בראשית

וַיִּסַּ֤עa יִשְׂרָאֵל֙ וְכָל־אֲשֶׁר־לֹ֔ו וַיָּבֹ֖אb בְּאֵ֣רָה שָּׁ֑בַעc וַיִּזְבַּ֣חd זְבָחִ֔ים לֵאלֹהֵ֖י אָבִ֥יו יִצְחָֽק׃

2 וַיֹּ֨אמֶרa אֱלֹהִ֤ים׀ לְיִשְׂרָאֵל֙ בְּמַרְאֹ֣תb הַלַּ֔יְלָה וַיֹּ֖אמֶרc יַעֲקֹ֣ב׀ יַעֲקֹ֑ב וַיֹּ֖אמֶרd הִנֵּֽנִי׃

3 וַיֹּ֕אמֶרa אָנֹכִ֥י הָאֵ֖ל אֱלֹהֵ֣י אָבִ֑יךָ אַל־תִּירָא֙b מֵרְדָ֣הc מִצְרַ֔יְמָה כִּֽי־לְגֹ֥וי גָּדֹ֖ול אֲשִֽׂימְךָ֥d שָֽׁם׃

4 אָנֹכִ֗י אֵרֵ֤דa עִמְּךָ֙ מִצְרַ֔יְמָה וְאָנֹכִ֖י אַֽעַלְךָ֣b גַם־עָלֹ֑ה וְיֹוסֵ֕ף יָשִׁ֥יתc יָדֹ֖ו עַל־עֵינֶֽיךָ׃

5 וַיָּ֥קָםa יַעֲקֹ֖ב מִבְּאֵ֣ר שָׁ֑בַעb וַיִּשְׂא֨וּc בְנֵֽי־יִשְׂרָאֵ֜ל אֶת־יַעֲקֹ֣ב אֲבִיהֶ֗ם וְאֶת־טַפָּם֙d וְאֶת־נְשֵׁיהֶ֔ם בָּעֲגָלֹ֕ותe אֲשֶׁר־שָׁלַ֥חf פַּרְעֹ֖ה לָשֵׂ֥אתg אֹתֹֽו׃

6 וַיִּקְח֣וּa אֶת־מִקְנֵיהֶ֗ם וְאֶת־רְכוּשָׁם֙b אֲשֶׁ֤ר רָֽכְשׁוּ֙c בְּאֶ֣רֶץ כְּנַ֔עַן וַיָּבֹ֖אוּd מִצְרָ֑יְמָה יַעֲקֹ֖ב וְכָל־זַרְעֹ֥ו אִתֹּֽו׃

7 בָּנָ֞יו וּבְנֵ֤י בָנָיו֙ אִתֹּ֔ו בְּנֹתָ֛יו וּבְנֹ֥ות בָּנָ֖יו וְכָל־זַרְעֹ֑ו הֵבִ֥יאa אִתֹּ֖ו מִצְרָֽיְמָה׃ ס

8 וְאֵ֨לֶּה שְׁמֹ֧ות בְּנֵֽי־יִשְׂרָאֵ֛ל הַבָּאִ֥יםa מִצְרַ֖יְמָה יַעֲקֹ֣ב וּבָנָ֑יו בְּכֹ֥ר יַעֲקֹ֖ב רְאוּבֵֽן׃

9 וּבְנֵ֖י רְאוּבֵ֑ן חֲנֹ֥וךְa וּפַלּ֖וּאb וְחֶצְרֹ֥וןc וְכַרְמִֽיd ׃

10 וּבְנֵ֣י שִׁמְעֹ֗וןa יְמוּאֵ֧לb וְיָמִ֛יןc וְאֹ֖הַדd וְיָכִ֣יןe וְצֹ֑חַרf וְשָׁא֖וּל בֶּן־הַֽכְּנַעֲנִֽית׃

11 וּבְנֵ֖י לֵוִ֑י גֵּרְשֹׁ֕וןa קְהָ֖תb וּמְרָרִֽיc ׃

12 וּבְנֵ֣י יְהוּדָ֗ה עֵ֧רa וְאֹונָ֛ןb וְשֵׁלָ֖הc וָפֶ֣רֶץd וָזָ֑רַחe וַיָּ֨מָתf עֵ֤רg וְאֹונָן֙h בְּאֶ֣רֶץ כְּנַ֔עַן וַיִּהְי֥וּi בְנֵי־פֶ֖רֶץj חֶצְרֹ֥וןk וְחָמֽוּלl ׃

13 וּבְנֵ֖י יִשָׂשכָ֑רa תֹּולָ֥עb וּפֻוָּ֖הc וְיֹ֥ובd וְשִׁמְרֹֽוןe ׃

14 וּבְנֵ֖י זְבוּלֻ֑ןa סֶ֥רֶדb וְאֵלֹ֖וןc וְיַחְלְאֵֽלd ׃

15 אֵ֣לֶּה׀ בְּנֵ֣י לֵאָ֗הa אֲשֶׁ֨ר יָֽלְדָ֤הb לְיַעֲקֹב֙ בְּפַדַּ֣ןc אֲרָ֔ם וְאֵ֖ת דִּינָ֣הd בִתֹּ֑ו כָּל־נֶ֧פֶשׁ בָּנָ֛יו וּבְנֹותָ֖יו שְׁלֹשִׁ֥ים וְשָׁלֹֽשׁ׃

16 וּבְנֵ֣י גָ֔ד צִפְיֹ֥וןa וְחַגִּ֖יb שׁוּנִ֣יc וְאֶצְבֹּ֑ןd עֵרִ֥יe וַֽאֲרֹודִ֖יf וְאַרְאֵלִֽיg ׃

17 וּבְנֵ֣י אָשֵׁ֗רa יִמְנָ֧הb וְיִשְׁוָ֛הc וְיִשְׁוִ֥יd וּבְרִיעָ֖הe וְשֶׂ֣רַחf אֲחֹתָ֑ם וּבְנֵ֣י בְרִיעָ֔הg חֶ֖בֶרh וּמַלְכִּיאֵֽלi ׃

18 אֵ֚לֶּה בְּנֵ֣י זִלְפָּ֔הa אֲשֶׁר־נָתַ֥ןb לָבָ֖ן לְלֵאָ֣הc בִתֹּ֑ו וַתֵּ֤לֶדd אֶת־אֵ֨לֶּה֙ לְיַעֲקֹ֔ב שֵׁ֥שׁ עֶשְׂרֵ֖ה נָֽפֶשׁ׃

19 בְּנֵ֤י רָחֵל֙a אֵ֣שֶׁת יַֽעֲקֹ֔ב יֹוסֵ֖ף וּבִנְיָמִֽן׃

20 וַיִּוָּלֵ֣דa לְיֹוסֵף֮ בְּאֶ֣רֶץ מִצְרַיִם֒ אֲשֶׁ֤ר יָֽלְדָהb ־לֹּו֙ אָֽסְנַ֔תc בַּת־פֹּ֥וטִי פֶ֖רַעd כֹּהֵ֣ן אֹ֑ןe אֶת־מְנַשֶּׁ֖ה וְאֶת־אֶפְרָֽיִם׃

21 וּבְנֵ֣י בִנְיָמִ֗ן בֶּ֤לַעa וָבֶ֨כֶר֙b וְאַשְׁבֵּ֔לc גֵּרָ֥אd וְנַעֲמָ֖ןe אֵחִ֣יf וָרֹ֑אשׁg מֻפִּ֥יםh וְחֻפִּ֖יםi וָאָֽרְדְּj ׃

22 אֵ֚לֶּה בְּנֵ֣י רָחֵ֔לa אֲשֶׁ֥ר יֻלַּ֖דb לְיַעֲקֹ֑ב כָּל־נֶ֖פֶשׁ אַרְבָּעָ֥ה עָשָֽׂר׃

23 וּבְנֵי־דָ֖ן חֻשִֽׁיםa ׃

24 וּבְנֵ֖י נַפְתָּלִ֑י יַחְצְאֵ֥לa וְגוּנִ֖יb וְיֵ֥צֶרc וְשִׁלֵּֽםd ׃

25 אֵ֚לֶּה בְּנֵ֣י בִלְהָ֔הa אֲשֶׁר־נָתַ֥ןb לָבָ֖ן לְרָחֵ֣לc בִּתֹּ֑ו וַתֵּ֧לֶדd אֶת־אֵ֛לֶּה לְיַעֲקֹ֖ב כָּל־נֶ֥פֶשׁ שִׁבְעָֽה׃

26 כָּל־הַ֠נֶּפֶשׁ הַבָּאָ֨הa לְיַעֲקֹ֤ב מִצְרַ֨יְמָה֙ יֹצְאֵ֣יb יְרֵכֹ֔וc מִלְּבַ֖ד נְשֵׁ֣י בְנֵי־יַעֲקֹ֑ב כָּל־נֶ֖פֶשׁ שִׁשִּׁ֥ים וָשֵֽׁשׁ׃

27 וּבְנֵ֥י יֹוסֵ֛ף אֲשֶׁר־יֻלַּדa ־לֹ֥ו בְמִצְרַ֖יִם נֶ֣פֶשׁ שְׁנָ֑יִם כָּל־הַנֶּ֧פֶשׁ לְבֵֽית־יַעֲקֹ֛ב הַבָּ֥אָהb מִצְרַ֖יְמָה שִׁבְעִֽים׃ פ

28 וְאֶת־יְהוּדָ֞ה שָׁלַ֤חa לְפָנָיו֙ אֶל־יֹוסֵ֔ף לְהֹורֹ֥תb לְפָנָ֖יו גֹּ֑שְׁנָהc וַיָּבֹ֖אוּd אַ֥רְצָה גֹּֽשֶׁןe ׃

29 וַיֶּאְסֹ֤רa יֹוסֵף֙ מֶרְכַּבְתֹּ֔וb וַיַּ֛עַלc לִקְרַֽאתd ־יִשְׂרָאֵ֥ל אָבִ֖יו גֹּ֑שְׁנָהe וַיֵּרָ֣אf אֵלָ֗יו וַיִּפֹּל֙g עַל־צַוָּארָ֔יוh וַיֵּ֥בְךְּi עַל־צַוָּארָ֖יוj עֹֽוד׃

30 וַיֹּ֧אמֶרa יִשְׂרָאֵ֛ל אֶל־יֹוסֵ֖ף אָמ֣וּתָהb הַפָּ֑עַם אַחֲרֵי֙ רְאֹותִ֣יc אֶת־פָּנֶ֔יךָ כִּ֥י עֹודְךָ֖ חָֽי׃

31 וַיֹּ֨אמֶרa יֹוסֵ֤ף אֶל־אֶחָיו֙ וְאֶל־בֵּ֣ית אָבִ֔יו אֶעֱלֶ֖הb וְאַגִּ֣ידָהc לְפַרְעֹ֑ה וְאֹֽמְרָ֣הd אֵלָ֔יו אַחַ֧י וּבֵית־אָבִ֛י אֲשֶׁ֥ר בְּאֶֽרֶץ־כְּנַ֖עַן בָּ֥אוּe אֵלָֽי׃

32 וְהָאֲנָשִׁים֙ רֹ֣עֵי צֹ֔אן כִּֽי־אַנְשֵׁ֥י מִקְנֶ֖ה הָ֑יוּa וְצֹאנָ֧ם וּבְקָרָ֛ם וְכָל־אֲשֶׁ֥ר לָהֶ֖ם הֵבִֽיאוּb ׃

33 וְהָיָ֕הa כִּֽי־יִקְרָ֥אb לָכֶ֖ם פַּרְעֹ֑ה וְאָמַ֖רc מַה־מַּעֲשֵׂיכֶֽם׃

34 וַאֲמַרְתֶּ֗םa אַנְשֵׁ֨י מִקְנֶ֜ה הָי֤וּb עֲבָדֶ֨יךָ֙ מִנְּעוּרֵ֣ינוּc וְעַד־עַ֔תָּה גַּם־אֲנַ֖חְנוּ גַּם־אֲבֹתֵ֑ינוּ בַּעֲב֗וּרd תֵּשְׁבוּ֙e בְּאֶ֣רֶץ גֹּ֔שֶׁןf כִּֽי־תֹועֲבַ֥ת מִצְרַ֖יִם כָּל־רֹ֥עֵהg צֹֽאן׃