בראשית

וַיִּקְרָ֥אa יַעֲקֹ֖ב אֶל־בָּנָ֑יו וַיֹּ֗אמֶרb הֵאָֽסְפוּ֙c וְאַגִּ֣ידָהd לָכֶ֔ם אֵ֛ת אֲשֶׁר־יִקְרָ֥אe אֶתְכֶ֖ם בְּאַחֲרִ֥ית הַיָּמִֽים׃

2 הִקָּבְצ֥וּa וְשִׁמְע֖וּb בְּנֵ֣י יַעֲקֹ֑ב וְשִׁמְע֖וּc אֶל־יִשְׂרָאֵ֥ל אֲבִיכֶֽם׃

3 רְאוּבֵן֙ בְּכֹ֣רִי אַ֔תָּה כֹּחִ֖י וְרֵאשִׁ֣ית אֹונִ֑יa יֶ֥תֶר שְׂאֵ֖תb וְיֶ֥תֶר עָֽזc ׃

4 פַּ֤חַזa כַּמַּ֨יִם֙ אַל־תֹּותַ֔רb כִּ֥י עָלִ֖יתָc מִשְׁכְּבֵ֣יd אָבִ֑יךָ אָ֥ז חִלַּ֖לְתָּe יְצוּעִ֥יf עָלָֽהg ׃ פ

5 שִׁמְעֹ֥וןa וְלֵוִ֖י אַחִ֑ים כְּלֵ֥י חָמָ֖ס מְכֵרֹתֵיהֶֽםb ׃

6 בְּסֹדָם֙a אַל־תָּבֹ֣אb נַפְשִׁ֔י בִּקְהָלָ֖ם אַל־תֵּחַ֣דc כְּבֹדִ֑י כִּ֤י בְאַפָּם֙ הָ֣רְגוּd אִ֔ישׁ וּבִרְצֹנָ֖ם עִקְּרוּe ־שֹֽׁור׃

7 אָר֤וּרa אַפָּם֙ כִּ֣י עָ֔זb וְעֶבְרָתָ֖םc כִּ֣י קָשָׁ֑תָהd אֲחַלְּקֵ֣םe בְּיַעֲקֹ֔ב וַאֲפִיצֵ֖םf בְּיִשְׂרָאֵֽל׃ ס

8 יְהוּדָ֗ה אַתָּה֙ יֹוד֣וּךָa אַחֶ֔יךָ יָדְךָ֖ בְּעֹ֣רֶףb אֹיְבֶ֑יךָ יִשְׁתַּחֲוּ֥וּc לְךָ֖ בְּנֵ֥י אָבִֽיךָ׃

9 גּ֤וּרa אַרְיֵה֙b יְהוּדָ֔ה מִטֶּ֖רֶףc בְּנִ֣י עָלִ֑יתָd כָּרַ֨עe רָבַ֧ץf כְּאַרְיֵ֛הg וּכְלָבִ֖יאh מִ֥י יְקִימֶֽנּוּi ׃

10 לֹֽא־יָס֥וּרa שֵׁ֨בֶט֙ מִֽיהוּדָ֔ה וּמְחֹקֵ֖קb מִבֵּ֣ין רַגְלָ֑יו עַ֚ד כִּֽי־יָבֹ֣אc שׁילהd וְלֹ֖ו יִקְּהַ֥תe עַמִּֽים׃

11 אֹסְרִ֤יa לַגֶּ֨פֶן֙ עירהb וְלַשֹּׂרֵקָ֖הc בְּנִ֣י אֲתֹנֹ֑וd כִּבֵּ֤סe בַּיַּ֨יִן֙ לְבֻשֹׁ֔וf וּבְדַם־עֲנָבִ֖יםg סותהh ׃

12 חַכְלִילִ֥יa עֵינַ֖יִם מִיָּ֑יִן וּלְבֶןb ־שִׁנַּ֖יִם מֵחָלָֽבc ׃ פ

13 זְבוּלֻ֕ןa לְחֹ֥וףb יַמִּ֖ים יִשְׁכֹּ֑ןc וְהוּא֙ לְחֹ֣וףd אֳנִיֹּ֔ותe וְיַרְכָתֹ֖וf עַל־צִידֹֽןg ׃ ס

14 יִשָּׂשכָ֖רa חֲמֹ֣ר גָּ֑רֶםb רֹבֵ֖ץc בֵּ֥ין הַֽמִּשְׁפְּתָֽיִםd ׃

15 וַיַּ֤רְאa מְנֻחָה֙b כִּ֣י טֹ֔ובc וְאֶת־הָאָ֖רֶץ כִּ֣י נָעֵ֑מָהd וַיֵּ֤טe שִׁכְמֹו֙f לִסְבֹּ֔לg וַיְהִ֖יh לְמַסi ־עֹבֵֽד׃ ס

16 דָּ֖ן יָדִ֣יןa עַמֹּ֑ו כְּאַחַ֖ד שִׁבְטֵ֥י יִשְׂרָאֵֽל׃

17 יְהִיa ־דָן֙ נָחָ֣שׁb עֲלֵי־דֶ֔רֶךְ שְׁפִיפֹ֖ןc עֲלֵי־אֹ֑רַח הַנֹּשֵׁךְ֙d עִקְּבֵיe ־ס֔וּס וַיִּפֹּ֥לf רֹכְבֹ֖ו אָחֹֽורg ׃

18 לִֽישׁוּעָתְךָ֖ קִוִּ֥יתִיa יְהוָֽה׃

19 גָּ֖ד גְּד֣וּדa יְגוּדֶ֑נּוּb וְה֖וּא יָגֻ֥דc עָקֵֽבd ׃ ס

20 מֵאָשֵׁ֖רa שְׁמֵנָ֣הb לַחְמֹ֑ו וְה֥וּא יִתֵּ֖ןc מַֽעֲדַנֵּיd ־מֶֽלֶךְ׃ ס

21 נַפְתָּלִ֖י אַיָּלָ֣הa שְׁלֻחָ֑ה הַנֹּתֵ֖ןb אִמְרֵיc ־שָֽׁפֶרd ׃ ס

22 בֵּ֤ן פֹּרָת֙a יֹוסֵ֔ף בֵּ֥ן פֹּרָ֖תb עֲלֵי־עָ֑יִן בָּנֹ֕ות צָעֲדָ֖הc עֲלֵי־שֽׁוּרd ׃

23 וַֽיְמָרֲרֻ֖הוּa וָרֹ֑בּוּb וַֽיִּשְׂטְמֻ֖הוּc בַּעֲלֵ֥י חִצִּֽים׃

24 וַתֵּ֤שֶׁבa בְּאֵיתָן֙b קַשְׁתֹּ֔ו וַיָּפֹ֖זּוּc זְרֹעֵ֣י יָדָ֑יו מִידֵי֙ אֲבִ֣ירd יַעֲקֹ֔ב מִשָּׁ֥ם רֹעֶ֖הe אֶ֥בֶן יִשְׂרָאֵֽל׃

25 מֵאֵ֨ל אָבִ֜יךָ וְיַעְזְרֶ֗ךָּa וְאֵ֤ת שַׁדַּי֙b וִיבָ֣רְכֶ֔ךָּc בִּרְכֹ֤ת שָׁמַ֨יִם֙ מֵעָ֔לd בִּרְכֹ֥ת תְּהֹ֖וםe רֹבֶ֣צֶתf תָּ֑חַת בִּרְכֹ֥ת שָׁדַ֖יִםg וָרָֽחַםh ׃

26 בִּרְכֹ֣ת אָבִ֗יךָ גָּֽבְרוּ֙a עַל־בִּרְכֹ֣ת הֹורַ֔יb עַֽד־תַּאֲוַ֖תc גִּבְעֹ֣ת עֹולָ֑ם תִּֽהְיֶ֨ין֙d לְרֹ֣אשׁ יֹוסֵ֔ף וּלְקָדְקֹ֖דe נְזִ֥ירf אֶחָֽיו׃ פ

27 בִּנְיָמִין֙ זְאֵ֣בa יִטְרָ֔ףb בַּבֹּ֖קֶר יֹ֣אכַלc עַ֑דd וְלָעֶ֖רֶב יְחַלֵּ֥קe שָׁלָֽל׃

28 כָּל־אֵ֛לֶּה שִׁבְטֵ֥י יִשְׂרָאֵ֖ל שְׁנֵ֣ים עָשָׂ֑ר וְ֠זֹאת אֲשֶׁר־דִּבֶּ֨רa לָהֶ֤ם אֲבִיהֶם֙ וַיְבָ֣רֶךְb אֹותָ֔ם אִ֛ישׁ אֲשֶׁ֥ר כְּבִרְכָתֹ֖ו בֵּרַ֥ךְc אֹתָֽם׃

29 וַיְצַ֣וa אֹותָ֗ם וַיֹּ֤אמֶרb אֲלֵהֶם֙ אֲנִי֙ נֶאֱסָ֣ףc אֶל־עַמִּ֔י קִבְר֥וּd אֹתִ֖י אֶל־אֲבֹתָ֑י אֶל־הַ֨מְּעָרָ֔הe אֲשֶׁ֥ר בִּשְׂדֵ֖ה עֶפְרֹ֥וןf הַֽחִתִּֽיg ׃

30 בַּמְּעָרָ֞הa אֲשֶׁ֨ר בִּשְׂדֵ֧ה הַמַּכְפֵּלָ֛הb אֲשֶׁ֥ר עַל־פְּנֵי־מַמְרֵ֖אc בְּאֶ֣רֶץ כְּנָ֑עַן אֲשֶׁר֩ קָנָ֨הd אַבְרָהָ֜ם אֶת־הַשָּׂדֶ֗ה מֵאֵ֛ת עֶפְרֹ֥ןe הַחִתִּ֖יf לַאֲחֻזַּת־קָֽבֶר׃

31 שָׁ֣מָּה קָֽבְר֞וּa אֶת־אַבְרָהָ֗ם וְאֵת֙ שָׂרָ֣הb אִשְׁתֹּ֔ו שָׁ֚מָּה קָבְר֣וּc אֶת־יִצְחָ֔ק וְאֵ֖ת רִבְקָ֣הd אִשְׁתֹּ֑ו וְשָׁ֥מָּה קָבַ֖רְתִּיe אֶת־לֵאָֽהf ׃

32 מִקְנֵ֧ה הַשָּׂדֶ֛ה וְהַמְּעָרָ֥הa אֲשֶׁר־בֹּ֖ו מֵאֵ֥ת בְּנֵי־חֵֽתb ׃

33 וַיְכַ֤לa יַעֲקֹב֙ לְצַוֹּ֣תb אֶת־בָּנָ֔יו וַיֶּאֱסֹ֥ףc רַגְלָ֖יו אֶל־הַמִּטָּ֑הd וַיִּגְוַ֖עe וַיֵּאָ֥סֶףf אֶל־עַמָּֽיו׃