בראשית

וַיִּשְׁמַ֗עa אֶת־דִּבְרֵ֤י בְנֵֽי־לָבָן֙ לֵאמֹ֔רb לָקַ֣חc יַעֲקֹ֔ב אֵ֖ת כָּל־אֲשֶׁ֣ר לְאָבִ֑ינוּ וּמֵאֲשֶׁ֣ר לְאָבִ֔ינוּ עָשָׂ֕הd אֵ֥ת כָּל־הַכָּבֹ֖ד הַזֶּֽה׃

2 וַיַּ֥רְאa יַעֲקֹ֖ב אֶת־פְּנֵ֣י לָבָ֑ן וְהִנֵּ֥ה אֵינֶנּ֛וּ עִמֹּ֖ו כִּתְמֹ֥ולb שִׁלְשֹֽׁוםc ׃

3 וַיֹּ֤אמֶרa יְהוָה֙ אֶֽל־יַעֲקֹ֔ב שׁ֛וּבb אֶל־אֶ֥רֶץ אֲבֹותֶ֖יךָ וּלְמֹולַדְתֶּ֑ךָc וְאֶֽהְיֶ֖הd עִמָּֽךְ׃

4 וַיִּשְׁלַ֣חa יַעֲקֹ֔ב וַיִּקְרָ֖אb לְרָחֵ֣לc וּלְלֵאָ֑הd הַשָּׂדֶ֖ה אֶל־צֹאנֹֽו׃

5 וַיֹּ֣אמֶרa לָהֶ֗ן רֹאֶ֤הb אָנֹכִי֙ אֶת־פְּנֵ֣י אֲבִיכֶ֔ן כִּֽי־אֵינֶ֥נּוּ אֵלַ֖י כִּתְמֹ֣לc שִׁלְשֹׁ֑םd וֵֽאלֹהֵ֣י אָבִ֔י הָיָ֖הe עִמָּדִֽיf ׃

6 וְאַתֵּ֖נָהa יְדַעְתֶּ֑ןb כִּ֚י בְּכָל־כֹּחִ֔י עָבַ֖דְתִּיc אֶת־אֲבִיכֶֽן׃

7 וַאֲבִיכֶן֙ הֵ֣תֶלa בִּ֔י וְהֶֽחֱלִ֥ףb אֶת־מַשְׂכֻּרְתִּ֖יc עֲשֶׂ֣רֶת מֹנִ֑יםd וְלֹֽא־נְתָנֹ֣וe אֱלֹהִ֔ים לְהָרַ֖עf עִמָּדִֽיg ׃

8 אִם־כֹּ֣ה יֹאמַ֗רa נְקֻדִּים֙b יִהְיֶ֣הc שְׂכָרֶ֔ךָd וְיָלְד֥וּe כָל־הַצֹּ֖אן נְקֻדִּ֑יםf וְאִם־כֹּ֣ה יֹאמַ֗רg עֲקֻדִּים֙h יִהְיֶ֣הi שְׂכָרֶ֔ךָj וְיָלְד֥וּk כָל־הַצֹּ֖אן עֲקֻדִּֽיםl ׃

9 וַיַּצֵּ֧לa אֱלֹהִ֛ים אֶת־מִקְנֵ֥ה אֲבִיכֶ֖ם וַיִּתֶּןb ־לִֽי׃

10 וַיְהִ֗יa בְּעֵת֙ יַחֵ֣םb הַצֹּ֔אן וָאֶשָּׂ֥אc עֵינַ֛י וָאֵ֖רֶאd בַּחֲלֹ֑ום וְהִנֵּ֤ה הָֽעַתֻּדִים֙e הָעֹלִ֣יםf עַל־הַצֹּ֔אן עֲקֻדִּ֥יםg נְקֻדִּ֖יםh וּבְרֻדִּֽיםi ׃

11 וַיֹּ֨אמֶרa אֵלַ֜י מַלְאַ֧ךְ הָאֱלֹהִ֛ים בַּחֲלֹ֖ום יַֽעֲקֹ֑ב וָאֹמַ֖רb הִנֵּֽנִי׃

12 וַיֹּ֗אמֶרa שָׂאb ־נָ֨א עֵינֶ֤יךָ וּרְאֵה֙c כָּל־הָֽעַתֻּדִים֙d הָעֹלִ֣יםe עַל־הַצֹּ֔אן עֲקֻדִּ֥יםf נְקֻדִּ֖יםg וּבְרֻדִּ֑יםh כִּ֣י רָאִ֔יתִיi אֵ֛ת כָּל־אֲשֶׁ֥ר לָבָ֖ן עֹ֥שֶׂהj לָּֽךְ׃

13 אָנֹכִ֤י הָאֵל֙ בֵּֽית־אֵ֔ל אֲשֶׁ֨ר מָשַׁ֤חְתָּa שָּׁם֙ מַצֵּבָ֔הb אֲשֶׁ֨ר נָדַ֥רְתָּc לִּ֛י שָׁ֖ם נֶ֑דֶר עַתָּ֗ה ק֥וּםd צֵא֙e מִן־הָאָ֣רֶץ הַזֹּ֔את וְשׁ֖וּבf אֶל־אֶ֥רֶץ מֹולַדְתֶּֽךָg ׃

14 וַתַּ֤עַןa רָחֵל֙b וְלֵאָ֔הc וַתֹּאמַ֖רְנָהd לֹ֑ו הַעֹ֥וד לָ֛נוּ חֵ֥לֶק וְנַחֲלָ֖ה בְּבֵ֥ית אָבִֽינוּ׃

15 הֲלֹ֧וא נָכְרִיֹּ֛ותa נֶחְשַׁ֥בְנוּb לֹ֖ו כִּ֣י מְכָרָ֑נוּc וַיֹּ֥אכַלd גַּם־אָכֹ֖ול אֶת־כַּסְפֵּֽנוּ׃

16 כִּ֣י כָל־הָעֹ֗שֶׁרa אֲשֶׁ֨ר הִצִּ֤ילb אֱלֹהִים֙ מֵֽאָבִ֔ינוּ לָ֥נוּ ה֖וּא וּלְבָנֵ֑ינוּ וְעַתָּ֗ה כֹּל֩ אֲשֶׁ֨ר אָמַ֧רc אֱלֹהִ֛ים אֵלֶ֖יךָ עֲשֵֽׂהd ׃

17 וַיָּ֖קָםa יַעֲקֹ֑ב וַיִּשָּׂ֛אb אֶת־בָּנָ֥יו וְאֶת־נָשָׁ֖יו עַל־הַגְּמַלִּֽים׃

18 וַיִּנְהַ֣גa אֶת־כָּל־מִקְנֵ֗הוּ וְאֶת־כָּל־רְכֻשֹׁו֙b אֲשֶׁ֣ר רָכָ֔שׁc מִקְנֵה֙ קִנְיָנֹ֔וd אֲשֶׁ֥ר רָכַ֖שׁe בְּפַדַּ֣ןf אֲרָ֑ם לָבֹ֛ואg אֶל־יִצְחָ֥ק אָבִ֖יו אַ֥רְצָה כְּנָֽעַן׃

19 וְלָבָ֣ן הָלַ֔ךְa לִגְזֹ֖זb אֶת־צֹאנֹ֑ו וַתִּגְנֹ֣בc רָחֵ֔לd אֶת־הַתְּרָפִ֖יםe אֲשֶׁ֥ר לְאָבִֽיהָ׃

20 וַיִּגְנֹ֣בa יַעֲקֹ֔ב אֶת־לֵ֥ב לָבָ֖ן הָאֲרַמִּ֑יb עַל־בְּלִי֙ הִגִּ֣ידc לֹ֔ו כִּ֥י בֹרֵ֖חַd הֽוּא׃

21 וַיִּבְרַ֥חa הוּא֙ וְכָל־אֲשֶׁר־לֹ֔ו וַיָּ֖קָםb וַיַּעֲבֹ֣רc אֶת־הַנָּהָ֑ר וַיָּ֥שֶׂםd אֶת־פָּנָ֖יו הַ֥ר הַגִּלְעָֽד׃

22 וַיֻּגַּ֥דa לְלָבָ֖ן בַּיֹּ֣ום הַשְּׁלִישִׁ֑י כִּ֥י בָרַ֖חb יַעֲקֹֽב׃

23 וַיִּקַּ֤חa אֶת־אֶחָיו֙ עִמֹּ֔ו וַיִּרְדֹּ֣ףb אַחֲרָ֔יו דֶּ֖רֶךְ שִׁבְעַ֣ת יָמִ֑ים וַיַּדְבֵּ֥קc אֹתֹ֖ו בְּהַ֥ר הַגִּלְעָֽד׃

24 וַיָּבֹ֧אa אֱלֹהִ֛ים אֶל־לָבָ֥ן הָאֲרַמִּ֖יb בַּחֲלֹ֣ם הַלָּ֑יְלָה וַיֹּ֣אמֶרc לֹ֗ו הִשָּׁ֧מֶרd לְךָ֛ פֶּן־תְּדַבֵּ֥רe עִֽם־יַעֲקֹ֖ב מִטֹּ֥וב עַד־רָֽע׃

25 וַיַּשֵּׂ֥גa לָבָ֖ן אֶֽת־יַעֲקֹ֑ב וְיַעֲקֹ֗ב תָּקַ֤עb אֶֽת־אָהֳלֹו֙ בָּהָ֔ר וְלָבָ֛ן תָּקַ֥עc אֶת־אֶחָ֖יו בְּהַ֥ר הַגִּלְעָֽד׃

26 וַיֹּ֤אמֶרa לָבָן֙ לְיַעֲקֹ֔ב מֶ֣ה עָשִׂ֔יתָb וַתִּגְנֹ֖בc אֶת־לְבָבִ֑י וַתְּנַהֵג֙d אֶת־בְּנֹתַ֔י כִּשְׁבֻיֹ֖ותe חָֽרֶב׃

27 לָ֤מָּה נַחְבֵּ֨אתָ֙a לִבְרֹ֔חַb וַתִּגְנֹ֖בc אֹתִ֑י וְלֹא־הִגַּ֣דְתָּd לִּ֔י וָֽאֲשַׁלֵּחֲךָ֛e בְּשִׂמְחָ֥ה וּבְשִׁרִ֖ים בְּתֹ֥ףf וּבְכִנֹּֽורg ׃

28 וְלֹ֣א נְטַשְׁתַּ֔נִיa לְנַשֵּׁ֥קb לְבָנַ֖י וְלִבְנֹתָ֑י עַתָּ֖ה הִסְכַּ֥לְתָּֽc עֲשֹֽׂוd ׃

29 יֶשׁ־לְאֵ֣לa יָדִ֔י לַעֲשֹׂ֥ותb עִמָּכֶ֖ם רָ֑ע וֵֽאלֹהֵ֨י אֲבִיכֶ֜ם אֶ֣מֶשׁc ׀ אָמַ֧רd אֵלַ֣י לֵאמֹ֗רe הִשָּׁ֧מֶרf לְךָ֛ מִדַּבֵּ֥רg עִֽם־יַעֲקֹ֖ב מִטֹּ֥וב עַד־רָֽע׃

30 וְעַתָּה֙ הָלֹ֣ךְ הָלַ֔כְתָּa כִּֽי־נִכְסֹ֥ףb נִכְסַ֖פְתָּהc לְבֵ֣ית אָבִ֑יךָ לָ֥מָּה גָנַ֖בְתָּd אֶת־אֱלֹהָֽי׃

31 וַיַּ֥עַןa יַעֲקֹ֖ב וַיֹּ֣אמֶרb לְלָבָ֑ן כִּ֣י יָרֵ֔אתִיc כִּ֣י אָמַ֔רְתִּיd פֶּן־תִּגְזֹ֥לe אֶת־בְּנֹותֶ֖יךָ מֵעִמִּֽי׃

32 עִ֠ם אֲשֶׁ֨ר תִּמְצָ֣אa אֶת־אֱלֹהֶיךָ֮ לֹ֣א יִֽחְיֶה֒b נֶ֣גֶד אַחֵ֧ינוּ הַֽכֶּרc ־לְךָ֛ מָ֥ה עִמָּדִ֖יd וְקַֽחe ־לָ֑ךְ וְלֹֽא־יָדַ֣עf יַעֲקֹ֔ב כִּ֥י רָחֵ֖לg גְּנָבָֽתַםh ׃

33 וַיָּבֹ֨אa לָבָ֜ן בְּאֹ֥הֶל יַעֲקֹ֣ב׀ וּבְאֹ֣הֶל לֵאָ֗הb וּבְאֹ֛הֶל שְׁתֵּ֥י הָאֲמָהֹ֖ת וְלֹ֣א מָצָ֑אc וַיֵּצֵא֙d מֵאֹ֣הֶל לֵאָ֔הe וַיָּבֹ֖אf בְּאֹ֥הֶל רָחֵֽלg ׃

34 וְרָחֵ֞לa לָקְחָ֣הb אֶת־הַתְּרָפִ֗יםc וַתְּשִׂמֵ֛םd בְּכַ֥רe הַגָּמָ֖ל וַתֵּ֣שֶׁבf עֲלֵיהֶ֑ם וַיְמַשֵּׁ֥שׁg לָבָ֛ן אֶת־כָּל־הָאֹ֖הֶל וְלֹ֥א מָצָֽאh ׃

35 וַתֹּ֣אמֶרa אֶל־אָבִ֗יהָ אַל־יִ֨חַר֙b בְּעֵינֵ֣י אֲדֹנִ֔י כִּ֣י לֹ֤וא אוּכַל֙c לָק֣וּםd מִפָּנֶ֔יךָ כִּי־דֶ֥רֶךְ נָשִׁ֖ים לִ֑י וַיְחַפֵּ֕שׂe וְלֹ֥א מָצָ֖אf אֶת־הַתְּרָפִֽיםg ׃

36 וַיִּ֥חַרa לְיַעֲקֹ֖ב וַיָּ֣רֶבb בְּלָבָ֑ן וַיַּ֤עַןc יַעֲקֹב֙ וַיֹּ֣אמֶרd לְלָבָ֔ן מַה־פִּשְׁעִי֙ מַ֣ה חַטָּאתִ֔י כִּ֥י דָלַ֖קְתָּe אַחֲרָֽי׃

37 כִּֽי־מִשַּׁ֣שְׁתָּa אֶת־כָּל־כֵּלַ֗י מַה־מָּצָ֨אתָ֙b מִכֹּ֣ל כְּלֵי־בֵיתֶ֔ךָ שִׂ֣יםc כֹּ֔ה נֶ֥גֶד אַחַ֖י וְאַחֶ֑יךָ וְיֹוכִ֖יחוּd בֵּ֥ין שְׁנֵֽינוּ׃

38 זֶה֩ עֶשְׂרִ֨ים שָׁנָ֤ה אָנֹכִי֙ עִמָּ֔ךְ רְחֵלֶ֥יךָa וְעִזֶּ֖יךָ לֹ֣א שִׁכֵּ֑לוּb וְאֵילֵ֥י צֹאנְךָ֖ לֹ֥א אָכָֽלְתִּיc ׃

39 טְרֵפָה֙a לֹא־הֵבֵ֣אתִיb אֵלֶ֔יךָ אָנֹכִ֣י אֲחַטֶּ֔נָּהc מִיָּדִ֖י תְּבַקְשֶׁ֑נָּהd גְּנֻֽבְתִ֣יe יֹ֔ום וּגְנֻֽבְתִ֖יf לָֽיְלָה׃

40 הָיִ֧יתִיa בַיֹּ֛ום אֲכָלַ֥נִיb חֹ֖רֶבc וְקֶ֣רַחd בַּלָּ֑יְלָה וַתִּדַּ֥דe שְׁנָתִ֖יf מֵֽעֵינָֽי׃

41 זֶה־לִּ֞י עֶשְׂרִ֣ים שָׁנָה֮ בְּבֵיתֶךָ֒ עֲבַדְתִּ֜יךָa אַרְבַּֽע־עֶשְׂרֵ֤ה שָׁנָה֙ בִּשְׁתֵּ֣י בְנֹתֶ֔יךָ וְשֵׁ֥שׁ שָׁנִ֖ים בְּצֹאנֶ֑ךָ וַתַּחֲלֵ֥ףb אֶת־מַשְׂכֻּרְתִּ֖יc עֲשֶׂ֥רֶת מֹנִֽיםd ׃

42 לוּלֵ֡יa אֱלֹהֵ֣י אָבִי֩ אֱלֹהֵ֨י אַבְרָהָ֜ם וּפַ֤חַדb יִצְחָק֙ הָ֣יָהc לִ֔י כִּ֥י עַתָּ֖ה רֵיקָ֣םd שִׁלַּחְתָּ֑נִיe אֶת־עָנְיִ֞יf וְאֶת־יְגִ֧יעַg כַּפַּ֛י רָאָ֥הh אֱלֹהִ֖ים וַיֹּ֥וכַחi אָֽמֶשׁj ׃

43 וַיַּ֨עַןa לָבָ֜ן וַיֹּ֣אמֶרb אֶֽל־יַעֲקֹ֗ב הַבָּנֹ֨ות בְּנֹתַ֜י וְהַבָּנִ֤ים בָּנַי֙ וְהַצֹּ֣אן צֹאנִ֔י וְכֹ֛ל אֲשֶׁר־אַתָּ֥ה רֹאֶ֖הc לִי־ה֑וּא וְלִבְנֹתַ֞י מָֽה־אֶֽעֱשֶׂ֤הd לָאֵ֨לֶּה֙ הַיֹּ֔ום אֹ֥ו לִבְנֵיהֶ֖ן אֲשֶׁ֥ר יָלָֽדוּe ׃

44 וְעַתָּ֗ה לְכָ֛הa נִכְרְתָ֥הb בְרִ֖ית אֲנִ֣י וָאָ֑תָּה וְהָיָ֥הc לְעֵ֖ד בֵּינִ֥י וּבֵינֶֽךָ׃

45 וַיִּקַּ֥חa יַעֲקֹ֖ב אָ֑בֶן וַיְרִימֶ֖הָb מַצֵּבָֽהc ׃

46 וַיֹּ֨אמֶרa יַעֲקֹ֤ב לְאֶחָיו֙ לִקְט֣וּb אֲבָנִ֔ים וַיִּקְח֥וּc אֲבָנִ֖ים וַיַּֽעֲשׂוּd ־גָ֑לe וַיֹּ֥אכְלוּf שָׁ֖ם עַל־הַגָּֽלg ׃

47 וַיִּקְרָאa ־לֹ֣ו לָבָ֔ן יְגַ֖רb שָׂהֲדוּתָ֑אc וְיַֽעֲקֹ֔ב קָ֥רָאd לֹ֖ו גַּלְעֵֽדe ׃

48 וַיֹּ֣אמֶרa לָבָ֔ן הַגַּ֨לb הַזֶּ֥ה עֵ֛ד בֵּינִ֥י וּבֵינְךָ֖ הַיֹּ֑ום עַל־כֵּ֥ן קָרָאc ־שְׁמֹ֖ו גַּלְעֵֽדd ׃

49 וְהַמִּצְפָּה֙a אֲשֶׁ֣ר אָמַ֔רb יִ֥צֶףc יְהוָ֖ה בֵּינִ֣י וּבֵינֶ֑ךָ כִּ֥י נִסָּתֵ֖רd אִ֥ישׁ מֵרֵעֵֽהוּ׃

50 אִם־תְּעַנֶּ֣הa אֶת־בְּנֹתַ֗י וְאִם־תִּקַּ֤חb נָשִׁים֙ עַל־בְּנֹתַ֔י אֵ֥ין אִ֖ישׁ עִמָּ֑נוּ רְאֵ֕הc אֱלֹהִ֥ים עֵ֖ד בֵּינִ֥י וּבֵינֶֽךָ׃

51 וַיֹּ֥אמֶרa לָבָ֖ן לְיַעֲקֹ֑ב הִנֵּ֣ה׀ הַגַּ֣לb הַזֶּ֗ה וְהִנֵּה֙ הַמַצֵּבָ֔הc אֲשֶׁ֥ר יָרִ֖יתִיd בֵּינִ֥י וּבֵינֶֽךָ׃

52 עֵ֚ד הַגַּ֣לa הַזֶּ֔ה וְעֵדָ֖הb הַמַּצֵּבָ֑הc אִם־אָ֗נִי לֹֽא־אֶֽעֱבֹ֤רd אֵלֶ֨יךָ֙ אֶת־הַגַּ֣לe הַזֶּ֔ה וְאִם־אַ֠תָּה לֹא־תַעֲבֹ֨רf אֵלַ֜י אֶת־הַגַּ֥לg הַזֶּ֛ה וְאֶת־הַמַּצֵּבָ֥הh הַזֹּ֖את לְרָעָֽה׃

53 אֱלֹהֵ֨י אַבְרָהָ֜ם וֵֽאלֹהֵ֤י נָחֹור֙a יִשְׁפְּט֣וּb בֵינֵ֔ינוּ אֱלֹהֵ֖י אֲבִיהֶ֑ם וַיִּשָּׁבַ֣עc יַעֲקֹ֔ב בְּפַ֖חַדd אָבִ֥יו יִצְחָֽק׃

54 וַיִּזְבַּ֨חa יַעֲקֹ֥ב זֶ֨בַח֙ בָּהָ֔ר וַיִּקְרָ֥אb לְאֶחָ֖יו לֶאֱכָלc ־לָ֑חֶם וַיֹּ֣אכְלוּd לֶ֔חֶם וַיָּלִ֖ינוּe בָּהָֽר׃