בראשית

וְאַבְרָהָ֣ם זָקֵ֔ןa בָּ֖אb בַּיָּמִ֑ים וַֽיהוָ֛ה בֵּרַ֥ךְc אֶת־אַבְרָהָ֖ם בַּכֹּֽל׃

2 וַיֹּ֣אמֶרa אַבְרָהָ֗ם אֶל־עַבְדֹּו֙ זְקַ֣ן בֵּיתֹ֔ו הַמֹּשֵׁ֖לb בְּכָל־אֲשֶׁר־לֹ֑ו שִֽׂיםc ־נָ֥א יָדְךָ֖ תַּ֥חַת יְרֵכִֽיd ׃

3 וְאַשְׁבִּ֣יעֲךָ֔a בַּֽיהוָה֙ אֱלֹהֵ֣י הַשָּׁמַ֔יִם וֵֽאלֹהֵ֖י הָאָ֑רֶץ אֲשֶׁ֨ר לֹֽא־תִקַּ֤חb אִשָּׁה֙ לִבְנִ֔י מִבְּנֹות֙ הַֽכְּנַעֲנִ֔י אֲשֶׁ֥ר אָנֹכִ֖י יֹושֵׁ֥בc בְּקִרְבֹּֽו׃

4 כִּ֧י אֶל־אַרְצִ֛י וְאֶל־מֹולַדְתִּ֖יa תֵּלֵ֑ךְb וְלָקַחְתָּ֥c אִשָּׁ֖ה לִבְנִ֥י לְיִצְחָֽק׃

5 וַיֹּ֤אמֶרa אֵלָיו֙ הָעֶ֔בֶד אוּלַי֙b לֹא־תֹאבֶ֣הc הָֽאִשָּׁ֔ה לָלֶ֥כֶתd אַחֲרַ֖י אֶל־הָאָ֣רֶץ הַזֹּ֑את הֶֽהָשֵׁ֤ב אָשִׁיב֙e אֶת־בִּנְךָ֔ אֶל־הָאָ֖רֶץ אֲשֶׁר־יָצָ֥אתָf מִשָּֽׁם׃

6 וַיֹּ֥אמֶרa אֵלָ֖יו אַבְרָהָ֑ם הִשָּׁ֣מֶרb לְךָ֔ פֶּן־תָּשִׁ֥יבc אֶת־בְּנִ֖י שָֽׁמָּה׃

7 יְהוָ֣ה׀ אֱלֹהֵ֣י הַשָּׁמַ֗יִם אֲשֶׁ֨ר לְקָחַ֜נִיa מִבֵּ֣ית אָבִי֮ וּמֵאֶ֣רֶץ מֹֽולַדְתִּי֒b וַאֲשֶׁ֨ר דִּבֶּרc ־לִ֜י וַאֲשֶׁ֤ר נִֽשְׁבַּֽעd ־לִי֙ לֵאמֹ֔רe לְזַ֨רְעֲךָ֔ אֶתֵּ֖ןf אֶת־הָאָ֣רֶץ הַזֹּ֑את ה֗וּא יִשְׁלַ֤חg מַלְאָכֹו֙ לְפָנֶ֔יךָ וְלָקַחְתָּ֥h אִשָּׁ֛ה לִבְנִ֖י מִשָּֽׁם׃

8 וְאִם־לֹ֨א תֹאבֶ֤הa הָֽאִשָּׁה֙ לָלֶ֣כֶתb אַחֲרֶ֔יךָ וְנִקִּ֕יתָc מִשְּׁבֻעָתִ֖יd זֹ֑את רַ֣ק אֶת־בְּנִ֔י לֹ֥א תָשֵׁ֖בe שָֽׁמָּה׃

9 וַיָּ֤שֶׂםa הָעֶ֨בֶד֙ אֶת־יָדֹ֔ו תַּ֛חַת יֶ֥רֶךְb אַבְרָהָ֖ם אֲדֹנָ֑יו וַיִּשָּׁ֣בַֽעc לֹ֔ו עַל־הַדָּבָ֖ר הַזֶּֽה׃

10 וַיִּקַּ֣חa הָ֠עֶבֶד עֲשָׂרָ֨ה גְמַלִּ֜ים מִגְּמַלֵּ֤י אֲדֹנָיו֙ וַיֵּ֔לֶךְb וְכָל־ט֥וּבc אֲדֹנָ֖יו בְּיָדֹ֑ו וַיָּ֗קָםd וַיֵּ֛לֶךְe אֶל־אֲרַ֥ם נַֽהֲרַ֖יִם אֶל־עִ֥יר נָחֹֽורf ׃

11 וַיַּבְרֵ֧ךְa הַגְּמַלִּ֛ים מִח֥וּץ לָעִ֖יר אֶל־בְּאֵ֣ר הַמָּ֑יִם לְעֵ֣ת עֶ֔רֶב לְעֵ֖ת צֵ֥אתb הַשֹּׁאֲבֹֽתc ׃

12 וַיֹּאמַ֓רa ׀ יְהוָ֗ה אֱלֹהֵי֙ אֲדֹנִ֣י אַבְרָהָ֔ם הַקְרֵהb ־נָ֥א לְפָנַ֖י הַיֹּ֑ום וַעֲשֵׂהc ־חֶ֕סֶד עִ֖ם אֲדֹנִ֥י אַבְרָהָֽם׃

13 הִנֵּ֛ה אָנֹכִ֥י נִצָּ֖בa עַל־עֵ֣ין הַמָּ֑יִם וּבְנֹות֙ אַנְשֵׁ֣י הָעִ֔יר יֹצְאֹ֖תb לִשְׁאֹ֥בc מָֽיִם׃

14 וְהָיָ֣הa הַֽנַּעֲרָ֗ אֲשֶׁ֨ר אֹמַ֤רb אֵלֶ֨יהָ֙ הַטִּיc ־נָ֤א כַדֵּךְ֙d וְאֶשְׁתֶּ֔הe וְאָמְרָ֣הf שְׁתֵ֔הg וְגַם־גְּמַלֶּ֖יךָ אַשְׁקֶ֑הh אֹתָ֤הּ הֹכַ֨חְתָּ֙i לְעַבְדְּךָ֣ לְיִצְחָ֔ק וּבָ֣הּ אֵדַ֔עj כִּי־עָשִׂ֥יתָk חֶ֖סֶד עִם־אֲדֹנִֽי׃

15 וַֽיְהִיa ־ה֗וּא טֶרֶם֮ כִּלָּ֣הb לְדַבֵּר֒c וְהִנֵּ֧ה רִבְקָ֣הd יֹצֵ֗אתe אֲשֶׁ֤ר יֻלְּדָה֙f לִבְתוּאֵ֣לg בֶּן־מִלְכָּ֔הh אֵ֥שֶׁת נָחֹ֖ורi אֲחִ֣י אַבְרָהָ֑ם וְכַדָּ֖הּj עַל־שִׁכְמָֽהּk ׃

16 וְהַֽנַּעֲרָ֗ טֹבַ֤ת מַרְאֶה֙ מְאֹ֔ד בְּתוּלָ֕ה וְאִ֖ישׁ לֹ֣א יְדָעָ֑הּa וַתֵּ֣רֶדb הָעַ֔יְנָה וַתְּמַלֵּ֥אc כַדָּ֖הּd וַתָּֽעַלe ׃

17 וַיָּ֥רָץa הָעֶ֖בֶד לִקְרָאתָ֑הּb וַיֹּ֕אמֶרc הַגְמִיאִ֥ינִיd נָ֛א מְעַט־מַ֖יִם מִכַּדֵּֽךְe ׃

18 וַתֹּ֖אמֶרa שְׁתֵ֣הb אֲדֹנִ֑י וַתְּמַהֵ֗רc וַתֹּ֧רֶדd כַּדָּ֛הּe עַל־יָדָ֖הּ וַתַּשְׁקֵֽהוּf ׃

19 וַתְּכַ֖לa לְהַשְׁקֹתֹ֑וb וַתֹּ֗אמֶרc גַּ֤ם לִגְמַלֶּ֨יךָ֙ אֶשְׁאָ֔בd עַ֥ד אִם־כִּלּ֖וּe לִשְׁתֹּֽתf ׃

20 וַתְּמַהֵ֗רa וַתְּעַ֤רb כַּדָּהּ֙c אֶל־הַשֹּׁ֔קֶתd וַתָּ֥רָץe עֹ֛וד אֶֽל־הַבְּאֵ֖ר לִשְׁאֹ֑בf וַתִּשְׁאַ֖בg לְכָל־גְּמַלָּֽיו׃

21 וְהָאִ֥ישׁ מִשְׁתָּאֵ֖הa לָ֑הּ מַחֲרִ֕ישׁb לָדַ֗עַתc הַֽהִצְלִ֧יחַd יְהוָ֛ה דַּרְכֹּ֖ו אִם־לֹֽא׃

22 וַיְהִ֗יa כַּאֲשֶׁ֨ר כִּלּ֤וּb הַגְּמַלִּים֙ לִשְׁתֹּ֔ותc וַיִּקַּ֤חd הָאִישׁ֙ נֶ֣זֶםe זָהָ֔ב בֶּ֖קַעf מִשְׁקָלֹ֑וg וּשְׁנֵ֤י צְמִידִים֙h עַל־יָדֶ֔יהָ עֲשָׂרָ֥ה זָהָ֖ב מִשְׁקָלָֽםi ׃

23 וַיֹּ֨אמֶר֙a בַּת־מִ֣י אַ֔תְּ הַגִּ֥ידִיb נָ֖א לִ֑י הֲיֵ֧שׁ בֵּית־אָבִ֛יךְ מָקֹ֥ום לָ֖נוּ לָלִֽיןc ׃

24 וַתֹּ֣אמֶרa אֵלָ֔יו בַּת־בְּתוּאֵ֖לb אָנֹ֑כִי בֶּן־מִלְכָּ֕הc אֲשֶׁ֥ר יָלְדָ֖הd לְנָחֹֽורe ׃

25 וַתֹּ֣אמֶרa אֵלָ֔יו גַּם־תֶּ֥בֶןb גַּם־מִסְפֹּ֖ואc רַ֣ב עִמָּ֑נוּ גַּם־מָקֹ֖ום לָלֽוּןd ׃

26 וַיִּקֹּ֣דa הָאִ֔ישׁ וַיִּשְׁתַּ֖חוּb לַֽיהוָֽה׃

27 וַיֹּ֗אמֶרa בָּר֤וּךְb יְהוָה֙ אֱלֹהֵי֙ אֲדֹנִ֣י אַבְרָהָ֔ם אֲ֠שֶׁר לֹֽא־עָזַ֥בc חַסְדֹּ֛ו וַאֲמִתֹּ֖ו מֵעִ֣ם אֲדֹנִ֑י אָנֹכִ֗י בַּדֶּ֨רֶךְ֙ נָחַ֣נִיd יְהוָ֔ה בֵּ֖ית אֲחֵ֥י אֲדֹנִֽי׃

28 וַתָּ֨רָץ֙a הַֽנַּעֲרָ֔ וַתַּגֵּ֖דb לְבֵ֣ית אִמָּ֑הּ כַּדְּבָרִ֖ים הָאֵֽלֶּה׃

29 וּלְרִבְקָ֥הa אָ֖ח וּשְׁמֹ֣ו לָבָ֑ן וַיָּ֨רָץb לָבָ֧ן אֶל־הָאִ֛ישׁ הַח֖וּצָה אֶל־הָעָֽיִן׃

30 וַיְהִ֣יa ׀ כִּרְאֹ֣תb אֶת־הַנֶּ֗זֶםc וְֽאֶת־הַצְּמִדִים֮d עַל־יְדֵ֣י אֲחֹתֹו֒ וּכְשָׁמְעֹ֗וe אֶת־דִּבְרֵ֞י רִבְקָ֤הf אֲחֹתֹו֙ לֵאמֹ֔רg כֹּֽה־דִבֶּ֥רh אֵלַ֖י הָאִ֑ישׁ וַיָּבֹא֙i אֶל־הָאִ֔ישׁ וְהִנֵּ֛ה עֹמֵ֥דj עַל־הַגְּמַלִּ֖ים עַל־הָעָֽיִן׃

31 וַיֹּ֕אמֶרa בֹּ֖ואb בְּר֣וּךְ יְהוָ֑ה לָ֤מָּה תַעֲמֹד֙c בַּח֔וּץ וְאָנֹכִי֙ פִּנִּ֣יתִיd הַבַּ֔יִת וּמָקֹ֖ום לַגְּמַלִּֽים׃

32 וַיָּבֹ֤אa הָאִישׁ֙ הַבַּ֔יְתָה וַיְפַתַּ֖חb הַגְּמַלִּ֑ים וַיִּתֵּ֨ןc תֶּ֤בֶןd וּמִסְפֹּוא֙e לַגְּמַלִּ֔ים וּמַ֨יִם֙ לִרְחֹ֣ץf רַגְלָ֔יו וְרַגְלֵ֥י הָאֲנָשִׁ֖ים אֲשֶׁ֥ר אִתֹּֽו׃

33 ויישׂםa לְפָנָיו֙ לֶאֱכֹ֔לb וַיֹּ֨אמֶר֙c לֹ֣א אֹכַ֔לd עַ֥ד אִם־דִּבַּ֖רְתִּיe דְּבָרָ֑י וַיֹּ֖אמֶרf דַּבֵּֽרg ׃

34 וַיֹּאמַ֑רa עֶ֥בֶד אַבְרָהָ֖ם אָנֹֽכִי׃

35 וַיהוָ֞ה בֵּרַ֧ךְa אֶת־אֲדֹנִ֛י מְאֹ֖ד וַיִּגְדָּ֑לb וַיִּתֶּןc ־לֹ֞ו צֹ֤אן וּבָקָר֙ וְכֶ֣סֶף וְזָהָ֔ב וַעֲבָדִם֙ וּשְׁפָחֹ֔ת וּגְמַלִּ֖ים וַחֲמֹרִֽים׃

36 וַתֵּ֡לֶדa שָׂרָה֩b אֵ֨שֶׁת אֲדֹנִ֥י בֵן֙ לַֽאדֹנִ֔י אַחֲרֵ֖י זִקְנָתָ֑הּc וַיִּתֶּןd ־לֹּ֖ו אֶת־כָּל־אֲשֶׁר־לֹֽו׃

37 וַיַּשְׁבִּעֵ֥נִיa אֲדֹנִ֖י לֵאמֹ֑רb לֹא־תִּקַּ֤חc אִשָּׁה֙ לִבְנִ֔י מִבְּנֹות֙ הַֽכְּנַעֲנִ֔י אֲשֶׁ֥ר אָנֹכִ֖י יֹשֵׁ֥בd בְּאַרְצֹֽו׃

38 אִם־לֹ֧א אֶל־בֵּית־אָבִ֛י תֵּלֵ֖ךְa וְאֶל־מִשְׁפַּחְתִּ֑י וְלָקַחְתָּ֥b אִשָּׁ֖ה לִבְנִֽי׃

39 וָאֹמַ֖רa אֶל־אֲדֹנִ֑י אֻלַ֛יb לֹא־תֵלֵ֥ךְc הָאִשָּׁ֖ה אַחֲרָֽי׃

40 וַיֹּ֖אמֶרa אֵלָ֑י יְהוָ֞ה אֲשֶׁר־הִתְהַלַּ֣כְתִּיb לְפָנָ֗יו יִשְׁלַ֨חc מַלְאָכֹ֤ו אִתָּךְ֙ וְהִצְלִ֣יחַd דַּרְכֶּ֔ךָ וְלָקַחְתָּ֤e אִשָּׁה֙ לִבְנִ֔י מִמִּשְׁפַּחְתִּ֖י וּמִבֵּ֥ית אָבִֽי׃

41 אָ֤ז תִּנָּקֶה֙a מֵאָ֣לָתִ֔יb כִּ֥י תָבֹ֖ואc אֶל־מִשְׁפַּחְתִּ֑י וְאִם־לֹ֤א יִתְּנוּ֙d לָ֔ךְ וְהָיִ֥יתָe נָקִ֖יf מֵאָלָתִֽיg ׃

42 וָאָבֹ֥אa הַיֹּ֖ום אֶל־הָעָ֑יִן וָאֹמַ֗רb יְהוָה֙ אֱלֹהֵי֙ אֲדֹנִ֣י אַבְרָהָ֔ם אִם־יֶשְׁךָ־נָּא֙ מַצְלִ֣יחַc דַּרְכִּ֔י אֲשֶׁ֥ר אָנֹכִ֖י הֹלֵ֥ךְd עָלֶֽיהָ׃

43 הִנֵּ֛ה אָנֹכִ֥י נִצָּ֖בa עַל־עֵ֣ין הַמָּ֑יִם וְהָיָ֤הb הָֽעַלְמָה֙c הַיֹּצֵ֣אתd לִשְׁאֹ֔בe וְאָמַרְתִּ֣יf אֵלֶ֔יהָ הַשְׁקִֽינִיg ־נָ֥א מְעַט־מַ֖יִם מִכַּדֵּֽךְh ׃

44 וְאָמְרָ֤הa אֵלַי֙ גַּם־אַתָּ֣ה שְׁתֵ֔הb וְגַ֥ם לִגְמַלֶּ֖יךָ אֶשְׁאָ֑בc הִ֣וא הָֽאִשָּׁ֔ה אֲשֶׁר־הֹכִ֥יחַd יְהוָ֖ה לְבֶן־אֲדֹנִֽי׃

45 אֲנִי֩ טֶ֨רֶם אֲכַלֶּ֜הa לְדַבֵּ֣רb אֶל־לִבִּ֗י וְהִנֵּ֨ה רִבְקָ֤הc יֹצֵאת֙d וְכַדָּ֣הּe עַל־שִׁכְמָ֔הּf וַתֵּ֥רֶדg הָעַ֖יְנָה וַתִּשְׁאָ֑בh וָאֹמַ֥רi אֵלֶ֖יהָ הַשְׁקִ֥ינִיj נָֽא׃

46 וַתְּמַהֵ֗רa וַתֹּ֤ורֶדb כַּדָּהּ֙c מֵֽעָלֶ֔יהָ וַתֹּ֣אמֶרd שְׁתֵ֔הe וְגַם־גְּמַלֶּ֖יךָ אַשְׁקֶ֑הf וָאֵ֕שְׁתְּg וְגַ֥ם הַגְּמַלִּ֖ים הִשְׁקָֽתָהh ׃

47 וָאֶשְׁאַ֣לa אֹתָ֗הּ וָאֹמַר֮b בַּת־מִ֣י אַתְּ֒ וַתֹּ֗אמֶרc בַּת־בְּתוּאֵל֙d בֶּן־נָחֹ֔ורe אֲשֶׁ֥ר יָֽלְדָהf ־לֹּ֖ו מִלְכָּ֑הg וָאָשִׂ֤םh הַנֶּ֨זֶם֙i עַל־אַפָּ֔הּ וְהַצְּמִידִ֖יםj עַל־יָדֶֽיהָ׃

48 וָאֶקֹּ֥דa וָֽאֶשְׁתַּחֲוֶ֖הb לַיהוָ֑ה וָאֲבָרֵ֗ךְc אֶת־יְהוָה֙ אֱלֹהֵי֙ אֲדֹנִ֣י אַבְרָהָ֔ם אֲשֶׁ֤ר הִנְחַ֨נִי֙d בְּדֶ֣רֶךְ אֱמֶ֔ת לָקַ֛חַתe אֶת־בַּת־אֲחִ֥י אֲדֹנִ֖י לִבְנֹֽו׃

49 וְ֠עַתָּה אִם־יֶשְׁכֶ֨ם עֹשִׂ֜יםa חֶ֧סֶד וֶֽאֱמֶ֛ת אֶת־אֲדֹנִ֖י הַגִּ֣ידוּb לִ֑י וְאִם־לֹ֕א הַגִּ֣ידוּc לִ֔י וְאֶפְנֶ֥הd עַל־יָמִ֖ין אֹ֥ו עַל־שְׂמֹֽאל׃

50 וַיַּ֨עַןa לָבָ֤ן וּבְתוּאֵל֙b וַיֹּ֣אמְר֔וּc מֵיְהוָ֖ה יָצָ֣אd הַדָּבָ֑ר לֹ֥א נוּכַ֛לe דַּבֵּ֥רf אֵלֶ֖יךָ רַ֥ע אֹו־טֹֽוב׃

51 הִנֵּֽה־רִבְקָ֥הa לְפָנֶ֖יךָ קַ֣חb וָלֵ֑ךְc וּתְהִ֤יd אִשָּׁה֙ לְבֶן־אֲדֹנֶ֔יךָ כַּאֲשֶׁ֖ר דִּבֶּ֥רe יְהוָֽה׃

52 וַיְהִ֕יa כַּאֲשֶׁ֥ר שָׁמַ֛עb עֶ֥בֶד אַבְרָהָ֖ם אֶת־דִּבְרֵיהֶ֑ם וַיִּשְׁתַּ֥חוּc אַ֖רְצָה לַֽיהוָֽה׃

53 וַיֹּוצֵ֨אa הָעֶ֜בֶד כְּלֵי־כֶ֨סֶף וּכְלֵ֤י זָהָב֙ וּבְגָדִ֔ים וַיִּתֵּ֖ןb לְרִבְקָ֑הc וּמִ֨גְדָּנֹ֔תd נָתַ֥ןe לְאָחִ֖יהָ וּלְאִמָּֽהּ׃

54 וַיֹּאכְל֣וּa וַיִּשְׁתּ֗וּb ה֛וּא וְהָאֲנָשִׁ֥ים אֲשֶׁר־עִמֹּ֖ו וַיָּלִ֑ינוּc וַיָּק֣וּמוּd בַבֹּ֔קֶר וַיֹּ֖אמֶרe שַׁלְּחֻ֥נִיf לַֽאדֹנִֽי׃

55 וַיֹּ֤אמֶרa אָחִ֨יהָ֙ וְאִמָּ֔הּ תֵּשֵׁ֨בb הַנַּעֲרָ֥ אִתָּ֛נוּ יָמִ֖ים אֹ֣ו עָשֹׂ֑ורc אַחַ֖ר תֵּלֵֽךְd ׃

56 וַיֹּ֤אמֶרa אֲלֵהֶם֙ אַל־תְּאַחֲר֣וּb אֹתִ֔י וַֽיהוָ֖ה הִצְלִ֣יחַc דַּרְכִּ֑י שַׁלְּח֕וּנִיd וְאֵלְכָ֖הe לַֽאדֹנִֽי׃

57 וַיֹּאמְר֖וּa נִקְרָ֣אb לַֽנַּעֲרָ֑ וְנִשְׁאֲלָ֖הc אֶת־פִּֽיהָ׃

58 וַיִּקְרְא֤וּa לְרִבְקָה֙b וַיֹּאמְר֣וּc אֵלֶ֔יהָ הֲתֵלְכִ֖יd עִם־הָאִ֣ישׁ הַזֶּ֑ה וַתֹּ֖אמֶרe אֵלֵֽךְf ׃

59 וַֽיְשַׁלְּח֛וּa אֶת־רִבְקָ֥הb אֲחֹתָ֖ם וְאֶת־מֵנִקְתָּ֑הּc וְאֶת־עֶ֥בֶד אַבְרָהָ֖ם וְאֶת־אֲנָשָֽׁיו׃

60 וַיְבָרֲכ֤וּa אֶת־רִבְקָה֙b וַיֹּ֣אמְרוּc לָ֔הּ אֲחֹתֵ֕נוּ אַ֥תְּ הֲיִ֖יd לְאַלְפֵ֣י רְבָבָ֑הe וְיִירַ֣שׁf זַרְעֵ֔ךְ אֵ֖ת שַׁ֥עַר שֹׂנְאָֽיו׃

61 וַתָּ֨קָםa רִבְקָ֜הb וְנַעֲרֹתֶ֗יהָ וַתִּרְכַּ֨בְנָה֙c עַל־הַגְּמַלִּ֔ים וַתֵּלַ֖כְנָהd אַחֲרֵ֣י הָאִ֑ישׁ וַיִּקַּ֥חe הָעֶ֛בֶד אֶת־רִבְקָ֖הf וַיֵּלַֽךְg ׃

62 וְיִצְחָק֙ בָּ֣אa מִבֹּ֔ואb בְּאֵ֥ר לַחַ֖י רֹאִ֑יc וְה֥וּא יֹושֵׁ֖בd בְּאֶ֥רֶץ הַנֶּֽגֶב׃

63 וַיֵּצֵ֥אa יִצְחָ֛ק לָשׂ֥וּחַb בַּשָּׂדֶ֖ה לִפְנֹ֣ותc עָ֑רֶב וַיִּשָּׂ֤אd עֵינָיו֙ וַיַּ֔רְאe וְהִנֵּ֥ה גְמַלִּ֖ים בָּאִֽיםf ׃

64 וַתִּשָּׂ֤אa רִבְקָה֙b אֶת־עֵינֶ֔יהָ וַתֵּ֖רֶאc אֶת־יִצְחָ֑ק וַתִּפֹּ֖לd מֵעַ֥ל הַגָּמָֽל׃

65 וַתֹּ֣אמֶרa אֶל־הָעֶ֗בֶד מִֽי־הָאִ֤ישׁ הַלָּזֶה֙b הַהֹלֵ֤ךְc בַּשָּׂדֶה֙ לִקְרָאתֵ֔נוּd וַיֹּ֥אמֶרe הָעֶ֖בֶד ה֣וּא אֲדֹנִ֑י וַתִּקַּ֥חf הַצָּעִ֖יףg וַתִּתְכָּֽסh ׃

66 וַיְסַפֵּ֥רa הָעֶ֖בֶד לְיִצְחָ֑ק אֵ֥ת כָּל־הַדְּבָרִ֖ים אֲשֶׁ֥ר עָשָֽׂהb ׃

67 וַיְבִאֶ֣הָa יִצְחָ֗ק הָאֹ֨הֱלָה֙ שָׂרָ֣הb אִמֹּ֔ו וַיִּקַּ֧חc אֶת־רִבְקָ֛הd וַתְּהִיe ־לֹ֥ו לְאִשָּׁ֖ה וַיֶּאֱהָבֶ֑הָf וַיִּנָּחֵ֥םg יִצְחָ֖ק אַחֲרֵ֥י אִמֹּֽו׃ פ