בראשית

וַיִּקְרָ֥אa יִצְחָ֛ק אֶֽל־יַעֲקֹ֖ב וַיְבָ֣רֶךְb אֹתֹ֑ו וַיְצַוֵּ֨הוּ֙c וַיֹּ֣אמֶרd לֹ֔ו לֹֽא־תִקַּ֥חe אִשָּׁ֖ה מִבְּנֹ֥ות כְּנָֽעַן׃

2 ק֥וּםa לֵךְ֙b פַּדֶּ֣נָֽהc אֲרָ֔ם בֵּ֥יתָה בְתוּאֵ֖לd אֲבִ֣י אִמֶּ֑ךָ וְקַחe ־לְךָ֤ מִשָּׁם֙ אִשָּׁ֔ה מִבְּנֹ֥ות לָבָ֖ן אֲחִ֥י אִמֶּֽךָ׃

3 וְאֵ֤ל שַׁדַּי֙a יְבָרֵ֣ךְb אֹֽתְךָ֔ וְיַפְרְךָ֖c וְיַרְבֶּ֑ךָd וְהָיִ֖יתָe לִקְהַ֥ל עַמִּֽים׃

4 וְיִֽתֶּןa ־לְךָ֙ אֶת־בִּרְכַּ֣ת אַבְרָהָ֔ם לְךָ֖ וּלְזַרְעֲךָ֣ אִתָּ֑ךְ לְרִשְׁתְּךָ֙b אֶת־אֶ֣רֶץ מְגֻרֶ֔יךָc אֲשֶׁר־נָתַ֥ןd אֱלֹהִ֖ים לְאַבְרָהָֽם׃

5 וַיִּשְׁלַ֤חa יִצְחָק֙ אֶֽת־יַעֲקֹ֔ב וַיֵּ֖לֶךְb פַּדֶּ֣נָֽהc אֲרָ֑ם אֶל־לָבָ֤ן בֶּן־בְּתוּאֵל֙d הָֽאֲרַמִּ֔יe אֲחִ֣י רִבְקָ֔הf אֵ֥ם יַעֲקֹ֖ב וְעֵשָֽׂו׃

6 וַיַּ֣רְאa עֵשָׂ֗ו כִּֽי־בֵרַ֣ךְb יִצְחָק֮ אֶֽת־יַעֲקֹב֒ וְשִׁלַּ֤חc אֹתֹו֙ פַּדֶּ֣נָֽהd אֲרָ֔ם לָקַֽחַתe ־לֹ֥ו מִשָּׁ֖ם אִשָּׁ֑ה בְּבָרֲכֹ֣וf אֹתֹ֔ו וַיְצַ֤וg עָלָיו֙ לֵאמֹ֔רh לֹֽא־תִקַּ֥חi אִשָּׁ֖ה מִבְּנֹ֥ות כְּנָֽעַן׃

7 וַיִּשְׁמַ֣עa יַעֲקֹ֔ב אֶל־אָבִ֖יו וְאֶל־אִמֹּ֑ו וַיֵּ֖לֶךְb פַּדֶּ֥נָֽהc אֲרָֽם׃

8 וַיַּ֣רְאa עֵשָׂ֔ו כִּ֥י רָעֹ֖ות בְּנֹ֣ות כְּנָ֑עַן בְּעֵינֵ֖י יִצְחָ֥ק אָבִֽיו׃

9 וַיֵּ֥לֶךְa עֵשָׂ֖ו אֶל־יִשְׁמָעֵ֑אלb וַיִּקַּ֡חc אֶֽת־מָחֲלַ֣תd ׀ בַּת־יִשְׁמָעֵ֨אלe בֶּן־אַבְרָהָ֜ם אֲחֹ֧ות נְבָיֹ֛ותf עַל־נָשָׁ֖יו לֹ֥ו לְאִשָּֽׁה׃ ס

10 וַיֵּצֵ֥אa יַעֲקֹ֖ב מִבְּאֵ֣ר שָׁ֑בַעb וַיֵּ֖לֶךְc חָרָֽנָהd ׃

11 וַיִּפְגַּ֨עa בַּמָּקֹ֜ום וַיָּ֤לֶןb שָׁם֙ כִּי־בָ֣אc הַשֶּׁ֔מֶשׁ וַיִּקַּח֙d מֵאַבְנֵ֣י הַמָּקֹ֔ום וַיָּ֖שֶׂםe מְרַֽאֲשֹׁתָ֑יוf וַיִּשְׁכַּ֖בg בַּמָּקֹ֥ום הַהֽוּא׃

12 וַֽיַּחֲלֹ֗םa וְהִנֵּ֤ה סֻלָּם֙b מֻצָּ֣בc אַ֔רְצָה וְרֹאשֹׁ֖ו מַגִּ֣יעַd הַשָּׁמָ֑יְמָה וְהִנֵּה֙ מַלְאֲכֵ֣י אֱלֹהִ֔ים עֹלִ֥יםe וְיֹרְדִ֖יםf בֹּֽו׃

13 וְהִנֵּ֨ה יְהוָ֜ה נִצָּ֣בa עָלָיו֮ וַיֹּאמַר֒b אֲנִ֣י יְהוָ֗ה אֱלֹהֵי֙ אַבְרָהָ֣ם אָבִ֔יךָ וֵאלֹהֵ֖י יִצְחָ֑ק הָאָ֗רֶץ אֲשֶׁ֤ר אַתָּה֙ שֹׁכֵ֣בc עָלֶ֔יהָ לְךָ֥ אֶתְּנֶ֖נָּהd וּלְזַרְעֶֽךָ׃

14 וְהָיָ֤הa זַרְעֲךָ֙ כַּעֲפַ֣ר הָאָ֔רֶץ וּפָרַצְתָּ֛b יָ֥מָּה וָקֵ֖דְמָה וְצָפֹ֣נָה וָנֶ֑גְבָּה וְנִבְרֲכ֥וּc בְךָ֛ כָּל־מִשְׁפְּחֹ֥ת הָאֲדָמָ֖ה וּבְזַרְעֶֽךָ׃

15 וְהִנֵּ֨ה אָנֹכִ֜י עִמָּ֗ךְ וּשְׁמַרְתִּ֨יךָ֙a בְּכֹ֣ל אֲשֶׁר־תֵּלֵ֔ךְb וַהֲשִׁ֣בֹתִ֔יךָc אֶל־הָאֲדָמָ֖ה הַזֹּ֑את כִּ֚י לֹ֣א אֶֽעֱזָבְךָ֔d עַ֚ד אֲשֶׁ֣ר אִם־עָשִׂ֔יתִיe אֵ֥ת אֲשֶׁר־דִּבַּ֖רְתִּיf לָֽךְ׃

16 וַיִּיקַ֣ץa יַעֲקֹב֮ מִשְּׁנָתֹו֒b וַיֹּ֕אמֶרc אָכֵן֙d יֵ֣שׁ יְהוָ֔ה בַּמָּקֹ֖ום הַזֶּ֑ה וְאָנֹכִ֖י לֹ֥א יָדָֽעְתִּיe ׃

17 וַיִּירָא֙a וַיֹּאמַ֔רb מַה־נֹּורָ֖א הַמָּקֹ֣ום הַזֶּ֑ה אֵ֣ין זֶ֗ה כִּ֚י אִם־בֵּ֣ית אֱלֹהִ֔ים וְזֶ֖ה שַׁ֥עַר הַשָּׁמָֽיִם׃

18 וַיַּשְׁכֵּ֨םa יַעֲקֹ֜ב בַּבֹּ֗קֶר וַיִּקַּ֤חb אֶת־הָאֶ֨בֶן֙ אֲשֶׁר־שָׂ֣םc מְרַֽאֲשֹׁתָ֔יוd וַיָּ֥שֶׂםe אֹתָ֖הּ מַצֵּבָ֑הf וַיִּצֹ֥קg שֶׁ֖מֶן עַל־רֹאשָֽׁהּ׃

19 וַיִּקְרָ֛אa אֶת־שֵֽׁם־הַמָּקֹ֥ום הַה֖וּא בֵּֽית־אֵ֑ל וְאוּלָ֛םb ל֥וּזc שֵׁם־הָעִ֖יר לָרִאשֹׁנָֽה׃

20 וַיִּדַּ֥רa יַעֲקֹ֖ב נֶ֣דֶר לֵאמֹ֑רb אִם־יִהְיֶ֨הc אֱלֹהִ֜ים עִמָּדִ֗יd וּשְׁמָרַ֨נִי֙e בַּדֶּ֤רֶךְ הַזֶּה֙ אֲשֶׁ֣ר אָנֹכִ֣י הֹולֵ֔ךְf וְנָֽתַןg ־לִ֥י לֶ֛חֶם לֶאֱכֹ֖לh וּבֶ֥גֶד לִלְבֹּֽשׁi ׃

21 וְשַׁבְתִּ֥יa בְשָׁלֹ֖ום אֶל־בֵּ֣ית אָבִ֑י וְהָיָ֧הb יְהוָ֛ה לִ֖י לֵאלֹהִֽים׃

22 וְהָאֶ֣בֶן הַזֹּ֗את אֲשֶׁר־שַׂ֨מְתִּי֙a מַצֵּבָ֔הb יִהְיֶ֖הc בֵּ֣ית אֱלֹהִ֑ים וְכֹל֙ אֲשֶׁ֣ר תִּתֶּןd ־לִ֔י עַשֵּׂ֖רe אֲעַשְּׂרֶ֥נּוּf לָֽךְ׃