a אֲשֶׁ֣ר הוּא־חַ֔י לָכֶ֥ם יִהְיֶ֖הb לְאָכְלָ֑הc כְּיֶ֣רֶקd עֵ֔שֶׂבe נָתַ֥תִּיf לָכֶ֖ם אֶת־כֹּֽל׃

4 אַךְ־בָּשָׂ֕ר בְּנַפְשֹׁ֥ו דָמֹ֖ו לֹ֥א תֹאכֵֽלוּa ׃

5 וְאַ֨ךְ אֶת־דִּמְכֶ֤ם לְנַפְשֹֽׁתֵיכֶם֙ אֶדְרֹ֔שׁa מִיַּ֥ד כָּל־חַיָּ֖ה אֶדְרְשֶׁ֑נּוּb וּמִיַּ֣ד הָֽאָדָ֗ם מִיַּד֙ אִ֣ישׁ אָחִ֔יו אֶדְרֹ֖שׁc אֶת־נֶ֥פֶשׁ הָֽאָדָֽם׃

6 שֹׁפֵךְ֙ דַּ֣ם הָֽאָדָ֔ם בָּֽאָדָ֖ם דָּמֹ֣ו יִשָּׁפֵ֑ךְa כִּ֚י בְּצֶ֣לֶםb אֱלֹהִ֔ים עָשָׂ֖הc אֶת־הָאָדָֽם׃

7 וְאַתֶּ֖ם פְּר֣וּa וּרְב֑וּb שִׁרְצ֥וּc בָאָ֖רֶץ וּרְבוּd ־בָֽהּ׃ ס

8 וַיֹּ֤אמֶרa אֱלֹהִים֙ אֶל־נֹ֔חַb וְאֶל־בָּנָ֥יו אִתֹּ֖ו לֵאמֹֽרc ׃

9 וַאֲנִ֕י הִנְנִ֥י מֵקִ֛יםa אֶת־בְּרִיתִ֖י אִתְּכֶ֑ם וְאֶֽת־זַרְעֲכֶ֖ם אַֽחֲרֵיכֶֽם׃

10 וְאֵ֨ת כָּל־נֶ֤פֶשׁ הַֽחַיָּה֙ אֲשֶׁ֣ר אִתְּכֶ֔ם בָּעֹ֧וף בַּבְּהֵמָ֛ה וּֽבְכָל־חַיַּ֥ת הָאָ֖רֶץ אִתְּכֶ֑ם מִכֹּל֙ יֹצְאֵ֣יa הַתֵּבָ֔הb לְכֹ֖ל חַיַּ֥ת הָאָֽרֶץ׃

11 וַהֲקִמֹתִ֤יa אֶת־בְּרִיתִי֙ אִתְּכֶ֔ם וְלֹֽא־יִכָּרֵ֧תb כָּל־בָּשָׂ֛ר עֹ֖וד מִמֵּ֣י הַמַּבּ֑וּלc וְלֹֽא־יִהְיֶ֥הd עֹ֛וד מַבּ֖וּלe לְשַׁחֵ֥תf הָאָֽרֶץ׃

12 וַיֹּ֣אמֶרa אֱלֹהִ֗ים זֹ֤את אֹֽות־הַבְּרִית֙ אֲשֶׁר־אֲנִ֣י נֹתֵ֗ןb בֵּינִי֙ וּבֵ֣ינֵיכֶ֔ם וּבֵ֛ין כָּל־נֶ֥פֶשׁ חַיָּ֖ה אֲשֶׁ֣ר אִתְּכֶ֑ם לְדֹרֹ֖ת עֹולָֽם׃

13 אֶת־קַשְׁתִּ֕י נָתַ֖תִּיa בֶּֽעָנָ֑ן וְהָֽיְתָה֙b לְאֹ֣ות בְּרִ֔ית בֵּינִ֖י וּבֵ֥ין הָאָֽרֶץ׃

14 וְהָיָ֕הa בְּעַֽנְנִ֥יb עָנָ֖ן עַל־הָאָ֑רֶץ וְנִרְאֲתָ֥הc הַקֶּ֖שֶׁת בֶּעָנָֽן׃

15 וְזָכַרְתִּ֣יa אֶת־בְּרִיתִ֗י אֲשֶׁ֤ר בֵּינִי֙ וּבֵ֣ינֵיכֶ֔ם וּבֵ֛ין כָּל־נֶ֥פֶשׁ חַיָּ֖ה בְּכָל־בָּשָׂ֑ר וְלֹֽא־יִֽהְיֶ֨הb עֹ֤וד הַמַּ֨יִם֙ לְמַבּ֔וּלc לְשַׁחֵ֖תd כָּל־בָּשָֽׂר׃

16 וְהָיְתָ֥הa הַקֶּ֖שֶׁת בֶּֽעָנָ֑ן וּרְאִיתִ֗יהָb לִזְכֹּר֙c בְּרִ֣ית עֹולָ֔ם בֵּ֣ין אֱלֹהִ֔ים וּבֵין֙ כָּל־נֶ֣פֶשׁ חַיָּ֔ה בְּכָל־בָּשָׂ֖ר אֲשֶׁ֥ר עַל־הָאָֽרֶץ׃

17 וַיֹּ֥אמֶרa אֱלֹהִ֖ים אֶל־נֹ֑חַb זֹ֤את אֹֽות־הַבְּרִית֙ אֲשֶׁ֣ר הֲקִמֹ֔תִיc בֵּינִ֕י וּבֵ֥ין כָּל־בָּשָׂ֖ר אֲשֶׁ֥ר עַל־הָאָֽרֶץ׃ פ

18 וַיִּֽהְי֣וּa בְנֵי־נֹ֗חַb הַיֹּֽצְאִים֙c מִן־הַתֵּבָ֔הd שֵׁ֖םe וְחָ֣םf וָיָ֑פֶתg וְחָ֕םh ה֖וּא אֲבִ֥י כְנָֽעַן׃

19 שְׁלֹשָׁ֥ה אֵ֖לֶּה בְּנֵי־נֹ֑חַa וּמֵאֵ֖לֶּה נָֽפְצָ֥הb כָל־הָאָֽרֶץ׃

20 וַיָּ֥חֶלa נֹ֖חַb אִ֣ישׁ הָֽאֲדָמָ֑ה וַיִּטַּ֖עc כָּֽרֶם׃

21 וַיֵּ֥שְׁתְּa מִן־הַיַּ֖יִן וַיִּשְׁכָּ֑רb וַיִּתְגַּ֖לc בְּתֹ֥וךְ אהלהd ׃

22 וַיַּ֗רְאa חָ֚םb אֲבִ֣י כְנַ֔עַן אֵ֖ת עֶרְוַ֣ת אָבִ֑יו וַיַּגֵּ֥דc לִשְׁנֵֽי־אֶחָ֖יו בַּחֽוּץ׃

23 וַיִּקַּח֩a שֵׁ֨םb וָיֶ֜פֶתc אֶת־הַשִּׂמְלָ֗הd וַיָּשִׂ֨ימוּ֙e עַל־שְׁכֶ֣םf שְׁנֵיהֶ֔ם וַיֵּֽלְכוּ֙g אֲחֹ֣רַנִּ֔יתh וַיְכַסּ֕וּi אֵ֖ת עֶרְוַ֣ת אֲבִיהֶ֑ם וּפְנֵיהֶם֙ אֲחֹ֣רַנִּ֔יתj וְעֶרְוַ֥ת אֲבִיהֶ֖ם לֹ֥א רָאֽוּk ׃

24 וַיִּ֥יקֶץa נֹ֖חַb מִיֵּינֹ֑ו וַיֵּ֕דַעc אֵ֛ת אֲשֶׁר־עָ֥שָׂהd ־לֹ֖ו בְּנֹ֥ו הַקָּטָֽןe ׃

25 וַיֹּ֖אמֶרa אָר֣וּרb כְּנָ֑עַן עֶ֥בֶד עֲבָדִ֖ים יִֽהְיֶ֥הc לְאֶחָֽיו׃

26 וַיֹּ֕אמֶרa בָּר֥וּךְb יְהֹוָ֖ה אֱלֹ֣הֵי שֵׁ֑םc וִיהִ֥יd כְנַ֖עַן עֶ֥בֶד לָֽמֹו׃

27 יַ֤פְתְּa אֱלֹהִים֙ לְיֶ֔פֶתb וְיִשְׁכֹּ֖ןc בְּאָֽהֳלֵי־שֵׁ֑םd וִיהִ֥יe כְנַ֖עַן עֶ֥בֶד לָֽמֹו׃

28 וַֽיְחִיa ־נֹ֖חַb אַחַ֣ר הַמַּבּ֑וּלc שְׁלֹ֤שׁ מֵאֹות֙ שָׁנָ֔ה וַֽחֲמִשִּׁ֖ים שָׁנָֽה׃

29 וַיִּֽהְיוּ֙a כָּל־יְמֵי־נֹ֔חַb תְּשַׁ֤ע מֵאֹות֙ שָׁנָ֔ה וַחֲמִשִּׁ֖ים שָׁנָ֑ה וַיָּמֹֽתc ׃ פ