בראשית

וַיָּבֹ֣אa יֹוסֵף֮ וַיַּגֵּ֣דb לְפַרְעֹה֒ וַיֹּ֗אמֶרc אָבִ֨י וְאַחַ֜י וְצֹאנָ֤ם וּבְקָרָם֙ וְכָל־אֲשֶׁ֣ר לָהֶ֔ם בָּ֖אוּd מֵאֶ֣רֶץ כְּנָ֑עַן וְהִנָּ֖ם בְּאֶ֥רֶץ גֹּֽשֶׁןe ׃

2 וּמִקְצֵ֣ה אֶחָ֔יו לָקַ֖חa חֲמִשָּׁ֣ה אֲנָשִׁ֑ים וַיַּצִּגֵ֖םb לִפְנֵ֥י פַרְעֹֽה׃

3 וַיֹּ֧אמֶרa פַּרְעֹ֛ה אֶל־אֶחָ֖יו מַה־מַּעֲשֵׂיכֶ֑ם וַיֹּאמְר֣וּb אֶל־פַּרְעֹ֗ה רֹעֵ֥ה צֹאן֙ עֲבָדֶ֔יךָ גַּם־אֲנַ֖חְנוּ גַּם־אֲבֹותֵֽינוּ׃

4 וַיֹּאמְר֣וּa אֶל־פַּרְעֹ֗ה לָג֣וּרb בָּאָרֶץ֮ בָּאנוּ֒c כִּי־אֵ֣ין מִרְעֶ֗הd לַצֹּאן֙ אֲשֶׁ֣ר לַעֲבָדֶ֔יךָ כִּֽי־כָבֵ֥דe הָרָעָ֖ב בְּאֶ֣רֶץ כְּנָ֑עַן וְעַתָּ֛ה יֵֽשְׁבוּf ־נָ֥א עֲבָדֶ֖יךָ בְּאֶ֥רֶץ גֹּֽשֶׁןg ׃

5 וַיֹּ֣אמֶרa פַּרְעֹ֔ה אֶל־יֹוסֵ֖ף לֵאמֹ֑רb אָבִ֥יךָ וְאַחֶ֖יךָ בָּ֥אוּc אֵלֶֽיךָ׃

6 אֶ֤רֶץ מִצְרַ֨יִם֙ לְפָנֶ֣יךָ הִ֔וא בְּמֵיטַ֣בa הָאָ֔רֶץ הֹושֵׁ֥בb אֶת־אָבִ֖יךָ וְאֶת־אַחֶ֑יךָ יֵשְׁבוּ֙c בְּאֶ֣רֶץ גֹּ֔שֶׁןd וְאִם־יָדַ֗עְתָּe וְיֶשׁ־בָּם֙ אַנְשֵׁי־חַ֔יִל וְשַׂמְתָּ֛םf שָׂרֵ֥י מִקְנֶ֖ה עַל־אֲשֶׁר־לִֽי׃

7 וַיָּבֵ֤אa יֹוסֵף֙ אֶת־יַֽעֲקֹ֣ב אָבִ֔יו וַיַּֽעֲמִדֵ֖הוּb לִפְנֵ֣י פַרְעֹ֑ה וַיְבָ֥רֶךְc יַעֲקֹ֖ב אֶת־פַּרְעֹֽה׃

8 וַיֹּ֥אמֶרa פַּרְעֹ֖ה אֶֽל־יַעֲקֹ֑ב כַּמָּ֕ה יְמֵ֖י שְׁנֵ֥י חַיֶּֽיךָ׃

9 וַיֹּ֤אמֶרa יַעֲקֹב֙ אֶל־פַּרְעֹ֔ה יְמֵי֙ שְׁנֵ֣י מְגוּרַ֔יb שְׁלֹשִׁ֥ים וּמְאַ֖ת שָׁנָ֑ה מְעַ֣ט וְרָעִ֗ים הָיוּ֙c יְמֵי֙ שְׁנֵ֣י חַיַּ֔י וְלֹ֣א הִשִּׂ֗יגוּd אֶת־יְמֵי֙ שְׁנֵי֙ חַיֵּ֣י אֲבֹתַ֔י בִּימֵ֖י מְגוּרֵיהֶֽםe ׃

10 וַיְבָ֥רֶךְa יַעֲקֹ֖ב אֶת־פַּרְעֹ֑ה וַיֵּצֵ֖אb מִלִּפְנֵ֥י פַרְעֹֽה׃

11 וַיֹּושֵׁ֣בa יֹוסֵף֮ אֶת־אָבִ֣יו וְאֶת־אֶחָיו֒ וַיִּתֵּ֨ןb לָהֶ֤ם אֲחֻזָּה֙ בְּאֶ֣רֶץ מִצְרַ֔יִם בְּמֵיטַ֥בc הָאָ֖רֶץ בְּאֶ֣רֶץ רַעְמְסֵ֑סd כַּאֲשֶׁ֖ר צִוָּ֥הe פַרְעֹֽה׃

12 וַיְכַלְכֵּ֤לa יֹוסֵף֙ אֶת־אָבִ֣יו וְאֶת־אֶחָ֔יו וְאֵ֖ת כָּל־בֵּ֣ית אָבִ֑יו לֶ֖חֶם לְפִ֥י הַטָּֽףb ׃

13 וְלֶ֤חֶם אֵין֙ בְּכָל־הָאָ֔רֶץ כִּֽי־כָבֵ֥דa הָרָעָ֖ב מְאֹ֑ד וַתֵּ֜לַהּb אֶ֤רֶץ מִצְרַ֨יִם֙ וְאֶ֣רֶץ כְּנַ֔עַן מִפְּנֵ֖י הָרָעָֽב׃

14 וַיְלַקֵּ֣טa יֹוסֵ֗ף אֶת־כָּל־הַכֶּ֨סֶף֙ הַנִּמְצָ֤אb בְאֶֽרֶץ־מִצְרַ֨יִם֙ וּבְאֶ֣רֶץ כְּנַ֔עַן בַּשֶּׁ֖בֶרc אֲשֶׁר־הֵ֣ם שֹׁבְרִ֑יםd וַיָּבֵ֥אe יֹוסֵ֛ף אֶת־הַכֶּ֖סֶף בֵּ֥יתָה פַרְעֹֽה׃

15 וַיִּתֹּ֣םa הַכֶּ֗סֶף מֵאֶ֣רֶץ מִצְרַיִם֮ וּמֵאֶ֣רֶץ כְּנַעַן֒ וַיָּבֹאוּ֩b כָל־מִצְרַ֨יִם אֶל־יֹוסֵ֤ף לֵאמֹר֙c הָֽבָהd ־לָּ֣נוּ לֶ֔חֶם וְלָ֥מָּה נָמ֖וּתe נֶגְדֶּ֑ךָ כִּ֥י אָפֵ֖סf כָּֽסֶף׃

16 וַיֹּ֤אמֶרa יֹוסֵף֙ הָב֣וּb מִקְנֵיכֶ֔ם וְאֶתְּנָ֥הc לָכֶ֖ם בְּמִקְנֵיכֶ֑ם אִם־אָפֵ֖סd כָּֽסֶף׃

17 וַיָּבִ֣יאוּa אֶת־מִקְנֵיהֶם֮ אֶל־יֹוסֵף֒ וַיִּתֵּ֣ןb לָהֶם֩ יֹוסֵ֨ף לֶ֜חֶם בַּסּוּסִ֗ים וּבְמִקְנֵ֥ה הַצֹּ֛אן וּבְמִקְנֵ֥ה הַבָּקָ֖ר וּבַחֲמֹרִ֑ים וַיְנַהֲלֵ֤םc בַּלֶּ֨חֶם֙ בְּכָל־מִקְנֵהֶ֔ם בַּשָּׁנָ֖ה הַהִֽוא׃

18 וַתִּתֹּם֮a הַשָּׁנָ֣ה הַהִוא֒ וַיָּבֹ֨אוּb אֵלָ֜יו בַּשָּׁנָ֣ה הַשֵּׁנִ֗ית וַיֹּ֤אמְרוּc לֹו֙ לֹֽא־נְכַחֵ֣דd מֵֽאֲדֹנִ֔י כִּ֚י אִם־תַּ֣םe הַכֶּ֔סֶף וּמִקְנֵ֥ה הַבְּהֵמָ֖ה אֶל־אֲדֹנִ֑י לֹ֤א נִשְׁאַר֙f לִפְנֵ֣י אֲדֹנִ֔י בִּלְתִּ֥י אִם־גְּוִיָּתֵ֖נוּg וְאַדְמָתֵֽנוּ׃

19 לָ֧מָּה נָמ֣וּתa לְעֵינֶ֗יךָ גַּם־אֲנַ֨חְנוּ֙ גַּ֣ם אַדְמָתֵ֔נוּ קְנֵֽהb ־אֹתָ֥נוּ וְאֶת־אַדְמָתֵ֖נוּ בַּלָּ֑חֶם וְנִֽהְיֶ֞הc אֲנַ֤חְנוּ וְאַדְמָתֵ֨נוּ֙ עֲבָדִ֣ים לְפַרְעֹ֔ה וְתֶןd ־זֶ֗רַע וְנִֽחְיֶה֙e וְלֹ֣א נָמ֔וּתf וְהָאֲדָמָ֖ה לֹ֥א תֵשָֽׁםg ׃

20 וַיִּ֨קֶןa יֹוסֵ֜ף אֶת־כָּל־אַדְמַ֤ת מִצְרַ֨יִם֙ לְפַרְעֹ֔ה כִּֽי־מָכְר֤וּb מִצְרַ֨יִם֙ אִ֣ישׁ שָׂדֵ֔הוּ כִּֽי־חָזַ֥קc עֲלֵהֶ֖ם הָרָעָ֑ב וַתְּהִ֥יd הָאָ֖רֶץ לְפַרְעֹֽה׃

21 וְאֶ֨ת־הָעָ֔ם הֶעֱבִ֥ירa אֹתֹ֖ו לֶעָרִ֑ים מִקְצֵ֥ה גְבוּל־מִצְרַ֖יִם וְעַד־קָצֵֽהוּ׃

22 רַ֛ק אַדְמַ֥ת הַכֹּהֲנִ֖ים לֹ֣א קָנָ֑הa כִּי֩ חֹ֨ק לַכֹּהֲנִ֜ים מֵאֵ֣ת פַּרְעֹ֗ה וְאָֽכְל֤וּb אֶת־חֻקָּם֙ אֲשֶׁ֨ר נָתַ֤ןc לָהֶם֙ פַּרְעֹ֔ה עַל־כֵּ֕ן לֹ֥א מָכְר֖וּd אֶת־אַדְמָתָֽם׃

23 וַיֹּ֤אמֶרa יֹוסֵף֙ אֶל־הָעָ֔ם הֵן֩ קָנִ֨יתִיb אֶתְכֶ֥ם הַיֹּ֛ום וְאֶת־אַדְמַתְכֶ֖ם לְפַרְעֹ֑ה הֵֽאc ־לָכֶ֣ם זֶ֔רַע וּזְרַעְתֶּ֖םd אֶת־הָאֲדָמָֽה׃

24 וְהָיָה֙a בַּתְּבוּאֹ֔תb וּנְתַתֶּ֥םc חֲמִישִׁ֖יתd לְפַרְעֹ֑ה וְאַרְבַּ֣ע הַיָּדֹ֡ת יִהְיֶ֣הe לָכֶם֩ לְזֶ֨רַע הַשָּׂדֶ֧ה וּֽלְאָכְלְכֶ֛םf וְלַאֲשֶׁ֥ר בְּבָתֵּיכֶ֖ם וְלֶאֱכֹ֥לg לְטַפְּכֶֽםh ׃

25 וַיֹּאמְר֖וּa הֶחֱיִתָ֑נוּb נִמְצָאc ־חֵן֙ בְּעֵינֵ֣י אֲדֹנִ֔י וְהָיִ֥ינוּd עֲבָדִ֖ים לְפַרְעֹֽה׃

26 וַיָּ֣שֶׂםa אֹתָ֣הּ יֹוסֵ֡ף לְחֹק֩ עַד־הַיֹּ֨ום הַזֶּ֜ה עַל־אַדְמַ֥ת מִצְרַ֛יִם לְפַרְעֹ֖ה לַחֹ֑מֶשׁb רַ֞ק אַדְמַ֤ת הַכֹּֽהֲנִים֙ לְבַדָּ֔ם לֹ֥א הָיְתָ֖הc לְפַרְעֹֽה׃

27 וַיֵּ֧שֶׁבa יִשְׂרָאֵ֛ל בְּאֶ֥רֶץ מִצְרַ֖יִם בְּאֶ֣רֶץ גֹּ֑שֶׁןb וַיֵּאָחֲז֣וּc בָ֔הּ וַיִּפְר֥וּd וַיִּרְבּ֖וּe מְאֹֽד׃

28 וַיְחִ֤יa יַעֲקֹב֙ בְּאֶ֣רֶץ מִצְרַ֔יִם שְׁבַ֥ע עֶשְׂרֵ֖ה שָׁנָ֑ה וַיְהִ֤יb יְמֵֽי־יַעֲקֹב֙ שְׁנֵ֣י חַיָּ֔יו שֶׁ֣בַע שָׁנִ֔ים וְאַרְבָּעִ֥ים וּמְאַ֖ת שָׁנָֽה׃

29 וַיִּקְרְב֣וּa יְמֵֽי־יִשְׂרָאֵל֮ לָמוּת֒b וַיִּקְרָ֣אc ׀ לִבְנֹ֣ו לְיֹוסֵ֗ף וַיֹּ֤אמֶרd לֹו֙ אִם־נָ֨א מָצָ֤אתִיe חֵן֙ בְּעֵינֶ֔יךָ שִֽׂיםf ־נָ֥א יָדְךָ֖ תַּ֣חַת יְרֵכִ֑יg וְעָשִׂ֤יתָh עִמָּדִי֙i חֶ֣סֶד וֶאֱמֶ֔ת אַל־נָ֥א תִקְבְּרֵ֖נִיj בְּמִצְרָֽיִם׃

30 וְשָֽׁכַבְתִּי֙a עִם־אֲבֹתַ֔י וּנְשָׂאתַ֨נִי֙b מִמִּצְרַ֔יִם וּקְבַרְתַּ֖נִיc בִּקְבֻרָתָ֑םd וַיֹּאמַ֕רe אָנֹכִ֖י אֶֽעֱשֶׂ֥הf כִדְבָרֶֽךָ׃

31 וַיֹּ֗אמֶרa הִשָּֽׁבְעָה֙b לִ֔י וַיִּשָּׁבַ֖עc לֹ֑ו וַיִּשְׁתַּ֥חוּd יִשְׂרָאֵ֖ל עַל־רֹ֥אשׁ הַמִּטָּֽהe ׃ פ