בראשית

וַיְהִ֗יa אַחֲרֵי֙ הַדְּבָרִ֣ים הָאֵ֔לֶּה וַיֹּ֣אמֶרb לְיֹוסֵ֔ף הִנֵּ֥ה אָבִ֖יךָ חֹלֶ֑הc וַיִּקַּ֞חd אֶת־שְׁנֵ֤י בָנָיו֙ עִמֹּ֔ו אֶת־מְנַשֶּׁ֖ה וְאֶת־אֶפְרָֽיִם׃

2 וַיַּגֵּ֣דa לְיַעֲקֹ֔ב וַיֹּ֕אמֶרb הִנֵּ֛ה בִּנְךָ֥ יֹוסֵ֖ף בָּ֣אc אֵלֶ֑יךָ וַיִּתְחַזֵּק֙d יִשְׂרָאֵ֔ל וַיֵּ֖שֶׁבe עַל־הַמִּטָּֽהf ׃

3 וַיֹּ֤אמֶרa יַעֲקֹב֙ אֶל־יֹוסֵ֔ף אֵ֥ל שַׁדַּ֛יb נִרְאָֽהc ־אֵלַ֥י בְּל֖וּזd בְּאֶ֣רֶץ כְּנָ֑עַן וַיְבָ֖רֶךְe אֹתִֽי׃

4 וַיֹּ֣אמֶרa אֵלַ֗י הִנְנִ֤י מַפְרְךָ֙b וְהִרְבִּיתִ֔ךָc וּנְתַתִּ֖יךָd לִקְהַ֣ל עַמִּ֑ים וְנָ֨תַתִּ֜יe אֶת־הָאָ֧רֶץ הַזֹּ֛את לְזַרְעֲךָ֥ אַחֲרֶ֖יךָ אֲחֻזַּ֥ת עֹולָֽם׃

5 וְעַתָּ֡ה שְׁנֵֽי־בָנֶיךָ֩ הַנֹּולָדִ֨יםa לְךָ֜ בְּאֶ֣רֶץ מִצְרַ֗יִם עַד־בֹּאִ֥יb אֵלֶ֛יךָ מִצְרַ֖יְמָה לִי־הֵ֑ם אֶפְרַ֨יִם֙ וּמְנַשֶּׁ֔ה כִּרְאוּבֵ֥ן וְשִׁמְעֹ֖וןc יִֽהְיוּd ־לִֽי׃

6 וּמֹולַדְתְּךָ֛a אֲשֶׁר־הֹולַ֥דְתָּb אַחֲרֵיהֶ֖ם לְךָ֣ יִהְי֑וּc עַ֣ל שֵׁ֧ם אֲחֵיהֶ֛ם יִקָּרְא֖וּd בְּנַחֲלָתָֽם׃

7 וַאֲנִ֣י׀ בְּבֹאִ֣יa מִפַּדָּ֗ןb מֵ֩תָה֩c עָלַ֨י רָחֵ֜לd בְּאֶ֤רֶץ כְּנַ֨עַן֙ בַּדֶּ֔רֶךְ בְּעֹ֥וד כִּבְרַתe ־אֶ֖רֶץ לָבֹ֣אf אֶפְרָ֑תָהg וָאֶקְבְּרֶ֤הָh שָּׁם֙ בְּדֶ֣רֶךְ אֶפְרָ֔תi הִ֖וא בֵּ֥ית לָֽחֶםj ׃

8 וַיַּ֥רְאa יִשְׂרָאֵ֖ל אֶת־בְּנֵ֣י יֹוסֵ֑ף וַיֹּ֖אמֶרb מִי־אֵֽלֶּה׃

9 וַיֹּ֤אמֶרa יֹוסֵף֙ אֶל־אָבִ֔יו בָּנַ֣י הֵ֔ם אֲשֶׁר־נָֽתַןb ־לִ֥י אֱלֹהִ֖ים בָּזֶ֑ה וַיֹּאמַ֕רc קָֽחֶםd ־נָ֥א אֵלַ֖י וַאֲבָרֲכֵֽםe ׃

10 וְעֵינֵ֤י יִשְׂרָאֵל֙ כָּבְד֣וּa מִזֹּ֔קֶןb לֹ֥א יוּכַ֖לc לִרְאֹ֑ותd וַיַּגֵּ֤שׁe אֹתָם֙ אֵלָ֔יו וַיִּשַּׁ֥קf לָהֶ֖ם וַיְחַבֵּ֥קg לָהֶֽם׃

11 וַיֹּ֤אמֶרa יִשְׂרָאֵל֙ אֶל־יֹוסֵ֔ף רְאֹ֥הb פָנֶ֖יךָ לֹ֣א פִלָּ֑לְתִּיc וְהִנֵּ֨ה הֶרְאָ֥הd אֹתִ֛י אֱלֹהִ֖ים גַּ֥ם אֶת־זַרְעֶֽךָ׃

12 וַיֹּוצֵ֥אa יֹוסֵ֛ף אֹתָ֖ם מֵעִ֣ם בִּרְכָּ֑יוb וַיִּשְׁתַּ֥חוּc לְאַפָּ֖יו אָֽרְצָה׃

13 וַיִּקַּ֣חa יֹוסֵף֮ אֶת־שְׁנֵיהֶם֒ אֶת־אֶפְרַ֤יִם בִּֽימִינֹו֙ מִשְּׂמֹ֣אל יִשְׂרָאֵ֔ל וְאֶת־מְנַשֶּׁ֥ה בִשְׂמֹאלֹ֖ו מִימִ֣ין יִשְׂרָאֵ֑ל וַיַּגֵּ֖שׁb אֵלָֽיו׃

14 וַיִּשְׁלַח֩a יִשְׂרָאֵ֨ל אֶת־יְמִינֹ֜ו וַיָּ֨שֶׁתb עַל־רֹ֤אשׁ אֶפְרַ֨יִם֙ וְה֣וּא הַצָּעִ֔ירc וְאֶת־שְׂמֹאלֹ֖ו עַל־רֹ֣אשׁ מְנַשֶּׁ֑ה שִׂכֵּל֙d אֶת־יָדָ֔יו כִּ֥י מְנַשֶּׁ֖ה הַבְּכֹֽור׃

15 וַיְבָ֥רֶךְa אֶת־יֹוסֵ֖ף וַיֹּאמַ֑רb הָֽאֱלֹהִ֡ים אֲשֶׁר֩ הִתְהַלְּכ֨וּc אֲבֹתַ֤י לְפָנָיו֙ אַבְרָהָ֣ם וְיִצְחָ֔ק הָֽאֱלֹהִים֙ הָרֹעֶ֣הd אֹתִ֔י מֵעֹודִ֖י עַד־הַיֹּ֥ום הַזֶּֽה׃

16 הַמַּלְאָךְ֩ הַגֹּאֵ֨לa אֹתִ֜י מִכָּל־רָ֗ע יְבָרֵךְ֮b אֶת־הַנְּעָרִים֒ וְיִקָּרֵ֤אc בָהֶם֙ שְׁמִ֔י וְשֵׁ֥ם אֲבֹתַ֖י אַבְרָהָ֣ם וְיִצְחָ֑ק וְיִדְגּ֥וּd לָרֹ֖ב בְּקֶ֥רֶב הָאָֽרֶץ׃

17 וַיַּ֣רְאa יֹוסֵ֗ף כִּי־יָשִׁ֨יתb אָבִ֧יו יַד־יְמִינֹ֛ו עַל־רֹ֥אשׁ אֶפְרַ֖יִם וַיֵּ֣רַעc בְּעֵינָ֑יו וַיִּתְמֹ֣ךְd יַד־אָבִ֗יו לְהָסִ֥ירe אֹתָ֛הּ מֵעַ֥ל רֹאשׁ־אֶפְרַ֖יִם עַל־רֹ֥אשׁ מְנַשֶּֽׁה׃

18 וַיֹּ֧אמֶרa יֹוסֵ֛ף אֶל־אָבִ֖יו לֹא־כֵ֣ן אָבִ֑י כִּי־זֶ֣ה הַבְּכֹ֔ר שִׂ֥יםb יְמִינְךָ֖ עַל־רֹאשֹֽׁו׃

19 וַיְמָאֵ֣ןa אָבִ֗יו וַיֹּ֨אמֶר֙b יָדַ֤עְתִּֽיc בְנִי֙ יָדַ֔עְתִּיd גַּם־ה֥וּא יִהְיֶהe ־לְּעָ֖ם וְגַם־ה֣וּא יִגְדָּ֑לf וְאוּלָ֗םg אָחִ֤יו הַקָּטֹן֙ יִגְדַּ֣לh מִמֶּ֔נּוּ וְזַרְעֹ֖ו יִהְיֶ֥הi מְלֹֽאj ־הַגֹּויִֽם׃

20 וַיְבָ֨רֲכֵ֜םa בַּיֹּ֣ום הַהוּא֮ לֵאמֹור֒b בְּךָ֗ יְבָרֵ֤ךְc יִשְׂרָאֵל֙ לֵאמֹ֔רd יְשִֽׂמְךָ֣e אֱלֹהִ֔ים כְּאֶפְרַ֖יִם וְכִמְנַשֶּׁ֑ה וַיָּ֥שֶׂםf אֶת־אֶפְרַ֖יִם לִפְנֵ֥י מְנַשֶּֽׁה׃

21 וַיֹּ֤אמֶרa יִשְׂרָאֵל֙ אֶל־יֹוסֵ֔ף הִנֵּ֥ה אָנֹכִ֖י מֵ֑תb וְהָיָ֤הc אֱלֹהִים֙ עִמָּכֶ֔ם וְהֵשִׁ֣יבd אֶתְכֶ֔ם אֶל־אֶ֖רֶץ אֲבֹתֵיכֶֽם׃

22 וַאֲנִ֞י נָתַ֧תִּֽיa לְךָ֛ שְׁכֶ֥םb אַחַ֖ד עַל־אַחֶ֑יךָ אֲשֶׁ֤ר לָקַ֨חְתִּי֙c מִיַּ֣ד הָֽאֱמֹרִ֔י בְּחַרְבִּ֖י וּבְקַשְׁתִּֽי׃ פ