בראשית

וַיִּפֹּ֥לa יֹוסֵ֖ף עַל־פְּנֵ֣י אָבִ֑יו וַיֵּ֥בְךְּb עָלָ֖יו וַיִּשַּׁקc ־לֹֽו׃

2 וַיְצַ֨וa יֹוסֵ֤ף אֶת־עֲבָדָיו֙ אֶת־הָרֹ֣פְאִ֔ים לַחֲנֹ֖טb אֶת־אָבִ֑יו וַיַּחַנְט֥וּc הָרֹפְאִ֖ים אֶת־יִשְׂרָאֵֽל׃

3 וַיִּמְלְאוּa ־לֹו֙ אַרְבָּעִ֣ים יֹ֔ום כִּ֛י כֵּ֥ן יִמְלְא֖וּb יְמֵ֣י הַחֲנֻטִ֑יםc וַיִּבְכּ֥וּd אֹתֹ֛ו מִצְרַ֖יִם שִׁבְעִ֥ים יֹֽום׃

4 וַיַּֽעַבְרוּ֙a יְמֵ֣י בְכִיתֹ֔וb וַיְדַבֵּ֣רc יֹוסֵ֔ף אֶל־בֵּ֥ית פַּרְעֹ֖ה לֵאמֹ֑רd אִם־נָ֨א מָצָ֤אתִיe חֵן֙ בְּעֵ֣ינֵיכֶ֔ם דַּבְּרוּf ־נָ֕א בְּאָזְנֵ֥י פַרְעֹ֖ה לֵאמֹֽרg ׃

5 אָבִ֞י הִשְׁבִּיעַ֣נִיa לֵאמֹ֗רb הִנֵּ֣ה אָנֹכִי֮ מֵת֒c בְּקִבְרִ֗י אֲשֶׁ֨ר כָּרִ֤יתִיd לִי֙ בְּאֶ֣רֶץ כְּנַ֔עַן שָׁ֖מָּה תִּקְבְּרֵ֑נִיe וְעַתָּ֗ה אֶֽעֱלֶהf ־נָּ֛א וְאֶקְבְּרָ֥הg אֶת־אָבִ֖י וְאָשֽׁוּבָהh ׃

6 וַיֹּ֖אמֶרa פַּרְעֹ֑ה עֲלֵ֛הb וּקְבֹ֥רc אֶת־אָבִ֖יךָ כַּאֲשֶׁ֥ר הִשְׁבִּיעֶֽךָd ׃

7 וַיַּ֥עַלa יֹוסֵ֖ף לִקְבֹּ֣רb אֶת־אָבִ֑יו וַיַּֽעֲל֨וּc אִתֹּ֜ו כָּל־עַבְדֵ֤י פַרְעֹה֙ זִקְנֵ֣י בֵיתֹ֔ו וְכֹ֖ל זִקְנֵ֥י אֶֽרֶץ־מִצְרָֽיִם׃

8 וְכֹל֙ בֵּ֣ית יֹוסֵ֔ף וְאֶחָ֖יו וּבֵ֣ית אָבִ֑יו רַ֗ק טַפָּם֙a וְצֹאנָ֣ם וּבְקָרָ֔ם עָזְב֖וּb בְּאֶ֥רֶץ גֹּֽשֶׁןc ׃

9 וַיַּ֣עַלa עִמֹּ֔ו גַּם־רֶ֖כֶב גַּם־פָּרָשִׁ֑ים וַיְהִ֥יb הַֽמַּחֲנֶ֖ה כָּבֵ֥דc מְאֹֽד׃

10 וַיָּבֹ֜אוּa עַד־גֹּ֣רֶןb הָאָטָ֗דc אֲשֶׁר֙ בְּעֵ֣בֶר הַיַּרְדֵּ֔ן וַיִּ֨סְפְּדוּd ־שָׁ֔ם מִסְפֵּ֛דe גָּדֹ֥ול וְכָבֵ֖דf מְאֹ֑ד וַיַּ֧עַשׂg לְאָבִ֛יו אֵ֖בֶלh שִׁבְעַ֥ת יָמִֽים׃

11 וַיַּ֡רְאa יֹושֵׁב֩ הָאָ֨רֶץ הַֽכְּנַעֲנִ֜י אֶת־הָאֵ֗בֶלb בְּגֹ֨רֶן֙c הָֽאָטָ֔דd וַיֹּ֣אמְר֔וּe אֵֽבֶלf ־כָּבֵ֥דg זֶ֖ה לְמִצְרָ֑יִם עַל־כֵּ֞ן קָרָ֤אh שְׁמָהּ֙ אָבֵ֣ל מִצְרַ֔יִםi אֲשֶׁ֖ר בְּעֵ֥בֶר הַיַּרְדֵּֽן׃

12 וַיַּעֲשׂ֥וּa בָנָ֖יו לֹ֑ו כֵּ֖ן כַּאֲשֶׁ֥ר צִוָּֽםb ׃

13 וַיִּשְׂא֨וּa אֹתֹ֤ו בָנָיו֙ אַ֣רְצָה כְּנַ֔עַן וַיִּקְבְּר֣וּb אֹתֹ֔ו בִּמְעָרַ֖תc שְׂדֵ֣ה הַמַּכְפֵּלָ֑הd אֲשֶׁ֣ר קָנָה֩e אַבְרָהָ֨ם אֶת־הַשָּׂדֶ֜ה לַאֲחֻזַּת־קֶ֗בֶר מֵאֵ֛ת עֶפְרֹ֥ןf הַחִתִּ֖יg עַל־פְּנֵ֥י מַמְרֵֽאh ׃

14 וַיָּ֨שָׁבa יֹוסֵ֤ף מִצְרַ֨יְמָה֙ ה֣וּא וְאֶחָ֔יו וְכָל־הָעֹלִ֥יםb אִתֹּ֖ו לִקְבֹּ֣רc אֶת־אָבִ֑יו אַחֲרֵ֖י קָבְרֹ֥וd אֶת־אָבִֽיו׃

15 וַיִּרְא֤וּa אֲחֵֽי־יֹוסֵף֙ כִּי־מֵ֣תb אֲבִיהֶ֔ם וַיֹּ֣אמְר֔וּc ל֥וּd יִשְׂטְמֵ֖נוּe יֹוסֵ֑ף וְהָשֵׁ֤ב יָשִׁיב֙f לָ֔נוּ אֵ֚ת כָּל־הָ֣רָעָ֔ה אֲשֶׁ֥ר גָּמַ֖לְנוּg אֹתֹֽו׃

16 וַיְצַוּ֕וּa אֶל־יֹוסֵ֖ף לֵאמֹ֑רb אָבִ֣יךָ צִוָּ֔הc לִפְנֵ֥י מֹותֹ֖ו לֵאמֹֽרd ׃

17 כֹּֽה־תֹאמְר֣וּa לְיֹוסֵ֗ף אָ֣נָּ֡אb שָׂ֣אc נָ֠א פֶּ֣שַׁע אַחֶ֤יךָ וְחַטָּאתָם֙ כִּי־רָעָ֣ה גְמָל֔וּךָd וְעַתָּה֙ שָׂ֣אe נָ֔א לְפֶ֥שַׁע עַבְדֵ֖י אֱלֹהֵ֣י אָבִ֑יךָ וַיֵּ֥בְךְּf יֹוסֵ֖ף בְּדַבְּרָ֥םg אֵלָֽיו׃

18 וַיֵּלְכוּ֙a גַּם־אֶחָ֔יו וַֽיִּפְּל֖וּb לְפָנָ֑יו וַיֹּ֣אמְר֔וּc הִנֶּ֥נּֽוּ לְךָ֖ לַעֲבָדִֽים׃

19 וַיֹּ֧אמֶרa אֲלֵהֶ֛ם יֹוסֵ֖ף אַל־תִּירָ֑אוּb כִּ֛י הֲתַ֥חַת אֱלֹהִ֖ים אָֽנִי׃

20 וְאַתֶּ֕ם חֲשַׁבְתֶּ֥םa עָלַ֖י רָעָ֑ה אֱלֹהִים֙ חֲשָׁבָ֣הּb לְטֹבָ֔ה לְמַ֗עַן עֲשֹׂ֛הc כַּיֹּ֥ום הַזֶּ֖ה לְהַחֲיֹ֥תd עַם־רָֽב׃

21 וְעַתָּה֙ אַל־תִּירָ֔אוּa אָנֹכִ֛י אֲכַלְכֵּ֥לb אֶתְכֶ֖ם וְאֶֽת־טַפְּכֶ֑םc וַיְנַחֵ֣םd אֹותָ֔ם וַיְדַבֵּ֖רe עַל־לִבָּֽם׃

22 וַיֵּ֤שֶׁבa יֹוסֵף֙ בְּמִצְרַ֔יִם ה֖וּא וּבֵ֣ית אָבִ֑יו וַיְחִ֣יb יֹוסֵ֔ף מֵאָ֥ה וָעֶ֖שֶׂר שָׁנִֽים׃

23 וַיַּ֤רְאa יֹוסֵף֙ לְאֶפְרַ֔יִם בְּנֵ֖י שִׁלֵּשִׁ֑יםb גַּ֗ם בְּנֵ֤י מָכִיר֙c בֶּן־מְנַשֶּׁ֔ה יֻלְּד֖וּd עַל־בִּרְכֵּ֥יe יֹוסֵֽף׃

24 וַיֹּ֤אמֶרa יֹוסֵף֙ אֶל־אֶחָ֔יו אָנֹכִ֖י מֵ֑תb וֵֽאלֹהִ֞ים פָּקֹ֧ד יִפְקֹ֣דc אֶתְכֶ֗ם וְהֶעֱלָ֤הd אֶתְכֶם֙ מִן־הָאָ֣רֶץ הַזֹּ֔את אֶל־הָאָ֕רֶץ אֲשֶׁ֥ר נִשְׁבַּ֛עe לְאַבְרָהָ֥ם לְיִצְחָ֖ק וּֽלְיַעֲקֹֽב׃

25 וַיַּשְׁבַּ֣עa יֹוסֵ֔ף אֶת־בְּנֵ֥י יִשְׂרָאֵ֖ל לֵאמֹ֑רb פָּקֹ֨ד יִפְקֹ֤דc אֱלֹהִים֙ אֶתְכֶ֔ם וְהַעֲלִתֶ֥םd אֶת־עַצְמֹתַ֖י מִזֶּֽה׃

26 וַיָּ֣מָתa יֹוסֵ֔ף בֶּן־מֵאָ֥ה וָעֶ֖שֶׂר שָׁנִ֑ים וַיַּחַנְט֣וּb אֹתֹ֔ו וַיִּ֥ישֶׂםc בָּאָרֹ֖ון בְּמִצְרָֽיִם׃