בראשית

וַיְהִ֣יa אַבְרָ֔ם בֶּן־תִּשְׁעִ֥ים שָׁנָ֖ה וְתֵ֣שַׁע שָׁנִ֑ים וַיֵּרָ֨אb יְהוָ֜ה אֶל־אַבְרָ֗ם וַיֹּ֤אמֶרc אֵלָיו֙ אֲנִי־אֵ֣ל שַׁדַּ֔יd הִתְהַלֵּ֥ךְe לְפָנַ֖י וֶהְיֵ֥הf תָמִֽים׃

2 וְאֶתְּנָ֥הa בְרִיתִ֖י בֵּינִ֣י וּבֵינֶ֑ךָ וְאַרְבֶּ֥הb אֹותְךָ֖ בִּמְאֹ֥ד מְאֹֽד׃

3 וַיִּפֹּ֥לa אַבְרָ֖ם עַל־פָּנָ֑יו וַיְדַבֵּ֥רb אִתֹּ֛ו אֱלֹהִ֖ים לֵאמֹֽרc ׃

4 אֲנִ֕י הִנֵּ֥ה בְרִיתִ֖י אִתָּ֑ךְ וְהָיִ֕יתָa לְאַ֖ב הֲמֹ֥ון גֹּויִֽם׃

5 וְלֹא־יִקָּרֵ֥אa עֹ֛וד אֶת־שִׁמְךָ֖ אַבְרָ֑ם וְהָיָ֤הb שִׁמְךָ֙ אַבְרָהָ֔ם כִּ֛י אַב־הֲמֹ֥ון גֹּויִ֖ם נְתַתִּֽיךָc ׃

6 וְהִפְרֵתִ֤יa אֹֽתְךָ֙ בִּמְאֹ֣ד מְאֹ֔ד וּנְתַתִּ֖יךָb לְגֹויִ֑ם וּמְלָכִ֖ים מִמְּךָ֥ יֵצֵֽאוּc ׃

7 וַהֲקִמֹתִ֨יa אֶת־בְּרִיתִ֜י בֵּינִ֣י וּבֵינֶ֗ךָ וּבֵ֨ין זַרְעֲךָ֧ אַחֲרֶ֛יךָ לְדֹרֹתָ֖ם לִבְרִ֣ית עֹולָ֑ם לִהְיֹ֤ותb לְךָ֙ לֵֽאלֹהִ֔ים וּֽלְזַרְעֲךָ֖ אַחֲרֶֽיךָ׃

8 וְנָתַתִּ֣יa לְ֠ךָ וּלְזַרְעֲךָ֨ אַחֲרֶ֜יךָ אֵ֣ת׀ אֶ֣רֶץ מְגֻרֶ֗יךָb אֵ֚ת כָּל־אֶ֣רֶץ כְּנַ֔עַן לַאֲחֻזַּ֖ת עֹולָ֑ם וְהָיִ֥יתִיc לָהֶ֖ם לֵאלֹהִֽים׃

9 וַיֹּ֤אמֶרa אֱלֹהִים֙ אֶל־אַבְרָהָ֔ם וְאַתָּ֖ה אֶת־בְּרִיתִ֣י תִשְׁמֹ֑רb אַתָּ֛ה וְזַרְעֲךָ֥ אַֽחֲרֶ֖יךָ לְדֹרֹתָֽם׃

10 זֹ֣את בְּרִיתִ֞י אֲשֶׁ֣ר תִּשְׁמְר֗וּa בֵּינִי֙ וּבֵ֣ינֵיכֶ֔ם וּבֵ֥ין זַרְעֲךָ֖ אַחֲרֶ֑יךָ הִמֹּ֥ולb לָכֶ֖ם כָּל־זָכָֽר׃

11 וּנְמַלְתֶּ֕םa אֵ֖ת בְּשַׂ֣ר עָרְלַתְכֶ֑םb וְהָיָה֙c לְאֹ֣ות בְּרִ֔ית בֵּינִ֖י וּבֵינֵיכֶֽם׃

12 וּבֶן־שְׁמֹנַ֣ת יָמִ֗ים יִמֹּ֥ולa לָכֶ֛ם כָּל־זָכָ֖ר לְדֹרֹתֵיכֶ֑ם יְלִ֣ידb בָּ֔יִת וּמִקְנַתc ־כֶּ֨סֶף֙ מִכֹּ֣ל בֶּן־נֵכָ֔רd אֲשֶׁ֛ר לֹ֥א מִֽזַּרְעֲךָ֖ הֽוּא׃

13 הִמֹּ֧ולa ׀ יִמֹּ֛ולb יְלִ֥ידc בֵּֽיתְךָ֖ וּמִקְנַ֣תd כַּסְפֶּ֑ךָ וְהָיְתָ֧הe בְרִיתִ֛י בִּבְשַׂרְכֶ֖ם לִבְרִ֥ית עֹולָֽם׃

14 וְעָרֵ֣לa ׀ זָכָ֗ר אֲשֶׁ֤ר לֹֽא־יִמֹּול֙b אֶת־בְּשַׂ֣ר עָרְלָתֹ֔וc וְנִכְרְתָ֛הd הַנֶּ֥פֶשׁ הַהִ֖וא מֵעַמֶּ֑יהָ אֶת־בְּרִיתִ֖י הֵפַֽרe ׃ ס

15 וַיֹּ֤אמֶרa אֱלֹהִים֙ אֶל־אַבְרָהָ֔ם שָׂרַ֣יb אִשְׁתְּךָ֔ לֹא־תִקְרָ֥אc אֶת־שְׁמָ֖הּ שָׂרָ֑יd כִּ֥י שָׂרָ֖הe שְׁמָֽהּ׃

16 וּבֵרַכְתִּ֣יa אֹתָ֔הּ וְגַ֨ם נָתַ֧תִּיb מִמֶּ֛נָּה לְךָ֖ בֵּ֑ן וּבֵֽרַכְתִּ֨יהָ֙c וְהָֽיְתָ֣הd לְגֹויִ֔ם מַלְכֵ֥י עַמִּ֖ים מִמֶּ֥נָּה יִהְיֽוּe ׃

17 וַיִּפֹּ֧לa אַבְרָהָ֛ם עַל־פָּנָ֖יו וַיִּצְחָ֑קb וַיֹּ֣אמֶרc בְּלִבֹּ֗ו הַלְּבֶ֤ן מֵאָֽה־שָׁנָה֙ יִוָּלֵ֔דd וְאִ֨ם־שָׂרָ֔הe הֲבַת־תִּשְׁעִ֥ים שָׁנָ֖ה תֵּלֵֽדf ׃

18 וַיֹּ֥אמֶרa אַבְרָהָ֖ם אֶל־הָֽאֱלֹהִ֑ים ל֥וּb יִשְׁמָעֵ֖אלc יִחְיֶ֥הd לְפָנֶֽיךָ׃

19 וַיֹּ֣אמֶרa אֱלֹהִ֗ים אֲבָל֙b שָׂרָ֣הc אִשְׁתְּךָ֗ יֹלֶ֤דֶתd לְךָ֙ בֵּ֔ן וְקָרָ֥אתָe אֶת־שְׁמֹ֖ו יִצְחָ֑ק וַהֲקִמֹתִ֨יf אֶת־בְּרִיתִ֥י אִתֹּ֛ו לִבְרִ֥ית עֹולָ֖ם לְזַרְעֹ֥ו אַחֲרָֽיו׃

20 וּֽלְיִשְׁמָעֵאל֮a שְׁמַעְתִּיךָ֒b הִנֵּ֣ה׀ בֵּרַ֣כְתִּיc אֹתֹ֗ו וְהִפְרֵיתִ֥יd אֹתֹ֛ו וְהִרְבֵּיתִ֥יe אֹתֹ֖ו בִּמְאֹ֣ד מְאֹ֑ד שְׁנֵים־עָשָׂ֤ר נְשִׂיאִם֙ יֹולִ֔ידf וּנְתַתִּ֖יוg לְגֹ֥וי גָּדֹֽול׃

21 וְאֶת־בְּרִיתִ֖י אָקִ֣יםa אֶת־יִצְחָ֑ק אֲשֶׁר֩ תֵּלֵ֨דb לְךָ֤ שָׂרָה֙c לַמֹּועֵ֣ד הַזֶּ֔ה בַּשָּׁנָ֖ה הָאַחֶֽרֶת׃

22 וַיְכַ֖לa לְדַבֵּ֣רb אִתֹּ֑ו וַיַּ֣עַלc אֱלֹהִ֔ים מֵעַ֖ל אַבְרָהָֽם׃

23 וַיִּקַּ֨חa אַבְרָהָ֜ם אֶת־יִשְׁמָעֵ֣אלb בְּנֹ֗ו וְאֵ֨ת כָּל־יְלִידֵ֤יc בֵיתֹו֙ וְאֵת֙ כָּל־מִקְנַ֣תd כַּסְפֹּ֔ו כָּל־זָכָ֕ר בְּאַנְשֵׁ֖י בֵּ֣ית אַבְרָהָ֑ם וַיָּ֜מָלe אֶת־בְּשַׂ֣ר עָרְלָתָ֗םf בְּעֶ֨צֶם֙ הַיֹּ֣ום הַזֶּ֔ה כַּאֲשֶׁ֛ר דִּבֶּ֥רg אִתֹּ֖ו אֱלֹהִֽים׃

24 וְאַ֨בְרָהָ֔ם בֶּן־תִּשְׁעִ֥ים וָתֵ֖שַׁע שָׁנָ֑ה בְּהִמֹּלֹ֖וa בְּשַׂ֥ר עָרְלָתֹֽוb ׃

25 וְיִשְׁמָעֵ֣אלa בְּנֹ֔ו בֶּן־שְׁלֹ֥שׁ עֶשְׂרֵ֖ה שָׁנָ֑ה בְּהִ֨מֹּלֹ֔וb אֵ֖ת בְּשַׂ֥ר עָרְלָתֹֽוc ׃

26 בְּעֶ֨צֶם֙ הַיֹּ֣ום הַזֶּ֔ה נִמֹּ֖ולa אַבְרָהָ֑ם וְיִשְׁמָעֵ֖אלb בְּנֹֽו׃

27 וְכָל־אַנְשֵׁ֤י בֵיתֹו֙ יְלִ֣ידa בָּ֔יִת וּמִקְנַתb ־כֶּ֖סֶף מֵאֵ֣ת בֶּן־נֵכָ֑רc נִמֹּ֖לוּd אִתֹּֽו׃ פ