בראשית

וְשָׂרַי֙a אֵ֣שֶׁת אַבְרָ֔ם לֹ֥א יָלְדָ֖הb לֹ֑ו וְלָ֛הּ שִׁפְחָ֥ה מִצְרִ֖יתc וּשְׁמָ֥הּ הָגָֽרd ׃

2 וַתֹּ֨אמֶרa שָׂרַ֜יb אֶל־אַבְרָ֗ם הִנֵּה־נָ֞א עֲצָרַ֤נִיc יְהוָה֙ מִלֶּ֔דֶתd בֹּאe ־נָא֙ אֶל־שִׁפְחָתִ֔י אוּלַ֥יf אִבָּנֶ֖הg מִמֵּ֑נָּה וַיִּשְׁמַ֥עh אַבְרָ֖ם לְקֹ֥ול שָׂרָֽיi ׃

3 וַתִּקַּ֞חa שָׂרַ֣יb אֵֽשֶׁת־אַבְרָ֗ם אֶת־הָגָ֤רc הַמִּצְרִית֙d שִׁפְחָתָ֔הּ מִקֵּץ֙ עֶ֣שֶׂר שָׁנִ֔ים לְשֶׁ֥בֶתe אַבְרָ֖ם בְּאֶ֣רֶץ כְּנָ֑עַן וַתִּתֵּ֥ןf אֹתָ֛הּ לְאַבְרָ֥ם אִישָׁ֖הּ לֹ֥ו לְאִשָּֽׁה׃

4 וַיָּבֹ֥אa אֶל־הָגָ֖רb וַתַּ֑הַרc וַתֵּ֨רֶא֙d כִּ֣י הָרָ֔תָהe וַתֵּקַ֥לf גְּבִרְתָּ֖הּg בְּעֵינֶֽיהָ׃

5 וַתֹּ֨אמֶרa שָׂרַ֣יb אֶל־אַבְרָם֮ חֲמָסִ֣י עָלֶיךָ֒ אָנֹכִ֗י נָתַ֤תִּיc שִׁפְחָתִי֙ בְּחֵיקֶ֔ךָd וַתֵּ֨רֶא֙e כִּ֣י הָרָ֔תָהf וָאֵקַ֖לg בְּעֵינֶ֑יהָ יִשְׁפֹּ֥טh יְהוָ֖ה בֵּינִ֥י וּבֵינֶֽיׄךָ׃

6 וַיֹּ֨אמֶרa אַבְרָ֜ם אֶל־שָׂרַ֗יb הִנֵּ֤ה שִׁפְחָתֵךְ֙ בְּיָדֵ֔ךְ עֲשִׂיc ־לָ֖הּ הַטֹּ֣וב בְּעֵינָ֑יִךְ וַתְּעַנֶּ֣הָd שָׂרַ֔יe וַתִּבְרַ֖חf מִפָּנֶֽיהָ׃

7 וַֽיִּמְצָאָ֞הּa מַלְאַ֧ךְ יְהוָ֛ה עַל־עֵ֥ין הַמַּ֖יִם בַּמִּדְבָּ֑ר עַל־הָעַ֖יִן בְּדֶ֥רֶךְ שֽׁוּרb ׃

8 וַיֹּאמַ֗רa הָגָ֞רb שִׁפְחַ֥ת שָׂרַ֛יc אֵֽיd ־מִזֶּ֥ה בָ֖אתe וְאָ֣נָהf תֵלֵ֑כִיg וַתֹּ֕אמֶרh מִפְּנֵי֙ שָׂרַ֣יi גְּבִרְתִּ֔יj אָנֹכִ֖י בֹּרַֽחַתk ׃

9 וַיֹּ֤אמֶרa לָהּ֙ מַלְאַ֣ךְ יְהוָ֔ה שׁ֖וּבִיb אֶל־גְּבִרְתֵּ֑ךְc וְהִתְעַנִּ֖יd תַּ֥חַת יָדֶֽיהָ׃

10 וַיֹּ֤אמֶרa לָהּ֙ מַלְאַ֣ךְ יְהוָ֔ה הַרְבָּ֥ה אַרְבֶּ֖הb אֶת־זַרְעֵ֑ךְ וְלֹ֥א יִסָּפֵ֖רc מֵרֹֽב׃

11 וַיֹּ֤אמֶרa לָהּ֙ מַלְאַ֣ךְ יְהוָ֔ה הִנָּ֥ךְ הָרָ֖הb וְיֹלַ֣דְתְּc בֵּ֑ן וְקָרָ֤אתd שְׁמֹו֙ יִשְׁמָעֵ֔אלe כִּֽי־שָׁמַ֥עf יְהוָ֖ה אֶל־עָנְיֵֽךְg ׃

12 וְה֤וּא יִהְיֶה֙a פֶּ֣רֶאb אָדָ֔ם יָדֹ֣ו בַכֹּ֔ל וְיַ֥ד כֹּ֖ל בֹּ֑ו וְעַל־פְּנֵ֥י כָל־אֶחָ֖יו יִשְׁכֹּֽןc ׃

13 וַתִּקְרָ֤אa שֵׁם־יְהוָה֙ הַדֹּבֵ֣רb אֵלֶ֔יהָ אַתָּ֖ה אֵ֣ל רֳאִ֑יc כִּ֣י אָֽמְרָ֗הd הֲגַ֥ם הֲלֹ֛םe רָאִ֖יתִיf אַחֲרֵ֥י רֹאִֽיg ׃

14 עַל־כֵּן֙ קָרָ֣אa לַבְּאֵ֔ר בְּאֵ֥ר לַחַ֖י רֹאִ֑יb הִנֵּ֥ה בֵין־קָדֵ֖שׁc וּבֵ֥ין בָּֽרֶדd ׃

15 וַתֵּ֧לֶדa הָגָ֛רb לְאַבְרָ֖ם בֵּ֑ן וַיִּקְרָ֨אc אַבְרָ֧ם שֶׁם־בְּנֹ֛ו אֲשֶׁר־יָלְדָ֥הd הָגָ֖רe יִשְׁמָעֵֽאלf ׃

16 וְאַבְרָ֕ם בֶּן־שְׁמֹנִ֥ים שָׁנָ֖ה וְשֵׁ֣שׁ שָׁנִ֑ים בְּלֶֽדֶתa ־הָגָ֥רb אֶת־יִשְׁמָעֵ֖אלc לְאַבְרָֽם׃ ס