בראשית

וַיְכֻלּ֛וּa הַשָּׁמַ֥יִם וְהָאָ֖רֶץ וְכָל־צְבָאָֽם׃

2 וַיְכַ֤לa אֱלֹהִים֙ בַּיֹּ֣ום הַשְּׁבִיעִ֔י מְלַאכְתֹּ֖ו אֲשֶׁ֣ר עָשָׂ֑הb וַיִּשְׁבֹּת֙c בַּיֹּ֣ום הַשְּׁבִיעִ֔י מִכָּל־מְלַאכְתֹּ֖ו אֲשֶׁ֥ר עָשָֽׂהd ׃

3 וַיְבָ֤רֶךְa אֱלֹהִים֙ אֶת־יֹ֣ום הַשְּׁבִיעִ֔י וַיְקַדֵּ֖שׁb אֹתֹ֑ו כִּ֣י בֹ֤ו שָׁבַת֙c מִכָּל־מְלַאכְתֹּ֔ו אֲשֶׁר־בָּרָ֥אd אֱלֹהִ֖ים לַעֲשֹֽׂותe ׃ פ

4 אֵ֣לֶּה תֹולְדֹ֧ותa הַשָּׁמַ֛יִם וְהָאָ֖רֶץ בְּהִבָּֽרְאָ֑םb בְּיֹ֗ום עֲשֹׂ֛ותc יְהוָ֥ה אֱלֹהִ֖ים אֶ֥רֶץ וְשָׁמָֽיִם׃

5 וְכֹ֣ל׀ שִׂ֣יחַa הַשָּׂדֶ֗ה טֶ֚רֶם יִֽהְיֶ֣הb בָאָ֔רֶץ וְכָל־עֵ֥שֶׂבc הַשָּׂדֶ֖ה טֶ֣רֶם יִצְמָ֑חd כִּי֩ לֹ֨א הִמְטִ֜ירe יְהוָ֤ה אֱלֹהִים֙ עַל־הָאָ֔רֶץ וְאָדָ֣ם אַ֔יִן לַֽעֲבֹ֖דf אֶת־הָֽאֲדָמָֽה׃

6 וְאֵ֖דa יַֽעֲלֶ֣הb מִן־הָאָ֑רֶץ וְהִשְׁקָ֖הc אֶֽת־כָּל־פְּנֵֽי־הָֽאֲדָמָֽה׃

7 וַיִּיצֶר֩a יְהוָ֨ה אֱלֹהִ֜ים אֶת־הָֽאָדָ֗ם עָפָר֙ מִן־הָ֣אֲדָמָ֔ה וַיִּפַּ֥חb בְּאַפָּ֖יו נִשְׁמַ֣תc חַיִּ֑ים וַֽיְהִ֥יd הָֽאָדָ֖ם לְנֶ֥פֶשׁ חַיָּֽה׃

8 וַיִּטַּ֞עa יְהוָ֧ה אֱלֹהִ֛ים גַּןb ־בְּעֵ֖דֶןc מִקֶּ֑דֶם וַיָּ֣שֶׂםd שָׁ֔ם אֶת־הָֽאָדָ֖ם אֲשֶׁ֥ר יָצָֽרe ׃

9 וַיַּצְמַ֞חa יְהוָ֤ה אֱלֹהִים֙ מִן־הָ֣אֲדָמָ֔ה כָּל־עֵ֛ץ נֶחְמָ֥דb לְמַרְאֶ֖ה וְטֹ֣וב לְמַאֲכָ֑לc וְעֵ֤ץ הַֽחַיִּים֙ בְּתֹ֣וךְ הַגָּ֔ןd וְעֵ֕ץ הַדַּ֖עַת טֹ֥וב וָרָֽע׃

10 וְנָהָר֙ יֹצֵ֣אa מֵעֵ֔דֶןb לְהַשְׁקֹ֖ותc אֶת־הַגָּ֑ןd וּמִשָּׁם֙ יִפָּרֵ֔דe וְהָיָ֖הf לְאַרְבָּעָ֥ה רָאשִֽׁים׃

11 שֵׁ֥ם הָֽאֶחָ֖ד פִּישֹׁ֑וןa ה֣וּא הַסֹּבֵ֗בb אֵ֚ת כָּל־אֶ֣רֶץ הַֽחֲוִילָ֔הc אֲשֶׁר־שָׁ֖ם הַזָּהָֽב׃

12 וּֽזֲהַ֛ב הָאָ֥רֶץ הַהִ֖וא טֹ֑וב שָׁ֥ם הַבְּדֹ֖לַחa וְאֶ֥בֶן הַשֹּֽׁהַםb ׃

13 וְשֵֽׁם־הַנָּהָ֥ר הַשֵּׁנִ֖י גִּיחֹ֑וןa ה֣וּא הַסֹּובֵ֔בb אֵ֖ת כָּל־אֶ֥רֶץ כּֽוּשׁc ׃

14 וְשֵׁ֨ם הַנָּהָ֤ר הַשְּׁלִישִׁי֙ חִדֶּ֔קֶלa ה֥וּא הַֽהֹלֵ֖ךְb קִדְמַ֣תc אַשּׁ֑וּר וְהַנָּהָ֥ר הָֽרְבִיעִ֖י ה֥וּא פְרָֽתd ׃

15 וַיִּקַּ֛חa יְהוָ֥ה אֱלֹהִ֖ים אֶת־הָֽאָדָ֑ם וַיַּנִּחֵ֣הוּb בְגַןc ־עֵ֔דֶןd לְעָבְדָ֖הּe וּלְשָׁמְרָֽהּf ׃

16 וַיְצַו֙a יְהוָ֣ה אֱלֹהִ֔ים עַל־הָֽאָדָ֖ם לֵאמֹ֑רb מִכֹּ֥ל עֵֽץ־הַגָּ֖ןc אָכֹ֥ל תֹּאכֵֽלd ׃

17 וּמֵעֵ֗ץ הַדַּ֨עַת֙ טֹ֣וב וָרָ֔ע לֹ֥א תֹאכַ֖לa מִמֶּ֑נּוּ כִּ֗י בְּיֹ֛ום אֲכָלְךָ֥b מִמֶּ֖נּוּ מֹ֥ות תָּמֽוּתc ׃

18 וַיֹּ֨אמֶר֙a יְהוָ֣ה אֱלֹהִ֔ים לֹא־טֹ֛וב הֱיֹ֥ותb הָֽאָדָ֖ם לְבַדֹּ֑ו אֶֽעֱשֶׂהּc ־לֹּ֥ו עֵ֖זֶרd כְּנֶגְדֹּֽו׃

19 וַיִּצֶר֩a יְהוָ֨ה אֱלֹהִ֜ים מִן־הָֽאֲדָמָ֗ה כָּל־חַיַּ֤ת הַשָּׂדֶה֙ וְאֵת֙ כָּל־עֹ֣וף הַשָּׁמַ֔יִם וַיָּבֵא֙b אֶל־הָ֣אָדָ֔ם לִרְאֹ֖ותc מַה־יִּקְרָאd ־לֹ֑ו וְכֹל֩ אֲשֶׁ֨ר יִקְרָאe ־לֹ֧ו הָֽאָדָ֛ם נֶ֥פֶשׁ חַיָּ֖ה ה֥וּא שְׁמֹֽו׃

20 וַיִּקְרָ֨אa הָֽאָדָ֜ם שֵׁמֹ֗ות לְכָל־הַבְּהֵמָה֙ וּלְעֹ֣וף הַשָּׁמַ֔יִם וּלְכֹ֖ל חַיַּ֣ת הַשָּׂדֶ֑ה וּלְאָדָ֕ם לֹֽא־מָצָ֥אb עֵ֖זֶרc כְּנֶגְדֹּֽו׃

21 וַיַּפֵּל֩a יְהוָ֨ה אֱלֹהִ֧ים׀ תַּרְדֵּמָ֛הb עַל־הָאָדָ֖ם וַיִּישָׁ֑ןc וַיִּקַּ֗חd אַחַת֙ מִצַּלְעֹתָ֔יוe וַיִּסְגֹּ֥רf בָּשָׂ֖ר תַּחְתֶּֽנָּה׃

22 וַיִּבֶן֩a יְהוָ֨ה אֱלֹהִ֧ים׀ אֶֽת־הַצֵּלָ֛עb אֲשֶׁר־לָקַ֥חc מִן־הָֽאָדָ֖ם לְאִשָּׁ֑ה וַיְבִאֶ֖הָd אֶל־הָֽאָדָֽם׃

23 וַיֹּאמֶר֮a הָֽאָדָם֒ זֹ֣את הַפַּ֗עַם עֶ֚צֶם מֵֽעֲצָמַ֔י וּבָשָׂ֖ר מִבְּשָׂרִ֑י לְזֹאת֙ יִקָּרֵ֣אb אִשָּׁ֔ה כִּ֥י מֵאִ֖ישׁ לֻֽקֳחָהc ־זֹּֽאת׃

24 עַל־כֵּן֙ יַֽעֲזָבa ־אִ֔ישׁ אֶת־אָבִ֖יו וְאֶת־אִמֹּ֑ו וְדָבַ֣קb בְּאִשְׁתֹּ֔ו וְהָי֖וּc לְבָשָׂ֥ר אֶחָֽד׃

25 וַיִּֽהְי֤וּa שְׁנֵיהֶם֙ עֲרוּמִּ֔יםb הָֽאָדָ֖ם וְאִשְׁתֹּ֑ו וְלֹ֖א יִתְבֹּשָֽׁשׁוּc ׃