בראשית

וְהַנָּחָשׁ֙a הָיָ֣הb עָר֔וּםc מִכֹּל֙ חַיַּ֣ת הַשָּׂדֶ֔ה אֲשֶׁ֥ר עָשָׂ֖הd יְהוָ֣ה אֱלֹהִ֑ים וַיֹּ֨אמֶר֙e אֶל־הָ֣אִשָּׁ֔ה אַ֚ף כִּֽי־אָמַ֣רf אֱלֹהִ֔ים לֹ֣א תֹֽאכְל֔וּg מִכֹּ֖ל עֵ֥ץ הַגָּֽןh ׃

2 וַתֹּ֥אמֶרa הָֽאִשָּׁ֖ה אֶל־הַנָּחָ֑שׁb מִפְּרִ֥י עֵֽץ־הַגָּ֖ןc נֹאכֵֽלd ׃

3 וּמִפְּרִ֣י הָעֵץ֮ אֲשֶׁ֣ר בְּתֹוךְ־הַגָּן֒a אָמַ֣רb אֱלֹהִ֗ים לֹ֤א תֹֽאכְלוּ֙c מִמֶּ֔נּוּ וְלֹ֥א תִגְּע֖וּd בֹּ֑ו פֶּן־תְּמֻתֽוּןe ׃

4 וַיֹּ֥אמֶרa הַנָּחָ֖שׁb אֶל־הָֽאִשָּׁ֑ה לֹֽא־מֹ֖ות תְּמֻתֽוּןc ׃

5 כִּ֚י יֹדֵ֣עַa אֱלֹהִ֔ים כִּ֗י בְּיֹום֙ אֲכָלְכֶ֣םb מִמֶּ֔נּוּ וְנִפְקְח֖וּc עֵֽינֵיכֶ֑ם וִהְיִיתֶם֙d כֵּֽאלֹהִ֔ים יֹדְעֵ֖י טֹ֥וב וָרָֽע׃

6 וַתֵּ֣רֶאa הָֽאִשָּׁ֡ה כִּ֣י טֹוב֩ הָעֵ֨ץ לְמַאֲכָ֜לb וְכִ֧י תַֽאֲוָהc ־ה֣וּא לָעֵינַ֗יִם וְנֶחְמָ֤דd הָעֵץ֙ לְהַשְׂכִּ֔ילe וַתִּקַּ֥חf מִפִּרְיֹ֖ו וַתֹּאכַ֑לg וַתִּתֵּ֧ןh גַּם־לְאִישָׁ֛הּ עִמָּ֖הּ וַיֹּאכַֽלi ׃

7 וַתִּפָּקַ֨חְנָה֙a עֵינֵ֣י שְׁנֵיהֶ֔ם וַיֵּ֣דְע֔וּb כִּ֥י עֵֽירֻמִּ֖םc הֵ֑ם וַֽיִּתְפְּרוּ֙d עֲלֵ֣הe תְאֵנָ֔הf וַיַּעֲשׂ֥וּg לָהֶ֖ם חֲגֹרֹֽתh ׃

8 וַֽיִּשְׁמְע֞וּa אֶת־קֹ֨ול יְהוָ֧ה אֱלֹהִ֛ים מִתְהַלֵּ֥ךְb בַּגָּ֖ןc לְר֣וּחַ הַיֹּ֑ום וַיִּתְחַבֵּ֨אd הָֽאָדָ֜ם וְאִשְׁתֹּ֗ו מִפְּנֵי֙ יְהוָ֣ה אֱלֹהִ֔ים בְּתֹ֖וךְ עֵ֥ץ הַגָּֽןe ׃

9 וַיִּקְרָ֛אa יְהוָ֥ה אֱלֹהִ֖ים אֶל־הָֽאָדָ֑ם וַיֹּ֥אמֶרb לֹ֖ו אַיֶּֽכָּהc ׃

10 וַיֹּ֕אמֶרa אֶת־קֹלְךָ֥ שָׁמַ֖עְתִּיb בַּגָּ֑ןc וָאִירָ֛אd כִּֽי־עֵירֹ֥םe אָנֹ֖כִי וָאֵחָבֵֽאf ׃

11 וַיֹּ֕אמֶרa מִ֚י הִגִּ֣ידb לְךָ֔ כִּ֥י עֵירֹ֖םc אָ֑תָּה הֲמִן־הָעֵ֗ץ אֲשֶׁ֧ר צִוִּיתִ֛יךָd לְבִלְתִּ֥י אֲכָלe ־מִמֶּ֖נּוּ אָכָֽלְתָּf ׃

12 וַיֹּ֖אמֶרa הָֽאָדָ֑ם הָֽאִשָּׁה֙ אֲשֶׁ֣ר נָתַ֣תָּהb עִמָּדִ֔יc הִ֛וא נָֽתְנָהd ־לִּ֥י מִן־הָעֵ֖ץ וָאֹכֵֽלe ׃

13 וַיֹּ֨אמֶרa יְהוָ֧ה אֱלֹהִ֛ים לָאִשָּׁ֖ה מַה־זֹּ֣את עָשִׂ֑יתb וַתֹּ֨אמֶר֙c הָֽאִשָּׁ֔ה הַנָּחָ֥שׁd הִשִּׁיאַ֖נִיe וָאֹכֵֽלf ׃

14 וַיֹּאמֶר֩a יְהֹוָ֨ה אֱלֹהִ֥ים׀ אֶֽל־הַנָּחָשׁ֮b כִּ֣י עָשִׂ֣יתָc זֹּאת֒ אָר֤וּרd אַתָּה֙ מִכָּל־הַבְּהֵמָ֔ה וּמִכֹּ֖ל חַיַּ֣ת הַשָּׂדֶ֑ה עַל־גְּחֹנְךָ֣e תֵלֵ֔ךְf וְעָפָ֥ר תֹּאכַ֖לg כָּל־יְמֵ֥י חַיֶּֽיךָ׃

15 וְאֵיבָ֣הa ׀ אָשִׁ֗יתb בֵּֽינְךָ֙ וּבֵ֣ין הָֽאִשָּׁ֔ה וּבֵ֥ין זַרְעֲךָ֖ וּבֵ֣ין זַרְעָ֑הּ ה֚וּא יְשׁוּפְךָ֣c רֹ֔אשׁ וְאַתָּ֖ה תְּשׁוּפֶ֥נּוּd עָקֵֽבe ׃ ס

16 אֶֽל־הָאִשָּׁ֣ה אָמַ֗רa הַרְבָּ֤ה אַרְבֶּה֙b עִצְּבֹונֵ֣ךְc וְהֵֽרֹנֵ֔ךְd בְּעֶ֖צֶבe תֵּֽלְדִ֣יf בָנִ֑ים וְאֶל־אִישֵׁךְ֙ תְּשׁ֣וּקָתֵ֔ךְg וְה֖וּא יִמְשָׁלh ־בָּֽךְ׃ ס

17 וּלְאָדָ֣ם אָמַ֗רa כִּ֥י־שָׁמַעְתָּ֮b לְקֹ֣ול אִשְׁתֶּךָ֒ וַתֹּ֨אכַל֙c מִן־הָעֵ֔ץ אֲשֶׁ֤ר צִוִּיתִ֨יךָ֙d לֵאמֹ֔רe לֹ֥א תֹאכַ֖לf מִמֶּ֑נּוּ אֲרוּרָ֤הg הָֽאֲדָמָה֙ בַּֽעֲבוּרֶ֔ךָh בְּעִצָּבֹון֙i תֹּֽאכֲלֶ֔נָּהj כֹּ֖ל יְמֵ֥י חַיֶּֽיךָ׃

18 וְקֹ֥וץa וְדַרְדַּ֖רb תַּצְמִ֣יחַֽc לָ֑ךְ וְאָכַלְתָּ֖d אֶת־עֵ֥שֶׂבe הַשָּׂדֶֽה׃

19 בְּזֵעַ֤תa אַפֶּ֨יךָ֙ תֹּ֣אכַלb לֶ֔חֶם עַ֤ד שֽׁוּבְךָ֙c אֶל־הָ֣אֲדָמָ֔ה כִּ֥י מִמֶּ֖נָּה לֻקָּ֑חְתָּd כִּֽי־עָפָ֣ר אַ֔תָּה וְאֶל־עָפָ֖ר תָּשֽׁוּבe ׃

20 וַיִּקְרָ֧אa הָֽאָדָ֛ם שֵׁ֥ם אִשְׁתֹּ֖ו חַוָּ֑הb כִּ֛י הִ֥וא הָֽיְתָ֖הc אֵ֥ם כָּל־חָֽי׃

21 וַיַּעַשׂ֩a יְהוָ֨ה אֱלֹהִ֜ים לְאָדָ֧ם וּלְאִשְׁתֹּ֛ו כָּתְנֹ֥ותb עֹ֖ור וַיַּלְבִּשֵֽׁםc ׃ פ

22 וַיֹּ֣אמֶרa ׀ יְהוָ֣ה אֱלֹהִ֗ים הֵ֤ן הָֽאָדָם֙ הָיָה֙b כְּאַחַ֣ד מִמֶּ֔נּוּ לָדַ֖עַתc טֹ֣וב וָרָ֑ע וְעַתָּ֣ה׀ פֶּן־יִשְׁלַ֣חd יָדֹ֗ו וְלָקַח֙e גַּ֚ם מֵעֵ֣ץ הַֽחַיִּ֔ים וְאָכַ֖לf וָחַ֥יg לְעֹלָֽם׃

23 וַֽיְשַׁלְּחֵ֛הוּa יְהוָ֥ה אֱלֹהִ֖ים מִגַּןb ־עֵ֑דֶןc לַֽעֲבֹד֙d אֶת־הָ֣אֲדָמָ֔ה אֲשֶׁ֥ר לֻקַּ֖חe מִשָּֽׁם׃

24 וַיְגָ֖רֶשׁa אֶת־הָֽאָדָ֑ם וַיַּשְׁכֵּן֩b מִקֶּ֨דֶם לְגַןc ־עֵ֜דֶןd אֶת־הַכְּרֻבִ֗ים וְאֵ֨ת לַ֤הַטe הַחֶ֨רֶב֙ הַמִּתְהַפֶּ֔כֶתf לִשְׁמֹ֕רg אֶת־דֶּ֖רֶךְ עֵ֥ץ הַֽחַיִּֽים׃ ס