בראשית

וַיְהִ֕יa מִקֵּ֖ץ שְׁנָתַ֣יִם יָמִ֑ים וּפַרְעֹ֣ה חֹלֵ֔םb וְהִנֵּ֖ה עֹמֵ֥דc עַל־הַיְאֹֽרd ׃

2 וְהִנֵּ֣ה מִן־הַיְאֹ֗רa עֹלֹת֙b שֶׁ֣בַע פָּרֹ֔ותc יְפֹ֥ותd מַרְאֶ֖ה וּבְרִיאֹ֣תe בָּשָׂ֑ר וַתִּרְעֶ֖ינָהf בָּאָֽחוּg ׃

3 וְהִנֵּ֞ה שֶׁ֧בַע פָּרֹ֣ותa אֲחֵרֹ֗ות עֹלֹ֤ותb אַחֲרֵיהֶן֙ מִן־הַיְאֹ֔רc רָעֹ֥ות מַרְאֶ֖ה וְדַקֹּ֣ותd בָּשָׂ֑ר וַֽתַּעֲמֹ֛דְנָהe אֵ֥צֶל הַפָּרֹ֖ותf עַל־שְׂפַ֥ת הַיְאֹֽרg ׃

4 וַתֹּאכַ֣לְנָהa הַפָּרֹ֗ותb רָעֹ֤ות הַמַּרְאֶה֙ וְדַקֹּ֣תc הַבָּשָׂ֔ר אֵ֚ת שֶׁ֣בַע הַפָּרֹ֔ותd יְפֹ֥תe הַמַּרְאֶ֖ה וְהַבְּרִיאֹ֑תf וַיִּיקַ֖ץg פַּרְעֹֽה׃

5 וַיִּישָׁ֕ןa וַֽיַּחֲלֹ֖םb שֵׁנִ֑ית וְהִנֵּ֣ה׀ שֶׁ֣בַע שִׁבֳּלִ֗יםc עֹלֹ֛ותd בְּקָנֶ֥ה אֶחָ֖ד בְּרִיאֹ֥ותe וְטֹבֹֽות׃

6 וְהִנֵּה֙ שֶׁ֣בַע שִׁבֳּלִ֔יםa דַּקֹּ֖ותb וּשְׁדוּפֹ֣תc קָדִ֑ים צֹמְחֹ֖ותd אַחֲרֵיהֶֽן׃

7 וַתִּבְלַ֨עְנָה֙a הַשִּׁבֳּלִ֣יםb הַדַּקֹּ֔ותc אֵ֚ת שֶׁ֣בַע הַֽשִּׁבֳּלִ֔יםd הַבְּרִיאֹ֖ותe וְהַמְּלֵאֹ֑ותf וַיִּיקַ֥ץg פַּרְעֹ֖ה וְהִנֵּ֥ה חֲלֹֽום׃

8 וַיְהִ֤יa בַבֹּ֨קֶר֙ וַתִּפָּ֣עֶםb רוּחֹ֔ו וַיִּשְׁלַ֗חc וַיִּקְרָ֛אd אֶת־כָּל־חַרְטֻמֵּ֥יe מִצְרַ֖יִם וְאֶת־כָּל־חֲכָמֶ֑יהָ וַיְסַפֵּ֨רf פַּרְעֹ֤ה לָהֶם֙ אֶת־חֲלֹמֹ֔ו וְאֵין־פֹּותֵ֥רg אֹותָ֖ם לְפַרְעֹֽה׃

9 וַיְדַבֵּר֙a שַׂ֣ר הַמַּשְׁקִ֔ים אֶת־פַּרְעֹ֖ה לֵאמֹ֑רb אֶת־חֲטָאַ֕יc אֲנִ֖י מַזְכִּ֥ירd הַיֹּֽום׃

10 פַּרְעֹ֖ה קָצַ֣ףa עַל־עֲבָדָ֑יו וַיִּתֵּ֨ןb אֹתִ֜י בְּמִשְׁמַ֗רc בֵּ֚ית שַׂ֣ר הַטַּבָּחִ֔יםd אֹתִ֕י וְאֵ֖ת שַׂ֥ר הָאֹפִֽיםe ׃

11 וַנַּֽחַלְמָ֥הa חֲלֹ֛ום בְּלַ֥יְלָה אֶחָ֖ד אֲנִ֣י וָה֑וּא אִ֛ישׁ כְּפִתְרֹ֥וןb חֲלֹמֹ֖ו חָלָֽמְנוּc ׃

12 וְשָׁ֨ם אִתָּ֜נוּ נַ֣עַר עִבְרִ֗יa עֶ֚בֶד לְשַׂ֣ר הַטַּבָּחִ֔יםb וַנְּ֨סַפֶּרc ־לֹ֔ו וַיִּפְתָּרd ־לָ֖נוּ אֶת־חֲלֹמֹתֵ֑ינוּ אִ֥ישׁ כַּחֲלֹמֹ֖ו פָּתָֽרe ׃

13 וַיְהִ֛יa כַּאֲשֶׁ֥ר פָּֽתַרb ־לָ֖נוּ כֵּ֣ן הָיָ֑הc אֹתִ֛י הֵשִׁ֥יבd עַל־כַּנִּ֖יe וְאֹתֹ֥ו תָלָֽהf ׃

14 וַיִּשְׁלַ֤חa פַּרְעֹה֙ וַיִּקְרָ֣אb אֶת־יֹוסֵ֔ף וַיְרִיצֻ֖הוּc מִן־הַבֹּ֑ור וַיְגַלַּח֙d וַיְחַלֵּ֣ףe שִׂמְלֹתָ֔יוf וַיָּבֹ֖אg אֶל־פַּרְעֹֽה׃

15 וַיֹּ֤אמֶרa פַּרְעֹה֙ אֶל־יֹוסֵ֔ף חֲלֹ֣ום חָלַ֔מְתִּיb וּפֹתֵ֖רc אֵ֣ין אֹתֹ֑ו וַאֲנִ֗י שָׁמַ֤עְתִּיd עָלֶ֨יךָ֙ לֵאמֹ֔רe תִּשְׁמַ֥עf חֲלֹ֖ום לִפְתֹּ֥רg אֹתֹֽו׃

16 וַיַּ֨עַןa יֹוסֵ֧ף אֶת־פַּרְעֹ֛ה לֵאמֹ֖רb בִּלְעָדָ֑יc אֱלֹהִ֕ים יַעֲנֶ֖הd אֶת־שְׁלֹ֥ום פַּרְעֹֽה׃

17 וַיְדַבֵּ֥רa פַּרְעֹ֖ה אֶל־יֹוסֵ֑ף בַּחֲלֹמִ֕י הִנְנִ֥י עֹמֵ֖דb עַל־שְׂפַ֥ת הַיְאֹֽרc ׃

18 וְהִנֵּ֣ה מִן־הַיְאֹ֗רa עֹלֹת֙b שֶׁ֣בַע פָּרֹ֔ותc בְּרִיאֹ֥ותd בָּשָׂ֖ר וִיפֹ֣תe תֹּ֑אַרf וַתִּרְעֶ֖ינָהg בָּאָֽחוּh ׃

19 וְהִנֵּ֞ה שֶֽׁבַע־פָּרֹ֤ותa אֲחֵרֹות֙ עֹלֹ֣ותb אַחֲרֵיהֶ֔ן דַּלֹּ֨ותc וְרָעֹ֥ות תֹּ֛אַרd מְאֹ֖ד וְרַקֹּ֣ותe בָּשָׂ֑ר לֹֽא־רָאִ֧יתִיf כָהֵ֛נָּהg בְּכָל־אֶ֥רֶץ מִצְרַ֖יִם לָרֹֽעַh ׃

20 וַתֹּאכַ֨לְנָה֙a הַפָּרֹ֔ותb הָרַקֹּ֖ותc וְהָרָעֹ֑ות אֵ֣ת שֶׁ֧בַע הַפָּרֹ֛ותd הָרִאשֹׁנֹ֖ות הַבְּרִיאֹֽתe ׃

21 וַתָּבֹ֣אנָהa אֶל־קִרְבֶּ֗נָה וְלֹ֤א נֹודַע֙b כִּי־בָ֣אוּc אֶל־קִרְבֶּ֔נָה וּמַרְאֵיהֶ֣ן רַ֔ע כַּאֲשֶׁ֖ר בַּתְּחִלָּ֑הd וָאִיקָֽץe ׃

22 וָאֵ֖רֶאa בַּחֲלֹמִ֑י וְהִנֵּ֣ה׀ שֶׁ֣בַע שִׁבֳּלִ֗יםb עֹלֹ֛תc בְּקָנֶ֥ה אֶחָ֖ד מְלֵאֹ֥תd וְטֹבֹֽות׃

23 וְהִנֵּה֙ שֶׁ֣בַע שִׁבֳּלִ֔יםa צְנֻמֹ֥ותb דַּקֹּ֖ותc שְׁדֻפֹ֣ותd קָדִ֑ים צֹמְחֹ֖ותe אַחֲרֵיהֶֽם׃

24 וַתִּבְלַ֨עְןָ֙a הָשִׁבֳּלִ֣יםb הַדַּקֹּ֔תc אֵ֛ת שֶׁ֥בַע הַֽשִׁבֳּלִ֖יםd הַטֹּבֹ֑ות וָֽאֹמַר֙e אֶל־הַֽחַרְטֻמִּ֔יםf וְאֵ֥ין מַגִּ֖ידg לִֽי׃

25 וַיֹּ֤אמֶרa יֹוסֵף֙ אֶל־פַּרְעֹ֔ה חֲלֹ֥ום פַּרְעֹ֖ה אֶחָ֣ד ה֑וּא אֵ֣ת אֲשֶׁ֧ר הָאֱלֹהִ֛ים עֹשֶׂ֖הb הִגִּ֥ידc לְפַרְעֹֽה׃

26 שֶׁ֧בַע פָּרֹ֣תa הַטֹּבֹ֗ת שֶׁ֤בַע שָׁנִים֙ הֵ֔נָּהb וְשֶׁ֤בַע הַֽשִּׁבֳּלִים֙c הַטֹּבֹ֔ת שֶׁ֥בַע שָׁנִ֖ים הֵ֑נָּהd חֲלֹ֖ום אֶחָ֥ד הֽוּא׃

27 וְשֶׁ֣בַע הַ֠פָּרֹותa הָֽרַקֹּ֨ותb וְהָרָעֹ֜ת הָעֹלֹ֣תc אַחֲרֵיהֶ֗ן שֶׁ֤בַע שָׁנִים֙ הֵ֔נָּהd וְשֶׁ֤בַע הַֽשִׁבֳּלִים֙e הָרֵקֹ֔ותf שְׁדֻפֹ֖ותg הַקָּדִ֑ים יִהְי֕וּh שֶׁ֖בַע שְׁנֵ֥י רָעָֽב׃

28 ה֣וּא הַדָּבָ֔ר אֲשֶׁ֥ר דִּבַּ֖רְתִּיa אֶל־פַּרְעֹ֑ה אֲשֶׁ֧ר הָאֱלֹהִ֛ים עֹשֶׂ֖הb הֶרְאָ֥הc אֶת־פַּרְעֹֽה׃

29 הִנֵּ֛ה שֶׁ֥בַע שָׁנִ֖ים בָּאֹ֑ותa שָׂבָ֥עb גָּדֹ֖ול בְּכָל־אֶ֥רֶץ מִצְרָֽיִם׃

30 וְ֠קָמוּa שֶׁ֨בַע שְׁנֵ֤י רָעָב֙ אַחֲרֵיהֶ֔ן וְנִשְׁכַּ֥חb כָּל־הַשָּׂבָ֖עc בְּאֶ֣רֶץ מִצְרָ֑יִם וְכִלָּ֥הd הָרָעָ֖ב אֶת־הָאָֽרֶץ׃

31 וְלֹֽא־יִוָּדַ֤עa הַשָּׂבָע֙b בָּאָ֔רֶץ מִפְּנֵ֛י הָרָעָ֥ב הַה֖וּא אַחֲרֵי־כֵ֑ן כִּֽי־כָבֵ֥דc ה֖וּא מְאֹֽד׃

32 וְעַ֨ל הִשָּׁנֹ֧ותa הַחֲלֹ֛ום אֶל־פַּרְעֹ֖ה פַּעֲמָ֑יִם כִּֽי־נָכֹ֤וןb הַדָּבָר֙ מֵעִ֣ם הָאֱלֹהִ֔ים וּמְמַהֵ֥רc הָאֱלֹהִ֖ים לַעֲשֹׂתֹֽוd ׃

33 וְעַתָּה֙ יֵרֶ֣אa פַרְעֹ֔ה אִ֖ישׁ נָבֹ֣ון וְחָכָ֑ם וִישִׁיתֵ֖הוּb עַל־אֶ֥רֶץ מִצְרָֽיִם׃

34 יַעֲשֶׂ֣הa פַרְעֹ֔ה וְיַפְקֵ֥דb פְּקִדִ֖יםc עַל־הָאָ֑רֶץ וְחִמֵּשׁ֙d אֶת־אֶ֣רֶץ מִצְרַ֔יִם בְּשֶׁ֖בַע שְׁנֵ֥י הַשָּׂבָֽעe ׃

35 וְיִקְבְּצ֗וּa אֶת־כָּל־אֹ֨כֶל֙b הַשָּׁנִ֣ים הַטֹּבֹ֔ת הַבָּאֹ֖ת הָאֵ֑לֶּה וְיִצְבְּרוּc ־בָ֞רd תַּ֧חַת יַד־פַּרְעֹ֛ה אֹ֥כֶלe בֶּעָרִ֖ים וְשָׁמָֽרוּf ׃

36 וְהָיָ֨הa הָאֹ֤כֶלb לְפִקָּדֹון֙c לָאָ֔רֶץ לְשֶׁ֨בַע֙ שְׁנֵ֣י הָרָעָ֔ב אֲשֶׁ֥ר תִּהְיֶ֖יןָd בְּאֶ֣רֶץ מִצְרָ֑יִם וְלֹֽא־תִכָּרֵ֥תe הָאָ֖רֶץ בָּרָעָֽב׃

37 וַיִּיטַ֥בa הַדָּבָ֖ר בְּעֵינֵ֣י פַרְעֹ֑ה וּבְעֵינֵ֖י כָּל־עֲבָדָֽיו׃

38 וַיֹּ֥אמֶרa פַּרְעֹ֖ה אֶל־עֲבָדָ֑יו הֲנִמְצָ֣אb כָזֶ֔ה אִ֕ישׁ אֲשֶׁ֛ר ר֥וּחַ אֱלֹהִ֖ים בֹּֽו׃

39 וַיֹּ֤אמֶרa פַּרְעֹה֙ אֶל־יֹוסֵ֔ף אַחֲרֵ֨י הֹודִ֧יעַb אֱלֹהִ֛ים אֹותְךָ֖ אֶת־כָּל־זֹ֑את אֵין־נָבֹ֥ון וְחָכָ֖ם כָּמֹֽוךָ׃

40 אַתָּה֙ תִּהְיֶ֣הa עַל־בֵּיתִ֔י וְעַל־פִּ֖יךָ יִשַּׁ֣קb כָּל־עַמִּ֑י רַ֥ק הַכִּסֵּ֖א אֶגְדַּ֥לc מִמֶּֽךָּ׃

41 וַיֹּ֥אמֶרa פַּרְעֹ֖ה אֶל־יֹוסֵ֑ף רְאֵה֙b נָתַ֣תִּיc אֹֽתְךָ֔ עַ֖ל כָּל־אֶ֥רֶץ מִצְרָֽיִם׃

42 וַיָּ֨סַרa פַּרְעֹ֤ה אֶת־טַבַּעְתֹּו֙b מֵעַ֣ל יָדֹ֔ו וַיִּתֵּ֥ןc אֹתָ֖הּ עַל־יַ֣ד יֹוסֵ֑ף וַיַּלְבֵּ֤שׁd אֹתֹו֙ בִּגְדֵי־שֵׁ֔שׁe וַיָּ֛שֶׂםf רְבִ֥דg הַזָּהָ֖ב עַל־צַוָּארֹֽוh ׃

43 וַיַּרְכֵּ֣בa אֹתֹ֗ו בְּמִרְכֶּ֤בֶתb הַמִּשְׁנֶה֙c אֲשֶׁר־לֹ֔ו וַיִּקְרְא֥וּd לְפָנָ֖יו אַבְרֵ֑ךְe וְנָתֹ֣וןf אֹתֹ֔ו עַ֖ל כָּל־אֶ֥רֶץ מִצְרָֽיִם׃

44 וַיֹּ֧אמֶרa פַּרְעֹ֛ה אֶל־יֹוסֵ֖ף אֲנִ֣י פַרְעֹ֑ה וּבִלְעָדֶ֗יךָb לֹֽא־יָרִ֨יםc אִ֧ישׁ אֶת־יָדֹ֛ו וְאֶת־רַגְלֹ֖ו בְּכָל־אֶ֥רֶץ מִצְרָֽיִם׃

45 וַיִּקְרָ֨אa פַרְעֹ֣ה שֵׁם־יֹוסֵף֮ צָֽפְנַ֣ת פַּעְנֵחַ֒b וַיִּתֶּןc ־לֹ֣ו אֶת־אָֽסְנַ֗תd בַּת־פֹּ֥וטִי פֶ֛רַעe כֹּהֵ֥ן אֹ֖ןf לְאִשָּׁ֑ה וַיֵּצֵ֥אg יֹוסֵ֖ף עַל־אֶ֥רֶץ מִצְרָֽיִם׃

46 וְיֹוסֵף֙ בֶּן־שְׁלֹשִׁ֣ים שָׁנָ֔ה בְּעָמְדֹ֕וa לִפְנֵ֖י פַּרְעֹ֣ה מֶֽלֶךְ־מִצְרָ֑יִם וַיֵּצֵ֤אb יֹוסֵף֙ מִלִּפְנֵ֣י פַרְעֹ֔ה וַֽיַּעְבֹ֖רc בְּכָל־אֶ֥רֶץ מִצְרָֽיִם׃

47 וַתַּ֣עַשׂa הָאָ֔רֶץ בְּשֶׁ֖בַע שְׁנֵ֣י הַשָּׂבָ֑עb לִקְמָצִֽיםc ׃

48 וַיִּקְבֹּ֞ץa אֶת־כָּל־אֹ֣כֶלb ׀ שֶׁ֣בַע שָׁנִ֗ים אֲשֶׁ֤ר הָיוּ֙c בְּאֶ֣רֶץ מִצְרַ֔יִם וַיִּתֶּןd ־אֹ֖כֶלe בֶּעָרִ֑ים אֹ֧כֶלf שְׂדֵה־הָעִ֛יר אֲשֶׁ֥ר סְבִיבֹתֶ֖יהָ נָתַ֥ןg בְּתֹוכָֽהּ׃

49 וַיִּצְבֹּ֨רa יֹוסֵ֥ף בָּ֛רb כְּחֹ֥ולc הַיָּ֖ם הַרְבֵּ֣ה מְאֹ֑ד עַ֛ד כִּי־חָדַ֥לd לִסְפֹּ֖רe כִּי־אֵ֥ין מִסְפָּֽר׃

50 וּלְיֹוסֵ֤ף יֻלַּד֙a שְׁנֵ֣י בָנִ֔ים בְּטֶ֥רֶם תָּבֹ֖ואb שְׁנַ֣ת הָרָעָ֑ב אֲשֶׁ֤ר יָֽלְדָהc ־לֹּו֙ אָֽסְנַ֔תd בַּת־פֹּ֥וטִי פֶ֖רַעe כֹּהֵ֥ן אֹֽוןf ׃

51 וַיִּקְרָ֥אa יֹוסֵ֛ף אֶת־שֵׁ֥ם הַבְּכֹ֖ור מְנַשֶּׁ֑ה כִּֽי־נַשַּׁ֤נִיb אֱלֹהִים֙ אֶת־כָּל־עֲמָלִ֔י וְאֵ֖ת כָּל־בֵּ֥ית אָבִֽי׃

52 וְאֵ֛ת שֵׁ֥ם הַשֵּׁנִ֖י קָרָ֣אa אֶפְרָ֑יִם כִּֽי־הִפְרַ֥נִיb אֱלֹהִ֖ים בְּאֶ֥רֶץ עָנְיִֽיc ׃

53 וַתִּכְלֶ֕ינָהa שֶׁ֖בַע שְׁנֵ֣י הַשָּׂבָ֑עb אֲשֶׁ֥ר הָיָ֖הc בְּאֶ֥רֶץ מִצְרָֽיִם׃

54 וַתְּחִלֶּ֜ינָהa שֶׁ֣בַע שְׁנֵ֤י הָרָעָב֙ לָבֹ֔ואb כַּאֲשֶׁ֖ר אָמַ֣רc יֹוסֵ֑ף וַיְהִ֤יd רָעָב֙ בְּכָל־הָ֣אֲרָצֹ֔ות וּבְכָל־אֶ֥רֶץ מִצְרַ֖יִם הָ֥יָהe לָֽחֶם׃

55 וַתִּרְעַב֙a כָּל־אֶ֣רֶץ מִצְרַ֔יִם וַיִּצְעַ֥קb הָעָ֛ם אֶל־פַּרְעֹ֖ה לַלָּ֑חֶם וַיֹּ֨אמֶרc פַּרְעֹ֤ה לְכָל־מִצְרַ֨יִם֙ לְכ֣וּd אֶל־יֹוסֵ֔ף אֲשֶׁר־יֹאמַ֥רe לָכֶ֖ם תַּעֲשֽׂוּf ׃

56 וְהָרָעָ֣ב הָיָ֔הa עַ֖ל כָּל־פְּנֵ֣י הָאָ֑רֶץ וַיִּפְתַּ֨חb יֹוסֵ֜ף אֶֽת־כָּל־אֲשֶׁ֤ר בָּהֶם֙ וַיִּשְׁבֹּ֣רc לְמִצְרַ֔יִם וַיֶּחֱזַ֥קd הָֽרָעָ֖ב בְּאֶ֥רֶץ מִצְרָֽיִם׃

57 וְכָל־הָאָ֨רֶץ֙ בָּ֣אוּa מִצְרַ֔יְמָה לִשְׁבֹּ֖רb אֶל־יֹוסֵ֑ף כִּֽי־חָזַ֥קc הָרָעָ֖ב בְּכָל־הָאָֽרֶץ׃