בראשית

וַיִּשָּׂ֨אa יַעֲקֹ֜ב עֵינָ֗יו וַיַּרְא֙b וְהִנֵּ֣ה עֵשָׂ֣ו בָּ֔אc וְעִמֹּ֕ו אַרְבַּ֥ע מֵאֹ֖ות אִ֑ישׁ וַיַּ֣חַץd אֶת־הַיְלָדִ֗ים עַל־לֵאָה֙e וְעַל־רָחֵ֔לf וְעַ֖ל שְׁתֵּ֥י הַשְּׁפָחֹֽות׃

2 וַיָּ֧שֶׂםa אֶת־הַשְּׁפָחֹ֛ות וְאֶת־יַלְדֵיהֶ֖ן רִֽאשֹׁנָ֑ה וְאֶת־לֵאָ֤הb וִֽילָדֶ֨יהָ֙ אַחֲרֹנִ֔ים וְאֶת־רָחֵ֥לc וְאֶת־יֹוסֵ֖ף אַחֲרֹנִֽים׃

3 וְה֖וּא עָבַ֣רa לִפְנֵיהֶ֑ם וַיִּשְׁתַּ֤חוּb אַ֨רְצָה֙ שֶׁ֣בַע פְּעָמִ֔ים עַד־גִּשְׁתֹּ֖וc עַד־אָחִֽיו׃

4 וַיָּ֨רָץa עֵשָׂ֤ו לִקְרָאתֹו֙b וַֽיְחַבְּקֵ֔הוּc וַיִּפֹּ֥לd עַל־צוארוe וַׄיִּׄשָּׁׄקֵ֑ׄהׄוּׄf וַיִּבְכּֽוּg ׃

5 וַיִּשָּׂ֣אa אֶת־עֵינָ֗יו וַיַּ֤רְאb אֶת־הַנָּשִׁים֙ וְאֶת־הַיְלָדִ֔ים וַיֹּ֖אמֶרc מִי־אֵ֣לֶּה לָּ֑ךְ וַיֹּאמַ֕רd הַיְלָדִ֕ים אֲשֶׁר־חָנַ֥ןe אֱלֹהִ֖ים אֶת־עַבְדֶּֽךָ׃

6 וַתִּגַּ֧שְׁןָa הַשְּׁפָחֹ֛ות הֵ֥נָּהb וְיַלְדֵיהֶ֖ן וַתִּֽשְׁתַּחֲוֶֽיןָc ׃

7 וַתִּגַּ֧שׁa גַּם־לֵאָ֛הb וִילָדֶ֖יהָ וַיִּֽשְׁתַּחֲו֑וּc וְאַחַ֗ר נִגַּ֥שׁd יֹוסֵ֛ף וְרָחֵ֖לe וַיִּֽשְׁתַּחֲוֽוּf ׃

8 וַיֹּ֕אמֶרa מִ֥י לְךָ֛ כָּל־הַמַּחֲנֶ֥ה הַזֶּ֖ה אֲשֶׁ֣ר פָּגָ֑שְׁתִּיb וַיֹּ֕אמֶרc לִמְצֹאd ־חֵ֖ן בְּעֵינֵ֥י אֲדֹנִֽי׃

9 וַיֹּ֥אמֶרa עֵשָׂ֖ו יֶשׁ־לִ֣י רָ֑ב אָחִ֕י יְהִ֥יb לְךָ֖ אֲשֶׁר־לָֽךְ׃

10 וַיֹּ֣אמֶרa יַעֲקֹ֗ב אַל־נָא֙ אִם־נָ֨א מָצָ֤אתִיb חֵן֙ בְּעֵינֶ֔יךָ וְלָקַחְתָּ֥c מִנְחָתִ֖י מִיָּדִ֑י כִּ֣י עַל־כֵּ֞ן רָאִ֣יתִיd פָנֶ֗יךָ כִּרְאֹ֛תe פְּנֵ֥י אֱלֹהִ֖ים וַתִּרְצֵֽנִיf ׃

11 קַחa ־נָ֤א אֶת־בִּרְכָתִי֙ אֲשֶׁ֣ר הֻבָ֣אתb לָ֔ךְ כִּֽי־חַנַּ֥נִיc אֱלֹהִ֖ים וְכִ֣י יֶשׁ־לִי־כֹ֑ל וַיִּפְצַרd ־בֹּ֖ו וַיִּקָּֽחe ׃

12 וַיֹּ֖אמֶרa נִסְעָ֣הb וְנֵלֵ֑כָהc וְאֵלְכָ֖הd לְנֶגְדֶּֽךָ׃

13 וַיֹּ֣אמֶרa אֵלָ֗יו אֲדֹנִ֤י יֹדֵ֨עַ֙b כִּֽי־הַיְלָדִ֣ים רַכִּ֔יםc וְהַצֹּ֥אן וְהַבָּקָ֖ר עָלֹ֣ותd עָלָ֑י וּדְפָקוּם֙e יֹ֣ום אֶחָ֔ד וָמֵ֖תוּf כָּל־הַצֹּֽאן׃

14 יַעֲבָרa ־נָ֥א אֲדֹנִ֖י לִפְנֵ֣י עַבְדֹּ֑ו וַאֲנִ֞י אֶתְנָהֲלָ֣הb לְאִטִּ֗יc לְרֶ֨גֶל הַמְּלָאכָ֤ה אֲשֶׁר־לְפָנַי֙ וּלְרֶ֣גֶל הַיְלָדִ֔ים עַ֛ד אֲשֶׁר־אָבֹ֥אd אֶל־אֲדֹנִ֖י שֵׂעִֽירָהe ׃

15 וַיֹּ֣אמֶרa עֵשָׂ֔ו אַצִּֽיגָהb ־נָּ֣א עִמְּךָ֔ מִן־הָעָ֖ם אֲשֶׁ֣ר אִתִּ֑י וַיֹּ֨אמֶר֙c לָ֣מָּה זֶּ֔ה אֶמְצָאd ־חֵ֖ן בְּעֵינֵ֥י אֲדֹנִֽי׃

16 וַיָּשָׁב֩a בַּיֹּ֨ום הַה֥וּא עֵשָׂ֛ו לְדַרְכֹּ֖ו שֵׂעִֽירָהb ׃

17 וְיַעֲקֹב֙ נָסַ֣עa סֻכֹּ֔תָהb וַיִּ֥בֶןc לֹ֖ו בָּ֑יִת וּלְמִקְנֵ֨הוּ֙ עָשָׂ֣הd סֻכֹּ֔תe עַל־כֵּ֛ן קָרָ֥אf שֵׁם־הַמָּקֹ֖ום סֻכֹּֽותg ׃ ס

18 וַיָּבֹא֩a יַעֲקֹ֨ב שָׁלֵ֜םb עִ֣יר שְׁכֶ֗ם אֲשֶׁר֙ בְּאֶ֣רֶץ כְּנַ֔עַן בְּבֹאֹ֖וc מִפַּדַּ֣ןd אֲרָ֑ם וַיִּ֖חַןe אֶת־פְּנֵ֥י הָעִֽיר׃

19 וַיִּ֜קֶןa אֶת־חֶלְקַ֣תb הַשָּׂדֶ֗ה אֲשֶׁ֤ר נָֽטָהc ־שָׁם֙ אָהֳלֹ֔ו מִיַּ֥ד בְּנֵֽי־חֲמֹ֖ורd אֲבִ֣י שְׁכֶ֑ם בְּמֵאָ֖ה קְשִׂיטָֽהe ׃

20 וַיַּצֶּבa ־שָׁ֖ם מִזְבֵּ֑חַ וַיִּ֨קְרָאb ־לֹ֔ו אֵ֖ל אֱלֹהֵ֥י יִשְׂרָאֵֽל׃ ס