בראשית

וְהָ֣אָדָ֔ם יָדַ֖עa אֶת־חַוָּ֣הb אִשְׁתֹּ֑ו וַתַּ֨הַר֙c וַתֵּ֣לֶדd אֶת־קַ֔יִןe וַתֹּ֕אמֶרf קָנִ֥יתִיg אִ֖ישׁ אֶת־יְהוָֽה׃

2 וַתֹּ֣סֶףa לָלֶ֔דֶתb אֶת־אָחִ֖יו אֶת־הָ֑בֶלc וַֽיְהִיd ־הֶ֨בֶל֙e רֹ֣עֵה צֹ֔אן וְקַ֕יִןf הָיָ֖הg עֹבֵ֥ד אֲדָמָֽה׃

3 וַֽיְהִ֖יa מִקֵּ֣ץ יָמִ֑ים וַיָּבֵ֨אb קַ֜יִןc מִפְּרִ֧י הָֽאֲדָמָ֛ה מִנְחָ֖ה לַֽיהוָֽה׃

4 וְהֶ֨בֶלa הֵבִ֥יאb גַם־ה֛וּא מִבְּכֹרֹ֥ות צֹאנֹ֖ו וּמֵֽחֶלְבֵהֶ֑ן וַיִּ֣שַׁעc יְהוָ֔ה אֶל־הֶ֖בֶלd וְאֶל־מִנְחָתֹֽו׃

5 וְאֶל־קַ֥יִןa וְאֶל־מִנְחָתֹ֖ו לֹ֣א שָׁעָ֑הb וַיִּ֤חַרc לְקַ֨יִן֙d מְאֹ֔ד וַֽיִּפְּל֖וּe פָּנָֽיו׃

6 וַיֹּ֥אמֶרa יְהוָ֖ה אֶל־קָ֑יִןb לָ֚מָּה חָ֣רָהc לָ֔ךְ וְלָ֖מָּה נָפְל֥וּd פָנֶֽיךָ׃

7 הֲלֹ֤וא אִם־תֵּיטִיב֙a שְׂאֵ֔תb וְאִם֙ לֹ֣א תֵיטִ֔יבc לַפֶּ֖תַח חַטָּ֣את רֹבֵ֑ץd וְאֵלֶ֨יךָ֙ תְּשׁ֣וּקָתֹ֔וe וְאַתָּ֖ה תִּמְשָׁלf ־בֹּֽו׃

8 וַיֹּ֥אמֶרa קַ֖יִןb אֶל־הֶ֣בֶלc אָחִ֑יו וַֽיְהִי֙d בִּהְיֹותָ֣םe בַּשָּׂדֶ֔ה וַיָּ֥קָםf קַ֛יִןg אֶל־הֶ֥בֶלh אָחִ֖יו וַיַּהַרְגֵֽהוּi ׃

9 וַיֹּ֤אמֶרa יְהוָה֙ אֶל־קַ֔יִןb אֵ֖יc הֶ֣בֶלd אָחִ֑יךָ וַיֹּ֨אמֶר֙e לֹ֣א יָדַ֔עְתִּיf הֲשֹׁמֵ֥רg אָחִ֖י אָנֹֽכִי׃

10 וַיֹּ֖אמֶרa מֶ֣ה עָשִׂ֑יתָb קֹ֚ול דְּמֵ֣י אָחִ֔יךָ צֹעֲקִ֥יםc אֵלַ֖י מִן־הָֽאֲדָמָֽה׃

11 וְעַתָּ֖ה אָר֣וּרa אָ֑תָּה מִן־הָֽאֲדָמָה֙ אֲשֶׁ֣ר פָּצְתָ֣הb אֶת־פִּ֔יהָ לָקַ֛חַתc אֶת־דְּמֵ֥י אָחִ֖יךָ מִיָּדֶֽךָ׃

12 כִּ֤י תַֽעֲבֹד֙a אֶת־הָ֣אֲדָמָ֔ה לֹֽא־תֹסֵ֥ףb תֵּתc ־כֹּחָ֖הּ לָ֑ךְ נָ֥עd וָנָ֖דe תִּֽהְיֶ֥הf בָאָֽרֶץ׃

13 וַיֹּ֥אמֶרa קַ֖יִןb אֶל־יְהוָ֑ה גָּדֹ֥ול עֲוֹנִ֖י מִנְּשֹֽׂאc ׃

14 הֵן֩ גֵּרַ֨שְׁתָּa אֹתִ֜י הַיֹּ֗ום מֵעַל֙ פְּנֵ֣י הָֽאֲדָמָ֔ה וּמִפָּנֶ֖יךָ אֶסָּתֵ֑רb וְהָיִ֜יתִיc נָ֤עd וָנָד֙e בָּאָ֔רֶץ וְהָיָ֥הf כָל־מֹצְאִ֖יg יַֽהַרְגֵֽנִיh ׃

15 וַיֹּ֧אמֶרa לֹ֣ו יְהוָ֗ה לָכֵן֙ כָּל־הֹרֵ֣גb קַ֔יִןc שִׁבְעָתַ֖יִם יֻקָּ֑םd וַיָּ֨שֶׂםe יְהוָ֤ה לְקַ֨יִן֙f אֹ֔ות לְבִלְתִּ֥י הַכֹּותg ־אֹתֹ֖ו כָּל־מֹצְאֹֽו׃

16 וַיֵּ֥צֵאa קַ֖יִןb מִלִּפְנֵ֣י יְהוָ֑ה וַיֵּ֥שֶׁבc בְּאֶֽרֶץ־נֹ֖ודd קִדְמַתe ־עֵֽדֶןf ׃

17 וַיֵּ֤דַעa קַ֨יִן֙b אֶת־אִשְׁתֹּ֔ו וַתַּ֖הַרc וַתֵּ֣לֶדd אֶת־חֲנֹ֑וךְe וַֽיְהִי֙f בֹּ֣נֶהg עִ֔יר וַיִּקְרָא֙h שֵׁ֣ם הָעִ֔יר כְּשֵׁ֖ם בְּנֹ֥ו חֲנֹֽוךְi ׃

18 וַיִּוָּלֵ֤דa לַֽחֲנֹוךְ֙b אֶת־עִירָ֔דc וְעִירָ֕דd יָלַ֖דe אֶת־מְחֽוּיָאֵ֑לf וּמְחִיּיָאֵ֗לg יָלַד֙h אֶת־מְת֣וּשָׁאֵ֔לi וּמְתוּשָׁאֵ֖לj יָלַ֥דk אֶת־לָֽמֶךְl ׃

19 וַיִּֽקַּֽחa ־לֹ֥ו לֶ֖מֶךְb שְׁתֵּ֣י נָשִׁ֑ים שֵׁ֤ם הָֽאַחַת֙ עָדָ֔הc וְשֵׁ֥ם הַשֵּׁנִ֖ית צִלָּֽהd ׃

20 וַתֵּ֥לֶדa עָדָ֖הb אֶת־יָבָ֑לc ה֣וּא הָיָ֔הd אֲבִ֕י יֹשֵׁ֥ב אֹ֖הֶל וּמִקְנֶֽה׃

21 וְשֵׁ֥ם אָחִ֖יו יוּבָ֑לa ה֣וּא הָיָ֔הb אֲבִ֕י כָּל־תֹּפֵ֥שׂ כִּנֹּ֖ורc וְעוּגָֽבd ׃

22 וְצִלָּ֣הa גַם־הִ֗וא יָֽלְדָה֙b אֶת־תּ֣וּבַל קַ֔יִןc לֹטֵ֕שׁd כָּל־חֹרֵ֥שׁe נְחֹ֖שֶׁת וּבַרְזֶ֑ל וַֽאֲחֹ֥ות תּֽוּבַל־קַ֖יִןf נַֽעֲמָֽהg ׃

23 וַיֹּ֨אמֶרa לֶ֜מֶךְb לְנָשָׁ֗יו עָדָ֤הc וְצִלָּה֙d שְׁמַ֣עַןe קֹולִ֔י נְשֵׁ֣י לֶ֔מֶךְf הַאְזֵ֖נָּהg אִמְרָתִ֑יh כִּ֣י אִ֤ישׁ הָרַ֨גְתִּי֙i לְפִצְעִ֔יj וְיֶ֖לֶד לְחַבֻּרָתִֽיk ׃

24 כִּ֥י שִׁבְעָתַ֖יִם יֻקַּםa ־קָ֑יִןb וְלֶ֖מֶךְc שִׁבְעִ֥ים וְשִׁבְעָֽה׃

25 וַיֵּ֨דַעa אָדָ֥םb עֹוד֙ אֶת־אִשְׁתֹּ֔ו וַתֵּ֣לֶדc בֵּ֔ן וַתִּקְרָ֥אd אֶת־שְׁמֹ֖ו שֵׁ֑תe כִּ֣י שָֽׁתf ־לִ֤י אֱלֹהִים֙ זֶ֣רַע אַחֵ֔ר תַּ֣חַת הֶ֔בֶלg כִּ֥י הֲרָגֹ֖וh קָֽיִןi ׃

26 וּלְשֵׁ֤תa גַּם־הוּא֙ יֻלַּדb ־בֵּ֔ן וַיִּקְרָ֥אc אֶת־שְׁמֹ֖ו אֱנֹ֑ושׁd אָ֣ז הוּחַ֔לe לִקְרֹ֖אf בְּשֵׁ֥ם יְהוָֽה׃ פ