בראשית

וַיִּהְיוּ֙a חַיֵּ֣י שָׂרָ֔הb מֵאָ֥ה שָׁנָ֛ה וְעֶשְׂרִ֥ים שָׁנָ֖ה וְשֶׁ֣בַע שָׁנִ֑ים שְׁנֵ֖י חַיֵּ֥י שָׂרָֽהc ׃

2 וַתָּ֣מָתa שָׂרָ֗הb בְּקִרְיַ֥ת אַרְבַּ֛עc הִ֥וא חֶבְרֹ֖ון בְּאֶ֣רֶץ כְּנָ֑עַן וַיָּבֹא֙d אַבְרָהָ֔ם לִסְפֹּ֥דe לְשָׂרָ֖הf וְלִבְכֹּתָֽהּg ׃

3 וַיָּ֨קָם֙a אַבְרָהָ֔ם מֵעַ֖ל פְּנֵ֣י מֵתֹ֑ו וַיְדַבֵּ֥רb אֶל־בְּנֵי־חֵ֖תc לֵאמֹֽרd ׃

4 גֵּר־וְתֹושָׁ֥בa אָנֹכִ֖י עִמָּכֶ֑ם תְּנ֨וּb לִ֤י אֲחֻזַּת־קֶ֨בֶר֙ עִמָּכֶ֔ם וְאֶקְבְּרָ֥הc מֵתִ֖י מִלְּפָנָֽי׃

5 וַיַּעֲנ֧וּa בְנֵי־חֵ֛תb אֶת־אַבְרָהָ֖ם לֵאמֹ֥רc לֹֽו׃

6 שְׁמָעֵ֣נוּa ׀ אֲדֹנִ֗י נְשִׂ֨יא אֱלֹהִ֤ים אַתָּה֙ בְּתֹוכֵ֔נוּ בְּמִבְחַ֣רb קְבָרֵ֔ינוּ קְבֹ֖רc אֶת־מֵתֶ֑ךָ אִ֣ישׁ מִמֶּ֔נּוּ אֶת־קִבְרֹ֛ו לֹֽא־יִכְלֶ֥הd מִמְּךָ֖ מִקְּבֹ֥רe מֵתֶֽךָ׃

7 וַיָּ֧קָםa אַבְרָהָ֛ם וַיִּשְׁתַּ֥חוּb לְעַם־הָאָ֖רֶץ לִבְנֵי־חֵֽתc ׃

8 וַיְדַבֵּ֥רa אִתָּ֖ם לֵאמֹ֑רb אִם־יֵ֣שׁ אֶֽת־נַפְשְׁכֶ֗ם לִקְבֹּ֤רc אֶת־מֵתִי֙ מִלְּפָנַ֔י שְׁמָע֕וּנִיd וּפִגְעוּe ־לִ֖י בְּעֶפְרֹ֥וןf בֶּן־צֹֽחַרg ׃

9 וְיִתֶּןa ־לִ֗י אֶת־מְעָרַ֤תb הַמַּכְפֵּלָה֙c אֲשֶׁר־לֹ֔ו אֲשֶׁ֖ר בִּקְצֵ֣ה שָׂדֵ֑הוּ בְּכֶ֨סֶף מָלֵ֜אd יִתְּנֶ֥נָּהe לִ֛י בְּתֹוכְכֶ֖ם לַאֲחֻזַּת־קָֽבֶר׃

10 וְעֶפְרֹ֥וןa יֹשֵׁ֖בb בְּתֹ֣וךְ בְּנֵי־חֵ֑תc וַיַּעַן֩d עֶפְרֹ֨וןe הַחִתִּ֤יf אֶת־אַבְרָהָם֙ בְּאָזְנֵ֣י בְנֵי־חֵ֔תg לְכֹ֛ל בָּאֵ֥י שַֽׁעַר־עִירֹ֖ו לֵאמֹֽרh ׃

11 לֹֽא־אֲדֹנִ֣י שְׁמָעֵ֔נִיa הַשָּׂדֶה֙ נָתַ֣תִּיb לָ֔ךְ וְהַמְּעָרָ֥הc אֲשֶׁר־בֹּ֖ו לְךָ֣ נְתַתִּ֑יהָd לְעֵינֵ֧י בְנֵי־עַמִּ֛י נְתַתִּ֥יהָe לָּ֖ךְ קְבֹ֥רf מֵתֶֽךָ׃

12 וַיִּשְׁתַּ֨חוּ֙a אַבְרָהָ֔ם לִפְנֵ֖י עַ֥ם הָאָֽרֶץ׃

13 וַיְדַבֵּ֨רa אֶל־עֶפְרֹ֜וןb בְּאָזְנֵ֤י עַם־הָאָ֨רֶץ֙ לֵאמֹ֔רc אַ֛ךְ אִם־אַתָּ֥ה ל֖וּd שְׁמָעֵ֑נִיe נָתַ֜תִּיf כֶּ֤סֶף הַשָּׂדֶה֙ קַ֣חg מִמֶּ֔נִּי וְאֶקְבְּרָ֥הh אֶת־מֵתִ֖י שָֽׁמָּה׃

14 וַיַּ֧עַןa עֶפְרֹ֛וןb אֶת־אַבְרָהָ֖ם לֵאמֹ֥רc לֹֽו׃

15 אֲדֹנִ֣י שְׁמָעֵ֔נִיa אֶרֶץ֩ אַרְבַּ֨ע מֵאֹ֧ת שֶֽׁקֶל־כֶּ֛סֶף בֵּינִ֥י וּבֵֽינְךָ֖ מַה־הִ֑וא וְאֶת־מֵתְךָ֖ קְבֹֽרb ׃

16 וַיִּשְׁמַ֣עa אַבְרָהָם֮ אֶל־עֶפְרֹון֒b וַיִּשְׁקֹ֤לc אַבְרָהָם֙ לְעֶפְרֹ֔ןd אֶת־הַכֶּ֕סֶף אֲשֶׁ֥ר דִּבֶּ֖רe בְּאָזְנֵ֣י בְנֵי־חֵ֑תf אַרְבַּ֤ע מֵאֹות֙ שֶׁ֣קֶל כֶּ֔סֶף עֹבֵ֖רg לַסֹּחֵֽרh ׃

17 וַיָּ֣קָםa ׀ שְׂדֵ֣ה עֶפְרֹ֗וןb אֲשֶׁר֙ בַּמַּכְפֵּלָ֔הc אֲשֶׁ֖ר לִפְנֵ֣י מַמְרֵ֑אd הַשָּׂדֶה֙ וְהַמְּעָרָ֣הe אֲשֶׁר־בֹּ֔ו וְכָל־הָעֵץ֙ אֲשֶׁ֣ר בַּשָּׂדֶ֔ה אֲשֶׁ֥ר בְּכָל־גְּבֻלֹ֖ו סָבִֽיב׃

18 לְאַבְרָהָ֥ם לְמִקְנָ֖הa לְעֵינֵ֣י בְנֵי־חֵ֑תb בְּכֹ֖ל בָּאֵ֥י שַֽׁעַר־עִירֹֽו׃

19 וְאַחֲרֵי־כֵן֩ קָבַ֨רa אַבְרָהָ֜ם אֶת־שָׂרָ֣הb אִשְׁתֹּ֗ו אֶל־מְעָרַ֞תc שְׂדֵ֧ה הַמַּכְפֵּלָ֛הd עַל־פְּנֵ֥י מַמְרֵ֖אe הִ֣וא חֶבְרֹ֑ון בְּאֶ֖רֶץ כְּנָֽעַן׃

20 וַיָּ֨קָםa הַשָּׂדֶ֜ה וְהַמְּעָרָ֧הb אֲשֶׁר־בֹּ֛ו לְאַבְרָהָ֖ם לַאֲחֻזַּת־קָ֑בֶר מֵאֵ֖ת בְּנֵי־חֵֽתc ׃ ס