בראשית

וַיְהִ֗יa אַחַר֙ הַדְּבָרִ֣ים הָאֵ֔לֶּה חָֽטְא֛וּb מַשְׁקֵ֥הc מֶֽלֶךְ־מִצְרַ֖יִם וְהָאֹפֶ֑הd לַאֲדֹנֵיהֶ֖ם לְמֶ֥לֶךְ מִצְרָֽיִם׃

2 וַיִּקְצֹ֣ףa פַּרְעֹ֔ה עַ֖ל שְׁנֵ֣י סָרִיסָ֑יוb עַ֚ל שַׂ֣ר הַמַּשְׁקִ֔ים וְעַ֖ל שַׂ֥ר הָאֹופִֽיםc ׃

3 וַיִּתֵּ֨ןa אֹתָ֜ם בְּמִשְׁמַ֗רb בֵּ֛ית שַׂ֥ר הַטַבָּחִ֖יםc אֶל־בֵּ֣ית הַסֹּ֑הַרd מְקֹ֕ום אֲשֶׁ֥ר יֹוסֵ֖ף אָס֥וּרe שָֽׁם׃

4 וַ֠יִּפְקֹדa שַׂ֣ר הַטַּבָּחִ֧יםb אֶת־יֹוסֵ֛ף אִתָּ֖ם וַיְשָׁ֣רֶתc אֹתָ֑ם וַיִּהְי֥וּd יָמִ֖ים בְּמִשְׁמָֽרe ׃

5 וַיַּֽחַלְמוּ֩a חֲלֹ֨ום שְׁנֵיהֶ֜ם אִ֤ישׁ חֲלֹמֹו֙ בְּלַ֣יְלָה אֶחָ֔ד אִ֖ישׁ כְּפִתְרֹ֣וןb חֲלֹמֹ֑ו הַמַּשְׁקֶ֣ה וְהָאֹפֶ֗הc אֲשֶׁר֙ לְמֶ֣לֶךְ מִצְרַ֔יִם אֲשֶׁ֥ר אֲסוּרִ֖יםd בְּבֵ֥ית הַסֹּֽהַרe ׃

6 וַיָּבֹ֧אa אֲלֵיהֶ֛ם יֹוסֵ֖ף בַּבֹּ֑קֶר וַיַּ֣רְאb אֹתָ֔ם וְהִנָּ֖ם זֹעֲפִֽיםc ׃

7 וַיִּשְׁאַ֞לa אֶת־סְרִיסֵ֣יb פַרְעֹ֗ה אֲשֶׁ֨ר אִתֹּ֧ו בְמִשְׁמַ֛רc בֵּ֥ית אֲדֹנָ֖יו לֵאמֹ֑רd מַדּ֛וּעַ פְּנֵיכֶ֥ם רָעִ֖ים הַיֹּֽום׃

8 וַיֹּאמְר֣וּa אֵלָ֔יו חֲלֹ֣ום חָלַ֔מְנוּb וּפֹתֵ֖רc אֵ֣ין אֹתֹ֑ו וַיֹּ֨אמֶרd אֲלֵהֶ֜ם יֹוסֵ֗ף הֲלֹ֤וא לֵֽאלֹהִים֙ פִּתְרֹנִ֔יםe סַפְּרוּf ־נָ֖א לִֽי׃

9 וַיְסַפֵּ֧רa שַֽׂר־הַמַּשְׁקִ֛ים אֶת־חֲלֹמֹ֖ו לְיֹוסֵ֑ף וַיֹּ֣אמֶרb לֹ֔ו בַּחֲלֹומִ֕י וְהִנֵּה־גֶ֖פֶן לְפָנָֽי׃

10 וּבַגֶּ֖פֶן שְׁלֹשָׁ֣ה שָׂרִיגִ֑םa וְהִ֤יא כְפֹרַ֨חַת֙b עָלְתָ֣הc נִצָּ֔הּd הִבְשִׁ֥ילוּe אַשְׁכְּלֹתֶ֖יהָf עֲנָבִֽיםg ׃

11 וְכֹ֥וסa פַּרְעֹ֖ה בְּיָדִ֑י וָאֶקַּ֣חb אֶת־הָֽעֲנָבִ֗יםc וָֽאֶשְׂחַ֤טd אֹתָם֙ אֶל־כֹּ֣וסe פַּרְעֹ֔ה וָאֶתֵּ֥ןf אֶת־הַכֹּ֖וסg עַל־כַּ֥ף פַּרְעֹֽה׃

12 וַיֹּ֤אמֶרa לֹו֙ יֹוסֵ֔ף זֶ֖ה פִּתְרֹנֹ֑וb שְׁלֹ֨שֶׁת֙ הַשָּׂ֣רִגִ֔יםc שְׁלֹ֥שֶׁת יָמִ֖ים הֵֽם׃

13 בְּעֹ֣וד׀ שְׁלֹ֣שֶׁת יָמִ֗ים יִשָּׂ֤אa פַרְעֹה֙ אֶת־רֹאשֶׁ֔ךָ וַהֲשִֽׁיבְךָ֖b עַל־כַּנֶּ֑ךָc וְנָתַתָּ֤d כֹוסe ־פַּרְעֹה֙ בְּיָדֹ֔ו כַּמִּשְׁפָּט֙ הָֽרִאשֹׁ֔ון אֲשֶׁ֥ר הָיִ֖יתָf מַשְׁקֵֽהוּg ׃

14 כִּ֧י אִם־זְכַרְתַּ֣נִיa אִתְּךָ֗ כַּאֲשֶׁר֙ יִ֣יטַבb לָ֔ךְ וְעָשִֽׂיתָc ־נָּ֥א עִמָּדִ֖יd חָ֑סֶד וְהִזְכַּרְתַּ֨נִי֙e אֶל־פַּרְעֹ֔ה וְהֹוצֵאתַ֖נִיf מִן־הַבַּ֥יִת הַזֶּֽה׃

15 כִּֽי־גֻנֹּ֣בa גֻּנַּ֔בְתִּיb מֵאֶ֖רֶץ הָעִבְרִ֑יםc וְגַם־פֹּה֙ לֹא־עָשִׂ֣יתִֽיd מְא֔וּמָהe כִּֽי־שָׂמ֥וּf אֹתִ֖י בַּבֹּֽור׃

16 וַיַּ֥רְאa שַׂר־הָאֹפִ֖יםb כִּ֣י טֹ֣וב פָּתָ֑רc וַיֹּ֨אמֶר֙d אֶל־יֹוסֵ֔ף אַף־אֲנִי֙ בַּחֲלֹומִ֔י וְהִנֵּ֗ה שְׁלֹשָׁ֛ה סַלֵּ֥יe חֹרִ֖יf עַל־רֹאשִֽׁי׃

17 וּבַסַּ֣לa הָֽעֶלְיֹו֔ן מִכֹּ֛ל מַאֲכַ֥לb פַּרְעֹ֖ה מַעֲשֵׂ֣ה אֹפֶ֑הc וְהָעֹ֗וף אֹכֵ֥לd אֹתָ֛ם מִן־הַסַּ֖לe מֵעַ֥ל רֹאשִֽׁי׃

18 וַיַּ֤עַןa יֹוסֵף֙ וַיֹּ֔אמֶרb זֶ֖ה פִּתְרֹנֹ֑וc שְׁלֹ֨שֶׁת֙ הַסַּלִּ֔יםd שְׁלֹ֥שֶׁת יָמִ֖ים הֵֽם׃

19 בְּעֹ֣וד׀ שְׁלֹ֣שֶׁת יָמִ֗ים יִשָּׂ֨אa פַרְעֹ֤ה אֶת־רֹֽאשְׁךָ֙ מֵֽעָלֶ֔יךָ וְתָלָ֥הb אֹותְךָ֖ עַל־עֵ֑ץ וְאָכַ֥לc הָעֹ֛וף אֶת־בְּשָׂרְךָ֖ מֵעָלֶֽיךָ׃

20 וַיְהִ֣יa ׀ בַּיֹּ֣ום הַשְּׁלִישִׁ֗י יֹ֚ום הֻלֶּ֣דֶתb אֶת־פַּרְעֹ֔ה וַיַּ֥עַשׂc מִשְׁתֶּ֖הd לְכָל־עֲבָדָ֑יו וַיִּשָּׂ֞אe אֶת־רֹ֣אשׁ׀ שַׂ֣ר הַמַּשְׁקִ֗ים וְאֶת־רֹ֛אשׁ שַׂ֥ר הָאֹפִ֖יםf בְּתֹ֥וךְ עֲבָדָֽיו׃

21 וַיָּ֛שֶׁבa אֶת־שַׂ֥ר הַמַּשְׁקִ֖ים עַל־מַשְׁקֵ֑הוּb וַיִּתֵּ֥ןc הַכֹּ֖וסd עַל־כַּ֥ף פַּרְעֹֽה׃

22 וְאֵ֛ת שַׂ֥ר הָאֹפִ֖יםa תָּלָ֑הb כַּאֲשֶׁ֥ר פָּתַ֛רc לָהֶ֖ם יֹוסֵֽף׃

23 וְלֹֽא־זָכַ֧רa שַֽׂר־הַמַּשְׁקִ֛ים אֶת־יֹוסֵ֖ף וַיִּשְׁכָּחֵֽהוּb ׃ פ