בראשית

וַיְהִ֗יa אַחַר֙ הַדְּבָרִ֣ים הָאֵ֔לֶּה וְהָ֣אֱלֹהִ֔ים נִסָּ֖הb אֶת־אַבְרָהָ֑ם וַיֹּ֣אמֶרc אֵלָ֔יו אַבְרָהָ֖ם וַיֹּ֥אמֶרd הִנֵּֽנִי׃

2 וַיֹּ֡אמֶרa קַחb ־נָ֠א אֶת־בִּנְךָ֙ אֶת־יְחִֽידְךָ֤c אֲשֶׁר־אָהַ֨בְתָּ֙d אֶת־יִצְחָ֔ק וְלֶךְe ־לְךָ֔ אֶל־אֶ֖רֶץ הַמֹּרִיָּ֑הf וְהַעֲלֵ֤הוּg שָׁם֙ לְעֹלָ֔ה עַ֚ל אַחַ֣ד הֶֽהָרִ֔ים אֲשֶׁ֖ר אֹמַ֥רh אֵלֶֽיךָ׃

3 וַיַּשְׁכֵּ֨םa אַבְרָהָ֜ם בַּבֹּ֗קֶר וַֽיַּחֲבֹשׁ֙b אֶת־חֲמֹרֹ֔ו וַיִּקַּ֞חc אֶת־שְׁנֵ֤י נְעָרָיו֙ אִתֹּ֔ו וְאֵ֖ת יִצְחָ֣ק בְּנֹ֑ו וַיְבַקַּע֙d עֲצֵ֣י עֹלָ֔ה וַיָּ֣קָםe וַיֵּ֔לֶךְf אֶל־הַמָּקֹ֖ום אֲשֶׁר־אָֽמַרg ־לֹ֥ו הָאֱלֹהִֽים׃

4 בַּיֹּ֣ום הַשְּׁלִישִׁ֗י וַיִּשָּׂ֨אa אַבְרָהָ֧ם אֶת־עֵינָ֛יו וַיַּ֥רְאb אֶת־הַמָּקֹ֖ום מֵרָחֹֽק׃

5 וַיֹּ֨אמֶרa אַבְרָהָ֜ם אֶל־נְעָרָ֗יו שְׁבוּb ־לָכֶ֥ם פֹּה֙ עִֽם־הַחֲמֹ֔ור וַאֲנִ֣י וְהַנַּ֔עַר נֵלְכָ֖הc עַד־כֹּ֑ה וְנִֽשְׁתַּחֲוֶ֖הd וְנָשׁ֥וּבָהe אֲלֵיכֶֽם׃

6 וַיִּקַּ֨חa אַבְרָהָ֜ם אֶת־עֲצֵ֣י הָעֹלָ֗ה וַיָּ֨שֶׂם֙b עַל־יִצְחָ֣ק בְּנֹ֔ו וַיִּקַּ֣חc בְּיָדֹ֔ו אֶת־הָאֵ֖שׁ וְאֶת־הַֽמַּאֲכֶ֑לֶתd וַיֵּלְכ֥וּe שְׁנֵיהֶ֖ם יַחְדָּֽו׃

7 וַיֹּ֨אמֶרa יִצְחָ֜ק אֶל־אַבְרָהָ֤ם אָבִיו֙ וַיֹּ֣אמֶרb אָבִ֔י וַיֹּ֖אמֶרc הִנֶּ֣נִּֽי בְנִ֑י וַיֹּ֗אמֶרd הִנֵּ֤ה הָאֵשׁ֙ וְהָ֣עֵצִ֔ים וְאַיֵּ֥הe הַשֶּׂ֖הf לְעֹלָֽה׃

8 וַיֹּ֨אמֶר֙a אַבְרָהָ֔ם אֱלֹהִ֞ים יִרְאֶהb ־לֹּ֥ו הַשֶּׂ֛הc לְעֹלָ֖ה בְּנִ֑י וַיֵּלְכ֥וּd שְׁנֵיהֶ֖ם יַחְדָּֽו׃

9 וַיָּבֹ֗אוּa אֶֽל־הַמָּקֹום֮ אֲשֶׁ֣ר אָֽמַרb ־לֹ֣ו הָאֱלֹהִים֒ וַיִּ֨בֶןc שָׁ֤ם אַבְרָהָם֙ אֶת־הַמִּזְבֵּ֔חַ וַֽיַּעֲרֹ֖ךְd אֶת־הָעֵצִ֑ים וַֽיַּעֲקֹד֙e אֶת־יִצְחָ֣ק בְּנֹ֔ו וַיָּ֤שֶׂםf אֹתֹו֙ עַל־הַמִּזְבֵּ֔חַ מִמַּ֖עַל לָעֵצִֽים׃

10 וַיִּשְׁלַ֤חa אַבְרָהָם֙ אֶת־יָדֹ֔ו וַיִּקַּ֖חb אֶת־הַֽמַּאֲכֶ֑לֶתc לִשְׁחֹ֖טd אֶת־בְּנֹֽו׃

11 וַיִּקְרָ֨אa אֵלָ֜יו מַלְאַ֤ךְ יְהוָה֙ מִן־הַשָּׁמַ֔יִם וַיֹּ֖אמֶרb אַבְרָהָ֣ם׀ אַבְרָהָ֑ם וַיֹּ֖אמֶרc הִנֵּֽנִי׃

12 וַיֹּ֗אמֶרa אַל־תִּשְׁלַ֤חb יָֽדְךָ֙ אֶל־הַנַּ֔עַר וְאַל־תַּ֥עַשׂc לֹ֖ו מְא֑וּמָּהd כִּ֣י׀ עַתָּ֣ה יָדַ֗עְתִּיe כִּֽי־יְרֵ֤אf אֱלֹהִים֙ אַ֔תָּה וְלֹ֥א חָשַׂ֛כְתָּg אֶת־בִּנְךָ֥ אֶת־יְחִידְךָ֖h מִמֶּֽנִּי׃

13 וַיִּשָּׂ֨אa אַבְרָהָ֜ם אֶת־עֵינָ֗יו וַיַּרְא֙b וְהִנֵּה־אַ֔יִל אַחַ֕ר נֶאֱחַ֥זc בַּסְּבַ֖ךְd בְּקַרְנָ֑יו וַיֵּ֤לֶךְe אַבְרָהָם֙ וַיִּקַּ֣חf אֶת־הָאַ֔יִל וַיַּעֲלֵ֥הוּg לְעֹלָ֖ה תַּ֥חַת בְּנֹֽו׃

14 וַיִּקְרָ֧אa אַבְרָהָ֛ם שֵֽׁם־הַמָּקֹ֥ום הַה֖וּא יְהוָ֣ה׀ יִרְאֶ֑הb אֲשֶׁר֙ יֵאָמֵ֣רc הַיֹּ֔ום בְּהַ֥ר יְהוָ֖ה יֵרָאֶֽהd ׃

15 וַיִּקְרָ֛אa מַלְאַ֥ךְ יְהוָ֖ה אֶל־אַבְרָהָ֑ם שֵׁנִ֖ית מִן־הַשָּׁמָֽיִם׃

16 וַיֹּ֕אמֶרa בִּ֥י נִשְׁבַּ֖עְתִּיb נְאֻם־יְהוָ֑ה כִּ֗י יַ֚עַן אֲשֶׁ֤ר עָשִׂ֨יתָ֙c אֶת־הַדָּבָ֣ר הַזֶּ֔ה וְלֹ֥א חָשַׂ֖כְתָּd אֶת־בִּנְךָ֥ אֶת־יְחִידֶֽךָe ׃

17 כִּֽי־בָרֵ֣ךְ אֲבָרֶכְךָ֗a וְהַרְבָּ֨ה אַרְבֶּ֤הb אֶֽת־זַרְעֲךָ֙ כְּכֹוכְבֵ֣יc הַשָּׁמַ֔יִם וְכַחֹ֕ולd אֲשֶׁ֖ר עַל־שְׂפַ֣ת הַיָּ֑ם וְיִרַ֣שׁe זַרְעֲךָ֔ אֵ֖ת שַׁ֥עַר אֹיְבָֽיו׃

18 וְהִתְבָּרֲכ֣וּa בְזַרְעֲךָ֔ כֹּ֖ל גֹּויֵ֣י הָאָ֑רֶץ עֵ֕קֶבb אֲשֶׁ֥ר שָׁמַ֖עְתָּc בְּקֹלִֽי׃

19 וַיָּ֤שָׁבa אַבְרָהָם֙ אֶל־נְעָרָ֔יו וַיָּקֻ֛מוּb וַיֵּלְכ֥וּc יַחְדָּ֖ו אֶל־בְּאֵ֣ר שָׁ֑בַעd וַיֵּ֥שֶׁבe אַבְרָהָ֖ם בִּבְאֵ֥ר שָֽׁבַעf ׃ פ

20 וַיְהִ֗יa אַחֲרֵי֙ הַדְּבָרִ֣ים הָאֵ֔לֶּה וַיֻּגַּ֥דb לְאַבְרָהָ֖ם לֵאמֹ֑רc הִ֠נֵּה יָלְדָ֨הd מִלְכָּ֥הe גַם־הִ֛וא בָּנִ֖ים לְנָחֹ֥ורf אָחִֽיךָ׃

21 אֶת־ע֥וּץa בְּכֹרֹ֖ו וְאֶת־בּ֣וּזb אָחִ֑יו וְאֶת־קְמוּאֵ֖לc אֲבִ֥י אֲרָֽם׃

22 וְאֶת־כֶּ֣שֶׂדa וְאֶת־חֲזֹ֔וb וְאֶת־פִּלְדָּ֖שׁc וְאֶת־יִדְלָ֑ףd וְאֵ֖ת בְּתוּאֵֽלe ׃

23 וּבְתוּאֵ֖לa יָלַ֣דb אֶת־רִבְקָ֑הc שְׁמֹנָ֥ה אֵ֨לֶּה֙ יָלְדָ֣הd מִלְכָּ֔הe לְנָחֹ֖ורf אֲחִ֥י אַבְרָהָֽם׃

24 וּפִֽילַגְשֹׁ֖וa וּשְׁמָ֣הּ רְאוּמָ֑הb וַתֵּ֤לֶדc גַּם־הִוא֙ אֶת־טֶ֣בַחd וְאֶת־גַּ֔חַםe וְאֶת־תַּ֖חַשׁf וְאֶֽת־מַעֲכָֽהg ׃ ס