בראשית

וַיֵּרָ֤אa אֵלָיו֙ יְהוָ֔ה בְּאֵלֹנֵ֖יb מַמְרֵ֑אc וְה֛וּא יֹשֵׁ֥בd פֶּֽתַח־הָאֹ֖הֶל כְּחֹ֥םe הַיֹּֽום׃

2 וַיִּשָּׂ֤אa עֵינָיו֙ וַיַּ֔רְאb וְהִנֵּה֙ שְׁלֹשָׁ֣ה אֲנָשִׁ֔ים נִצָּבִ֖יםc עָלָ֑יו וַיַּ֗רְאd וַיָּ֤רָץe לִקְרָאתָם֙f מִפֶּ֣תַח הָאֹ֔הֶל וַיִּשְׁתַּ֖חוּg אָֽרְצָה׃

3 וַיֹּאמַ֑רa אֲדֹנָ֗י אִם־נָ֨א מָצָ֤אתִיb חֵן֙ בְּעֵינֶ֔יךָ אַל־נָ֥א תַעֲבֹ֖רc מֵעַ֥ל עַבְדֶּֽךָ׃

4 יֻקַּֽחa ־נָ֣א מְעַט־מַ֔יִם וְרַחֲצ֖וּb רַגְלֵיכֶ֑ם וְהִֽשָּׁעֲנ֖וּc תַּ֥חַת הָעֵֽץ׃

5 וְאֶקְחָ֨הa פַתb ־לֶ֜חֶם וְסַעֲד֤וּc לִבְּכֶם֙ אַחַ֣ר תַּעֲבֹ֔רוּd כִּֽי־עַל־כֵּ֥ן עֲבַרְתֶּ֖םe עַֽל־עַבְדְּכֶ֑ם וַיֹּ֣אמְר֔וּf כֵּ֥ן תַּעֲשֶׂ֖הg כַּאֲשֶׁ֥ר דִּבַּֽרְתָּh ׃

6 וַיְמַהֵ֧רa אַבְרָהָ֛ם הָאֹ֖הֱלָה אֶל־שָׂרָ֑הb וַיֹּ֗אמֶרc מַהֲרִ֞יd שְׁלֹ֤שׁ סְאִים֙e קֶ֣מַחf סֹ֔לֶת ל֖וּשִׁיg וַעֲשִׂ֥יh עֻגֹֽותi ׃

7 וְאֶל־הַבָּקָ֖ר רָ֣ץa אַבְרָהָ֑ם וַיִּקַּ֨חb בֶּן־בָּקָ֜ר רַ֤ךְc וָטֹוב֙ וַיִּתֵּ֣ןd אֶל־הַנַּ֔עַר וַיְמַהֵ֖רe לַעֲשֹׂ֥ותf אֹתֹֽו׃

8 וַיִּקַּ֨חa חֶמְאָ֜הb וְחָלָ֗בc וּבֶן־הַבָּקָר֙ אֲשֶׁ֣ר עָשָׂ֔הd וַיִּתֵּ֖ןe לִפְנֵיהֶ֑ם וְהֽוּא־עֹמֵ֧דf עֲלֵיהֶ֛ם תַּ֥חַת הָעֵ֖ץ וַיֹּאכֵֽלוּg ׃

9 וַיֹּאמְר֣וּa אֵׄלָ֔ׄיׄוׄ אַיֵּ֖הb שָׂרָ֣הc אִשְׁתֶּ֑ךָ וַיֹּ֖אמֶרd הִנֵּ֥ה בָאֹֽהֶל׃

10 וַיֹּ֗אמֶרa שֹׁ֣וב אָשׁ֤וּבb אֵלֶ֨יךָ֙ כָּעֵ֣ת חַיָּ֔ה וְהִנֵּה־בֵ֖ן לְשָׂרָ֣הc אִשְׁתֶּ֑ךָ וְשָׂרָ֥הd שֹׁמַ֛עַתe פֶּ֥תַח הָאֹ֖הֶל וְה֥וּא אַחֲרָֽיו׃

11 וְאַבְרָהָ֤ם וְשָׂרָה֙a זְקֵנִ֔ים בָּאִ֖יםb בַּיָּמִ֑ים חָדַל֙c לִהְיֹ֣ותd לְשָׂרָ֔הe אֹ֖רַח כַּנָּשִֽׁים׃

12 וַתִּצְחַ֥קa שָׂרָ֖הb בְּקִרְבָּ֣הּ לֵאמֹ֑רc אַחֲרֵ֤י בְלֹתִי֙d הָֽיְתָהe ־לִּ֣י עֶדְנָ֔הf וַֽאדֹנִ֖י זָקֵֽןg ׃

13 וַיֹּ֥אמֶרa יְהוָ֖ה אֶל־אַבְרָהָ֑ם לָ֣מָּה זֶּה֩ צָחֲקָ֨הb שָׂרָ֜הc לֵאמֹ֗רd הַאַ֥ף אֻמְנָ֛םe אֵלֵ֖דf וַאֲנִ֥י זָקַֽנְתִּיg ׃

14 הֲיִפָּלֵ֥אa מֵיְהוָ֖ה דָּבָ֑ר לַמֹּועֵ֞ד אָשׁ֥וּבb אֵלֶ֛יךָ כָּעֵ֥ת חַיָּ֖ה וּלְשָׂרָ֥הc בֵֽן׃

15 וַתְּכַחֵ֨שׁa שָׂרָ֧הb ׀ לֵאמֹ֛רc לֹ֥א צָחַ֖קְתִּיd כִּ֣י׀ יָרֵ֑אָהe וַיֹּ֥אמֶרf ׀ לֹ֖א כִּ֥י צָחָֽקְתְּg ׃

16 וַיָּקֻ֤מוּa מִשָּׁם֙ הָֽאֲנָשִׁ֔ים וַיַּשְׁקִ֖פוּb עַל־פְּנֵ֣י סְדֹ֑םc וְאַ֨בְרָהָ֔ם הֹלֵ֥ךְd עִמָּ֖ם לְשַׁלְּחָֽםe ׃

17 וַֽיהֹוָ֖ה אָמָ֑רa הַֽמְכַסֶּ֤הb אֲנִי֙ מֵֽאַבְרָהָ֔ם אֲשֶׁ֖ר אֲנִ֥י עֹשֶֽׂהc ׃

18 וְאַ֨בְרָהָ֔ם הָיֹ֧ו יִֽהְיֶ֛הa לְגֹ֥וי גָּדֹ֖ול וְעָצ֑וּםb וְנִ֨בְרְכוּc בֹ֔ו כֹּ֖ל גֹּויֵ֥י הָאָֽרֶץ׃

19 כִּ֣י יְדַעְתִּ֗יוa לְמַעַן֩ אֲשֶׁ֨ר יְצַוֶּ֜הb אֶת־בָּנָ֤יו וְאֶת־בֵּיתֹו֙ אַחֲרָ֔יו וְשָֽׁמְרוּ֙c דֶּ֣רֶךְ יְהוָ֔ה לַעֲשֹׂ֥ותd צְדָקָ֖ה וּמִשְׁפָּ֑ט לְמַ֗עַן הָבִ֤יאe יְהוָה֙ עַל־אַבְרָהָ֔ם אֵ֥ת אֲשֶׁר־דִּבֶּ֖רf עָלָֽיו׃

20 וַיֹּ֣אמֶרa יְהוָ֔ה זַעֲקַ֛תb סְדֹ֥םc וַעֲמֹרָ֖הd כִּי־רָ֑בָּהe וְחַ֨טָּאתָ֔ם כִּ֥י כָבְדָ֖הf מְאֹֽד׃

21 אֵֽרֲדָהa ־נָּ֣א וְאֶרְאֶ֔הb הַכְּצַעֲקָתָ֛הּc הַבָּ֥אָהd אֵלַ֖י עָשׂ֣וּe ׀ כָּלָ֑הf וְאִם־לֹ֖א אֵדָֽעָהg ׃

22 וַיִּפְנ֤וּa מִשָּׁם֙ הָֽאֲנָשִׁ֔ים וַיֵּלְכ֖וּb סְדֹ֑מָהc וְאַ֨בְרָהָ֔ם עֹודֶ֥נּוּ עֹמֵ֖דd לִפְנֵ֥י יְהוָֽה׃

23 וַיִּגַּ֥שׁa אַבְרָהָ֖ם וַיֹּאמַ֑רb הַאַ֣ף תִּסְפֶּ֔הc צַדִּ֖יק עִם־רָשָֽׁע׃

24 אוּלַ֥יa יֵ֛שׁ חֲמִשִּׁ֥ים צַדִּיקִ֖ם בְּתֹ֣וךְ הָעִ֑יר הַאַ֤ף תִּסְפֶּה֙b וְלֹא־תִשָּׂ֣אc לַמָּקֹ֔ום לְמַ֛עַן חֲמִשִּׁ֥ים הַצַּדִּיקִ֖ם אֲשֶׁ֥ר בְּקִרְבָּֽהּ׃

25 חָלִ֨לָהa לְּךָ֜ מֵעֲשֹׂ֣תb ׀ כַּדָּבָ֣ר הַזֶּ֗ה לְהָמִ֤יתc צַדִּיק֙ עִם־רָשָׁ֔ע וְהָיָ֥הd כַצַּדִּ֖יק כָּרָשָׁ֑ע חָלִ֣לָהe לָּ֔ךְ הֲשֹׁפֵט֙ כָּל־הָאָ֔רֶץ לֹ֥א יַעֲשֶׂ֖הf מִשְׁפָּֽט׃

26 וַיֹּ֣אמֶרa יְהוָ֔ה אִם־אֶמְצָ֥אb בִסְדֹ֛םc חֲמִשִּׁ֥ים צַדִּיקִ֖ם בְּתֹ֣וךְ הָעִ֑יר וְנָשָׂ֥אתִיd לְכָל־הַמָּקֹ֖ום בַּעֲבוּרָֽםe ׃

27 וַיַּ֥עַןa אַבְרָהָ֖ם וַיֹּאמַ֑רb הִנֵּה־נָ֤א הֹואַ֨לְתִּי֙c לְדַבֵּ֣רd אֶל־אֲדֹנָ֔י וְאָנֹכִ֖י עָפָ֥ר וָאֵֽפֶרe ׃

28 א֠וּלַיa יַחְסְר֞וּןb חֲמִשִּׁ֤ים הַצַּדִּיקִם֙ חֲמִשָּׁ֔ה הֲתַשְׁחִ֥יתc בַּחֲמִשָּׁ֖ה אֶת־כָּל־הָעִ֑יר וַיֹּ֨אמֶר֙d לֹ֣א אַשְׁחִ֔יתe אִם־אֶמְצָ֣אf שָׁ֔ם אַרְבָּעִ֖ים וַחֲמִשָּֽׁה׃

29 וַיֹּ֨סֶףa עֹ֜וד לְדַבֵּ֤רb אֵלָיו֙ וַיֹּאמַ֔רc אוּלַ֛יd יִמָּצְא֥וּןe שָׁ֖ם אַרְבָּעִ֑ים וַיֹּ֨אמֶר֙f לֹ֣א אֶֽעֱשֶׂ֔הg בַּעֲב֖וּרh הָאַרְבָּעִֽים׃

30 וַ֠יֹּאמֶרa אַל־נָ֞א יִ֤חַרb לַֽאדֹנָי֙ וַאֲדַבֵּ֔רָהc אוּלַ֛יd יִמָּצְא֥וּןe שָׁ֖ם שְׁלֹשִׁ֑ים וַיֹּ֨אמֶר֙f לֹ֣א אֶֽעֱשֶׂ֔הg אִם־אֶמְצָ֥אh שָׁ֖ם שְׁלֹשִֽׁים׃

31 וַיֹּ֗אמֶרa הִנֵּֽה־נָ֤א הֹואַ֨לְתִּי֙b לְדַבֵּ֣רc אֶל־אֲדֹנָ֔י אוּלַ֛יd יִמָּצְא֥וּןe שָׁ֖ם עֶשְׂרִ֑ים וַיֹּ֨אמֶר֙f לֹ֣א אַשְׁחִ֔יתg בַּעֲב֖וּרh הָֽעֶשְׂרִֽים׃

32 וַ֠יֹּאמֶרa אַל־נָ֞א יִ֤חַרb לַֽאדֹנָי֙ וַאֲדַבְּרָ֣הc אַךְ־הַפַּ֔עַם אוּלַ֛יd יִמָּצְא֥וּןe שָׁ֖ם עֲשָׂרָ֑ה וַיֹּ֨אמֶר֙f לֹ֣א אַשְׁחִ֔יתg בַּעֲב֖וּרh הָעֲשָׂרָֽה׃

33 וַיֵּ֣לֶךְa יְהוָ֔ה כַּאֲשֶׁ֣ר כִּלָּ֔הb לְדַבֵּ֖רc אֶל־אַבְרָהָ֑ם וְאַבְרָהָ֖ם שָׁ֥בd לִמְקֹמֹֽו׃