בראשית

וְלֹֽא־יָכֹ֨לa יֹוסֵ֜ף לְהִתְאַפֵּ֗קb לְכֹ֤ל הַנִּצָּבִים֙c עָלָ֔יו וַיִּקְרָ֕אd הֹוצִ֥יאוּe כָל־אִ֖ישׁ מֵעָלָ֑י וְלֹא־עָ֤מַדf אִישׁ֙ אִתֹּ֔ו בְּהִתְוַדַּ֥עg יֹוסֵ֖ף אֶל־אֶחָֽיו׃

2 וַיִּתֵּ֥ןa אֶת־קֹלֹ֖ו בִּבְכִ֑יb וַיִּשְׁמְע֣וּc מִצְרַ֔יִם וַיִּשְׁמַ֖עd בֵּ֥ית פַּרְעֹֽה׃

3 וַיֹּ֨אמֶרa יֹוסֵ֤ף אֶל־אֶחָיו֙ אֲנִ֣י יֹוסֵ֔ף הַעֹ֥וד אָבִ֖י חָ֑י וְלֹֽא־יָכְל֤וּb אֶחָיו֙ לַעֲנֹ֣ותc אֹתֹ֔ו כִּ֥י נִבְהֲל֖וּd מִפָּנָֽיו׃

4 וַיֹּ֨אמֶרa יֹוסֵ֧ף אֶל־אֶחָ֛יו גְּשׁוּb ־נָ֥א אֵלַ֖י וַיִּגָּ֑שׁוּc וַיֹּ֗אמֶרd אֲנִי֙ יֹוסֵ֣ף אֲחִיכֶ֔ם אֲשֶׁר־מְכַרְתֶּ֥םe אֹתִ֖י מִצְרָֽיְמָה׃

5 וְעַתָּ֣ה׀ אַל־תֵּעָ֣צְב֗וּa וְאַל־יִ֨חַר֙b בְּעֵ֣ינֵיכֶ֔ם כִּֽי־מְכַרְתֶּ֥םc אֹתִ֖י הֵ֑נָּה כִּ֣י לְמִֽחְיָ֔הd שְׁלָחַ֥נִיe אֱלֹהִ֖ים לִפְנֵיכֶֽם׃

6 כִּי־זֶ֛ה שְׁנָתַ֥יִם הָרָעָ֖ב בְּקֶ֣רֶב הָאָ֑רֶץ וְעֹוד֙ חָמֵ֣שׁ שָׁנִ֔ים אֲשֶׁ֥ר אֵין־חָרִ֖ישׁa וְקָצִּֽירb ׃

7 וַיִּשְׁלָחֵ֤נִיa אֱלֹהִים֙ לִפְנֵיכֶ֔ם לָשׂ֥וּםb לָכֶ֛ם שְׁאֵרִ֖ית בָּאָ֑רֶץ וּלְהַחֲיֹ֣ותc לָכֶ֔ם לִפְלֵיטָ֖הd גְּדֹלָֽה׃

8 וְעַתָּ֗ה לֹֽא־אַתֶּ֞ם שְׁלַחְתֶּ֤םa אֹתִי֙ הֵ֔נָּה כִּ֖י הָאֱלֹהִ֑ים וַיְשִׂימֵ֨נִֽיb לְאָ֜ב לְפַרְעֹ֗ה וּלְאָדֹון֙ לְכָל־בֵּיתֹ֔ו וּמֹשֵׁ֖ל בְּכָל־אֶ֥רֶץ מִצְרָֽיִם׃

9 מַהֲרוּ֮a וַעֲל֣וּb אֶל־אָבִי֒ וַאֲמַרְתֶּ֣םc אֵלָ֗יו כֹּ֤ה אָמַר֙d בִּנְךָ֣ יֹוסֵ֔ף שָׂמַ֧נִיe אֱלֹהִ֛ים לְאָדֹ֖ון לְכָל־מִצְרָ֑יִם רְדָ֥הf אֵלַ֖י אַֽל־תַּעֲמֹֽדg ׃

10 וְיָשַׁבְתָּ֣a בְאֶֽרֶץ־גֹּ֗שֶׁןb וְהָיִ֤יתָc קָרֹוב֙ אֵלַ֔י אַתָּ֕ה וּבָנֶ֖יךָ וּבְנֵ֣י בָנֶ֑יךָ וְצֹאנְךָ֥ וּבְקָרְךָ֖ וְכָל־אֲשֶׁר־לָֽךְ׃

11 וְכִלְכַּלְתִּ֤יa אֹֽתְךָ֙ שָׁ֔ם כִּי־עֹ֛וד חָמֵ֥שׁ שָׁנִ֖ים רָעָ֑ב פֶּן־תִּוָּרֵ֛שׁb אַתָּ֥ה וּבֵֽיתְךָ֖ וְכָל־אֲשֶׁר־לָֽךְ׃

12 וְהִנֵּ֤ה עֵֽינֵיכֶם֙ רֹאֹ֔ותa וְעֵינֵ֖י אָחִ֣י בִנְיָמִ֑ין כִּי־פִ֖י הַֽמְדַבֵּ֥רb אֲלֵיכֶֽם׃

13 וְהִגַּדְתֶּ֣םa לְאָבִ֗י אֶת־כָּל־כְּבֹודִי֙ בְּמִצְרַ֔יִם וְאֵ֖ת כָּל־אֲשֶׁ֣ר רְאִיתֶ֑םb וּמִֽהַרְתֶּ֛םc וְהֹורַדְתֶּ֥םd אֶת־אָבִ֖י הֵֽנָּה׃

14 וַיִּפֹּ֛לa עַל־צַוְּארֵ֥יb בִנְיָמִֽן־אָחִ֖יו וַיֵּ֑בְךְּc וּבִנְיָמִ֔ן בָּכָ֖הd עַל־צַוָּארָֽיוe ׃

15 וַיְנַשֵּׁ֥קa לְכָל־אֶחָ֖יו וַיֵּ֣בְךְּb עֲלֵיהֶ֑ם וְאַ֣חֲרֵי כֵ֔ן דִּבְּר֥וּc אֶחָ֖יו אִתֹּֽו׃

16 וְהַקֹּ֣ל נִשְׁמַ֗עa בֵּ֤ית פַּרְעֹה֙ לֵאמֹ֔רb בָּ֖אוּc אֲחֵ֣י יֹוסֵ֑ף וַיִּיטַב֙d בְּעֵינֵ֣י פַרְעֹ֔ה וּבְעֵינֵ֖י עֲבָדָֽיו׃

17 וַיֹּ֤אמֶרa פַּרְעֹה֙ אֶל־יֹוסֵ֔ף אֱמֹ֥רb אֶל־אַחֶ֖יךָ זֹ֣את עֲשׂ֑וּc טַֽעֲנוּ֙d אֶת־בְּעִ֣ירְכֶ֔םe וּלְכוּf ־בֹ֖אוּg אַ֥רְצָה כְּנָֽעַן׃

18 וּקְח֧וּa אֶת־אֲבִיכֶ֛ם וְאֶת־בָּתֵּיכֶ֖ם וּבֹ֣אוּb אֵלָ֑י וְאֶתְּנָ֣הc לָכֶ֗ם אֶת־טוּב֙d אֶ֣רֶץ מִצְרַ֔יִם וְאִכְל֖וּe אֶת־חֵ֥לֶב הָאָֽרֶץ׃

19 וְאַתָּ֥ה צֻוֵּ֖יתָהa זֹ֣את עֲשׂ֑וּb קְחוּc ־לָכֶם֩ מֵאֶ֨רֶץ מִצְרַ֜יִם עֲגָלֹ֗ותd לְטַפְּכֶם֙e וְלִנְשֵׁיכֶ֔ם וּנְשָׂאתֶ֥םf אֶת־אֲבִיכֶ֖ם וּבָאתֶֽםg ׃

20 וְעֵ֣ינְכֶ֔ם אַל־תָּחֹ֖סa עַל־כְּלֵיכֶ֑ם כִּי־ט֛וּבb כָּל־אֶ֥רֶץ מִצְרַ֖יִם לָכֶ֥ם הֽוּא׃

21 וַיַּֽעֲשׂוּa ־כֵן֙ בְּנֵ֣י יִשְׂרָאֵ֔ל וַיִּתֵּ֨ןb לָהֶ֥ם יֹוסֵ֛ף עֲגָלֹ֖ותc עַל־פִּ֣י פַרְעֹ֑ה וַיִּתֵּ֥ןd לָהֶ֛ם צֵדָ֖הe לַדָּֽרֶךְ׃

22 לְכֻלָּ֥ם נָתַ֛ןa לָאִ֖ישׁ חֲלִפֹ֣ותb שְׂמָלֹ֑תc וּלְבִנְיָמִ֤ן נָתַן֙d שְׁלֹ֣שׁ מֵאֹ֣ות כֶּ֔סֶף וְחָמֵ֖שׁ חֲלִפֹ֥תe שְׂמָלֹֽתf ׃

23 וּלְאָבִ֞יו שָׁלַ֤חa כְּזֹאת֙ עֲשָׂרָ֣ה חֲמֹרִ֔ים נֹשְׂאִ֖יםb מִטּ֣וּבc מִצְרָ֑יִם וְעֶ֣שֶׂר אֲתֹנֹ֡תd נֹֽ֠שְׂאֹתe בָּ֣רf וָלֶ֧חֶם וּמָזֹ֛וןg לְאָבִ֖יו לַדָּֽרֶךְ׃

24 וַיְשַׁלַּ֥חa אֶת־אֶחָ֖יו וַיֵּלֵ֑כוּb וַיֹּ֣אמֶרc אֲלֵהֶ֔ם אַֽל־תִּרְגְּז֖וּd בַּדָּֽרֶךְ׃

25 וַֽיַּעֲל֖וּa מִמִּצְרָ֑יִם וַיָּבֹ֨אוּ֙b אֶ֣רֶץ כְּנַ֔עַן אֶֽל־יַעֲקֹ֖ב אֲבִיהֶֽם׃

26 וַיַּגִּ֨דוּa לֹ֜ו לֵאמֹ֗רb עֹ֚וד יֹוסֵ֣ף חַ֔י וְכִֽי־ה֥וּא מֹשֵׁ֖לc בְּכָל־אֶ֣רֶץ מִצְרָ֑יִם וַיָּ֣פָגd לִבֹּ֔ו כִּ֥י לֹא־הֶאֱמִ֖יןe לָהֶֽם׃

27 וַיְדַבְּר֣וּa אֵלָ֗יו אֵ֣ת כָּל־דִּבְרֵ֤י יֹוסֵף֙ אֲשֶׁ֣ר דִּבֶּ֣רb אֲלֵהֶ֔ם וַיַּרְא֙c אֶת־הָ֣עֲגָלֹ֔ותd אֲשֶׁר־שָׁלַ֥חe יֹוסֵ֖ף לָשֵׂ֣אתf אֹתֹ֑ו וַתְּחִ֕יg ר֖וּחַ יַעֲקֹ֥ב אֲבִיהֶֽם׃

28 וַיֹּ֨אמֶר֙a יִשְׂרָאֵ֔ל רַ֛ב עֹוד־יֹוסֵ֥ף בְּנִ֖י חָ֑י אֵֽלְכָ֥הb וְאֶרְאֶ֖נּוּc בְּטֶ֥רֶם אָמֽוּתd ׃