בראשית

וַיִּשָּׂ֥אa יַעֲקֹ֖ב רַגְלָ֑יו וַיֵּ֖לֶךְb אַ֥רְצָה בְנֵי־קֶֽדֶם׃

2 וַיַּ֞רְאa וְהִנֵּ֧ה בְאֵ֣ר בַּשָּׂדֶ֗ה וְהִנֵּה־שָׁ֞ם שְׁלֹשָׁ֤ה עֶדְרֵיb ־צֹאן֙ רֹבְצִ֣יםc עָלֶ֔יהָ כִּ֚י מִן־הַבְּאֵ֣ר הַהִ֔וא יַשְׁק֖וּd הָעֲדָרִ֑יםe וְהָאֶ֥בֶן גְּדֹלָ֖ה עַל־פִּ֥י הַבְּאֵֽר׃

3 וְנֶאֶסְפוּa ־שָׁ֣מָּה כָל־הָעֲדָרִ֗יםb וְגָלֲל֤וּc אֶת־הָאֶ֨בֶן֙ מֵעַל֙ פִּ֣י הַבְּאֵ֔ר וְהִשְׁק֖וּd אֶת־הַצֹּ֑אן וְהֵשִׁ֧יבוּe אֶת־הָאֶ֛בֶן עַל־פִּ֥י הַבְּאֵ֖ר לִמְקֹמָֽהּ׃

4 וַיֹּ֤אמֶרa לָהֶם֙ יַעֲקֹ֔ב אַחַ֖י מֵאַ֣יִןb אַתֶּ֑ם וַיֹּ֣אמְר֔וּc מֵחָרָ֖ןd אֲנָֽחְנוּ׃

5 וַיֹּ֣אמֶרa לָהֶ֔ם הַיְדַעְתֶּ֖םb אֶת־לָבָ֣ן בֶּן־נָחֹ֑ורc וַיֹּאמְר֖וּd יָדָֽעְנוּe ׃

6 וַיֹּ֥אמֶרa לָהֶ֖ם הֲשָׁלֹ֣ום לֹ֑ו וַיֹּאמְר֣וּb שָׁלֹ֔ום וְהִנֵּה֙ רָחֵ֣לc בִּתֹּ֔ו בָּאָ֖הd עִם־הַצֹּֽאן׃

7 וַיֹּ֗אמֶרa הֵ֥ן עֹוד֙ הַיֹּ֣ום גָּדֹ֔ול לֹא־עֵ֖ת הֵאָסֵ֣ףb הַמִּקְנֶ֑ה הַשְׁק֥וּc הַצֹּ֖אן וּלְכ֥וּd רְעֽוּe ׃

8 וַיֹּאמְרוּ֮a לֹ֣א נוּכַל֒b עַ֣ד אֲשֶׁ֤ר יֵאָֽסְפוּ֙c כָּל־הָ֣עֲדָרִ֔יםd וְגָֽלֲלוּ֙e אֶת־הָאֶ֔בֶן מֵעַ֖ל פִּ֣י הַבְּאֵ֑ר וְהִשְׁקִ֖ינוּf הַצֹּֽאן׃

9 עֹודֶ֖נּוּ מְדַבֵּ֣רa עִמָּ֑ם וְרָחֵ֣לb ׀ בָּ֗אָהc עִם־הַצֹּאן֙ אֲשֶׁ֣ר לְאָבִ֔יהָ כִּ֥י רֹעָ֖ה הִֽוא׃

10 וַיְהִ֡יa כַּאֲשֶׁר֩ רָאָ֨הb יַעֲקֹ֜ב אֶת־רָחֵ֗לc בַּת־לָבָן֙ אֲחִ֣י אִמֹּ֔ו וְאֶת־צֹ֥אן לָבָ֖ן אֲחִ֣י אִמֹּ֑ו וַיִּגַּ֣שׁd יַעֲקֹ֗ב וַיָּ֤גֶלe אֶת־הָאֶ֨בֶן֙ מֵעַל֙ פִּ֣י הַבְּאֵ֔ר וַיַּ֕שְׁקְf אֶת־צֹ֥אן לָבָ֖ן אֲחִ֥י אִמֹּֽו׃

11 וַיִּשַּׁ֥קa יַעֲקֹ֖ב לְרָחֵ֑לb וַיִּשָּׂ֥אc אֶת־קֹלֹ֖ו וַיֵּֽבְךְּd ׃

12 וַיַּגֵּ֨דa יַעֲקֹ֜ב לְרָחֵ֗לb כִּ֣י אֲחִ֤י אָבִ֨יהָ֙ ה֔וּא וְכִ֥י בֶן־רִבְקָ֖הc ה֑וּא וַתָּ֖רָץd וַתַּגֵּ֥דe לְאָבִֽיהָ׃

13 וַיְהִי֩a כִשְׁמֹ֨עַb לָבָ֜ן אֶת־שֵׁ֣מַעc ׀ יַעֲקֹ֣ב בֶּן־אֲחֹתֹ֗ו וַיָּ֤רָץd לִקְרָאתֹו֙e וַיְחַבֶּקf ־לֹו֙ וַיְנַשֶּׁקg ־לֹ֔ו וַיְבִיאֵ֖הוּh אֶל־בֵּיתֹ֑ו וַיְסַפֵּ֣רi לְלָבָ֔ן אֵ֥ת כָּל־הַדְּבָרִ֖ים הָאֵֽלֶּה׃

14 וַיֹּ֤אמֶרa לֹו֙ לָבָ֔ן אַ֛ךְ עַצְמִ֥י וּבְשָׂרִ֖י אָ֑תָּה וַיֵּ֥שֶׁבb עִמֹּ֖ו חֹ֥דֶשׁ יָמִֽים׃

15 וַיֹּ֤אמֶרa לָבָן֙ לְיַעֲקֹ֔ב הֲכִי־אָחִ֣י אַ֔תָּה וַעֲבַדְתַּ֖נִיb חִנָּ֑םc הַגִּ֥ידָהd לִּ֖י מַה־מַּשְׂכֻּרְתֶּֽךָe ׃

16 וּלְלָבָ֖ן שְׁתֵּ֣י בָנֹ֑ות שֵׁ֤ם הַגְּדֹלָה֙ לֵאָ֔הa וְשֵׁ֥ם הַקְּטַנָּ֖הb רָחֵֽלc ׃

17 וְעֵינֵ֥י לֵאָ֖הa רַכֹּ֑ותb וְרָחֵל֙c הָֽיְתָ֔הd יְפַתe ־תֹּ֖אַרf וִיפַ֥תg מַרְאֶֽה׃

18 וַיֶּאֱהַ֥בa יַעֲקֹ֖ב אֶת־רָחֵ֑לb וַיֹּ֗אמֶרc אֶֽעֱבָדְךָ֙d שֶׁ֣בַע שָׁנִ֔ים בְּרָחֵ֥לe בִּתְּךָ֖ הַקְּטַנָּֽהf ׃

19 וַיֹּ֣אמֶרa לָבָ֗ן טֹ֚וב תִּתִּ֣יb אֹתָ֣הּ לָ֔ךְ מִתִּתִּ֥יc אֹתָ֖הּ לְאִ֣ישׁ אַחֵ֑ר שְׁבָ֖הd עִמָּדִֽיe ׃

20 וַיַּעֲבֹ֧דa יַעֲקֹ֛ב בְּרָחֵ֖לb שֶׁ֣בַע שָׁנִ֑ים וַיִּהְי֤וּc בְעֵינָיו֙ כְּיָמִ֣ים אֲחָדִ֔ים בְּאַהֲבָתֹ֖וd אֹתָֽהּ׃

21 וַיֹּ֨אמֶרa יַעֲקֹ֤ב אֶל־לָבָן֙ הָבָ֣הb אֶת־אִשְׁתִּ֔י כִּ֥י מָלְא֖וּc יָמָ֑י וְאָבֹ֖ואָהd אֵלֶֽיהָ׃

22 וַיֶּאֱסֹ֥ףa לָבָ֛ן אֶת־כָּל־אַנְשֵׁ֥י הַמָּקֹ֖ום וַיַּ֥עַשׂb מִשְׁתֶּֽהc ׃

23 וַיְהִ֣יa בָעֶ֔רֶב וַיִּקַּח֙b אֶת־לֵאָ֣הc בִתֹּ֔ו וַיָּבֵ֥אd אֹתָ֖הּ אֵלָ֑יו וַיָּבֹ֖אe אֵלֶֽיהָ׃

24 וַיִּתֵּ֤ןa לָבָן֙ לָ֔הּ אֶת־זִלְפָּ֖הb שִׁפְחָתֹ֑ו לְלֵאָ֥הc בִתֹּ֖ו שִׁפְחָֽה׃

25 וַיְהִ֣יa בַבֹּ֔קֶר וְהִנֵּה־הִ֖וא לֵאָ֑הb וַיֹּ֣אמֶרc אֶל־לָבָ֗ן מַה־זֹּאת֙ עָשִׂ֣יתָd לִּ֔י הֲלֹ֤א בְרָחֵל֙e עָבַ֣דְתִּיf עִמָּ֔ךְ וְלָ֖מָּה רִמִּיתָֽנִיg ׃

26 וַיֹּ֣אמֶרa לָבָ֔ן לֹא־יֵעָשֶׂ֥הb כֵ֖ן בִּמְקֹומֵ֑נוּ לָתֵ֥תc הַצְּעִירָ֖הd לִפְנֵ֥י הַבְּכִירָֽהe ׃

27 מַלֵּ֖אa שְׁבֻ֣עַb זֹ֑את וְנִתְּנָ֨הc לְךָ֜ גַּם־אֶת־זֹ֗את בַּעֲבֹדָה֙ אֲשֶׁ֣ר תַּעֲבֹ֣דd עִמָּדִ֔יe עֹ֖וד שֶֽׁבַע־שָׁנִ֥ים אֲחֵרֹֽות׃

28 וַיַּ֤עַשׂa יַעֲקֹב֙ כֵּ֔ן וַיְמַלֵּ֖אb שְׁבֻ֣עַc זֹ֑את וַיִּתֶּןd ־לֹ֛ו אֶת־רָחֵ֥לe בִּתֹּ֖ו לֹ֥ו לְאִשָּֽׁה׃

29 וַיִּתֵּ֤ןa לָבָן֙ לְרָחֵ֣לb בִּתֹּ֔ו אֶת־בִּלְהָ֖הc שִׁפְחָתֹ֑ו לָ֖הּ לְשִׁפְחָֽה׃

30 וַיָּבֹא֙a גַּ֣ם אֶל־רָחֵ֔לb וַיֶּאֱהַ֥בc גַּֽם־אֶת־רָחֵ֖לd מִלֵּאָ֑הe וַיַּעֲבֹ֣דf עִמֹּ֔ו עֹ֖וד שֶֽׁבַע־שָׁנִ֥ים אֲחֵרֹֽות׃

31 וַיַּ֤רְאa יְהוָה֙ כִּֽי־שְׂנוּאָ֣ה לֵאָ֔הb וַיִּפְתַּ֖חc אֶת־רַחְמָ֑הּd וְרָחֵ֖לe עֲקָרָֽהf ׃

32 וַתַּ֤הַרa לֵאָה֙b וַתֵּ֣לֶדc בֵּ֔ן וַתִּקְרָ֥אd שְׁמֹ֖ו רְאוּבֵ֑ן כִּ֣י אָֽמְרָ֗הe כִּֽי־רָאָ֤הf יְהוָה֙ בְּעָנְיִ֔יg כִּ֥י עַתָּ֖ה יֶאֱהָבַ֥נִיh אִישִֽׁי׃

33 וַתַּ֣הַרa עֹוד֮ וַתֵּ֣לֶדb בֵּן֒ וַתֹּ֗אמֶרc כִּֽי־שָׁמַ֤עd יְהוָה֙ כִּֽי־שְׂנוּאָ֣ה אָנֹ֔כִי וַיִּתֶּןe ־לִ֖י גַּם־אֶת־זֶ֑ה וַתִּקְרָ֥אf שְׁמֹ֖ו שִׁמְעֹֽוןg ׃

34 וַתַּ֣הַרa עֹוד֮ וַתֵּ֣לֶדb בֵּן֒ וַתֹּ֗אמֶרc עַתָּ֤ה הַפַּ֨עַם֙ יִלָּוֶ֤הd אִישִׁי֙ אֵלַ֔י כִּֽי־יָלַ֥דְתִּיe לֹ֖ו שְׁלֹשָׁ֣ה בָנִ֑ים עַל־כֵּ֥ן קָרָֽאf ־שְׁמֹ֖ו לֵוִֽי׃

35 וַתַּ֨הַרa עֹ֜וד וַתֵּ֣לֶדb בֵּ֗ן וַתֹּ֨אמֶר֙c הַפַּ֨עַם֙ אֹודֶ֣הd אֶת־יְהוָ֔ה עַל־כֵּ֛ן קָרְאָ֥הe שְׁמֹ֖ו יְהוּדָ֑ה וַֽתַּעֲמֹ֖דf מִלֶּֽדֶתg ׃