בראשית

וַיִּסַּ֨עa מִשָּׁ֤ם אַבְרָהָם֙ אַ֣רְצָה הַנֶּ֔גֶב וַיֵּ֥שֶׁבb בֵּין־קָדֵ֖שׁc וּבֵ֣ין שׁ֑וּרd וַיָּ֖גָרe בִּגְרָֽרf ׃

2 וַיֹּ֧אמֶרa אַבְרָהָ֛ם אֶל־שָׂרָ֥הb אִשְׁתֹּ֖ו אֲחֹ֣תִי הִ֑וא וַיִּשְׁלַ֗חc אֲבִימֶ֨לֶךְ֙ מֶ֣לֶךְ גְּרָ֔רd וַיִּקַּ֖חe אֶת־שָׂרָֽהf ׃

3 וַיָּבֹ֧אa אֱלֹהִ֛ים אֶל־אֲבִימֶ֖לֶךְ בַּחֲלֹ֣ום הַלָּ֑יְלָה וַיֹּ֣אמֶרb לֹ֗ו הִנְּךָ֥ מֵת֙c עַל־הָאִשָּׁ֣ה אֲשֶׁר־לָקַ֔חְתָּd וְהִ֖וא בְּעֻ֥לַתe בָּֽעַל׃

4 וַאֲבִימֶ֕לֶךְ לֹ֥א קָרַ֖בa אֵלֶ֑יהָ וַיֹּאמַ֕רb אֲדֹנָ֕י הֲגֹ֥וי גַּם־צַדִּ֖יק תַּהֲרֹֽגc ׃

5 הֲלֹ֨א ה֤וּא אָֽמַרa ־לִי֙ אֲחֹ֣תִי הִ֔וא וְהִֽיא־גַם־הִ֥וא אָֽמְרָ֖הb אָחִ֣י ה֑וּא בְּתָםc ־לְבָבִ֛י וּבְנִקְיֹ֥ןd כַּפַּ֖י עָשִׂ֥יתִיe זֹֽאת׃

6 וַיֹּאמֶר֩a אֵלָ֨יו הָֽאֱלֹהִ֜ים בַּחֲלֹ֗ם גַּ֣ם אָנֹכִ֤י יָדַ֨עְתִּי֙b כִּ֤י בְתָםc ־לְבָבְךָ֙ עָשִׂ֣יתָd זֹּ֔את וָאֶחְשֹׂ֧ךְe גַּם־אָנֹכִ֛י אֹֽותְךָ֖ מֵחֲטֹוf ־לִ֑י עַל־כֵּ֥ן לֹא־נְתַתִּ֖יךָg לִנְגֹּ֥עַh אֵלֶֽיהָ׃

7 וְעַתָּ֗ה הָשֵׁ֤בa אֵֽשֶׁת־הָאִישׁ֙ כִּֽי־נָבִ֣יא ה֔וּא וְיִתְפַּלֵּ֥לb בַּֽעַדְךָ֖ וֶֽחְיֵ֑הc וְאִם־אֵֽינְךָ֣ מֵשִׁ֗יבd דַּ֚עe כִּי־מֹ֣ות תָּמ֔וּתf אַתָּ֖ה וְכָל־אֲשֶׁר־לָֽךְ׃

8 וַיַּשְׁכֵּ֨םa אֲבִימֶ֜לֶךְ בַּבֹּ֗קֶר וַיִּקְרָא֙b לְכָל־עֲבָדָ֔יו וַיְדַבֵּ֛רc אֶת־כָּל־הַדְּבָרִ֥ים הָאֵ֖לֶּה בְּאָזְנֵיהֶ֑ם וַיִּֽירְא֥וּd הָאֲנָשִׁ֖ים מְאֹֽד׃

9 וַיִּקְרָ֨אa אֲבִימֶ֜לֶךְ לְאַבְרָהָ֗ם וַיֹּ֨אמֶרb לֹ֜ו מֶֽה־עָשִׂ֤יתָc לָּ֨נוּ֙ וּמֶֽה־חָטָ֣אתִיd לָ֔ךְ כִּֽי־הֵבֵ֧אתָe עָלַ֛י וְעַל־מַמְלַכְתִּ֖יf חֲטָאָ֣הg גְדֹלָ֑ה מַעֲשִׂים֙ אֲשֶׁ֣ר לֹא־יֵֽעָשׂ֔וּh עָשִׂ֖יתָi עִמָּדִֽיj ׃

10 וַיֹּ֥אמֶרa אֲבִימֶ֖לֶךְ אֶל־אַבְרָהָ֑ם מָ֣ה רָאִ֔יתָb כִּ֥י עָשִׂ֖יתָc אֶת־הַדָּבָ֥ר הַזֶּֽה׃

11 וַיֹּ֨אמֶר֙a אַבְרָהָ֔ם כִּ֣י אָמַ֗רְתִּיb רַ֚ק אֵין־יִרְאַ֣תc אֱלֹהִ֔ים בַּמָּקֹ֖ום הַזֶּ֑ה וַהֲרָג֖וּנִיd עַל־דְּבַ֥ר אִשְׁתִּֽי׃

12 וְגַם־אָמְנָ֗הa אֲחֹתִ֤י בַת־אָבִי֙ הִ֔וא אַ֖ךְ לֹ֣א בַת־אִמִּ֑י וַתְּהִיb ־לִ֖י לְאִשָּֽׁה׃

13 וַיְהִ֞יa כַּאֲשֶׁ֧ר הִתְע֣וּb אֹתִ֗י אֱלֹהִים֮ מִבֵּ֣ית אָבִי֒ וָאֹמַ֣רc לָ֔הּ זֶ֣ה חַסְדֵּ֔ךְ אֲשֶׁ֥ר תַּעֲשִׂ֖יd עִמָּדִ֑יe אֶ֤ל כָּל־הַמָּקֹום֙ אֲשֶׁ֣ר נָבֹ֣ואf שָׁ֔מָּה אִמְרִיg ־לִ֖י אָחִ֥י הֽוּא׃

14 וַיִּקַּ֨חa אֲבִימֶ֜לֶךְ צֹ֣אן וּבָקָ֗ר וַעֲבָדִים֙ וּשְׁפָחֹ֔ת וַיִּתֵּ֖ןb לְאַבְרָהָ֑ם וַיָּ֣שֶׁבc לֹ֔ו אֵ֖ת שָׂרָ֥הd אִשְׁתֹּֽו׃

15 וַיֹּ֣אמֶרa אֲבִימֶ֔לֶךְ הִנֵּ֥ה אַרְצִ֖י לְפָנֶ֑יךָ בַּטֹּ֥וב בְּעֵינֶ֖יךָ שֵֽׁבb ׃

16 וּלְשָׂרָ֣הa אָמַ֗רb הִנֵּ֨ה נָתַ֜תִּיc אֶ֤לֶף כֶּ֨סֶף֙ לְאָחִ֔יךְ הִנֵּ֤ה הוּא־לָךְ֙ כְּס֣וּתd עֵינַ֔יִם לְכֹ֖ל אֲשֶׁ֣ר אִתָּ֑ךְ וְאֵ֥ת כֹּ֖ל וְנֹכָֽחַתe ׃

17 וַיִּתְפַּלֵּ֥לa אַבְרָהָ֖ם אֶל־הָאֱלֹהִ֑ים וַיִּרְפָּ֨אb אֱלֹהִ֜ים אֶת־אֲבִימֶ֧לֶךְ וְאֶת־אִשְׁתֹּ֛ו וְאַמְהֹתָ֖יו וַיֵּלֵֽדוּc ׃

18 כִּֽי־עָצֹ֤רa עָצַר֙b יְהוָ֔ה בְּעַ֥ד כָּל־רֶ֖חֶםc לְבֵ֣ית אֲבִימֶ֑לֶךְ עַל־דְּבַ֥ר שָׂרָ֖הd אֵ֥שֶׁת אַבְרָהָֽם׃ ס